羲和雅苑

營業中

休息中

一年一度慶功宴，趁着寒流襲港，約一班朋友去海港城食京菜，嘆著180度無敵維港景，品嚐京城味道。剛剛點完菜，店員介紹我們去戶外平台影相睇靚景，如果藍天白雲，呢個維港全景應該會更優美😊喺外面行左10幾分鐘，返到嚟見菜式已經上枱，果然有效率。店員推薦張氏獅子頭，叫了一份淺嘗，獅子頭熱辣辣用原盅裝住，打開見裏邊濃郁嘅醬汁，獅子頭肉質鮮嫩，紹興酒香撲鼻，有水準。另外點了一客金銀蛋浸萵筍，分量十足，湯底呈奶白色，明顯是蛋白和蛋黃碎餚製的，入口甘香，萵筍絲十分翠綠，新鮮爽口，加埋肉碎和皮蛋粒，口感豐富。青梅一字骨份量也不少，濃郁杰身的醬汁重重包圍每一件肉，肉質入口鬆化，可惜冇咩青梅味，純粹覺得是糖醋排骨。食完咁多龍尾嘅菜式，食返個清淡嘅蝦乾冰草，冰草非常爽脆和新鮮，不用太多調味已經食出食材嘅真味道，加上有些少蝦乾粒作點綴，層次豐富，冰草下面仲有酸酸甜甜嘅沙律醋醬，整體質素令人滿意。

食物質素不錯。但所有待應需再培訓. 我一行6人入坐後，幾位待應不停要求我們點選套餐，最後更話點套餐是最低要求（今天用膳只是平常日子的午餐，為何有指定套餐，我訂位時亦無跟我説明要食，最後問經理就話唔使. 比我嘅感覺就額人.我太太預訂六個手包現場竟然話只係得返三個

其實我都幾中意食片皮鴨，有朋友話呢度片皮鴨幾好食，所以又去食，三食片皮鴨，一聽之下三食一定以為係食完隻鴨再將鴨売做兩度菜，原來係將隻鴨分開三個部位用吳同醬汁去包黎食既三個部位三食😂😂😂呢度既配料有八款，食吳同部位包住吳同配料點吳同既醬汁，味道都幾好味，係份量覺得小左D😆😆其實都叫左幾個餸，但只係影左隻鴨同獅子頭，之後都無影其他，因為朋友都吳係果D相機食先既人，所以都無特別去影😜獅子頭，味道係好味既，但可惜個獅子頭份量真係無唸過好似係酒樓食山竹牛肉一粒甘既size🤔🤔其他食物味道係好味既，但就係偏細，好似去左小人國餐廳😂😂

踏入12月頭嘅尖沙咀, 聖誕氣氛已經好濃烈.同朋友在尖沙咀行街,同D靚靚燈飾影完相後,行下海港城,見到呢間餐廳,比佢個中國風裝修吸引咗, 個名又好特別。入到去,沿途侍應都有微笑打招呼,比到人親切嘅感覺.仲好好彩坐到玻璃窗隔離,可以睇住維港個景食飯,真係環境一流.來到一定要食佢個招牌片皮鴨子，2個人叫左半隻鴨食，佢有分3個部位，上菜的侍應好細心咁介紹食法，浄係皮個部份建議我地點爆炸糖食，係新式食法，層皮真係有入口即溶嘅感覺，好正。連爆炸糖又有點甜甜的味道配全口都係片皮鴨皮嘅油脂，真係好過癮！另外中間部份嘅鴨肉配佢自家製嘅芥茉醬，個醬係出面食唔到既味道，連肉食又可以突出鴨肉味道。最後係鴨脾位，建議最傳統食法，包大蔥同青瓜。呢個部位鴨味最濃，是我最喜歡的！第二個菜是動感豆腐，上菜的時候，侍應提示我們加緊時間影相，如果唔係等一下就不動感了，哈哈，真係好識帶動氣氛，令人食飯都好開心！我地真係好愛芥末，仲叫咗個芥末蝦球，蝦球上面有芥末醬和蟹子，底層又有米通襯托，一道菜可以食到幾種口感，好推薦。對於我地雞翼控來講，一定要點雞翼，今次食咗個蜜汁黑椒雞翼，甜道調得岩岩好。雞翼嘅脆配埋蜜糖黑椒味，果然無令

又到年尾，完晒project，梗係要同一大班朋友慶功，話明係慶功宴，當然要搵一個比較有體面嘅地方，慢慢食慢慢傾，最近見網上有人推介海港城呢間京菜館，決定喺度豪食番次！剛剛點完菜，一個好有笑容嘅店員建議我哋出去睇吓景吹下海風，影吓相，服務好貼心啊！如果瓶片的話，相信景色會好靚！原來戶外都有卡位，秋天嚟食坐戶外位，一定係超級享受。不過依家冬天，寒風刺骨，都係坐返室內好啲。喺戶外影相10幾分鐘，一返到黎見到大部份菜式已經上齊，準備開動啦！ 打頭陣嘅係馳名烤鴨，店員將全隻新鮮熱辣辣嘅烤鴨端出來，係我地面前一下一下咁將鴨皮同肉片出來，見到烤鴨冒著絲絲輕煙，真係流晒口水。店員逐一介紹不同部位的食法，首先係鴨胸皮，點藍莓醬和爆炸糖，鴨胸皮喺口中慢慢溶化，加上藍莓嘅甜味慢慢滲出，口味獨特，當爆炸糖都開始溶化時，口中噼噼啪啪的響着，係前所未有嘅口感，真係好欣賞廚師嘅創意。店員建議較多肉嘅部份點芥末醬食，自家調配嘅醬汁果然係唔同啲，滲透出一陣陣芥末籽香氣，又不太嗆鼻，加上有少少酸酸甜甜，食多幾件都唔覺得油膩。其他部份嘅鴨肉，就可以用餅皮包住，店員推薦一種西式食法，就係山楂條加青瓜絲，真係點都估唔到山楂條嘅

位於海港城最深入位置嘅京菜館大部分座位都歎到維港靚景，菜式揉合傳統同創新。見未上菜，店員更主動邀請我哋到出面睇風景，更細心咁提醒我哋著返件褸先出去，真係好warm。京菜館當然會以片皮鴨作招牌菜。師傅即席表演將烤鴨片開，侍應亦會用心將食法逐一介紹，係味覺以外嘅另一重享受。片皮鴨分為四食，分別係比較脆、富油香嘅鴨皮，油香重又有肉香嘅鴨胸肉，同埋適合夾餅食嘅鴨腿肉。點解話係四食？因為鴨腿肉有傳統同新派兩款食法。鴨皮烤得好似多士咁脆，個人覺得點藍莓醬中和吓已經好足夠，想好玩啲嘅亦不妨試試爆炸糖。而第二食入面嘅秘製芥末真係好好食。比一般黃芥末更酸、更開胃。第三食就係大家都知嘅食法。新派食法即係點藍莓醬，夾紫洋葱同山楂條，味道清新，出奇地夾。不過肉好多，餅有限，大家記得重手啲，夾多幾塊肉嚟食。蝦乾冰草係必食之選。冰草本身就唔係成日食得多，呢度嘅冰草好fresh，大粒蝦乾香得嚟仲有啲肉汁，唔似一般食到嘅咁乾。青梅一字骨雖然係例牌，但都有至少十條，份量唔細。未食已經聞到醋香，一字骨嘅肉好鬆化，完全唔乾，醬汁酸酸甜甜好開胃，最難得嘅係醋香而唔刺喉。店員服務一流，不時留意我哋有冇需要換碟、加茶。如果想豪食

今晚有朋友請食飯，一於去食好啲。平時同朋友出街食飯，淨係會諗到食日式泰式韓式西式。今次黎個大轉變食中式-北京菜。唔食唔知，原來呢間真係由北京過黎香港開，係北京個邊有好多間分店喔，未食已經好期待😊平時去食中菜，基本上得普洱，香片，水仙，呢d 大路嘢，呢間餐廳有呢款白牡丹花茶。味道唔像玫瑰花茶咁濃味，反而再淡淡少少，一種好清新既感覺😋全晚最重本就係呢個烤鴨，分3個部分食，可以一次過滿足3個願望😂第一部分係鴨皮，可以點藍莓醬和爆炸糖，鴨皮一擺落口好快融化，留低爆炸糖(好有童年回憶)係口度啪啪聲，好得意既經歷。第二部分係鴨胸肉，加獨制芥末醬，食出酸中帶甜既味道。唔好俾芥末醬既字眼嚇到，其實冇想像中咁辣，連小朋友都可以食到既辣度。第三部分係鴨腿肉，有些少脂肪。可以配青瓜，蔥絲，藍莓醬加薄餅卷嚟食，亦可以特別少少加山楂條落去，可以減少鴨油帶黎油膩感。除左烤鴨，當然有其他餸啦☺芥末沙律蝦球，鋪滿左滿滿的芥茉醬，下面仲有一塊米通裝住，可以直接用手拎起黎食。青梅一字骨，好啱鍾意食骨唔多食肉既人。一碟都差唔多10舊咁多，對於得兩個食，呢個份量認真多左少少😂青梅既酸度其實唔會好強勁，只係食到微微既酸，

海港城最近開多咗好幾間中餐廳，而且仲要係望住靚景，吸引左我依啲本身唔太鍾意食中餐但係因為風景特別而吸引左我約埋朋友去尖沙咀行街，順便去食埋依間咁特別嘅餐廳，聽講依間餐廳仲要係主打片皮鴨，簡直就係超級吸引。其實依間餐廳都幾多人等位下，好彩我哋係平日過嚟所以餐廳都錯門晒人，不過唔駛等好耐位就已經入得，雖然最近窗口嘅位置一早已經俾人坐咗，不過遠遠望到風景都已經覺得好靚。入到去就見到佢哋最招牌嘅烤鴨，聽講仲有爆炸糖添，除咗帶咗佢哋招牌嘅烤鴨之外我哋仲叫咗一個凱撒沙律、雞、鹹蛋黃炸魷魚、羊架同埋一個甜品。因為有好多食物都好吸引，所以就越叫越多。一開始見到招牌烤鴨就覺得非常吸引，上菜嘅時候碟底係會有野發熱幫啲鴨一路加熱，而最吸引嘅就係佢準備嘅醬汁，正常嘅片皮鴨只會有三至四種配料，但係今次依一個有好多新奇嘅醬了，例如藍莓將、爆炸糖、特製芥茉醬等等，食落去嘅感覺係會有非常唔同嘅口感，而我自己最鍾意嘅就係佢嘅蜜糖芥茉醬，估唔到同鴨嘅味道會咁夾。另外一樣我哋叫咗嘅食物令到我哋好有驚喜就係個沙律，雖然只係普通嘅凱撒沙律，但係佢嘅配料同埋醬料嘅混合都非常之好食落去嘅菜係非常之新鮮而且材料非常之多食落去好健康嘅

七點十五分進去，帶位的說八點四十五交位子。我說可以啊。然後七點四十五說Last Order，沒有的話就先結帳。我也說沒問題。然後他們放下了帳單，那時候我還在吃烤鴨，過不久他問我可以了嗎。東西還在我咀裡。然後那個侍應是站在那裡等我！我沒欠你錢還有你沒看見我在吃嗎？我馬上擦手付錢。然後我問他們經理是怎一回事。他只會說對不起就沒有了。好吧，就讓人知道你們的服務態度。

好耐冇食片皮鴨啦！一直久仰「羲和雅苑」大名，2018年又就快完結，一於去豪食個大餐獎勵下自己餐廳位於海運大廈2/F 嘅盡頭，窗邊位可以一覽尖沙咀醉人夜景手拍青瓜青瓜夠晒碧綠，新鮮爽脆，充滿蒜蓉香開胃黑醋雲耳雲耳份量好多，辣椒碎使到整道菜都好香辣！個人認為都幾辣！唔食得辣嘅要小心哦！黑醋微酸的，酸酸辣辣好開胃，啱晒作為餐前前菜！羲和馳名烤鴨(半隻)餐廳貼心地以蒸氣為烤鴨保溫。京式烤鴨總共有三種吃法！第一盤(最右)是先吃油脂滿溢的鴨皮，店員建議配合藍莓醬或爆炸糖一同食用，甜甜的藍莓醬解去了鴨皮的油膩感，爆炸糖則帶來超級刺激的口感第二盤(中間)係鴨胸肉，肉質軟滑，絕不鞋口，適合配搭酸中帶甜的「羲和秘製芥末醬」一同食用，有解油膩感的作用第三盤(最左)係鴨腿肉，連皮帶肉吃所以入口特別嫩滑，充滿鴨肉香！可以配合八寶盒同薄餅一齊食，享用傳統和西式吃法，口味非常獨特！張氏獅子頭深歇色的醬汁包裹着圓渾渾的獅子頭，豬肉內餡頗鬆軟，豬肉味香濃！餐廳貼心地附上了一口白飯椒鹽炸魚皮新鮮熱辣辣超級香脆！椒鹽粉平均地撒滿在魚皮上，非常惹味，讓人一口一口吃不停磯煮鮑魚鮑魚煮得都幾入味，好軟腍韭香雞起初以為呢道係冷盤，

期待已久的羲和雅苑晚餐一個月前已經約定今晚😋😋😋主角當然係片皮鴨啦但我第一樣野並唔係想講片皮鴨一如所有世事 無特別期待既總有意外驚喜😂呢碟蝦球伊麵太好味 依家仲回味緊🤤伊面味道濃郁豐富得黎又唔油膩蝦球隻隻大大粒又爽口另外呢碟雞翼真係不得了蜜糖鋪滿雞翼 適當的甜味 雞皮脆卜卜入面雞肉嫩滑 又係非常豐富既味道凍左之後雞翼狠狠地痴實隻碟無花無假既蜜糖🍯好啦講返隻鴨 肉質有點乾即使係半肥瘦部份我都覺得太瘦但八寶盒裡面既醬汁有驚喜最特別係藍莓醬 原因同鴨肉又幾夾介有一般芥末醬同甜醬 多種食法配菜青瓜幾新鮮上湯牛油伊麵蝦球 $148花蜜汁黑椒雞翼$88烤鴨半隻 $328

第一次黎羲和雅苑，服務欠佳都不在話下。食物質素簡直差得過份。前菜清酒鹽水鵝肝原來只係鵝肝醬,而且味道非常一般。磯煮鮑魚算係味道正常！主菜點左半份鴨，賣相都算ok, 味道都係好普通，根本就名過其實。連一個炒清菜都多味精到嗆候.... 總括而言，不知所謂！！！

去到尖沙咀海港城，同朋友去左食中菜，我朋友最愛食片皮鴨，當然帶佢黎食好野啦。羲和雅苑招牌菜就係片皮鴨，有中式食法同西式食法，好有創意，片皮鴨分咗三個部分，分別係鴨皮、鴨腿肉同鴨胸肉麵皮旁邊放咗好多唔同嘅配料，有片皮鴨醬、爆炸糖、秘製黃芥辣醬、藍莓醬、青瓜、洋蔥絲等等先食鴨皮適合配上藍莓醬同爆炸糖，之後食鴨胸肉配黃芥辣醬，鴨腿肉適合用麵皮包住中式嘅片皮鴨醬、青瓜。西式食法就配山楂條、藍莓醬同洋蔥絲，好特別好有新意，鴨腿肉鴨味香濃，肉質都好嫩。我地點左幾個小菜，動感豆腐上面鋪上木魚絲，豆腐如其名，木魚絲旭黎旭去，真係同個名一樣好有動感。豆腐非常嫩滑而且好重豆味，送飯一流！好友住家菜嘅感覺。芥末沙律蝦球適合鍾意食香口野嘅朋友仔蝦球炸得金黃香脆，蝦肉彈牙，佢上面淋上芥末沙律醬同蟹籽增加口感，下面鋪上脆米，非常香脆。花蜜汁黑椒雞翼充滿花蜜清香，入口香甜散發微微黑椒香味，皮脆肉質嫩滑，肉汁豐富。食咗幾道菜都係肉類，就點左道菜食下先。梅菜干煸四季豆，味道鹹香，適合送飯。宮爆雞丁用咗辣椒、大蔥等香料爆香提味，肉嫩香口，入口感覺到少少辛辣味，非常惹味，我同朋友都好鍾意食。籠仔櫻花蝦海味蒸飯香噴噴，散發陣

有朋友仔好想好想食片皮鴨，不過有幾間出名嘅佢都食過，於是我向佢推薦羲和雅苑，因為自己之前食過覺得好好食，難得又有人陪我再一次encore 😂睇怕已經出咗名，今次平日嚟到都要等一陣先有位，根據上次嘅經驗，呢到啲嘢食好大碟，好快飽，之不過最終另外兩位朋友仔好興奮嘅情下，都係要打包走當然最同大家推介嘅係片皮鴨，點咗嘅顧客，師傳會晌你枱附近即場片皮，朋友仔睇得開心，至於waiter依舊好細心同你講片皮鴨分咗3個部位同食法，第一個鴨胸皮點藍梅醬同爆炸糖，中間鴨胸點佢地自家製芥醬，當然介有傳統夾餅食法、以及西式配山楂條、藍梅醬食法，但個人始終都係愛傳統多啲。今次再食感覺夾餅保持到上次嘅熱度，鴨肉嫰口而有少少油脂，鴨皮入口有溶嘅感覺，依舊保持水準。至於今次另外叫咗酸辛辣肥牛，先講個汁好好飲，酸同辛辣都唔係太重，反而蕃茄味重一點，肥牛嫰口易咬口，但個人最欣賞喺個麵底，麵底以菜同金菇組成，同湯底好夾，麵底亦麵無過淋，入口爽口感覺又健康，忍唔住係咁食另外仲有叫到羲和小肉餅，細細舊好得意，肉餅似係用酥皮包住啲肉再去焗，好燙口，最得意配埋酸汁，令味道入口更吸引，值得一試

馳名烤鴨（半隻）$328-🙅🏻‍♀️可以唔洗試張氏獅子頭（位）$48 -肉質好嫩，醬都ok🏅籠仔櫻花蝦海味蒸飯 $128 正-好多料，所以d 飯充滿海鮮蝦味～🏅紅酒雪梨糯米藕 $78 -正，雪梨好清甜浸在紅酒汁中一流，糯米藕又爽又煙韌芥末沙律蝦球$148 -下面脆米加炸蝦球加酸甜醬，一定無得輸🏅干鍋菜花 $98 -好有鍋氣既感覺，有麻香辣味，鍾意川菜一定like有🏅即必食推介服務不過不失，但當一間餐廳晚市要做兩輪時，就會俾人感覺想收你碗碟，想趕你走交檯俾人既感覺，加上佢window seat都唔太睇到出面維港景，所以我因爲咁唔會翻兜，就算有野係好食👋🏻👋🏻👋🏻香港地要食好野,大把,哈～