影片
更多
2018-12-12
123 瀏覽
踏入12月頭嘅尖沙咀, 聖誕氣氛已經好濃烈.同朋友在尖沙咀行街,同D靚靚燈飾影完相後,行下海港城,見到呢間餐廳,比佢個中國風裝修吸引咗, 個名又好特別。入到去,沿途侍應都有微笑打招呼,比到人親切嘅感覺.仲好好彩坐到玻璃窗隔離,可以睇住維港個景食飯,真係環境一流.來到一定要食佢個招牌片皮鴨子，2個人叫左半隻鴨食，佢有分3個部位，上菜的侍應好細心咁介紹食法，浄係皮個部份建議我地點爆炸糖食，係新式食法，層皮真係有入口即溶嘅感覺，好正。連爆炸糖又有點甜甜的味道配全口都係片皮鴨皮嘅油脂，真係好過癮！另外中間部份嘅鴨肉配佢自家製嘅芥茉醬，個醬係出面食唔到既味道，連肉食又可以突出鴨肉味道。最後係鴨脾位，建議最傳統食法，包大蔥同青瓜。呢個部位鴨味最濃，是我最喜歡的！第二個菜是動感豆腐，上菜的時候，侍應提示我們加緊時間影相，如果唔係等一下就不動感了，哈哈，真係好識帶動氣氛，令人食飯都好開心！我地真係好愛芥末，仲叫咗個芥末蝦球，蝦球上面有芥末醬和蟹子，底層又有米通襯托，一道菜可以食到幾種口感，好推薦。對於我地雞翼控來講，一定要點雞翼，今次食咗個蜜汁黑椒雞翼，甜道調得岩岩好。雞翼嘅脆配埋蜜糖黑椒味，果然無令
入到去,沿途侍應都有微笑打招呼,比到人親切嘅感覺.
仲好好彩坐到玻璃窗隔離,可以睇住維港個景食飯,真係環境一流.
來到一定要食佢個招牌片皮鴨子，2個人叫左半隻鴨食，佢有分3個部位，上菜的侍應好細心咁介紹食法，浄係皮個部份建議我地點爆炸糖食，係新式食法，層皮真係有入口即溶嘅感覺，好正。連爆炸糖又有點甜甜的味道配全口都係片皮鴨皮嘅油脂，真係好過癮！另外中間部份嘅鴨肉配佢自家製嘅芥茉醬，個醬係出面食唔到既味道，連肉食又可以突出鴨肉味道。最後係鴨脾位，建議最傳統食法，包大蔥同青瓜。呢個部位鴨味最濃，是我最喜歡的！
第二個菜是動感豆腐，上菜的時候，侍應提示我們加緊時間影相，如果唔係等一下就不動感了，哈哈，真係好識帶動氣氛，令人食飯都好開心！
我地真係好愛芥末，仲叫咗個芥末蝦球，蝦球上面有芥末醬和蟹子，底層又有米通襯托，一道菜可以食到幾種口感，好推薦。
對於我地雞翼控來講，一定要點雞翼，今次食咗個蜜汁黑椒雞翼，甜道調得岩岩好。雞翼嘅脆配埋蜜糖黑椒味，果然無令我地失望！2個人有3隻分，唔洗爭！
最後我地仲叫咗個籠仔櫻花蝦海味蒸飯，上台打開蓋，已經聞到陣陣香味、見到好足料，有櫻花蝦，新鮮蝦同魷魚，基本上每一啖都可以食到唔同既口感，好吸引人。
今餐真係食得好滿足，環境一流，服務態度又一流，食物更加超出水準。下次一定要帶屋企人來試下。
張貼
