美都餐室

營業中

休息中

這是一間很好味的茶餐廳,絕對值得好評如潮見之前有人吃過西多大讚,我都要了一客,再加杯紅豆冰!西多唔係太大件,最欣賞佢唔漏,可能塊方包比較薄,而且煎得唔係好濃,所以入口口感十分之好!紅豆冰大大杯,紅豆夠甜,淡奶滑,味道good!

當美都成為「朝聖地」、旅遊景點，以及港人集體回憶的一部份後，其食物是否美味，大概已不重要。上次來是十年前，那時爸爸剛剛去世，小臣帶同兩位從鄉間趕來的叔叔到油麻地政府合署，辦理延長在港逗留的手續，以便他倆可以參加爸爸的喪禮。記得填好表格後，要等下午再上去見入境處的官員，便隨便找個地方吃午飯，結果一行三人到了美都。當時心情壞透，自然記不起吃了什麼。小卡說了幾次想去吃紅豆冰，不過總是忘記了。這天準備去砵蘭街選裝修材料，忽然想起可以先到美都吃個午飯，便馬上出發。美都還是老模樣：馬賽克石鋪的地板和牆壁、鐵窗戶、老員工，當然不可少的是那部成為擺設的收銀機。坐在卡位向外望，映入眼簾的仍是有名的榕樹頭，但公園已翻新過，少了以前那種味道。先來兩杯紅豆杯。入口是兒時的熟悉味道，花奶、紅豆、糖水、碎冰，沒有一種是特別的材料，但這種組合代表的，是一代人的生活回憶。不可不吃的是焗豬排飯，女侍應熟練地把飯由鐵盅倒在碟上，再用叉把飯粒挖得一乾二凈，只是賣相不太出色。蛋炒飯比想像中乾身，但稍欠蛋香。豬排以新鮮豬肉拍鬆製成，外皮焗得微焦帶脆，吃來尚有少計肉汁，比不少地方弄得好。那茄膏汁嘛，只能說是懷舊的一部份。最後來一

其實細時, 爺爺經常帶我去吃下午茶, 這已是二十多年前之事, 舊街清拆之後, 搬走了, 雖偶然也曾路過, 但總是提不起興趣入去懷舊一下, 還記起當時的食客多是上了年紀, 窗邊掛起很多雀籠。上星期終於入去食午餐, 大多數食客很年輕, 有學生, 有上班一族, 叫了一個很出名的焗排骨飯, 一杯熱奶茶, 阿姐話焗飯要等15分鐘, 熱奶茶先上, 茶都算滑, 但完全沒有茶香味,失望！ 焗飯很快到,不須5分鐘, 炒飯底ok, 至於排骨都算新鮮, 但骨多肉小, 味道算過得去, 很多食市都做到的水準！至於價錢, $48 一個焗飯加一杯$12 熱奶茶, 值唔值, 見人見智!

紅炆斑腩 ~ 有D腥, 麻麻地蠔油牛肉 ~ 因為唔食牛, 品評唔到鮮蝦窩面 ~ 蝦很爽, 佢用粗面, 不過家人唔鍾意佢陣鹼水味焗豬扒飯 ~ 味道OK, 不過豬扒唔夠滑, 阿姐倒左出黎先拎俾客, 賣相肉酸凍檸茶 ~ 講明要少甜, 點知無分別其實都係貪佢懷舊先去食, 價錢一D都唔平, 下次未必會再去.

今日終於去試過幾多好評嘅美都餐室，睇食評話紅豆冰同焗排骨飯好出名，所以一試。去到點左：兩杯紅豆冰(其實好普通，而且勁多冰，飲完個杯仲大把冰)焗排骨飯(最鬼搵笨，又話出名...連店舖都寫埋....最怕食焗飯/意粉會幫你反晒出嚟service比你，好似比人摷亂晒，仲有今日唔知係咪星期六...勁細碟，味道一般，絕對冇驚喜)乾炒牛河(唯一安慰獎，炒得夠火喉，牛肉餣得不錯，反而應該推介此菜)價錢絕得唔平，合共$120，試過一次就算lu...

上次說灣仔金牛是回到八十年代，今次去美都便是回到五六十年代了，今晚由於到電影中心睇電影<文雀>，開場前特意到美都一嗜 dragonfire 兄曾介紹的焗豬扒飯，當然醉翁之意不止酒，還要看看這餐室的環境，感受一下懷舊氣氛走上了閣樓，古老的擺設似曾相識，應是電視劇<廟街孖兄弟>的主要拍攝場地吧 點了一個焗豬扒飯($48)，環境懷舊，收費卻以時並進，哈，阿姐接了 order 後表明要等十分鐘左右，應該是即叫即做吧，值得一等! 機不可失，也一直欣賞周遭的環境，的確蠻有特色的焗豬扒飯端上來了，賣相完全出乎我意料之外，平凡的外表加上份量不算太大，難道這店又是浪得虛名的嗎?幸好，只要咬了一口飯，答案已經出來了那蕃茄汁十分出色，好好味，令我忍不住的一口接一口，勉強才可抽出空間試試那豬扒，豬扒不是大家樂那種非常鬆化的 ，但腍熟又保存了真實的豬肉口感，絕對值得一試!或者你會覺得 $48 的焗豬扒飯略貴，是的，但能在一個懷舊的氛圍下品嚐有誠意的食物，這才合乎我對食這方面的價值觀呢 最後一提，<文雀>也是一套懷舊電影，試食完美都，再睇<文雀>，真

之前同朋友去食野,叫左焗排骨飯,干炒牛河,一個蓮子冰,一支可樂.焗排骨飯 - D飯又散,都無點炒過,可以講有D"難",D排骨無咩特別,個汁就... 成碟野比大家樂更差.干炒牛河 - 都係普通野,牛肉好少,份量係一個女仔的程度,都OK油.蓮子冰 - 好甜,真係甜到有D過份,冰溶曬都係甘甜,飲了半杯再支持不下,飲茶.可樂 - 最正常的東西.埋單過百元,真係......唔知點會甘貴都甘多人說好,不過40錢係食佢的古舊,40係食二樓的環境,餘下係食物同服務.

08.06.15 終可一嘗所願黎美都懷下舊感受下五十年代茶室既氣氛及面貌。回想清明數天假期專成到來，誰知餐室亦休假失望而回。難得黎到不用考慮梗係上樓上雅座，幸好剛考有人離開才有卡位給我倆﹔懷舊梗係嗌杯冰先似樣既，鴛鴦冰都係第一次飲咋即係蓮子紅豆冰喎，再嗌杯菠蘿冰 & 油醬多。油醬多冇驚喜，鴛鴦冰一樣因紅豆都幾硬下而蓮子冇去芯少許苦，菠蘿冰好味好多了，菠蘿清甜爽脆絕不是罐頭牌而冰水亦不過甜，清香怡人 講開又講，粉麵飯及小炒平均要50蚊中价，看來懷舊絕對要花費才能體驗呢 埋單 $50

招牌菜焗排骨飯好味就不在話下，另外還試過簡單的菜色如西多士和火腿通粉都相當出色!! 座位未必很舒適，但同級食肆來說算是乾淨企理~

Excellence dinning experience in Mido Cafe. Really enjoy their baked rice, both pork chop and spare rib are nice. The prawn ball with stir fried noodle is a must try - look at the size of the shrimp, it's a delight treat with your love one. If you still have room for dessert, treat yourself with their house famous french toast and red bean & lotus seed ice. Good taste, great view and wonderful value dining experience in Hong Kong.

我之前有朋友試過, 所以趁放假黎食個tea叫左個紅豆蓮子冰 ($25) 同 果占多 ($8)先個講冰, 紅豆好靚, 粒粒都係, 奶唔會太甜, 而蓮子都夠腍, 唔會話硬生生個果占多就比較甜左d, 唔係咁好, 其實d食物真係唔錯, 不過價錢就唔係一般冰室咁, 紅豆冰$17, 如果唔係太講究, 係大家樂都食到, 而且仲有隻雞脾,一個 tea 過$25, 真係唔係個個都有mood 去食

星期日,無乜節目,專登同小牛黎美都食野。雖然係下晝兩三點,但係樓上都幾乎全滿,真係幾好生意,而且仲有日本遊客添!一睇餐牌,好多選擇,但係比我想像中貴好多,例如,我無諗過,原來一杯紅豆蓮子冰,要成$25!不過都黎左咯,無理由唔試下架!我地點左焗豬扒飯($48)、奶醬多($8) 、紅豆蓮子冰($25) 、凍牛奶唂咕。先上兩杯飲品, 紅豆蓮子冰又名鴛鴦冰,真係好多料,蓮子比我想像中多好多,而且好多粒都係原粒,一路飲一路係咁食,食到畄飽咁滯,奶既顏色比出面一般紅豆冰深色,小牛一睇已經覺得唔同,佢話應該係淡奶定花奶咁喎,我覺得都幾甜架,仲釨香添呀!凍牛奶唂咕真係好重朱古力味呀!不過好似未攪勻,飲完發現杯底有唂吱咕粉,咁如果攪勻晒,咪仲重朱古力味?喜歡朱古力既人,一定要試!奶醬多好快就到,一片厚切多士,就同其他食評中見到既相一樣,好多好多花生醬同煉奶,令我有少少失望係我以為會有粗粒花生醬,但係原來係無粒粒花生既,由於熱食夠脆,所以唔錯,但係唔係話好特別,ok啦!焗豬扒飯真係珊珊來遲,等左十幾二十分鐘先到,個炒飯底唔錯,有蛋之餘又乾爽,唔會太油,茄汁份量適中,唔會太多,至於塊豬扒,小牛話大xx整得好

去電影中心常常會經過的，週日黎食午餐。西多士 - 薄薄的，一般，但老婆喜歡甜點。焗豬扒飯 - 豬扒肥美，醬汁好紅，酸酸甜甜，飯有炒底。熱奶茶 - 香濃，但唔算突出。我們坐了樓上窗口位，風和日麗，彷彿回到六七十年代，但那時我們還沒有出世呢，哈哈！

本是昨天要來這裡晚膳的，可惜下班後竟然忘了決定，所以才順延一天來到這裡。對上一次是大約在三年來光顧，而那時候剛好雅座滿座，最後只好選在地下而坐。所以，對於這次能夠坐在樓上雅座，意義又多加一重了。雖然這茶記已經是老舖了，但是地方乾淨整潔，沒有水積也沒有食物殘渣，看來老闆在這方面也很著重。既然是第一次來到雅座，當然是立即舉機四處拍照，這裡保留了很多"歷史遺物"，例如不知用了多年的痰罐、相信已經絕版的豉油樽、和已買少見少的舊式窗戶等等。拍了一會照後，我們回到正題。牌價上的食物價錢以茶記來說不算便宜，不過當中可看到這裡的特色食物，其中一樣是珍肝(雞肝及豬肝)，老闆後來也曾向我們推薦過。最後，食物要了：焗豬扒飯、菠蘿雞絲炒麵、紅豆冰和菠蘿冰~過了一會，老闆拿來一碟雙色芥醬，看到後還以為去了酒樓呢~ 好奇的我當然連這些醬也不會放過，辣醬有點辛辣但帶著甜味，微微的蒜香味令到整體更加惹味。芥末醬香而幼滑，兩個醬也頗有水準，不知是否自製還是外來貨了。先來的當然是紅豆冰跟菠蘿冰。紅豆冰的紅豆有頗強的陳皮味道，紅豆起沙之餘，甜度也適中，這裡使用花奶而不用一般的椰奶，令到整個口感更加幼滑，正﹗菠蘿冰的菠蘿是罐

終於都有機會來此一試, 在廟街屹立58年的餐室, 看著廟街的變遷, 究竟它的內裡與食物的出品又是如何呢?食物幾好!!! 至少食完唔會成碟油~!!! 味道剛好~!!焗豬飯亦帶領我走出了那HAPPY TOGETHER焗豬的框框~芙蓉蛋飯塊蛋都煎得好喎!!! 食落仲有點蛋液的!! 唔錯!!紅豆蓮子冰好好飲!!! 紅豆同蓮子都夠腍!! 杯0野D奶都唔會太稀~有D THICKNESS的呀!! 唔錯!!菠蘿冰用上新鮮PINEAPPLE, 是新鮮的菠蘿甜!! 讚!! 菠蘿水亦未見太甜, 甜度剛好!!鮮奶谷咕更是一絕!! 首先就係無咩地方有做呢種0野飲, 第二就係呢杯0野有好香濃0既可可味!! 亦夠THICK!! 入口很滑的!! 好味~~食埋個懷舊0既環境, 正呀!!!有機會, 會再來的!!