168
164
130
等級4
2008-06-02 10 瀏覽
星期日,無乜節目,專登同小牛黎美都食野。雖然係下晝兩三點,但係樓上都幾乎全滿,真係幾好生意,而且仲有日本遊客添!一睇餐牌,好多選擇,但係比我想像中貴好多,例如,我無諗過,原來一杯紅豆蓮子冰,要成$25!不過都黎左咯,無理由唔試下架!我地點左焗豬扒飯($48)、奶醬多($8) 、紅豆蓮子冰($25) 、凍牛奶唂咕。先上兩杯飲品, 紅豆蓮子冰又名鴛鴦冰,真係好多料,蓮子比我想像中多好多,而且好多粒都係原粒,一路飲一路係咁食,食到畄飽咁滯,奶既顏色比出面一般紅豆冰深色,小牛一睇已經覺得唔同,佢話應該係淡奶定花奶咁喎,我覺得都幾甜架,仲釨香添呀!凍牛奶唂咕真係好重朱古力味呀!不過好似未攪勻,飲完發現杯底有唂吱咕粉,咁如果攪勻晒,咪仲重朱古力味?喜歡朱古力既人,一定要試!奶醬多好快就到,一片厚切多士,就同其他食評中見到既相一樣,好多好多花生醬同煉奶,令我有少少失望係我以為會有粗粒花生醬,但係原來係無粒粒花生既,由於熱食夠脆,所以唔錯,但係唔係話好特別,ok啦!焗豬扒飯真係珊珊來遲,等左十幾二十分鐘先到,個炒飯底唔錯,有蛋之餘又乾爽,唔會太油,茄汁份量適中,唔會太多,至於塊豬扒,小牛話大xx整得好
更多
星期日,無乜節目,專登同小牛黎美都食野。
雖然係下晝兩三點,但係樓上都幾乎全滿,真係幾好生意,而且仲有日本遊客添!
一睇餐牌,好多選擇,但係比我想像中貴好多,例如,我無諗過,原來一杯紅豆蓮子冰,要成$25!不過都黎左咯,無理由唔試下架!
我地點左焗豬扒飯($48)、奶醬多($8) 、紅豆蓮子冰($25) 、凍牛奶唂咕。先上兩杯飲品, 紅豆蓮子冰又名鴛鴦冰,真係好多料,蓮子比我想像中多好多,而且好多粒都係原粒,一路飲一路係咁食,食到畄飽咁滯,奶既顏色比出面一般紅豆冰深色,小牛一睇已經覺得唔同,佢話應該係淡奶定花奶咁喎,我覺得都幾甜架,仲釨香添呀!
凍牛奶唂咕真係好重朱古力味呀!不過好似未攪勻,飲完發現杯底有唂吱咕粉,咁如果攪勻晒,咪仲重朱古力味?喜歡朱古力既人,一定要試!
奶醬多好快就到,一片厚切多士,就同其他食評中見到既相一樣,好多好多花生醬同煉奶,令我有少少失望係我以為會有粗粒花生醬,但係原來係無粒粒花生既,由於熱食夠脆,所以唔錯,但係唔係話好特別,ok啦!
焗豬扒飯真係珊珊來遲,等左十幾二十分鐘先到,個炒飯底唔錯,有蛋之餘又乾爽,唔會太油,茄汁份量適中,唔會太多,至於塊豬扒,小牛話大xx整得好些喎,因為人地用蛋包住煎過,而且有兩塊,呢度就只係一塊無煎過既豬扒;但係我反而覺得呢度好味些,因為我鍾意原汁原味,無炸皮更好,同埋佢整得d肉都好淋好易入口呀,有d硬硬地部分仲好香口添!唯一係…如果加些蕃茄會更好,哈哈哈!
見到隔離食蝦球炒麵,好多好大隻既蝦球呀!睇下餐牌,$72!怪不得…如果有機會,我地下次都想試下呢!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$48 (午餐)