美都餐室

營業中

休息中

有時會在電影中看見這家茶餐廳，整個格局都保留六、七十年代港式茶餐廳的風格，坐在餐廳中望向窗外，頓時感到回到了過去，但看看餐牌的價錢卻是比一般茶餐廳昂貴。試了他們招牌茶焗豬扒飯，焗好後已放在碟上，還是熱噴噴的，汁的味道調較得不錯，而剪開了的豬扒軟硬適中，整體來說都很好吃。由於只是下午六時左右，看見別的很多都點了西多士，縱使已吃了一碟焗豬，都想試試。真的是很大片，兩大片三角形，幾好吃，不過油膩了點。

同朋友提及此特色餐廳, 對方話想試試之下於上星期去食下午茶西多士- 幾好味乾炒肉片河- ok,有水準紅豆連子冰x 2 - 偏sweet朋友comment 價錢唔平, 懷舊環境搭夠

近月(或近年)的奶茶不知所謂有如麥記出品舊日香濃馥溢現今奶淡茶稀不知各食官有同感否?

要選其中一樣能代表香港的飲品, 一定小不了絲襪奶茶的份兒.美都的奶茶, 茶味香濃, 奶又幼滑, 入口幼滑如絲而有細密的口感, 有"掛杯"的奶茶才算是"正"品.大家要記住, 要飲一杯真正有水準的奶茶一定要到舊式茶餐廳, 絕對非一般新式快餐店可比. * 美都仍是原用厚厚的有耳茶杯, 這才能保持茶的溫度, "黑白淡奶"的茶杯真是很美, 真想據為己有呀, hehe!

一向我都唔係好甜的, 但係呢度的蓮子紅荳冰同奶茶都好好飲, 不過價錢比較貴, 試下同感受一下個環境囉. 呢度係舊式茶餐廳格局, 雖然舊, 但環境都好乾淨, 我地除左叫飲品, 仲叫左一碟排骨炒面, 脆脆的面餅算是一般, 勝在唔會太油. 但係差唔多$50又真係貴d.

Mido Cafe - what's a wonderful dinning experience of Hong Kong. First of all, you'll just love the open view from the 1st floor, the tile wall & the timeless deco. The house speciality - baked spare ribs with fried rice was tasty and really worth for waiting. Don't miss the crispy fried wonton with sweet & sour sauce (Kam Lo Wonton). If you still have room for dessert, try their french toast & the iced red bean & lotus (Yuan-Yeung Bing)! This is the real Hong Kong experience - surly a great tast

好耐冇嚟過,今次都係焗豬飯加紅豆冰.焗豬飯啲豬好假,食唔出鮮豬味,啲飯好硬,好似飯焦(可能吹凍咗).至於杯荳冰好甜,同埋冇用以前刨冰啲冰,唔同哂啦!

七月一日的正午時份見證完一個新時代的誕生剛好也是我的階段任務終結前的一個小總結之前中央電視台也來過這裡介紹茶餐廳文化趁著這個日子也來趁趁集體回憶的墟焗豬扒飯的確是名不虛傳豬扒鬆化炒飯底蛋味豐富均勻茄汁和芝士也夠香紅豆冰則稍甜了一點不過卻是糖水和花奶的功勞反顯得紅豆淡而無味了窗外的景物數十年來沒有大變其他事卻物換星移了大大張告示說百物騰貴要加價了六十多元的一個午飯實在是不便宜收銀處貼著一張肥平新任局長時到此一吃的剪報這個setting在這個日子確實有點黑色幽默在這人走茶涼的時代也許他也能對自己所留下的一點一滴報以一個會心微笑吧?

店鋪保留了上世紀五六十年代的裝潢面貌，店外的古廟老榕樹成了絕佳背景。時間尚早，櫃檯指示可到樓上雅座，那是常常在電影電視報章雜誌看到的圓角排窗卡位百業帘。揀了窗邊的卡位坐下來。環顧四周，吊扇彩色紙皮石，綫條簡明的木枱，牆上還有精致的黑鐡勾花餐牌，紅紙黑字，鮮明的寫着“享譽五十年馳名焗排骨飯”和其他撚手小菜。店雖舊，但整齊乾淨，用具擺放得井井有條。如果客不多，乘着窗外吹來的微風，坐在那裏喝茶看書，會是很寫意的事。等了數分鐘，那期待已久的焗排骨飯終於放到面前。上枱前，焗飯已被扣在另一碟上，心想，原裝上不是會更原汁原味嗎。排骨一邊，炒飯一邊。先嚐了一口蛋炒飯，沒什麽味道，但配合番茄醬，效果不錯。番茄醬不太多不太稠，剛好足夠跟飯（食送）齊吃，做得好。排骨腌製得宜，很腍，很入味，但數量不多，大約只有七八塊。無疑，美都的食物不算便宜，但以其質數和那保留古風的心思，倒是值得來逛一逛。

因為工作同做功課既緣故..第二次黎呢間餐室..第一次黎呢度食個出名既焗排骨飯..好食但係貴..見有評語話呢個菜賣相唔好..但係其實佢係驚熱得滯整親客..係個鐵碗度倒出黎..所以排骨係底..叫左杯奶茶..唔覺得好飲...第二次去係想知點解個飯咁貴..老板娘解釋話因為每日都係用新鮮豬肉去整..即叫即做..唔會隔夜同冰鮮..即刻覺得物有所值..今次去要左個西多士...因為要做野所以放左係枱兩個鐘..唔方好食得去邊..但係呀姐都好好人幫我叮番熱...但係我諗我鐘意有花生係入面個隻西多士多D...蓮子冰超好飲..原本係男朋友仔叫的...結果我飲得最多..其實D野食真係唔係平..但係物有所值..加上男友俾錢..所以唔係好肉痛..

話說今日去ｏ左美都食中午，叫左個洋蔥豬排飯，點知，個飯一ｄ都唔熱，正確ｄ講係冷飯，都算啦～可能廚房大佬一時心急，咁細細聲叫阿姐換左去就算啦～過左５分鍾，又來一碟，這次好ｄ，食左兩啖，外邊都有ｄ熱，但中間就一ｄ熱，一ｄ凍，佢將冷飯同熱飯混在一起，咁再次想同阿姐單聲就算，話曬都係街坊～點知，二樓有條收錢既”胡蘇”後生仔，一走過來，又解釋ｌｅｉ，又話ｒｏ，我來食飯，我無興趣知你點煮飯，唔想知你個飯桶做什麼，出現什麼問題，我唔係要求高，最少都有口熱飯食Ｏ下，咁我想取消張單就算，點知，走既時候，佢仲好意思比張單我，ＯＫ，你做生意，我了解，但比完錢後，仲要比人串，話自己返屋企煮飯啦～真係無明火起！！！咁既服務態度唔係未夠呀！！！而係完全不能接受！！！！之前個阿姐好好多，如果係食品有問題，一定唔會死撐～

下了大半日雨，終於都可以出動，難得星期日唔出街真係對唔住自己去了油麻地美都餐室，其實想來好耐，上次在對面睇完戲都好想來呢度坐下，不過9:00pm已經關門，呢0的老店真係唔憂做﹗呢間野五十年代開業，年紀仲大過我，我都係第一次去，試0下0個種地道風味咁岩又比我地坐到0係窗口位，開頭上來時仲好擔心無冷氣，點知原來冷氣充足，仲有0的凍添其實坐落唔覺得有什麼特別，二樓雅座雖然現存餐室真的很少，不過裝潢其實也幾現代化，吊扇、卡位並非呢度先有，亦唔見得佢會貼0的古舊文獻或用具用品作招來，只有從心感受這老店的風味食物價錢很貴，我最愛的椒鹽魷魚要八十蚊一碟，所以都只係傾下計飲杯野，點了十五蚊的紅豆冰及知道它有特別"黑白淡奶"杯的奶茶，味道亦無甚驚喜，茶記味道﹗最難得當然就是可在茶記看風景，由於聽人講野食仲要再麻麻地，所以都無0係度食晚飯，其實如果天氣涼0的，我建議去下面的一層坐，沒有冷氣而貼牆的古舊壁紙加上老店才保留的收銀機，應該更有復古的味道﹗

都成個月前去，不過仲記得都要寫一寫，因為的確係一間令人印象深刻既餐廳。第一：裝修。好有舊香港的味道，呢種感覺相信唔係土生土長的香港人真係未必感受到。個位置係對住廟街打小人個啊婆果度，雖然佢係度打小人你係度食野有好似搞笑ｄ，不過可以當ｓｈｏｗ睇既都。但我唔係想講個呀婆，果條街都幾忙大家都知，入到去上二樓，見到ｄ員工既慢條斯理，加埋餐廳既客人既悠閒，突然覺得好放鬆，感覺好像脫離了現實既煩惱，好似時間係果度唔係最重要的。記得我對上一次有這種感覺時應該係小學的時侯吧。第二：價錢。哇！一入到去，見到個焗排骨飯同其他野食成五十蚊個，再望下個餐牌的飯品十幾廿蚊杯，即時ｏ曬咀，真係諗佢唔到咁鬼貴喎。不過ｄ人講到咁好又真係要試下既。第三：焗排骨飯。真係好好食，個排骨超級鬆化，但又唔會俾ｄ焗汁整到曬喎。個汁都唔錯，味唔太渨，但就係少左ｄ囉。個炒飯就普通炒飯，冇乜特別。個朋友叫左杯紅豆冰，佢話幾好飲，因為ｄ豆係一粒粒而唔係爛曬喎，我對呢家野冇乜研究就真係唔知喇。不過我一定會再返去食過，因為實在好食，講真，咁既ｆｅｅｌ加個好食既焗排骨飯，正啦。不過成日去肯定食窮你，所以我都係間唔中去下算。

呢間冰室大家應該好熟la.咁多年歷史.而且d 報紙雜誌又不時報導一下佢地下比較熱.因為d 門打開哂.但二樓冷氣就非常強勁啦!我飲埋杯菠蘿冰. 直頭有d 凍添(佢地個個都飲紅豆冰.但就話奶味好重,所以我都唔敢試)五個女仔. 我地叫兩碟飯麵和一些三文治一齊食實個公司三文治都幾好味.但就唔知點解整到咁醜樣.入面有咸牛肉ga.平時比較少食到會夾係公司治度而西多士蛋味好香.但中間就冇夾花生醬. (但我鍾意夾花生醬多d..) 同埋佢話係煎唔係炸的重有呢個馳名焗排骨飯同豬扒燴意粉的確.個排骨飯都幾好食ge (都有人叫)唔好以為d 舊餐廳伙計冇記性.因為有兩杯紅豆冰較遲來.我們只是想問一下個女侍應便話黎緊ga la.你們要xxxxxxxx咁多樣野呀ma (全中)不過其實都比一般茶餐廳貴少少. 因為以上的食物.每個女仔就夾60蚊.但都ok ge

上星期六諗住同個朋友一起吃下午茶啦,咪諗住試呢間囉!我們叫左個焗豬扒飯&焗海鮮飯/紅豆冰/凍奶茶個焗豬扒飯冇乜特別,反而個焗海鮮飯好好味~~不過,埋單時才發現..........嘩!!要成$160蚊我未食過咁貴既茶餐廳...都係少去好D