美都餐室

營業中

休息中

去百老匯電影中心睇變形金剛, 兩點半買完飛, 五點半先上映, 既然未食午餐, 便到這間懷舊的餐室, 感受一下七八十年代的餐室氣氛. 我們經過, 窄窄的樓梯到達二樓雅座, 並不太多人, 但靠窗的座位已經坐滿了人, 我們只好坐在其他位子, 看了一會餐單, 有客人結賬, 伙計提議我們坐過去, 我們便可坐在窗旁的位置了.雖說是舊式餐室, 但價錢並不懷舊, 最便宜的飯也要$38元. 我們點了一杯熱咖啡, 一杯凍鴛鴦, 一個干炒牛河及焗豬扒飯. 最先來到的就是飲品, 味道普通, 最特別是咖啡杯用上贊助商的杯子.干炒牛河到了, 麵炒得乾身, 牛肉不多, 但很夠"獲"氣, 而且味道不錯.消滅後的干炒牛河, 見到碟上的油不多.最後來到便是焗豬扒飯, 聽說焗飯前會先用蛋炒白飯, 使飯身更為香口, 故制作需時. 飯身略帶金黃色, 夥粒分明, 豬扒鬆化, 味道也是不錯.結賬時看到這部, 古老收銀機, 其實只是擺設, 也不見伙計們使用, 圖中也看到, 是往地下付款的.吃飯, 影相, 傾計, 不知不覺已經四時半, 這裡的感覺不錯, 加上是有足夠的冷氣, 可以待上一個下午.

我記得第一次食這間嘢係6~7年前~朋友介紹佢ga焗pok 飯~有四.五十年history, 嗰時食好得. pork 又多, 飯又fire 得好.上個月再食, 價錢都係咁鬼貴, 不過食好嘢, 冇計.叫咗一個焗pork飯, 錦鹵雲吞, 2 杯drinks.死得~~~~~~~啲Pork 好少,好細件, $40幾呀~大老~好唔開心....個錦鹵雲吞, 唔得.......同酒樓食冇分別, 又貴過人....只係食佢啲汁....汁內啲嘢 係啲格晚嘢....完全唔掂.(唔信可以自己try 吓, 覺得值我冇嘢say)淋住同個女仔去try 吓啲special 嘢, 點知兩個都食得唔開心.......我哋一定唔會再食....因為個價錢可以食好多好嘢.......

好耐之前雜誌介紹過~佢個招脾豬扒飯普通咋喎~~~炒飯唔夠鑊氣~ 豬扒okay鬆化o既~大家樂焗豬好似好味d~~$46一個飯呢個質素唔值呢個價lor另外叫左叉燒蛋飯同葡汁雞飯叉燒好似百佳買番黎咁一d明爐燒味o既感覺都冇葡汁雞飯係3個入面最好ga lar好鍾意個收銀機~好懷舊啊~~~

朋友想去冰室..我第一個反應即刻諗起美都...去到叫左紅豆冰同西多..朋友們叫左凍奶茶、奶醬多、奶油多等等...其實全部都係麻麻地..唔覺得特別好食...望下個餐牌真係可以嚇死人...有d一味「食送」都要過百...侍應服務還可以...環境的確係幾懷舊ge..不過無下次啦

美都, 我想不少去百老匯電影中心睇戲的人, 都會喜歡在此駐紮, 不論是等夠鐘睇戲, 還是完場後想分享觀後感。今日, 去睇五星級大鼠前, 照例去飲杯野。阿姐安排了座位給我們, 並如常地把上的殘渣掃在地上, 不過今次卻掃正在椅子下, 令我雙腳不知怎放好, 算啦, 去大牌檔都係咁。點知, 睇到隔黎叫了公司三文治, 卻變成了「蛋牛治烘底」, 冇傳統的叉燒、番茄(謹記, 番茄個番字係冇草花頭)、生菜, 亦冇新派的芝士、煙肉、火腿或午餐肉..... 食客向阿姐投訴, 阿姐向一個相信是「經手人」的侍應哥哥仔問話, 佢好惡咁同個阿姐講「我唔整唔通你整呀」, 阿姐當堂嚇呆左!然後, 哥哥仔變得好溫柔咁問食客, 內容大致係駛唔駛整過, 你話人地點敢叫佢整過?唉, 我諗呢位哥哥仔點都食過公司治掛! 唔識整都知有咩料, 至少畀3、4種材料先合格掛! 我都係鍾意大家樂的製作, 芝士、煙肉、番茄, 好fresh! 而舊式茶餐廳用叉燒或鹹牛肉, 「肉感」得黎又太多鹹味.......

o係電影中心睇完戲, 幾個選擇之中揀o左美都. o係油麻地學o左咁多年小提琴都未食過, 今日終於開齌. 朋友唔太肚餓叫o左杯鴛鴦同三文治; 我就食o左排骨飯同紅豆冰. 其實個人唔太鍾意食炒飯底o既焗飯, 本應就唔應該食呢個飯, 不過見個個都食咁滯, 所以都試試. 茄汁味唔太強, 飯o既硬度同濕度都剛好, 排骨幾脆口唔太漏, 整體o黎講幾好食. 有樣o野要讚: 卡位一空出o黎, 阿姐就問我o地過唔過去坐; 落完單又主動拎左兩隻碗仔俾我o地, 好體貼.

對於撈慣電視汁大嘅我，細個嘅時候一定有睇過「孖仔孖心肝」。劇中周星馳扮演嘅「何鑫淼」(音：音秒)就係响廟街出身。「美都餐廳」作為廟街集體回憶嘅一部分，當然亦成為呢套劇嘅指定場景。是日成個朝早响油麻地一帶開會，會後同事提議到附近食埋晏先番公司。同事一直都好想試吓「美都」最出名嘅「焗排骨飯」，聽到佢咁講，我都躍躍欲試。可惜我唔飲得凍嘢，如果唔係我都會試吓呢度嘅「紅豆冰」。等緊我地嘅飯嘅時候，我四圍係咁望，觀察吓呢度嘅建築特色。望吓望吓，焗飯終於出爐。呢度嘅焗飯有專人預先「筆」出嚟。外表睇嚟，個飯好似「咕嚕肉燴飯」。食落米粒嘅口感偏腍，硬身些少會更好；排骨本質係唔錯，軟硬度適中，肉汁亦能夠保持得到。不過秤嚟秤去，始終都唔能夠講得出呢個焗飯有乜嘢過人之處。衰啲講句，呃吓外國旅客還可以，本地人可以唔去。價錢方面一啲都唔平，一個焗飯成四十八蚊，加埋一杯熱咖啡要成六十蚊先落得樓。結賬時，見收銀嗰位好似老闆嘅中年男子嘅裝束光鮮，明顯地已經係上晒岸咁嘅款。老實講，俾我係老細，我都寧願等市區重建等賠償，好過做茶餐廳賺得雞碎咁多錢。如果要為保留呢間店舖搵一個藉口，我想唔會係呢度嘅食物，而係放响二樓嘅舊式收銀

曾經係美都既Fans...焗排骨飯, 青豆牛脷, 乾炒牛河, 咖哩蝦球飯, 什會湯, 紅豆冰...今日去到, 什會湯無咩料, 以前總有兩三件的雞潤, 豬潤, 肉片, 都只是得一件, 不新鮮的雪蝦仁就大量, 叉燒就不見了, 焗排骨飯變淡了, 粟米牛脷飯, 牛脷比白灼還要無味, 只有兩三件, 乾硬且有怪味, $45元一個飯, 不是大大隻字寫著50年不變嗎?! 點解7月份加了價, 味道都不見了...實在另人太太太失望...

尋日(28-6-2007 Thur)放o左工出o黎攞o野,同朋友W兩個人o黎試吓點好食法.只係大約6:45pm o黎到,樓下冇食客,我o地沿長長o既樓梯上二樓,所有食客都清一色坐晒o係卡位,幸好時間尚早,重有兩個卡位剩,於是我一個箭步咁走到去轉彎位o既卡位o度坐.兩位亞姐都冇招呼我o地,咁重好,等我o地慢慢商量,唔好催我o地.決定o左喇,為o左試勻呢o度o既招牌食品,唯有又冒住增肥o既危險,叫o左1.$45.00錦鹵雲吞.大概有8隻雲吞,大大碗甜酸汁.啲汁好稀亦好淡,配料亦有下面光頭惡漢所講o既,重有豬肝,雞腎,不過我試吓食啲配料,嘩!唔掂呀!唔知點形容,好難食啊,雞腎開始變硬,就連好簡單o既青椒都有異味咁,就只有菠蘿係正常o架.所以我o地都唔食佢啲配料喇,就咁點每隻只有一粒蝦仔o既炸雲吞o黎食就算啦.2.$45.00焗排骨飯賣相OK o既,飯裡面有蛋,橙紅色o既排骨,朋友即問係咪即係焗咕嚕肉飯?我都唔識答.食落,都係普通貨色.3.$36.00干炒牛河色澤夠深,但冇乜味又唔夠鑊氣.牛肉都OKo既,唔太老.食完上述o既食物就知道我o地一定好飽,不過,畀吓面,叫o野飲吓啦.4.$15.00

一向都知道美都好有懷舊色彩, 今日中午特登黎試一試, 結果係失望而回. 我地12:15pm 到, 無咩人, 無論地下同二樓都即刻有位, 我地當然揀二樓啦, 因為既有冷氣, 而且有窗可以睇街景.坐低無耐, 已經有個亞嬸摧落單, 我話睇下先. 點知睇唔夠兩分鐘, 第二個亞嬸又摧落單, 洗唔洗咁急呀? 我地食左:1.熱奶茶x 2 (最先黎的, 但亦係最先的失望, 冇傳統大排檔/茶餐廳既奶茶味道, 又唔夠滑!)2.味菜牛柳絲炒麵(d 麵炒得幾香脆, 牛肉亦嫩, 味菜就有少少咸, 整體都唔錯!)3.茄汁斑腩飯(可惜呢個又唔掂, 其中一兩舊斑腩有d 腥, 有一兩舊好多骨, 茄汁又唔夠味, 總之唔好食!總結: 埋單$98, 唔算平, 只係好一般的茶餐廳質素, 只可以講係一試無妨!相片可參考:http://www.fotop.net/thxdtsdd/eat

再一次來這間舊式餐廳，今次同朋友來，點了錦鹵雲吞。其實這道菜式主要不是食炸雲吞，反是食那一大碗的汁和配料。碗中有雞、叉燒、瘦肉、菠蘿、青椒.....，非常好配料，而雲吞主要是品嚐她脆脆的皮。只食一碗便胃便非常滿足了，之後胃也無法再把食物放下去。

試了這裡的馳名焗排骨飯,都唔係咁好食,好一般呀!特色在於呢到ga懷舊feel,但好多飛蟻飛來飛去呀! 都担心會飛左落碗飯咯! 另外亦叫了一個枝竹雜菜煲,呢款有水準但比起外面茶餐廳都係一般啫!

這天,因為做project要介紹一些舊式的茶餐廳於是去了美都吃...叫了很多食物西多士,菠蘿油,焗排骨飯,蝦球炒麵,乾炒牛河菠蘿冰,蓮子紅豆冰,什果冰,奶茶,滾水旦蝦球炒麵和乾炒牛河真的非常好!!那個享譽50年的焗排骨飯真係麻麻,仲要焗焦左,飯太咸蓮子紅豆冰的蓮子很苦,當中有很多蓮子的中間的那部份也沒有除去奶茶真是很普通的奶茶,西多士及菠蘿油也很普通沒有特別...價錢也頗貴的,環境也不是很乾淨真是有些不抵!!

相比起一般茶餐廳埋單價錢真係會比較貴不過真係睇下點食法散叫既話,一般茶仔一樣可以係咁上下價錢兩個人食左百四銀叫左蝦球窩麵,排骨飯,汽火,奶茶,可立克,西多士味道其實唔錯,起碼d麵唔會好重皂水味同埋真係好有懷舊既感覺間中食下,其實唔係好貴者(餐餐咁食法,睇怕未破產都應該去減肥先^_^)

其實一早都聽過e間野,諗住黎試下啦,感覺一般樣樣都一般,我地order左沙嗲魷魚抄麵,焗排骨飯,紅豆冰,總知樣樣都mama