美都餐室

營業中

休息中

經過油麻地, 本來想看看油麻地有沒有什麼地方可以嘆咖啡, 想不到, 朋友卻靈機一觸想到這間餐室, 因為我只常聽人說卻未親自試過。一進去, 收銀就叫我們上樓, 實在樓上的感覺較老式, 舊式地板舊式窗框和風扇, 幸好天氣還不算熱, 真的很有懷舊的感覺。所以我忍不住拿相機影, 而且也有很多外國人。只是那裡沒有套餐,所以望著餐牌有點不知叫什麼, 多謝電話的上網功能, 讓我立即看食評, 於是叫了最穏陣的紅荳冰和奶醬多。其實水準也真的一般, 中規中矩。當然, 如果我去大家樂的話, 17元一杯紅荳冰己經連雞脾了, 不過當然不能這樣作比較啦!

黃昏閒逛，經過廟街。過往多次經過這家老字號茶室，不過總沒有進去試試。今次是首次光顧。登上二樓，八成的座位都有食客，當中更有老外遊客捧場。時值晚上七點左右。被店員安排坐窗邊位置，既可觀看外面廟街的風貌，又可方便地細看店內古典的裝潢。望著外面的小販、路邊食肆、唐樓，加上店內的吊扇、窗框和牆身的紙皮石，時光彷彿倒流了三四十年。第一次來，點了這裡的招牌焗排骨飯和蓮子紅豆冰。焗排骨飯的炒飯有飯焦，但整體的口感太乾，甚至有點像隔夜的雞蛋炒冷飯，又沒有吸收醬汁和排骨的味道；排骨外層帶點脆身，附上微甜的醬汁，尚算不錯，不過數目寥寥可數，只有區區五小塊。醬汁也是太少了，就是附在排骨上那一點點。無論看上去還是吃下去，排骨和飯並不是一個整體，而是一盤排骨伴炒飯。蓮子紅豆冰，喝第一口而感覺到香甜的椰汁味道，冰粒夠碎、份量沒有過多，紅豆和蓮子分量適中，算是誠意之作。食物和飲品的質素、服務水平、衛生狀況，跟一般茶餐廳差不多，單論食物和飲品的售價，當然很昂貴。不過，畢竟美都是老字號，五十多年來默默在同一個位置服務街坊，見證著香港的歷史變遷。帶外地朋友或年青一輩到這裡，讓他們體驗一下舊日香港的茶室文化歷史，或是與多年

第一次跟媽媽到油麻地吃午飯途經這茶餐廳就被那古色古香的裝潢吸引奶醬多($8):厚麵包忘了點烘底的,而味道偏甜西多($17):味道普普通通,但略嫌油膩雖然餐廳富有港式風味,但價錢驚人,加上設有每人最消費,不值啊ヾ(`д換)

前排因為要做project,所以去做呢間出名有50年歷史既茶餐廳拍攝。一共去了2次,因為第一次影出黎既相好細張。第一次去點左熱奶茶,d阿姐話出名既西多士,同埋波蘿油。講真,奶茶淨係飲到茶味,奶唔夠多,大快活都好用過呢度。西多士ok既,菠蘿油同出面既差唔多,無咩特別。呢次總共用左$37。第二次去,因為要重新影多次相,所以都係叫番熱奶茶,同上次一樣,茶多過奶,落2-3匙糖先有味。叫做過奶油多士,普通唔特別,大家樂既好食d。仲有叫左杯凍檸蜜,味道如何唔知,因為唔係我飲既,係同行另外2位同學飲。總共用左$34。埋單個陣先發現,原來每人最低消費要$36。結果蝕左2蚊俾佢地。總括呢講,d食物同外面差唔多,有d甚至差過出面,唔值咁貴,2樓風景唔錯,去美都其實只不過佢出名,如果唔係出名其實都無咩別要特登去試。

好想食好味的焗豬扒飯,叫網友提議,佢地雖然話呢度差左,不過都想試下!不過真係好失望,因為我覺得佢d飯仲衰過大家樂,豬扒切條有6-7件,不過得2件好食,加埋杯凍檸茶收$62,一d都唔值,下次要試聯發,希望唔好又失望而回啦!

話說上周日同工友去左睇openrice送既戲飛，迷失愛與罪，羅完飛見仲有時間所以行左去附近既美都第二次來喇﹗都係要講一句，你見到餐牌之後係唔會叫佢0的野食﹗因為貴過大酒店﹗平均一碟飯要成五十蚊﹗點食得起﹗幾十年的老餐室，沒有什麼服務可言，阿姐阿哥都係十問九唔應，不打緊，我都係來飲杯野吧﹗紅豆冰，16蚊杯，如果你愛食蓮子的話就要25蚊一杯﹗在出面可以食到個午餐了﹗紅豆煮得好綿，甜道較得岩岩好﹗我鍾意﹗工友要左杯熱奶茶，唔滑不特止，味道真係.....好似茶記送比人飲0個0的茶咁味....無奶味之餘茶味亦澀澀地...搞咩架﹗...望出窗口，廟街又開檔了﹗套戲都ok啦﹗平平凡凡，無咩特別高潮起跌，不過故事舒服，可以一睇﹗

焗骨飯一D都唔好食, 骨雖不是雪但完全唔得唔入味, 賣相又差, 老板解畫說是從兜焗好倒出來上碟, 這方式太令人倒胃口了. 像給別人撩過吃過. 奶茶唔熱水準只算一般茶記, 點可能會值14元?????西多士無餡無味,好超級失大望, 點解會有咁多笑面？好唔明解啊！！！

放工之後, 在附近閒逛經過呢間美都餐室, 知道幾出名, 就黎試一餐dinner6點半咁上下, 地下果層人不多, 懶得上去樓上, 就在樓下卡位坐低左環境真的很懷舊, 連冷氣都無, 幸好天氣唔熱肚子餓, 趕快叫野食, 要了焗豬扒飯同焗排骨飯焗製需時, 等了差不多15分鐘先有得食焗豬扒飯: 豬扒可選切片或者唔切片. 肉質好林身, 味道亦佳, 蛋飯一粒粒咁, 食落有層次. 不過醬汁少都d... otherwise都係上佳之作!焗排骨飯: 都係果d飯, 不過排骨就細細粒, size細所以炸粉相對就有點厚, 再加埋骨就無咩肉食. 味道都幾好既, 不過焗豬扒飯就好食同抵食d見呢度網友講樓上雅座好似幾好環境, 唔知同樓下有何分別? 有機會都會再黎見識一下.

超吾掂奶茶唔夠熱，只微暖，西多士賣相好但內裏無厘味淡戊戊，唉，侷骨飯連汁都無，骨也毫不入味，一萬億個失望，從西半山專程來以後咪預我。奉勸大家對一眾靠昔日聲望而吃老本不上進的食肆加以坦白批評。

星期六的晚上，買左飛到百老匯電影中心睇戲，又未夠鐘又肚餓，決定去嘆個下午茶，難得黎到油麻地，所以走去老字號度食下野先得。老字號…一諗就諗到榕樹頭附近的「美都餐室」，入到問口，我就一個箭步跑上二樓雅座，下午時份…依度仍見人頭湧湧，窗邊的座位都被佔了，所以只好選一四人桌。望著有數十款食物的餐牌，一時間也不知食些什麼，左諗右諗…終於決定要一客「芝士焗火腿意粉」($53-)、「生炒牛肉飯」($48-)。唔洗10分鐘，生炒牛肉飯送到我們的面前，飯炒得粒粒分明，而且充滿了旦味和牛肉香，雖然佢賣相一般，不過味道真係好好。可能焗製需要多點時間，所以差唔多食晒碟炒飯，意粉先到…意粉上的芝士被焗得香噴噴，我極速把意粉拌勻，用捲上一圈意粉，熱騰騰的放進口中，香濃的芝士，身為芝士愛好者的我…深深被吸引著。正當我享受著這碟美味意粉的時候，忽然被一碟金黃色的物體吸引著，細看之下，原來是一碟金黃色…大大件的「西多士」。雖然已經飽飽地，但係我都決定要將碟西多士據為己有。不一會「西多士」($17)上，我先把牛油塗勻，底面都沾上糖醬，此時豬頭人突有來電，哈哈…我把握機會食..食..食，當佢講完電話時，問點解淨番d無糖醬既

电影尚有一个多小时才放映，要hea掉时间，所以去了多次过门而不入的美都。上到楼上，觉得環境很好。由于已吃过，所以只点了红豆冰和油酱多。欣赏一下装璜，看别人吃的津津有味，东西刚好吃喝完，一个小时就过了。非常舒服，聊天的好地方，以后会再来用餐。

(28/2/08)有日行過見到此舊式餐室,留下印象,今晚同老公試試。一定要坐樓上窗口位,舒服之外,勁有feel,面對眼前人,但環境在於六十年代,真係好有趣。保留到這格局的地方寥寥可數,所以價錢係翠華價格。牛肉通粉$23,牛肉用獻汁炒過放在通粉面,賣相有驚喜,味道一般。奶茶,如某食評家講,好似麥記自己溝的奶茶,仲唔夠熱既,餐室奶茶竟然可以咁質素,失望。焗豬排飯$48,賣相不討好,蛋炒過腍腍的冷飯,隔離pet上焗過的豬排&汁,亂晒咁。但卻係出奇的好食,又好有舊式茶餐廳口味。

去完佐敦做野,係朋友車我返屋企既時候,見到有間好懷舊既餐廳,咁就入去試下啦~因為全部都係冇set...咁只好散叫...朋友想食波羅油...好可惜賣哂...咁樣就叫左2杯凍奶茶,一份西多加一份餐egg治餐egg治一般貨色....出面所有茶記都可以食到同樣味道西多唔錯...夠哂熱,熱力溶化上面的牛油,正!!凍奶茶唔錯, 有茶味,奶既比例岩岩好環境方面又真係唔錯,好懷舊....同埋可能果陣係4點幾差唔多5點...好小人...又唔迫,坐幾耐都得...同朋友坐係到睇下街景,吹下水,咁就消磨左一個下午lu~

我常常覺得，吃東西是吃那份感情，是喜歡那個環境那份氣息，以味道勾起對生命中某段光景的緬懷;來到美都，吃的正正是那份懷舊，活像時光倒流，這裡整個格局都保留著七十年代港式茶餐廳的韻味。我最愛這兒的咕;再歎番個焗豬扒飯，熱騰騰的而豬扒則入口鬆化~配上那略微濃的汁，真的挺好吃的。以前常與中學同學仔來這兒打躉，如今再臨舊地，好懷念啊!

行完kubrick 折返彌敦道, 路經呢間著名(?) 冰室, 又上0黎食個2nd lunch, 簡單叫了個熱奶茶($12) 加個油多($8).奶茶好滑, 奶茶50:50, 好0野!叫油多純粹過0下口癮, 但竟然有驚喜-- 呢度的烘得金黃, 又靚又crunchy, 可惜牛油落得較少, 不過自行灑少少砂糖0係多士表面, 又係另一番滋味.樓上環境一流, 夠晒懷舊, 雖然無靚裝修無梳化坐, 不過窗邊位係極舒服, 人少少的話絕對可以0係度過一個寫意0既下午, 好過好多又黑又嘈但又偏偏好受年青客人歡迎的「新派上樓cafe」!一向鍾意「冰室」, 0黎開呢頭又想hea 的話, 會再幫襯... 而且身在英國的為食朋友K 都一樣鍾意「冰室」, 等佢返香港後, 點都要帶佢0黎一次!