美滋鍋 (家樂坊)

營業中

休息中

來自新加坡養生火鍋放題餐廳主打放題，提供4款唔同價錢嘅套餐，我地食A餐嘅超值套餐，主打田野鄉村嫩豬花肉，每位只需$258每檯都會送時令刺身拼盤同埋每檯一份蔬菜綜合盤。美滋鍋一共提供咗六種不同嘅養身湯底，一路打邊爐之餘，一路又可以美顏養生，感覺都健康啲！我地揀左長生松茸野菌鍋，湯底加入野生松茸菇、牛肝菌、蟲草花、新鮮蘑菇，本菇等，除左可以抗氧化，仲有礦物質和維他命D，食得健康！A餐嘅肉類雖然選擇唔多，但係都有兩款牛肉同埋牛舌！另外，對我嚟講任食佢地嘅海蝦就已經足夠只要惠顧A 餐就已經可以任食海鮮，當中包括其他放題比較少見嘅海蝦！仲有鴨血同埋雞件響鈴同埋墨魚滑都幾好食羊肉片都有記得一定要叫花膠

👍🏻至尊小鮮肉放題套餐(120分鐘任飲任食) $308高質火鍋放題！呢間之前已經食過幾次，一直都keep到高水準，不過散嗌單點價錢比較貴係IG見到佢地最近轉咗做120分鐘放題抵食好多，趁放假book位試下質素有冇差咗🤔-呢度主打每日新鮮熬煮嘅養生美顏湯底，一共八款可揀鴛鴦鍋+$50任揀2款，想試多啲亦可+$70轉四季鍋揀4款火鍋配料超過60款，另外仲有多款自助前菜小食、生果同飲品冷泡茶等任飲任食我地當日平日19:30前離座，至尊D餐成人每位$308每枱仲送時令刺身拼盤同蔬菜綜合盤一份係度簡單講吓我地當日食咗嘅items😎-🔸膠原蛋白養顏美容鍋推薦必點嘅招牌湯底！每次回訪都係嗌呢款，係瑤柱花膠雞豬骨湯撈起見到湯料有靈芝菇、豆腐、杞子、紅棗等，非常足料，另外可以自己叫份花膠入去繼續滾湯地濃稠漿口，飲落有啖啖骨膠原嘅感覺，鮮甜濃郁好好飲🤤最正係加湯都係加返花膠豬骨湯，而唔係就咁加水，越滾越濃郁！絕對係可以飲埋嘅火鍋湯底，成餐飯由頭到尾忍唔住狂飲湯🤪-🔸滋補養生香辣鍋可揀辣度，辣就唔算好辣，反而好重香料味，亦冇一般麻辣火鍋咁油膩不過相對花膠湯呢款味道濃啲，就唔建議飲埋個湯啦😂自助區仲有成十幾款

來自新加坡的美滋鍋，2022年榮獲新加坡最佳火鍋餐廳，近排推出火鍋放題超火，一定要約朋友來試一吓~有A、B、C、D四個級別的放題套餐，同樣是120分鐘，$218起！ 平板電腦點餐簡單環保，大約有60款火鍋配料任選，挺豐富。醬料、小食、水果、飲品也是無限供應。選了一個鴛鴦湯底，「膠原蛋白養顏美容鍋」用雞腳、豬骨、豬手等材料熬製8小時，加入紅棗、豆腐、菇菌等，呈奶白色滋補又養顏，必點之選。 另外「特濃沙爹鍋」十分濃稠，香味泗溢。每位也有時令刺身拼盤作頭盤，不錯！美國Prime牛下肩胛薄而大，稍為燙幾秒就行，嫩滑味濃。田野鄉村嫩豬花肉油脂豐富，肉質軟腍。竹簽蝦和沙白非常新鮮，並非急凍海鮮，還會動的，鮮甜爽口。墨魚滑和鮮鯇魚骨腩我也是很喜歡的。最後還有柚子沙冰，冰爽涼快。場內還有兒童樂園，家庭聚會帶上小孩子就更加開心！

🎏️ 食盡油尖旺 — 美滋鍋 ✨ 滋味火鍋放題🥘#90cp旺角篇 ➖➖➖➖➖唔講唔知，原來呢間位於旺角家樂坊嘅火鍋已經轉咗做放題😱 主打養生鍋嘅佢個湯底絕對係一大賣點，而且價錢都係二百幾蚊，當然要試試佢😤美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)✨ C 豪華 $308餐方面佢有四款嘅，我哋就揀咗中高價位嘅C餐，分別就在於佢有澳洲M6牛揀🐮 湯底方面就叫做半半，一半係佢嘅主打膠原蛋白湯底，令一半就係椰子鍋🥥 佢個膠原蛋白湯底，當然唔執輸飲多幾碗先啦😂 點完都係主打飲一兩碗，都係一大賣點，味道清淡都幾潤，感覺係唔錯嘅上餐方面每一台都仲有呢個刺身拼盤🍣 三文魚赤背甜蝦都有啲，老實講就唔算太出色畢竟佢唔係主打刺身🙈 值得一提嘅係佢有啲餐前小食，好似木耳同青瓜咁都幾正主打當然係講吓有咩配料，種類都十分之多🤩 牛肉方面主打都係嗌M6，牛味重而且雪花紋路較多，食落係最好味🤤 另外佢嗰個牛下肩都唔錯，除咗牛肉之外都有唔少海鮮，包括沙白，蝦同埋魚滑等🦐 其實佢仲有海量嘅款式，包括係菜，豬，丸同魚皮等等，不過個人覺得都係上述幾款比較

位於旺角家樂坊既美滋鍋係聞名國際既養生美顏概念火鍋品牌，仲榮獲新加坡最佳火鍋餐廳 - RAS Epicurean Star Award 2022🎉呢間得獎熱店最近推出全新120分鐘任食火鍋套餐🥘，最平每位只需$218起🤗餐廳旁仲有個兒童樂園區，可以比小朋友放下電😚💫 D至尊放題套餐Set D係6＋4款小鮮肉放題套餐，可以任食包括質感柔嫩、肉味香濃既澳洲M6；肉質軟嫩中帶點彈性既美國PRIME牛下肩胛；雪花均勻、鮮嫩多汁既美國安格斯牛三角同帶點韌勁既美國安格斯封門柳🥩而每位亦會附送時令刺身拼盤同埋蔬菜綜合盤🥬湯底共有八款養生美顏湯底🥰可以選擇單鍋、鴛鴦鍋(+$50)或四季鍋(+$70)🥘今次揀左四格鍋，可以試多幾款，岩哂心大心細既K~四款湯底都好有特色，包括滋潤既膠原蛋白養顏美容鍋，裏面加有紅棗、杞子等，幾鮮甜；醉香既養生藥膳醉雞鍋；酸甜開胃既維他命C蕃茄玉米鍋同長生松茸野菌鍋，款款湯底都勁足料😊店家有超過60款火鍋配料同飲品無限供應😝除左岩岩講既高質牛肉外，仲有羊肉片、豬五花、自家製韮菜豬肉餃、竹簽蝦、沙白、鯇魚片、大大件又好有膠質既花膠、芝心牛筋丸、自家製巨型響鈴、蟹籽墨魚滑、萵荀片

每月一餐之聚，一行5人不如去打邊爐，揀左新加坡過江龍人氣火鍋店美滋鍋，主打美顏火鍋，啱晒一眾女仕餐聚(順便屈埋的男去wwwww)，打邊爐同時又可打卡，正!Thanks友人Book定位。餐廳位於旺角方便大家，門面有個巨型玫瑰花熊打卡位，設有室內兒童遊樂場，適合親子，裝潢以粉紅色為主調，感覺夢幻，面積頗大，坐位闊絡，尚算舒適。混醬及前菜位置。電子落單慢慢揀，食物都幾多選擇，但有好多做優惠價及較受歡迎的食物都售罄。前菜。洛神花茶，無限添飲，酸酸地清新開胃。膠原蛋白養顏美容鍋及養身藥膳醉雞鍋，$128，膠原蛋白養顏美容鍋，人氣之選，湯底以瑤柱、雞肉、雞腳、豬骨及豬手等，材料豐富，味道鮮甜。養身藥膳醉雞鍋，味道唔夠濃郁，比較清淡。飲返碗先。店長嚴選牛肉拼盤，$448，半價優惠，$224，煙霧迷漫恍如仙境好夢幻，有本地手切牛頸背、安格斯牛小排及安格斯封門柳，牛肉味濃。美國安格斯手切牛小排(半份)，$139，油花均勻，肉質鮮嫩。日本香肩豬肉片(半份)，軟腍唔鞋口。桂花蚌(半份)，$69，鮮甜爽口。台灣新鮮鴨血(半份)，$24，口感爽滑。珍寶鮮蝦水餃(半份)，$39，幾大粒，正常水準。凍豆腐(半份)，

之前已經幫襯過旺角呢間新加坡過江龍得獎火鍋店🏅，以往都係採用單點形式但最近佢地全新推出120分鍾放題套餐，價錢更抵食🥹任食多款肉類同超過60款配料🔥飲品都無限暢飲♾️，最特別喺店內有個兒童樂園專區啱晒一家大細聚餐，所以越夜越多人想食記得訂位啦！🔸至尊放題套餐 $348火鍋放題一共有4個等級，最平只需$218起就可以任食120分鍾，自助區有多款醬料之餘，仲有好多涼拌小菜同生果都喺任拎🍊。而且每位贈送時令刺身拼盤內有三文魚&甜蝦&帶子&八爪魚，每檯仲會送上一份蔬菜綜合盤，賣相堆砌到個盆栽咁賣相好得意呀😂·湯底湯底選擇可以8選1，想貪心啲可以升級鴛鴦鍋+$50，我就叫咗呢度嘅主打美顏湯底「膠原蛋白養顏美容鍋」+「滋補養生香辣鍋」前者美容鍋湯底經長時間熬煮，充滿豐富嘅骨膠原女士們必嗌✨，後者食到辛辣嘅味道外🌶️仲有加入藥材熬製夠晒滋補～·肉類牛肉方面質素都唔錯賣相幾靚，超級推薦「澳洲M6+和牛前腿心」同「美國PRIME牛下肩胛」🐃，兩款大塊之餘油花夠均勻食落夠軟腍，鍾意肉味濃嘅都推薦食「美國安格斯封門柳」，「牛舌」亦好有驚喜雖然比較薄身但十分爽脆👅另外仲有鮮雞件同羊肉豚肉片～·其他配料當中必食當然

🌸諗唔到食咩嘅時候就會去食任食打邊爐👯‍♀️呢間來自新加坡嘅過江龍全間都係粉紅色，最啱就係同女仔朋友去打吓卡吹吓水😆今次試咗澳洲M6+和牛前腿心任食套餐（$308/120分鐘）首先可以揀鴛鴦湯底，有成八款非常養生美顏嘅選擇～比較推介招牌膠原蛋白鍋。我其他配料有成60幾款，包括餃子、丸同埋蔬菜，仲有好多海鮮可以揀🫶每人仲會送刺身拼盤好新鮮㗎😻飲品比較多台式嘅選擇，仲有幾款韓國嘅汽水同埋涼茶應有盡有🥰

♡♡♡📍美滋鍋 (家樂坊) (旺角)旺角登打士街56號家樂坊8樓803號舖之前睇到廣告見到呢間轉左型式變咗放題，因為上一次覺得都唔錯，所以轉左放題都想試吓😂🤣。依家佢分咗四個餐，唔同嘅時間都有唔同嘅收費，但係四個餐都同樣會送返時令刺身拼盤😚😚～🍽️放題A餐咁佢就有六款湯底可以揀，另外仲有一啲收費嘅～放題A餐肉類都有六款，當中最鍾意嘅就係精選肥牛，覺得佢嘅肥瘦適中😝，油脂分布亦都OK～咬落唔會太硬😝～而湯底就揀咗養生藥膳醉雞鍋，個湯底一上，就聞到勁香嘅醉雞味🤣🤣🤣～真係勁香😆！而且佢個湯底真係真材實料，又真係有晒咁多款食材喺入邊🥰～時令刺身拼盤都幾正，都有5款左右🤩～而且咁岩到係中意食既，感覺呢個價錢係有埋魚生都幾抵食🤤。

一入到大門口有隻巨大熊啤啤可以用來打卡拍照，轉彎仲有個寶寶樂園可以供小朋友去放電，大人可以放底小朋友一個享受下，餐廳座位非常闊落，好大好多位，仲有卡位。餐廳既湯底可以有幾款選擇，有單點，雙拼同埋4格，可以隨意搭配。餐廳有唔同款式既湯底，我揀左雙拼，有膠原蛋白養顏美容鍋同清涼解熱雪耳鮮椰子鍋，膠原蛋白又可以美顏，椰子鍋仲可以當椰子湯咁飲添，佢仲係新鮮椰子肉！揀完先上一架刺身船比你刺身船有唔少款式既刺身，有三文魚，八爪魚，帶子，北寄貝同甜蝦，件件又新鮮又大件餐廳既蔬菜籃好有特色，用心設計配料區有多種配料可以隨意搭配，有唔同既醬汁可以供唔同既客人口味配搭餐廳十分人性化，想加湯唔需要叫侍應，湯底會一樽一樽準備好放係你旁邊，方便大家自己加湯底餐廳有好多唔同既火鍋配料，美國PRIME牛下肩胛，牛舌，墨魚滑，韭菜餃，響鈴，腐皮卷，沙白，蝦，扇貝，豆腐，豆卜，鵪鶉蛋，午餐肉，芝士腸，生菜，皇帝菜等。特別推介沙白，又鮮又甜，最重要食落口冇沙，我地食左好多，就黎變卜卜蜆煲飲品區又有唔同飲品，汽水，韓國果汁，自家製花茶等。總結湯底同環境都幾正，配料質素都唔錯

7:32分到，，120分鍾任食！9:2x 已經開始崔交台，最後我地9:36分走，系呢段時間內足足崔左四次交台，但系出面系無人等緊！真心覺得洗唔洗啊！！！所以絕對無下次！

餐廳共有八款湯底，貪心啲想試多幾款，可以選鴛鴦鍋或者四季鍋！我就三心兩意，所以一於食齊四款！🔸膠原蛋白養顏美容鍋 豚肉湯底，乳白濃湯仲有滑豆腐，本菇，就咁飲都唔會太鹹，膠原蛋白滿滿。🔹蕃茄玉米鍋好濃郁嘅蕃茄味，酸酸甜甜好開胃。🔸特濃沙嗲鍋係最香濃嘅湯底，沙嗲本身少少辣，有花生味，任何食材放入去都變得好惹味。🔹養生藥膳醉雞鍋藥材味好出，加上花雕雞，真係好補身。而花雕的醇厚與雞肉鮮甜味相配合，湯料都好好味。選好湯底，店員隨即送上時令刺身拼盤同蔬菜綜合盤，另外餐廳用iPad自己點菜，非常方便。🥩肉類種類唔算多，但有澳洲M 6+和牛前腿心，美國安格斯風門柳，美國安格斯三角牛，四方肥牛，牛舌，紐西蘭羊肉卷，三黃鮮雞件等等。海鮮有竹籤蝦，沙白，花膠，鮮鯇魚片等等，我仲食左炙燒芝心丸，蟹籽墨魚滑，鴨血，豬肝等等。超過60款火鍋配料及飲品無限供應，120分鐘任食真係相當滿足。最後仲有冰凍清甜柚子沙冰，飲完瞬間消滯，仲清新口腔味蕾。

最近到訪了旺角的美滋鍋食，這家餐廳的火鍋配料選擇非常豐富，而且還送刺身一份，坐位舒適，整個裝潢都充滿少女心～首先是送贈的刺身船，雖然份量不是很多，刺身非常新鮮，味道鮮美，尤其是三文魚和帶子非常鮮嫩，入口即化。我們加了$70升級做膠原蛋白養顏美容湯底，毫無疑問這是為女生而設的，一改火鍋是一班男人十吓十吓的形象（笑），女生們都可以跟閨蜜來食住靚！湯底味道比較清，帶有滋潤的清甜味，真的很適合女生，而且用來淥濃味的牛肉羊肉意外合適，令肉味更顯鮮美，而重點當然是有助於美容養顏！吃完這道火鍋，皮膚感覺應該更加水嫩飽滿吧～牛肉和羊肉的質量也出色，肉質鮮嫩，肉味濃郁。墨魚滑的口感柔軟滑嫩，非常適合搭配胡麻醬食用。響鈴和魚皮餃則是我們很推介的特色小吃，兩者都非常好吃。響鈴口感鬆脆，只需浸三秒便可以吃了，而且還浸滿了美顏湯底～記得千萬不要浸太久！飲品方面，我們只拿了餐廳自己製作的紫貝天葵洛神花茶，感覺健康又美味。這是一款非常清新的茶飲，口感柔和，帶有淡淡的洛神花獨有甜香，非常適合用來解渴。另外餐廳員工的服務也非常出色，侍應非常有禮貌，態度友善，讓人感覺非常舒服！

好早已經聽我朋友講黎左間新加坡過江龍美滋鍋，佢話好值得帶女朋友去打下卡。想去食好耐，但成日都無醒起😂😂😂後來個Fd 話4月開始有120分鐘任食火鍋套餐。於是即刻訂位，早兩晚去試下🤣上到家樂坊8樓，勁闊落嘅門口仲有隻綠色好大隻高過個人嘅小熊公仔可以打卡影相🤣🤣任食火鍋套餐按肉類分ABCD4種，每位只需HK$218起。無論邊一款都會有刺身拼盤和蔬菜綜合盤。👀有8款新鮮熬煮湯底可以揀，我地再加錢一次過試哂4款湯底（四季鍋湯底 +$70）：膠原蛋白滋補養顏美容鍋、滋補養生香辣鍋、長生松茸野菌鍋、清涼解熱雪耳鮮椰子鍋肉類點了牛下肩胛、肥牛和豬花肉。海鮮點了竹簽蝦、沙白、鯇魚骨腩、鯇魚片、花膠。全部食材都相當新鮮，但打邊爐湯底都好重要！🤤🤤我地打邊爐食野就用麻辣湯同椰子湯。美容湯我地就留黎當湯飲🤣🤣仲要唔會口乾。

打邊爐唔係川式，就係嚟自台灣，有間新加坡最佳火鍋喺香港有分店，以養生美顏享盡美譽，咁健康咁新奇就好想試任食澳洲M6+和牛前腿心火鍋套餐兩個鐘，揀啱時段，最平$218一個人，都算抵玩有8款湯底揀，大胃揀咗好唔常見嘅養生抗癌松茸野菌鍋，湯底深色，菇味濃厚，趁佢仲清清地好pure，飲返兩碗湯底，好清好香呀上菜上鍋之前，隨餐附送時令刺身拼盤同蔬菜綜合盤。刺身有三文魚、帶子、甜蝦、北寄貝、八爪魚等等，相當鮮甜蔬菜拼盤擺設好有心思，好有衝動食菜呀，唔夠食仲可以落單，有好多蔬菜配料選擇放題嘅主角係澳洲M6+和牛前腿心，肥瘦完美肉香，彈性良好，食多多都唔覺得邪惡仲有其他牛肉、豬肉、羊肉同雞肉選擇，樣樣都好嫩，簡直係農莊放題除咗肉類，呢度有多過60款配料揀，海鮮有蝦、沙白、鯇魚、花膠等等，真係夠晒補。餃子、肉丸都唔少，牛筋丸會爆汁，仲有好多爆餡丸類豆品類有豆腐、枝竹、百頁豆腐、生根、響鈴等等，響鈴特別長身，食落超滿足。其他仲有鴨血、墨魚滑、魚腐、芋絲，多不勝數，樣樣食勻，分分鐘食唔落第二round醬料區配料勁多，任溝唔嬲，但要溝得好食就唔好咁大貪喇！仲有啲小食，好似手拍青瓜、木耳等等生果都有埋，擺定啲喺