影片
更多
2023-05-19
127 瀏覽
👍🏻至尊小鮮肉放題套餐(120分鐘任飲任食) $308高質火鍋放題！呢間之前已經食過幾次，一直都keep到高水準，不過散嗌單點價錢比較貴係IG見到佢地最近轉咗做120分鐘放題抵食好多，趁放假book位試下質素有冇差咗🤔-呢度主打每日新鮮熬煮嘅養生美顏湯底，一共八款可揀鴛鴦鍋+$50任揀2款，想試多啲亦可+$70轉四季鍋揀4款火鍋配料超過60款，另外仲有多款自助前菜小食、生果同飲品冷泡茶等任飲任食我地當日平日19:30前離座，至尊D餐成人每位$308每枱仲送時令刺身拼盤同蔬菜綜合盤一份係度簡單講吓我地當日食咗嘅items😎-🔸膠原蛋白養顏美容鍋推薦必點嘅招牌湯底！每次回訪都係嗌呢款，係瑤柱花膠雞豬骨湯撈起見到湯料有靈芝菇、豆腐、杞子、紅棗等，非常足料，另外可以自己叫份花膠入去繼續滾湯地濃稠漿口，飲落有啖啖骨膠原嘅感覺，鮮甜濃郁好好飲🤤最正係加湯都係加返花膠豬骨湯，而唔係就咁加水，越滾越濃郁！絕對係可以飲埋嘅火鍋湯底，成餐飯由頭到尾忍唔住狂飲湯🤪-🔸滋補養生香辣鍋可揀辣度，辣就唔算好辣，反而好重香料味，亦冇一般麻辣火鍋咁油膩不過相對花膠湯呢款味道濃啲，就唔建議飲埋個湯啦😂自助區仲有成十幾款
高質火鍋放題！呢間之前已經食過幾次，一直都keep到高水準，不過散嗌單點價錢比較貴
係IG見到佢地最近轉咗做120分鐘放題抵食好多，趁放假book位試下質素有冇差咗🤔
-
呢度主打每日新鮮熬煮嘅養生美顏湯底，一共八款可揀
鴛鴦鍋+$50任揀2款，想試多啲亦可+$70轉四季鍋揀4款
火鍋配料超過60款，另外仲有多款自助前菜小食、生果同飲品冷泡茶等任飲任食
我地當日平日19:30前離座，至尊D餐成人每位$308
每枱仲送時令刺身拼盤同蔬菜綜合盤一份
係度簡單講吓我地當日食咗嘅items😎
-
🔸膠原蛋白養顏美容鍋
推薦必點嘅招牌湯底！每次回訪都係嗌呢款，係瑤柱花膠雞豬骨湯
撈起見到湯料有靈芝菇、豆腐、杞子、紅棗等，非常足料，另外可以自己叫份花膠入去繼續滾
湯地濃稠漿口，飲落有啖啖骨膠原嘅感覺，鮮甜濃郁好好飲🤤
最正係加湯都係加返花膠豬骨湯，而唔係就咁加水，越滾越濃郁！
絕對係可以飲埋嘅火鍋湯底，成餐飯由頭到尾忍唔住狂飲湯🤪
-
🔸滋補養生香辣鍋
可揀辣度，辣就唔算好辣，反而好重香料味，亦冇一般麻辣火鍋咁油膩
不過相對花膠湯呢款味道濃啲，就唔建議飲埋個湯啦😂
自助區仲有成十幾款醬料，不過兩款湯底都好濃郁，淥完啲嘢食唔點醬料都夠晒味，湯底依然高質👍🏻！
-
🔸肉類
最平嘅A餐(成人$218/位)已有6款肉類，而我地揀嘅至尊D餐就再多4款肉
包括美國安格斯封門柳、美國PRIME牛下肩胛、美國安格斯牛三角、澳洲M6+和牛前腿心
當中個人口味最鍾意封門柳，厚薄適中，比較有咬口但唔韌，牛味係4款中最濃，咬落仲有啲肉汁😜
另外A餐已食到嘅豬花肉都唔錯，軟嫩重豬肉香
肉類整體都高質，肉味濃且冇雪味，唔需要點醬汁，食返原味仲正😛
-
🔸其他配料
用QR Code自己落單，上枱速度都幾快，亦冇漏單
海鮮有竹籤蝦、沙白、魷魚、花膠、鮮鯇魚片、鮮鯇魚骨腩等等
沙白肥美鮮甜，乾淨冇沙冇腥，任食嚟講質素好高
另外如果嗌花膠湯，可以一早落定花膠滾湯🤓！
-
丸類、滑類最推薦墨魚滑同牛筋丸💥
牛筋丸係混入脂肪個種，牛味濃，爽彈咬落勁爆汁！
墨魚滑墨魚鮮味突出，仲咬到好多墨魚粒，彈牙足料😙
-
另外仲有啲自家製同比較少見嘅火鍋配料
例如自家製韭菜餛飩、自家炸響鈴、炸魚皮、腐皮魚卷、順德炸魚腐、陳皮魚蛋、炙燒芝心丸等
想飽肚啲可以嗌拉麵！煙韌彈牙，同花膠豬骨湯勁夾😌
-
裝修依舊行少女pink lady風格，企理闊落，坐得舒服
抽風做得好，食完唔會成身油煙味
價錢比起以往做單點散嗌，新出嘅放題真係抵食超多😆😆
最重要食物質素、環境乾淨度同服務態度都keep到同以前一樣水準冇退步，性價比高👍🏻
-
味道：9/10
性價比：8/10
-
📍#美滋鍋
旺角登打士街56號家樂坊8樓803號舖
張貼
