羊鞍餐廳

營業中

休息中

羊鞍餐廳火焰羊架鐵板餐先嚟一場火焰表演，為羊肉增加一啲「鑊氣」。但係呢一場火焰，唔止有娛樂嘅性質，更加令羊肉嘅羊味更加香濃，肉質鮮嫩，肉汁更豐富。羊排最好嘅拍檔當然係薄荷醬，薄荷嘅清新能提昇羊排肉質的美味，同時減低肥膩感覺。粗條形波浪狀薯條放喺鐵板上完全吸收燒汁，羊肉汁同茄汁嘅精華，十分滋味。鐵板餐配羅宋湯，啫喱，雪糕紅豆冰特飲，更帶出童年時嘅味道。芝士田螺焗釀大啡菇薯蓉中嘅田螺煙銀，味道濃郁。芝士同香草增加層次同質感。以水潤嘅大啡菇盛載，十分適合。伴碟嘅沙律加上胡麻醬，帶出清新嘅味道。

好耐冇据扒，心郁郁想去食鐵板餐 見到九龍城呢間羊鞍餐廳，唔單止滿足到我呢個慾望，仲主打我最鍾意食嘅羊，我又點可以錯過呢去到餐廳餐牌都唔洗睇就已經叫咗個火焰羊架鐵板餐餐跟湯同蒜茸飽，星期一至五仲免費升級特飲！餐湯正正常常，蒜蓉包會脆濃味，配湯好夾黎到主角出場，火焰環節會喺你面前表演，好震撼 未食都已經100分。切開羊架仲係粉紅色，食落好嫩口，每啖都有酒香，無得頂平日食套餐仲可以免費upgrade特飲，今次叫咗西班牙咖啡，本身有啲苦，但加埋個雪糕球就啱啱好另外叫咗個蜜糖芥末焗牛脷意粉 鐘意食牛脷嘅我第一次試呢個配搭，食落都唔錯，可以再encore!!見個個都話要試，我又點會走寶呢 呢個鵝肝煎封得好脆口，油脂保持喺入面，配番個焦糖蘋果同脆多士，簡直係絕配大推！

在九龍城有一間西餐廳有一種由細食到大嘅懷舊味道，講嘅係對食物配搭和傳統鐵板餐。細細個喺快餐店食鋸扒跟餐的薯仔雜果沙律😍依度都食到。「美式雜扒鐵板餐」跟薯菜，餐湯或沙律、蒜蓉包、飲品及甜品，十分齊全唔使另外加錢再升級。賣相吸引😍 鐵板滋滋聲響，是令人引起食慾的聲音😋煙肉略炸過👍🏻帶骨豬扒厚薄適中又唔會醃到好稔，味道唔錯。牛扒夠嫩唔會好柴。竟然唔用傳統嘅腸仔~有點似台灣肉腸雞全翼唔算好大隻，夠入味！炸粗薯條香口夠脆。仲有大量粟米粒，西蘭花🥦，車厘茄，補充番啲蔬菜🥬唔會太多肉。揀咗蒜蓉汁，但略嫌唔夠蒜香味~ 如果薯菜唔夠仲可以免費送你白飯或意粉，唔怕唔夠飽喇~👍🏻追加小食：「煙肉芝士焗蠔」，焗完堅縮水，還好煙肉芝士醬汁夠惹味。平日星期一至五仲可以免費升級飲品🌟雪糕紅豆冰，椰汁香甜紅豆蓉幼滑。跟餐甜品：花奶雜果啫喱，貫徹始終嘅懷舊feel😍 雜菜湯，味道好濃郁，有羅宋湯嘅酸甜味道😋寳雲焗羊架（3支）抵食嘅主菜！羊架肉質嫩滑帶點羊脂酥香~ 朋友超讚！加$15可加餐湯/沙律，飯/意粉/薯菜和飲品。餐廳環境好寧靜唔會太嘈雜，可能因為每個座位嘅間隔都好高，隔音之餘亦有一定私隱度，感覺可以靜靜地傾偈都唔

我比較少到九龍城，原來福佬村道一條街都很多食店，各式其式。 見西餐廳門面光猛整潔，就選擇到此晚餐。內裡卡位是高背設計，帶點懷舊的感覺。而每張枱邊有「服務」按制，完全沒有使用過，因服務員全程貼心的招待，抵讚👍 我點選了2個厨師推介有什果薯仔沙律 /湯及多士+主食+飲品，再加1個小食及甜品😋😋😋 💮忌廉周打魚湯及羅宋湯+ 多士餐湯夠料，美味可口，而蒜蓉多士又香脆，一口湯一口多士，絕配！ 💮香草燒南瓜煙三文魚什菜沙律配芝麻沙律醬沙律菜清新嫩綠，主要有煙三文魚(份量多)及南瓜(夠香甜)，仲有車厘茄，將芝麻醬混合一起食，是一份口感豐富的沙律。 💮芝士焗大蝦皇拼香煎西冷牛扒配薯條🦐真係大隻喎!用芝士焗非常香喔!蝦皇爽口兼彈牙，好食☺! 雖然西冷牛扒不算厚，外層煎香，依然保持肉汁， 恰到好處 ，不會好乾身， 火侯拿捏得好呀! 💮香煎羊架(2支骨)用手拿起大啖大啖食，肉質軟腍，朋友喜歡羊肉夠羶，話超正。 💮藍莓芝士餅甜品是一餐完美的句號。 帶著滿足離開餐廳🤗🤗🤗

呢間餐廳係同事帶我嚟食過幾次lunch都覺得食物不錯同價錢公道又抵食係九龍城性價比高之西餐廳-相隔幾個月，今日再次黎到食lunch可能開學日食飯時間等咗陣就入得餐廳裝修過多咗卡位，坐得更舒服Menu 就同之前差不多，冇特別貴咗-跟餐揀咗紅湯，足料夠味又不會太酸蒜蓉包香脆的同事揀白湯係西蘭花忌廉湯，都說不錯主菜我揀咗牛尾配薯蓉牛尾燜得夠淋夠入味，食落滑嫩薯蓉好creamy 調味剛好同事揀海鮮天使麵，說味道不錯同事揀黑椒牛扒配薯蓉估唔到扒咁大，佢話都唔錯整體食物味道不錯，每個lunch set 跟湯、蒜蓉包同熱飲，都$60有找，呢度杯咖啡都不錯

平日上午同朋友係九龍城hea 行搵食，見到呢間餐廳面門好似ok 所以就行左入去，入到即刻有位坐，啲地方都舒服既👍🏼我朋友order 左個雜菜湯螺絲粉餐包粟米粒，炒蛋，車厘茄同埋多士飲熱咖啡，而我就要左個三選麵餐，我揀左午餐🥩，沙嗲牛肉同埋蛋，落單果時我見menu 就咁寫「雞蛋」所以我就問下店員係咩蛋，答我有煎蛋，炒蛋同反蛋，我要左炒蛋同埋凍檸茶😌😌食物order 左10分鐘左右，有個侍應拎住兩杯野問我地係咪叫左熱咖啡同熱奶茶，咁咖啡岩既擺低左，同佢講另一杯係凍檸茶，跟住個侍應先如夢初醒發現自己拎錯檯😅😅😅 如是者隔左一陣，有個應該係主管之類既店員問我地落左order 未😥😥 我估應該係有新人搞錯左啲野🤷🏼‍♀️🤷🏼‍♀️🤷🏼‍♀️🤷🏼‍♀️好啦啲野食終於到，雜菜湯螺絲粉個碗細到成個杯咁，再加碟炒蛋多士，隻蛋個人覺得有點太熟，個色好奇怪😰 車厘茄有一千零兩粒咁多，爭少少食唔曬😏 不過我朋友話個湯幾好飲🤷🏼‍♀️🤷🏼‍♀️ 到我個麵餐，我明明叫左炒蛋，又比左煎蛋我，我都廢事換是但食左就算，沙嗲牛肉又得3-4塊🥹🥹😅 不過個麵質係幾好食既，都幾彈牙食完出門口比錢，見到有位女士買外賣，突然聽到收銀好大聲同

今早打電話去買外賣早餐，十五分鐘後到餐廳取餐，在門口等了好一會兒，發現其人手不足，早上約7:30-8:00時段只得兩位員工在樓面提供服務，其中一位相對年長女員工只顧與熟客打牙胶，周圍望，又唔幫手。另一位相對後生的女員工則做到發曬忟憎。發脾氣的員工稱得自己一個做野，她又要收銀，所以向顧客發晦氣地說：「乜都我做，我咪做緊囉，收埋錢，我咪去包囉。」她的目光不友善，態度惡劣。此外，在她收銀後，雙手並沒有消毒，便要去送餐及包外賣，很不衞生，防疫意識薄弱。總之，無論什麼原因，也不應向顧客發脾氣。顧客無辜受氣，從此不再光顧。

懷舊鐵板火焰羊架($168)好耐冇食過港式鐵板餐，個種醬汁淋落去炸一聲既感覺真係令人好懷念😆。點左一份火焰羊架，上枱時會點火，個火真係比想像中勁好多！好令人興奮！(利申張相冇落filter係真實咁大火😂。)羊架三大件幾足料，每舊都帶少少肥邊，食落口幾軟淋好易咬，而且羊味係超濃，handle唔到重羊味既朋友仔最好揀返牛扒😛。另外點左份焗豬扒飯($68)，加$15就可以變成套餐，有埋餐湯同飲品，焗豬最忌冇汁，喱個汁醬比得足，酸甜番茄味配埋炒飯底冇得輸。侍應老闆全部都比較年輕，態度好好有禮貌，好多細節位都做得好細心，抵讚👍🏻。

一路有食開呢間餐廳亦都有叫佢嘅外賣好可惜昨天遇到一個非常之不開心嘅待遇就係我們枱有兩個小朋友安鐘點食物（安咗兩次）有個侍應不發一言就直接過嚟枱度攞走個安鐘，沒有解釋及說一句話。之後仲有個粉紅色頭所謂嘅侍應，舉手有嘢詢問佢竟然愕然相向「呼喝一句」（等等睇到）咁嘅服務態度不能夠再去再咁簡單

好耐無來九龍城自從搬了後！八年後重回此處實在懷念~~~羊鞍是我一直回味的扒房.今晚ordered了西冷扒,什果potatoes沙律+蝦及薯蓉田螺.樣樣都不錯.特別係牛扒西冷.肉質好嫩.薯條就係粗身波浪型那款！！！而什果potatoes salad. 好開胃而蝦味也不錯.食完可以食多個飯！！！薯蓉田螺係最皇牌係我心目中.田螺好甜.而薯蓉就外脆內軟.好特別嘅質感還有這個fruit punch. 最後埋單竟然不用$300.真心抵食質素又不錯！！！

最近想去一些懷舊扒房吃個扒，朋友介紹位於九龍城福佬村道有一間餐廳有懷舊鐵板套餐，所以今日和老公去試一下。看過餐牌，雖然只有五個套餐，但豬牛羊雞魚蝦樣樣齊。火焰羊架套餐一定要點，因為不是每一間餐廳都有。鐵板上枱的時候，燒羊架的香氣已經撲鼻，但一點臊味都沒有。服務員親切地為我們倒上白蘭地後再點火，畫面非常漂亮，羊架一點都不肥膩，咬下去鬆軟，有濃郁的羊味而且好香口。另外我們點了一個大蝦王石斑套餐，燒蝦很大隻，新鮮鮮甜，蝦頭膏清香。石斑塊都是大大塊的，這樣优质的食材，簡直是一個平民價，好抵食。套餐而且還有餐湯，甜品和特飲，好懷念的紅豆冰。這個啫喱甜品是我一直都很想吃的，實在太懷念了。總體來說，性價比高的一個扒餐。

好耐無食過鐵板扒餐喇，途經呢間餐廳，即刻充滿好多兒時回憶呢間主打食羊架，不過我唔食羊嘅關係，所以就揀左德國豬手！蒜蓉包勁好食，牛油蒜蓉好突出而且仲好脆卜卜羅宋湯脆炸德國咸豬手鐵板餐豬手先經過炸，塊豬手皮好香脆岩哂鍾意食香口野嘅我豬手肉質有啲嚼口，因為炸過肉質未質好軟嫩，不過配上蒜蓉汁好惹味不過薯菜就唔夠熱，如果可以熱啲會更好！香煎比目魚扒意粉魚扒好大塊，煎到外層金黃色肉質仍然保持到嫩滑！西班牙咖啡+雜果賓治

今日和朋友經九龍城，經過間扒房，裝修幾靚，位置舒服，於是就入去食個晚餐試一試，估唔到又幾特別。餐廳門口有一鍾新式扒房既感覺，店面乾淨整齊，我地一行二人點咗兩份鐵板扒餐，分別係美式雜扒同火焰羊架 餐湯各點一紅一白，碗底全部都係湯料，可見餐廳十分慷慨雜扒分別有牛扒、雞翼、豬扒各一，加條台灣腸同煙肉，雜扒餐居然有一塊牛扒實在係驚喜，豬扒係帶骨位置，肉質亦偏厚身，扒類質素比傳統港式鐵板扒房高出一大截，台灣腸一咬入面非常多汁係我既最愛，薯菜亦係脆卜卜火焰羊架係全餐飯既重頭戲，唔單止係鐵板上，店員仲要係你面前點火，羊架既油脂燒過後入口即化，羊肉厚身重肉味，重口味既燒汁我只用來點薯條餐飲方面，一至五無須加錢就有特飲，可樂亦係整罐連大大杯冰底上店内人手雖然略缺，但毫不影響店員既服務態度以及上餐速度，最後店員送上啫哩為成餐飯做上總結。真係值得推薦給情侶入去試試，環境舒服又浪漫。

同老公嚟九龍城買嘢，順便食埋飯先返屋企。有人話好耐無食過鐵板餐，上網 Search 到福佬村道有間「羊鞍餐廳」，見口碑唔錯，提議試下。 餐廳主打懷舊鐵板餐，店內嘅裝潢幾有格調，雖然桌面無鋪上舊式豉油餐廳慣見嘅復古格仔檯布，但環境相當有情調，加上一室梳化卡座，感覺非常舒服。一坐低就第一時間點左個火焰羊架鐵板餐 ($168)，另外再左客芝士焗大蝦皇拼香煎西冷牛扒配天使麵 ($92)，點主菜可以用優惠價配一款小食，揀左客煙肉芝士焗澳洲石蠔 (+$40)。鐵板餐配有餐湯同多士，忌廉湯味道對辦，多士烘得非香口，有好重蒜蓉香味，絕對交足貨。另外嗰個餐嘅前菜就揀左什果薯仔沙律，分量都幾足，易入口又好食。羊架接著送上，有三大件，配菜有薯條、粟米粒、西蘭花同車厘茄，全部都整齊地排在鐵板上，令人食指大動。放上檯後，店員會即席在客人面前淋上酒點火，讓酒香帶出肉味，熊熊火焰，夠晒氣氛。羊肉質素甚高，甘香又不過膩，而且生熟度亦剛剛好，粉紅嫩心，入口嫩滑又無羶味。薯條外脆內軟，香口又有薯味！大蝦皇賣相亦很吸引，芝士焗至焦香脆口，加上包裹住蝦隻嘅表面，鎖住水分，令蝦肉更加彈牙，趁熱食仲有拉絲效果。旁邊嘅西冷牛扒亦很

原來九龍城除咗食泰國菜，潮州嘢，仲有港式西餐廳🍽見餐牌的懷舊鐵板餐好吸引，百多元已包咗蒜蓉包，餐湯，鐵板餐，飲品，懷舊啫喱餐湯有雜菜湯同忌廉湯，雜菜湯好足料，味道好香濃火焰羊架鐵板餐 $168上菜嗰時，侍應會問你需唔需要點火，梗係要啦。一點火，真係唔講得笑，好大火焰，好有氣氛呀！ 跟住自己倒燒汁係在鐵板上，聽到“滋滋”聲，食慾大增。 羊架好juicy，一啲都唔韌。美式什扒鐵板餐 $128咩都想試下，最好揀呢個，有豬扒，牛扒，雞翼，煙肉，腸仔。 除咗份量十足之外，食物一啲都唔hea. 肉質唔嚡又好味。兩個鐵板同樣有薯條，雜菜。呢度逢一至五免費升級特飲涼粉冰食完鐵板餐諗住清下熱，涼粉，花奶，仲有一球雪糕，正。呢啲西餐廳冇得飲㗎西班牙咖啡同樣有一球雪糕食到好飽，仲有餐後甜品，懷舊啫喱。呢個幾飽都要食埋先， 啫喱杯好骨子，啫喱裏面仲有雜果，我哋鍾意食啫喱加花奶，試下問有冇，佢哋又好友善提供呢度啲侍應對客人相當親切有禮，好多仲有講有笑，應該儲落唔少熟客呀仲免收加一， 兩個人三百蚊都唔使，相當抵食。