羊鞍餐廳

營業中

休息中

我最近探索咗一間平價西餐廳，發現咗一款超值又美味嘅招牌菜！我一定要同你分享佢哋嘅「芝士焗肉醬意粉」，真係令人嘆為觀止！首先，話到呢碗意粉，佢哋嘅麵條煮得剛剛好，有個咬口，絲絲入味。而肉醬就係呢碗意粉嘅亮點！佢哋嘅肉醬醬汁濃郁而且有層次感，充滿著美味嘅肉香。每一口意粉都可以完全沾到咖喱醬，令味道更加豐富。而最令人難以抗拒嘅係上面嘅芝士！佢哋將芝士撒在意粉上，入爐焗至金黃酥脆。每一口咬落去，啲芝士就會拉絲，形成一個誘人嘅濃郁芝士層。芝士嘅濃郁與肉醬嘅鮮美相互融合，真係令人嘆為觀止！總括而言，呢間平價西餐廳嘅「芝士焗肉醬意粉」絕對係一個物超所值嘅美食選擇。無論係麵條的彈牙口感，濃郁的肉醬，定係誘人的焗芝士，都給人留下了深刻的印象。如果你喜歡芝士和意粉的結合，而又不想花太多錢，絕對要去試試呢間平價西餐廳嘅芝士焗肉醬意粉。保證你會愛上這道美味、物超所值的美食！

在九龍城辦事, 完畢後即找地方食午餐避暑. 去了九龍城街坊排隊店羊鞍. 今天超熱, 幸運地排咗5分鐘即可入坐, 焗飯控當然叫芝士焗豬扒飯. 價錢十分合理, 只需$57, 唔洗加一. 🌸皇牌焗豬扒飯 + 餐湯 + 熱咖啡🐽🥢羅宋湯, 夠熱, 味道酸酸甜甜, 好開胃. 豬扒焗飯, 焗得夠火喉, 表面有微焦但唔苦, 炒飯底有少量蛋皮, 飯粒間充滿蛋香, 芝士量足, 夠拉絲, 豬扒巳切成細細舊, BIT SIZE, 勁細心, 可惜豬肉有啲實, 扣了少許分. 最後上嘅咖啡是即磨咖啡嘅味道, 總括來說, 這間餐廳性價優

星期日上完補習班，經過餐廳門口見到有一堆人排隊，咁就膽粗粗入去問下細枱會唔會有位；又好好彩仲有最後1張細枱。室內裝飾都好有特色但放左有好多張大大小小既枱，比較擠逼。今次我點左午市套餐 1 - 香煎肉眼牛扒配燒汁，羅宋湯，凍檸茶；以及精選午餐C - 粟米忌廉汁牛脷燴螺絲粉，羅宋湯，熱Mocha。羅宋湯夠味又唔辣，連小朋友都飲到。配埋蒜頭包，好味道。肉眼牛扒唔會過熟，配埋白飯啱啱好反而牛脷螺絲粉就冇乜特別，個忌廉汁略嫌太甜。杯Mocha味道可以但表面個朱古力粉花紋好醜樣。

每次午飯時段經過九龍城都看見大班人👫在羊鞍餐廳排隊, 除了學生還有街坊及上班族. 看它的餐牌,又不是特別平, 查看食評, 又不是大推的熱門餐廳, 今天終於鼓起勇氣試下.🙄忌廉洋蔥湯不太濃郁, 有淡淡甜味, 有洋蔥粒, 跟湯的蒜蓉包冇蒜味, 放涼變硬了. 法式紅酒燴牛尾 份量好大, 好多牛尾, 肉質軟腍鬆化, 紅酒汁多, 味道微甜, 好下飯. 初時以為量不足, 但最後吃到好飽熱咖啡即磨咖啡, 夠熱, 正常.無後悔選擇了羊鞍餐廳, 最終都明白點解咁多人排隊, 雖然跟餐的蒜蓉包表現欠佳,但總括來說, 性價比高.好食❤️❤️❤️❤️🖤抵食❤️❤️❤️❤️🖤

呢間已經成為我Comfort food，價錢合理又好食。menu 上有好多選擇，成日都有選擇困難症。今次揀咗龍蝦汁海鮮天使麵，朋友就揀咗精選午餐入邊嘅香檳忌廉汁蟹柳蜆肉螺絲粉，叫左轉意粉。送餐湯同嘢飲，凍飲加$3。餐廳有得揀忌廉湯同雜菜湯，我同朋友都揀咗雜菜湯，飲得出好足料，唔會重味精同粟粉開出黎。我嘅龍蝦汁海鮮天使麵好掛汁，超級濃味，海鮮配料非常多；蟹柳蜆肉意粉嘅蜆肉份量都幾多，忌廉汁甜甜地，我相信我相信用螺絲粉嘅話會比意粉掛汁。上菜速度超快，茶餐廳嘅速度，西餐廳嘅質素，難怪可以喺九龍城屹立咁耐！

九龍城福佬村道食店成行成市，唔睇食評揀到呢間斷估食羊出名。預咗早餐間間差唔多，唔預會有乜嘢特色。驗屍咁睇完兩次餐牌，我哋都點咗意大利菜湯螺絲粉，都無打算要加花巧嘢。唔使幾耐，大大碗早餐送上，粉面放滿雜菜，沙爹味道適中牛肉爽口，配巨型法蘭克福腸，叫人精神爽利。即磨咖啡唔使落糖，夠晒醒神。店舖地方唔大，搭枱其實有啲逼，大堂上方放咗四幅電車拼畫，格調高幾級。好彩快咗一步，轉眼間出現龍尾，係免加一平過隔離咁話。

碟頭飯價錢有成個西餐set，抵食冇投訴👍！・・・・・・・・・・・・・・・・・・・・🥩 法式紅酒燴牛尾意粉 HK$57 午餐包括：餐湯、蒜蓉包、熱飲（正常！）・味道：正常平價西餐廳紅酒汁，5-6大舊牛尾煮到好入味。・口感：牛尾夠淋，一拮舊肉即甩。意粉熱嘅夠濕潤，唔係一早煮哂成煲攤係到乾蒸嘅塊狀意粉XD。・・・・・・・・・・・・・・・・・・・・🤰性價比：高～🤰9衝度：9衝～🤰結論：性價比超高，大份飽肚，味道正常～・・・・・・・・・・・・・・・・・・・・環境：正常港式平價西餐廳格局～

今日因為做嘢嘅緣故，提早食lunch。11:00仲係早餐時段，搵咗呢間食。佢早餐既選擇都多，揀咗意大利菜湯螺絲粉，配埋牛角包。我鍾意佢嘅意大利菜湯，好味又覺得健康啲。相對其他茶餐廳有呢個選擇，都幾唔錯。

我唔理你食物有幾美味，服務態度惡劣就係趕客！人地客檯客一行四人，各自叫左早餐跟唔同飲品，你口黑面黑擺低其中一杯，人地個客問你係咩黎，答案竟然係「你自己叫左咩你自己唔知？」，從佢年紀打扮我知佢係老闆娘或者係話得事的人，做茶餐廳竟然咁樣對客，憑咩？無論餐廳食物質素有幾差，我一向唔鍾意比負評，始終人地打開門做生意，係好艱難的。但呢口氣真係無法忍受！唔該該員工自己反省下，做服務行業係咪用呢種態度對待客人？

//羊鞍餐廳九龍城福佬村道22號地舖 放火片在圖5🤩🔥🔥超大火😂😂😂😂▪️炸德國豬手鐵板餐 $148炸豬手熱辣辣上枱😍😍個皮脆卜卜 豬肉唔會炸到太乾 食到唔停口😋😋😋配菜方面 薯條係茶餐廳粗薯條🍟 食得出係啱啱炸起 唔係放左成個鐘果d 抵讚😋👍🏼食到最後送上啫喱做甜品🍮用料好足 入面有果肉 配埋花奶食 好過出面d椰絲啫喱🤣🤣🤣總括黎講 呢個價位黎講 都算交足功課😋👍🏼黎到九龍城又想試下泰國菜以外既 可以黎試下🤣餐廳環境光猛 職員服務態度好 好主動拎住水壺加水👍🏼👍🏼

去九龍城食Thai菜就真係食得多，今次要去嘅係老友提到嘅隱世西餐廳，有懷舊嘅感覺得嚟仲要係性價比高。所以今次真係要去睇下依個老友講嘅真唔真😂。黑松露醬鮮什菌炒意大利粉配香煎雞扒 $82上枱嘅時候色香味齊👍，食落雞扒味濃再加埋有少少脆皮，但係又唔會太過油膩😋。意粉🍝軟硬度啱啱好👌，再配埋濃厚嘅黑松露味道，仲配搭埋新鮮嘅什菌，所有配搭恰到好處😋👍。脆炸德國咸豬手鐵板餐 $148當我睇餐牌嘅時候望到有德國咸豬手已經唔洗再諗好多，即刻叫嚟試試佢。因為真係唔係間間西餐廳有得食。當我見到佢個脆皮嘅時候就知道一定無叫錯，食落非常之脆卜卜，唔單止皮脆咁簡單，中間層脂肪唔會過龍得嚟非常有咬口，真係完全無諗過可以有依種級數😋😋😋。再加埋其他配菜份量啱啱好🤏。懷舊啫喱一見到嘅時候，細佬仔嘅感覺即刻番哂嚟😂👍。雜果賓治又係其中一款懷舊飲品，老友真係無講大話👍🤣。西班牙咖啡(咖啡 朱古力粉 雪糕）又一款好少地方有得叫嘅飲品，飲落好特別，咖啡加雪糕🍦，好重口味得嚟😋好好味🤣。朱古力蛋糕🍰又一款重口味，但係好好味嘅蛋糕🍰😂，朱古力濃厚，蛋糕底又造得好👍。

今晚同朋友去九龍城搵食, 我地揀左羊鞍餐廳, 羊鞍餐廳係九龍城的福佬村道, 坐港鐵及巴士也十分方便。餐廳雖然名為羊鞍餐廳, 但不止於有羊, 還有不同款式的晚餐。餐廳餐牌種類多, 加$15就有餐湯及飲品, 價錢亦唔貴, 啱晒附近的街坊, 難怪當晚咁多街坊及好多街坊買外賣。而且同店員有傾有講, 好熟悉的感覺。店員好友善好主動收拾枱面, 雖然用QR CODE落單, 但見到有老人家唔識時, 會有耐性同佢地點餐。我同朋友點了 :*招牌雙拼精選 – 香煎有骨厚豬扒及煙肉焗澳洲石蠔2隻配天使麵 (加$15要餐湯及飲品) $92 + $15*黑松露醬鮮什菌燴意大利飯配香煎牛扒 $92*香煎羊架 (2支) $58*飲品 : 雪糕紅豆冰(加$12)及黑牛(加$12)餐湯係羅宋湯及磨菇忌廉湯(兩款均有蒜蓉多士)羅宋湯材料豐富, 味道易入口磨菇忌廉湯磨菇打得細粒, 入口香滑, Good 香煎羊架羊架真係好出色, 煎得香口夠火喉, 肉質嫩滑唔會有羶味, $58 有2件好抵食香煎有骨厚豬扒及煙肉焗澳洲石蠔2隻配天使麵厚豬扒雖然厚, 但唔會鞋身, 而且大大塊好入味。煙肉焗澳洲石蠔, 碎煙肉加埋芝士醬汁已令到石蠔味道

數數手指，都幫襯左呢間餐廳好多年，以往成日過黎食LUNCH，今次食晚飯，水準一貫KEEP到。餐廳有D似香港舊式既扒房，以往幽暗既燈已換成光猛既燈光，餐廳內座位為高背的卡位，私隱度較高。當晚叫左個蒜香牛脷、鐵板雜扒餐、我最鍾意食既焗吉烈豬扒飯及咖喱雞扒意粉。落單後牛脷最先上菜，厚切牛脷切丁後煎香再灑上炸蒜調味，食落牛味重，肉質軟淋唔UN，作為前菜開開味蕾都不錯。焗吉列豬扒飯以茄汁鋪面加上芝士焗香，為左保持脆口，最後再擺上吉列豬扒。茄汁份量岩岩好，唔會太小撈唔到飯又唔會多到搞到個飯濕哂，調味先咸後甜，舊式西餐既味道，炒底有蛋香，飯粒分明，好食。與其去出面食幾百水個焗豬，不如試下呢到既，絕對唔會比出面差。鐵板餐夠熱，上菜時JARJAR聲，一份雜扒有帶骨豬扒、薄牛扒、台灣腸、芝麻雞翼及煙肉，食肉獸岩哂，伴碟既炸曲薯條夠脆夠熱。份量多，略嫌就咁食肉有小小咸，上網睇其他人食好似可以免費要意粉及白飯，不過我無要求。鐵板餐仲可以免費升級做特飲及送甜品（什果啫喱），雪糕紅豆冰紅豆蓉食落較糯，飲落有忌廉香。以前黎食LUNCH，最鍾意食就係焗豬，之後就係咖哩，餐廳既咖哩叫乳酪蘑菇咖哩，食落無酸味，咖哩汁杰身

前晚收咗工約咗好耐冇見嘅朋友嚟到九龍城呢邊食dinner，佢哋推薦呢間專食扒嘅餐廳，佢哋食咗好多年，話好好味😋餐湯叫咗紅湯，幾好飲～雜果薯仔沙律跟餐配沙律🥗或者餐湯，有好多薯仔🥔幾淋甜，配埋幾新鮮嘅沙律菜同埋沙律醬，唔錯龍蝦汁海鮮天使麵係朋友誠意推介，話好正！天使麵配埋濃郁嘅龍蝦汁🦞好creamy～幾鍾意天使麵嘅口感，仲有好多海鮮，好似蝦，青口，魷魚🦑等等～好豐富牛扒意大利麵好大碟嘅意大利麵，有好多牛扒肉，仲有西蘭花伴碟🥦牛扒幾香，食落幾有咬口煙鴨胸天使面切成一塊塊嘅煙鴨胸，配埋爽滑嘅天使麵，仲有佢嘅醬汁好好味😋成個配搭都好正熱菜蜜跟餐配飲品，甜甜地，幾好飲

屯馬線開通後，去九龍城食飯真係好方便，一出宋皇台站就見到不同食肆，好耐無食過鐵板餐，今晚就同朋友過咗嚟羊鞍餐廳 食嘢。餐廳主打懷舊鐵板餐，店內裝潢簡潔。卡座坐得舒服。鐵板餐和晚餐都配有餐湯同多士，忌廉湯味道creamy,多士烘得香脆，有蒜蓉香味。火焰羊架鐵板餐，羊架用鐵板盛載，有三大件，配菜有薯條、粟米粒、西蘭花同車厘茄。上檯後，店員會在客人面前將酒點火，之後淋上羊架，讓酒香帶出肉味，熊熊火焰，夠晒氣氛。羊架生熟度剛剛好，中間仲有粉紅嫩心，入口嫩滑又無羶味。薯條外脆內軟，香脆可口！黑松露醬鮮什菌燴天使麵配香煎鵝肝，鵝肝煎至金黃色，口感絲滑綿密，入口即化。幼細的天使麵完美地吸收 黑松露和 忌廉汁的濃郁和Creamy的味道，又香又滑又好味！套餐加12蚊轉特飲雪糕紅豆冰：紅豆夠林，加咗花奶和雪糕，口感滑溜又香甜。甜品係啫喱，加些花奶特別好食。點主菜可以用優惠價配一款小食，芝士田螺焗釀大啡菇：田螺口感煙韌，大啡菇上鋪滿芝士，焗至金黃色，味道濃郁惹味！伴碟嘅沙律味道清新。