影片
更多
2021-12-13
1152 瀏覽
同老公嚟九龍城買嘢，順便食埋飯先返屋企。有人話好耐無食過鐵板餐，上網 Search 到福佬村道有間「羊鞍餐廳」，見口碑唔錯，提議試下。 餐廳主打懷舊鐵板餐，店內嘅裝潢幾有格調，雖然桌面無鋪上舊式豉油餐廳慣見嘅復古格仔檯布，但環境相當有情調，加上一室梳化卡座，感覺非常舒服。一坐低就第一時間點左個火焰羊架鐵板餐 ($168)，另外再左客芝士焗大蝦皇拼香煎西冷牛扒配天使麵 ($92)，點主菜可以用優惠價配一款小食，揀左客煙肉芝士焗澳洲石蠔 (+$40)。鐵板餐配有餐湯同多士，忌廉湯味道對辦，多士烘得非香口，有好重蒜蓉香味，絕對交足貨。另外嗰個餐嘅前菜就揀左什果薯仔沙律，分量都幾足，易入口又好食。羊架接著送上，有三大件，配菜有薯條、粟米粒、西蘭花同車厘茄，全部都整齊地排在鐵板上，令人食指大動。放上檯後，店員會即席在客人面前淋上酒點火，讓酒香帶出肉味，熊熊火焰，夠晒氣氛。羊肉質素甚高，甘香又不過膩，而且生熟度亦剛剛好，粉紅嫩心，入口嫩滑又無羶味。薯條外脆內軟，香口又有薯味！大蝦皇賣相亦很吸引，芝士焗至焦香脆口，加上包裹住蝦隻嘅表面，鎖住水分，令蝦肉更加彈牙，趁熱食仲有拉絲效果。旁邊嘅西冷牛扒亦很
同老公嚟九龍城買嘢，順便食埋飯先返屋企。有人話好耐無食過鐵板餐，上網 Search 到福佬村道有間「羊鞍餐廳」，見口碑唔錯，提議試下。
餐廳主打懷舊鐵板餐，店內嘅裝潢幾有格調，雖然桌面無鋪上舊式豉油餐廳慣見嘅復古格仔檯布，但環境相當有情調，加上一室梳化卡座，感覺非常舒服。
一坐低就第一時間點左個火焰羊架鐵板餐 ($168)，另外再左客芝士焗大蝦皇拼香煎西冷牛扒配天使麵 ($92)，點主菜可以用優惠價配一款小食，揀左客煙肉芝士焗澳洲石蠔 (+$40)。
鐵板餐配有餐湯同多士，忌廉湯味道對辦，多士烘得非香口，有好重蒜蓉香味，絕對交足貨。另外嗰個餐嘅前菜就揀左什果薯仔沙律，分量都幾足，易入口又好食。
羊架接著送上，有三大件，配菜有薯條、粟米粒、西蘭花同車厘茄，全部都整齊地排在鐵板上，令人食指大動。放上檯後，店員會即席在客人面前淋上酒點火，讓酒香帶出肉味，熊熊火焰，夠晒氣氛。
羊肉質素甚高，甘香又不過膩，而且生熟度亦剛剛好，粉紅嫩心，入口嫩滑又無羶味。薯條外脆內軟，香口又有薯味！
大蝦皇賣相亦很吸引，芝士焗至焦香脆口，加上包裹住蝦隻嘅表面，鎖住水分，令蝦肉更加彈牙，趁熱食仲有拉絲效果。旁邊嘅西冷牛扒亦很美味，煎得好香口，肉質嫩滑軟腍，肉味濃郁又有肉汁，配天使麵吃，清爽不膩。
另外呢碟焗澳洲石蠔亦睇頭十足，蠔肉鮮甜肥美，入口香氣四溢，與表面焗至金黃的芝士完美融合，將石蠔的鮮甜盡情發揮。
星期一至五，點鐵板餐可以免費升級特飲，揀左杯雪糕紅豆冰，紅豆香甜軟腍，而且落得都幾夠重手，加上頂頭一大球雲呢拿雪糕，飲完真係好飽肚！另外個鐵板餐仲會送杯啫喱，超懷舊，絕對係兒時最愛的甜食之一。
張貼
