羊滋味

營業中

休息中

看了媒體的推介，正好天氣好凍，不妨一試。點知去到吃完，感覺好失望。兩人點了一個細份的枝竹羊腩煲，話就話羊腩，但來到大多數都係骨頭，未見到乜腩位。羊的份量都好少，一個細煲收338蚊，性價比可謂真係好差。份量少之餘，羊肉吃起來口感都好柴，沒有羊的鮮甜感。眼看不夠吃，然後再加了一份羊肉餃子，估唔到同樣令人失望，羊肉加韭菜的配搭，一樣是吃唔到羊肉的鮮甜。估唔到，係一家叫羊滋味的店鋪吃唔到羊的滋味冇下次！

在網上看到太子最近新開了一家專食羊的小店「羊滋味」口碑不俗，於是趁著這個冬天去朝聖一下除了羊肉外，有提供牛骨煲及牛肉類食物、涼拌小食、燉湯、粉麵、飯及飲品-蔥燒羊腩 $138配料豐富，有大蔥、唐芹、青椒、紅椒、洋蔥及蘿蔔等羊腩件數不少又厚身，肉質緊實不帶羶味；配料新鮮爽口，調味剛好不過鹹，整體口感及味道層次豐富-金菇肥牛鍋 $118加入大量芽菜、生菜及寬粉，絕無欺場肥牛脂肪比例不高，口感紮實帶嚼勁；金落爽嫩入味，寬粉煙韌Q彈，配合中量蔬菜，感覺健康-羊肉餃子7隻 $48加入適量芫荽及大量生菜鋪墊餃子皮薄又滑，餡料充滿啖啖羊肉鮮香，湯品鮮甜不膩，不錯-當歸羊排湯 $68又一足料之選，湯品加入紅棗、杞子及圓肉等飲落當歸味濃郁，鮮甜美味又毫不油膩，非常富層次，出色

我最近發現了一家迷人的餐廳，他們以羊肉為主題，提供了一系列令人垂涎欲滴的羊肉美食。其中，他們的羊肉餃子和涼拌羊肉絕對是我心目中的佳餚。首先，讓我介紹一下羊肉餃子。餐廳的廚師們將新鮮的羊肉切碎，與一些香料和蔬菜混合在一起，然後包進餃子皮中。他們將餃子煮熟至剛剛好的口感，餃子皮細緻柔軟，充滿了羊肉的豐富香氣。每一口都帶來滿滿的肉汁，令人愛不釋口。此外，餃子的外觀也十分吸引人，金黃色的外皮散發著誘人的香氣，讓人直接垂涎欲滴。搭配上一些辣椒醬或者醋，更能增添一份酸辣的風味，這樣的組合簡直是完美的。接下來是涼拌羊肉。這道菜以涼拌的方式呈現，讓人感受到羊肉的鮮嫩和清爽。餐廳的廚師們將羊肉切成薄片，並用一種特殊的調味料拌勻，讓每一片都充滿了鮮美的味道。這種調味料帶有微微的辣味和酸味，非常爽口。羊肉的質地鮮嫩多汁，搭配上蔬菜和一些香草，給整道菜增添了豐富的層次感。每一口都讓我感受到羊肉的鮮味和清新感，真是令人愉悅。無論是羊肉餃子還是涼拌羊肉，在這家餐廳都可以品嚐到最道地的羊肉風味。他們使用新鮮的食材，並將它們烹飪得恰到好處，保留了羊肉的鮮美和營養價值。餐廳的服務也非常出色，服務員熱情友好，讓我感到賓至

好久沒吃羊肉了這間#羊滋味 羊肉煲不錯除了羊肉煲還有牛骨煲套餐飯類/粉面類/燉盅湯類/涼拌類選擇很多我們兩個人點了：🐑滋補羊肉煲（小份）藥材湯底非常滋補養生有當歸、紅棗枸杞等等配菜有白蘿蔔同支竹羊肉沒膻味肥瘦相間肉質緊實蘸上腐乳醬吃更美味份量夠大鍋湯底非常清甜回味無窮😋兩個人足夠吃👍👍下次再去吃牛骨煲📍 羊滋味 太子界限街20號地舖 #羊肉煲#旺角美食#我的美食日記#冬日里都溫暖#美食打卡#火鍋

呢排流感高峰期 身邊多人病 食羊暖身補下🥰熱辣辣🔥來到太子呢邊 近地鐵站方便易搵 呢間食蒙古羊 難得香港有得食 價錢都好親民 入座點菜前會送涼拌青瓜&苦蕎茶比大家 後來仲有有特色酸奶甜品試📌涼拌羊肉配微辣青瓜 羊肉片👏👏📌砂鍋羊肉米線揀左粗糯米粉👍有特色招牌🥰👏📌羊肉湯餃菜多📌山藥燉牛尾湯增強免疫力，抗氧化📍 太子界限街20號地舖🏷️羊滋味#太子 #羊肉

天寒地凍，朋友想吃羊肉暖暖身，得知太子有一新店，有正宗蒙古羊肉，當然立即去試試。裝修簡潔舒適，以蒙古傳統掛飾略作點綴。有湯有菜又有肉，感覺豐盛之餘價格亦相宜。燒椒皮蛋 $38；加入生蒜辣椒等配料混入溏心皮蛋搗碎，皮蛋香氣更突出。沙鍋羊肉粉配粗糯米粉 $58；湯底鮮甜又暖胃，糯米粉跟平時吃到的很不同，口感彈牙不粘糯，有點意想不到。羊肉爽滑不羶，十分美味。乾鍋花菜 $68；炒得乾身又入味，份量亦多，抵食！回鍋肉 $78；配料都爆得很香，火候十足。回窩肉片大片之餘鮮甜軟滑，又一抵食推介。蒜泥白肉 $48；超香的蒜泥，加入大量的芫荽，配以薄切肥肉，何時何地都是超開胃的配搭。黃金炸饅頭 4個 $28；主食與甜品合而為一樽裝酸梅湯，解渴佳品。

［深水埗］羊滋味.咁凍要食吓羊肉不過兩個人食唔哂羊腩煲唯有叫吓其他.砂鍋羊肉粉食剩指數:0/100大大碗好多羊肉片粉揀左粗糯米粉好滑有彈性50幾蚊碗好抵食.孜然羊肉食剩指數:10/100羊肉片炒得幾香好多配料蔥、洋蔥、辣椒幾香辣如果配飯就一流.羊肉餃子食剩指數:20/100羊肉餃子好抵食有好多韭菜餃子皮唔太厚.手拍青瓜食剩指數:0/100手拍青瓜好大碟好清爽唔係好辣.蒜泥白肉食剩指數:0/100白肉好多醬汁好惹味底仲有青瓜絲

特別走去太子食飯，因為有一間新開嘅羊滋味，標明採用來自蒙古的牛羊，蒙古嘅羊聽講係無羊臊味，我證實果然係咁。今日天氣涼咗，滿座了要等一會，聞到羊香味都值得，枱枱一個煲，細細間店基本裝修，氣氛熱鬧，聽到廚房炒菜聲。點了滋補羊肉煲 $338，湯底由當歸、元肉、杞子、紅棗熬煮，非常香，因為有當歸所以有明顯的藥材味，大都唔係好濃郁可以接受。最正係羊肉，很有咬口，連皮連骨，皮很爽，帶脂肪的很肥美，完全沒有羊臊味，本來唔鍾意食羊的朋友亦食得好開心。自由配三款醬汁，辣椒豉油、腐乳、芝麻腐乳。點放多送一客蔬菜及寬麵，省了我們不需追加，寬麵順滑好食，剛好夠飽，只不過意猶未盡多點一個羊肉餃子 $48，一樣好好食，皮薄滑溜，羊肉味唔濃。

見到這間新開嘅羊肉專門店好吸引，一於同朋友試吓😚 食材採用肉蒙古草原新鮮羊肉，性價比好高。夜晚同朋友嚟試吓😚 晚市好多人光顧 全場滿座，要提早預約～餐廳氣氛好熱鬧，適合一班朋友聚會🍻 二人晚市消費💰 $556 🌟不設加一服務費、不設醬料/茶位費🌟準備踏入冬季，一定要食羊腩煲😍 店員推薦我哋食支竹羊腩煲($298/半份)，份量絕對足夠二人食～羊肉羶香，肉厚嫩滑，加上豐富配料 例如冬菇及支竹，口感豐富，好好味😚 仲會附送一雜菜拼盤，好抵食～另外點了內蒙羊肉卷($188)，質素很不錯，肉質鮮嫩🤤 加了凍豆腐及白飯，食到捧住個肚走😆

經過位於太子界限街20號，有間#羊滋味 ，喜歡食羊的老友興起話想食羊腩煲，見圖片都唔錯，便進入開餐囉，餐廳佈置乾淨簡潔😉。點左滋補羊肉煲，店員說不是用味精熬製的，是真材實料煲成啊。咁正😊，我地待湯滾起時，即盛起飲碗湯先，味道香濃，湯料十足有杞子、當歸、枝竹、白、紅蘿蔔🥕同芹菜等幾滋補啊。蒙古羊腩肥瘦適中，份量足夠2人食用，羊腩煮得皮下脂肪煙韌有咀嚼感，肉質不會好硬，跟煲有新鮮生菜、娃娃菜和粟米🌽。食完成個人感覺都暖笠笠，遲啲天氣再凍啲嘅時候，再約埋三五知己圍爐，真係輕鬆簡單又一餐。

見新開左間羊食店，咪睇下餐牌，價錢ok就試試佢先。坐低好快送上麥茶同qr code，本身諗住食羊腩煲，但店家強烈推薦牛骨煲，咁未食過就試下啦😋⭐醬料落完order就送上gas爐同醬料，有辣椒豉油、腐乳醬、南乳醬。⭐原味牛骨煲（細）一大窩賣相唔錯，上枱時已經滾起，可即刻食😋牛骨有三大件，真係好大件㗎，上面有肉有筋又幾正喎，最重要係食埋牛骨髓❗味道真係好好味，但食得有啲狼狽，不竟係餐廳都要保持儀態😆呢個要外賣返屋企慢慢啜😆😆⭐蔬菜盤送的蔬菜盤，好似係叫任何鍋類都有得送。⭐寬粉店家突然拎左一盤寬粉出黎送每枱食客試試，未食過喎淥黎試試先🤔好易就熟，彈牙又滑又有咬口，仲好吸湯添，幾得意。⭐牛肉餃子叫左碟生餃做火鍋料，menu話羊肉餃賣晒得返牛肉餃，但淥熟後發覺入面有韮菜餃同芹菜餃，前者味道似羊肉多啲🤔唔通店家聽到我地想食羊肉餃特別整盤二合一，又幾好喎可以一次試晒兩款口味🤤⭐黃金炸饅頭最後就係香口嘅炸饅頭，沾煉奶好正🤤價錢唔貴又免加一，不過暫時只收現金同支付簿，八達通話申請緊😃

之前經過留意到呢間新開嘅餐廳專做羊肉煲，見天氣都開始轉涼就記返起呢間，今日收工就同男朋友去試咗喇！味道比想像中更正，餐廳應該係家庭式經營，服務態度都非常好。———————————————🌟滋補羊肉煲 $298呢個羊肉煲真心好足料，入面就咁睇都有好多杞子、龍眼肉、紅棗同當歸等，店員仲話係無味精咁煮，羊肉味道好濃郁，未開始食已經飲左兩碗湯，擔心之後加湯會淡，點知佢再加湯都唔係加滾水，又係加返同一個湯底，真係飲多幾碗都得，冬天飲就岩曬。羊肉方面都算多，未必算好大件但其實一邊食一邊會發現食極都好似仲有咁😂所以實際份量都幾多。另外個煲本身會配一份菜包括生菜、娃娃菜同粟米，全部都非常新鮮同鮮甜。.🌟涼拌魚皮 $48呢個魚皮同我想像中唔係好一樣，佢有少少似wasabi味，我個人期望係麻辣果種，不過男朋友本身就好鍾意食wasabi味嘅野所以呢個小菜超啱佢。份量方面都算多，同埋魚皮本身都好爽口彈牙，如果涼拌再凍少少就更正喇😍.🌟寬粉 $28本身想叫烏冬但店員極力推薦呢個寬粉😂所以最後都叫咗份黎食，點知食完真係返唔到轉頭後尾仲追加多份🤣同平時食開嘅唔同，平時果種係似水晶粉透明咁，但呢個煮完都係白色，口感亦

📍羊滋味 (太子)📍太子界限街20號地舖🟡沙鍋羊肉粉 $58+$20 羊什+$22 野生木耳（套餐＋$15解綠茶）🟡當歸羊排湯 $68我最近去了太子新開的羊滋味，羊肉料理真係我嘅最愛，臨近冬天又係食羊嘅好季節！餐廳位於太子界限街，地舖寬敞明亮，環境舒適，叫咗一個沙鍋羊肉粉和當歸羊排湯。沙鍋羊肉粉嘅羊味好出！由於太肚餓，加多咗兩個配料。湯底鮮美，帶有濃厚的羊肉香味。羊肉片好鮮嫩，入口即化，配料中的羊什和野生木耳更增添了口感的豐富度。夾夾埋埋一大碗，原本有嘅配料唔使加其實都有！一放落嚟嚇死我，真係超大碗！超正！另外冬天真係好想飲碗湯，當歸羊排湯，湯品清澈，羊排肉質滋味，當歸的香氣唔會比羊肉覆蓋住，飲一啖都好舒暢，補血補氣！非常適合秋冬季節享用。只能說，由頭到尾都冇偷工減料，真係好值得過嚟食！我呢個世界級愛羊之人，再去開太子一定會再食！

天氣轉涼好耐無食過羊腩煲🐏今日放工去太子食飯見到間平平地既羊肉煲🐏而且經過聞到香味有幾款煲，最後揀左滋補羊肉煲(細) $298🐏🐏🐏類似藥膳味道個湯都飲得羊肉無膻味肉又軟滑皮又夠彈牙食完覺得好滋潤仲有支竹仲包一份疏菜2個人食夠晒飽😋😋牛肉餃子(7個）$48👍🏻👍🏻餃子皮煎得好脆身肉汁又多好juicy 好有質素2人食左350真係好抵食適合少人都可以食一個煲仲有其他煲同粉麵可以選擇.

羊滋味 (太子)太子界限街20號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：葱燒羊腩飯 $78，滷水牛𦟌 $78，鴻福堂竹庶茅根水 $15羊滋味鄰近港鐵太子站D出口，交通方便！😄😄😄餐廳提供多款羊肉美食，不少客人慕名而來，可見水準不錯！👍👍👍葱燒羊腩飯：羊腩鮮嫩多汁，帶來陣陣羊肉香，彈牙而有咬口，再加上爽脆的京葱和惹味的辣椒，以及火喉十足的炒煮，膻味完全不見了，留下的只有羊的好滋味，絕對值得一試！😍😍😍滷水牛𦟌：牛𦟌塊塊深啡色，可見滷煮得非常入味，肉質瘦中帶肥，很有嚼勁，加上麻辣醬料烹煮，辣椒、花椒、蒜、生姜等香氣撲面而來，牛𦟌鮮味加上麻辣口感，味道一流！❤️❤️❤️鴻福堂竹庶茅根水：食過葱燒羊腩及麻辣滷水牛𦟌，全身暖笠笠，飲番支竹庶茅根水，當堂又清涼番哂！👏🏻👏🏻👏🏻餐廳裏還有多人品嘗枝竹羊腩煲和滋補羊肉煲，下次定要約齊朋友試一試！😋😋😋