羊滋味

營業中

休息中

睇人介紹嚟食羊，好似話係傳統蒙古羊嘅菜式餐牌都有好多羊同雞嘅選擇，仲有得打邊爐見到碟頭飯$6x冇加一勁抵，男朋友最愛炒羊雜，香港冇乜地方食到咁平又好食，有肺有肝，完全冇內臟嘅腥味雖然碟頭飯，但係碟餸都唔少另外仲嗌咗碟回鍋肉，雖然唔係傳統嘅川式做法，但係都好惹味，洋蔥雲耳比好多羊蹄筋第一次食，好彈牙，送酒一流蔥爆羊肉，呢個就唔夠前面兩碟出色，始終羊腩都要炆完夠腍夠入味先會好食，但係啖啖肉非常滿足羊肉餃皮脆入面爆汁，不過都係就咁食一嚿嚿嘅羊肉開心啲見隔離打邊爐啲羊肉卷都好正，下次再試

紅燒羊腩（大） $138有骨有肉，羊肉夠燜夠入味，羊肉唔算太羶，易入口，配埋自家辣辣哋嘅醃酸蘿蔔，幾夾。乾鍋花菜飯 $58同喺大陸食開嘅乾鍋花菜唔太一様，多好多配料，有洋蔥，雲耳，豆皮等等。唔算太辣，夠味又惹味，份量仲唔少👍🏻蒙古酸菜餃 $38店員話呢個係新嘅蒙古菜式，豬肉加埋酸菜嘅組合，唔算好酸，豬肉味都濃，配醋食唔錯。夫妻肺片 $68食過嘅四川夫妻肺片通常用牛腱牛肉，其實冇肺嘅，呢個蒙古夫妻肺片係用羊肺嘅，下面有大量青瓜絲，個汁係好開胃酸酸哋嘅醋。呢間蒙古食店，主打食羊肉，不過亦有其他肉類選擇。除羊腩煲之外，仲有好多其他蒙古羊肉菜式，嗜羊及羊雜嘅唔好錯過。

最近天氣成日都咁凍，好適合去食下羊腩煲暖下胃😆原來太子有間專食羊嘅蒙古菜🐑第一次食蒙古菜，都幾特別，而且真材實料👍🏻1️⃣ 砂煲羊肉粗糯米粉 $58第一次食粗糯米粉，粗糯米粉嘅口感好彈牙，湯底味道幾香濃，配料都好多有羊肉、蘿蔔、豆卜，吸哂啲湯底好好食😆2️⃣ 當歸羊排湯 $68值得一試🙌🏻🙌🏻呢個係一碗適合女士飲嘅湯，主要功效係補血同調經！每日用4個鐘去燉，真材實料，好抵飲🥹🥹湯有當歸同羊排，飲落好鮮甜，好暖胃🥰3️⃣ 孜然羊肉 $138呢道菜用到孜然調味嘅羊肉，孜然嘅香氣同羊肉嘅鮮嫩口感結合一齊，味道好香口，食落好開胃，無羊騷味🐑4️⃣ 羊肉水餃 $47/7粒第一次食到羊肉水餃🤣水餃裡面有鮮嫩嘅羊肉，羊味都幾重，食落多汁🙌🏻

*真實食評*枝竹羊肉煲：招牌係羊滋味..啲羊又韌又嚡，真係嚇親，仲話係主打食羊，對其他食物都冇期望🙃🙃🙃燒椒皮蛋：味道正常，可以。牛肉餅：個餅皮厚過磚牆，再加上碎濕濕嘅鹹味牛肉碎口水雞：叫左半個鐘都仲未上到菜，問待應係咪漏單？答我整緊，整緊，整緊，一路整緊整到咁難食！！食雞皮包骨👎🏼👎🏼👎🏼唔食喇，埋單走..服務：長髪女待應，問佢拎個餐牌嚟睇，叫我自己QR code睇。同埋食羊腩煲都提供兩隻碗俾我吖……唔開口問都冇😏枱面贈送一樽酸蘿蔔小食係比客人自己夾的，聽見隔籬枱問侍應應該用乜嘢夾起蘿蔔，侍應答有個夾子的，客人答沒有夾子，長髮女侍應答：「可以用你自己個匙羹」

羊滋味專營內蒙嘅黑頭羊同黃牛，作出高湯不加味精的承諾，令大家食到內蒙豐饒自然嘅羊滋味涼拌羊肉 $68羊肉份量畀得大方，部分羊肉連皮，食到滿滿嘅羊香，加上大量芫茜，葱段，花生，青瓜等配料拌製，香氣十足，預設只係微辣，味道十分到位熗拌豆腐絲 $48隻碟好靚， 好似喺omakase見過呢！熗拌係相對少見做法，辣椒花椒熗出油後再涼拌，配上大量葱段，十分惹味沙鍋羊肉米線 $58羊肉薄片充滿羊香，羊骨湯係師博用內蒙黑頭羊骨餚製十多個小時而成，不加添味精，香味劑等等，純純嘅羊骨湯，每張枱都有自家製辣椒油，主要提鮮提香，同羊骨湯係絕配，強烈建議加少少葱油餅 $36口感香脆，葱味十足，趁熱食係最好食嘅炸南瓜餅 $38南瓜餅香甜Q彈，外皮金黃酥脆，內餡軟糯，同樣係趁熱食最好食當日嘅羊肚包已經賣完，呢道菜實在係好吸引，建議先致電查詢，相信愛羊之人會好鐘意呢間餐廳羊滋味地址：太子界限街20號地舖#princeedward#princeedwardfood#太子美食#太子餐廳#太子食#羊滋味#羊肉專門店#內蒙羊肉#黑頭羊#羊骨湯#涼拌羊肉#涼菜#沙鍋羊肉#沙鍋米線#沙鍋粉#羊肉片#豆腐絲#涼拌豆腐絲#熗拌#葱油

🐑🐑🐑我哋都好鍾意食羊肉，羊肉嘅味道總是令人難忘☺️💙今日就專登去咗間食羊肉嘅餐廳 #羊滋味🐑蟲草花燉羊排湯：熱辣辣嘅燉盅，入邊有大量蟲草花～羊排骨味都幾重，鍾意食羊嘅唔好錯過☺️🥟酸菜豬肉餃 ：呢個係好特別嘅蒙古菜式，豬肉加埋酸菜嘅組合，真係未試過，食落口有少少酸味，亦有新鮮嘅豬肉味道呢個餃子可以配酸菜醬、腐乳、或者普通嘅醋我覺得配腐乳就最夾💛🐑孜然羊肉：經典嘅小菜，有好多羊肉，仲有好多配菜，配飯食一流🐑蔥燒羊腩：又係有大量嘅配菜，羊腩好味！！大大粒，有肉有骨～

*:.｡..｡.:* 羊滋味-太子*:.｡..｡.:*🐑手抓羊排🐑最原汁原味嘅羊排肉🤭肉質與脂肪分佈好平均，食落絕對唔會韌一咬已經離晒骨👍🏻另外配三款醬料（辣椒油、孜然粉、燒肉醬）我一次過點晒三款醬料食 意外地好match🤭🐑孜然羊肉🐑孜然味唔會太重或者太淡，味道剛剛好，羊肉份量都好多仲有落咗啲辣椒去炒，帶有少少辣味，不錯不錯🐑 砂鍋羊肉米綫🐑估唔到咁大煲米線🙈湯底充滿白蘿蔔味 加上少許胡椒粉味 幾好飲🤭除左羊肉 仲有好多豆腐卜 木耳。呢款適合偏清淡嘅人食🐑蟲草花羊排燉湯🐑雖然落左羊肉去燉 但個湯唔會好重羊膻味，淡淡蟲草花香👍🏻

食物質素一般，但係就勝在夠熱辣辣，2點半啱啱過咗飯市所以唔使等位，有好幾次都想將隔離枱 order 咗嘅嘢放低比我哋，當時得3枱客其實可以用心啲嘅，手抓羊排呢個價錢份量唔係好抵，叫咗炸饅頭冇影相，覺得最好食，男服務員細心攞碗仔比我哋，服務態度很好，店舖仍有進步空間

係蒙古菜呀🇲🇳竟然係香港食到依啲特別嘅菜式🤩 未去到蒙古🥲就食住蒙古菜體驗下先啦🤣蒙古菜大部分都係烹羊入饌，所以今餐係全羊宴🤣😋 🐏🥢 沙鍋羊肉粉 $58好大鍋🤣細食的話，一個人未必食得曬。先講湯底，好濃肉味但係係好平和同清淡個款，同埋我覺得冇羊臊味。配料有豆卜、木耳、腐皮、蘿蔔同埋羊肉片。特別係個麵底🍜雖然我揀咗米線，但係同平時食開個啲好唔同，佢比較粗少少，食落口好煙韌，有啲似薯粉，好特別🤩🤩🐏🍚 爆炒羊雜飯 $68依款就好惹味，辣辣地🌶️送飯一流👍🏻羊雜其實我覺得同牛雜差唔多🤣不過因為羊內臟，臊味都會比較重，朋友話特別係個肝，有啲臊🤣🍲🍲 肚包肉湯2個 $68大概係羊肚包住羊肉，依款個湯係再濃味啲，不過因為我地已經好飽🤣就冇再飲個湯了。包住係入面嘅羊肉，好腍😆記得要沾佢個韭菜醬，超濃韭菜味，有啲驚喜🫢🤭🫑🥚 燒椒皮蛋 $38推薦大家一定要嗌❗️好食❗️調味岩岩好，仲有啲熟蒜撈埋🧄可以自己揀辣或唔辣。重點係佢係冰凍的🧊，不是室溫，好清涼😋😋

聽講呢度出名食羊,所以就黎左食下,不過叫左碟羊肉飯之後就覺得佢太過咸,價錢係平既,但由於太重口味所以就食唔晒,仲有D枝竹多過D羊,羊肉得好少份量,D筍有D怪味,同埋筍好硬,希望餐廳可以改善一下,羊肉係好食既但就真係太咸了...。

太子有好多吾同嘅小店，食肆林立，今次就想介紹呢間食蒙古菜嘅小店!菜式係正宗嘅蒙古菜，主打食羊肉，但見到餐牌都有其他吾同嘅肉類可供選擇:好似今日甘，我同朋友叫左⭐胡椒豬肚雞湯跟飯 $55⭐肚包肉湯 $68⭐椒鹽鴨舌 $118⭐羊肉炒麵 $68小店有家庭式小菜嘅感覺，最有驚喜係肚包肉湯同椒鹽鴨舌，味道好，食得出係用心製作嘅菜色，羊肉味夠濃又嫩口!重點係價錢優惠，性價比算高。對於好少食蒙古菜嘅我嚟講，都算係幾特别嘅味道!👍

香港講起食羊通常第一時間都係諗起羊腩煲。但太子原來開左間主打食羊既餐廳，除左常見既羊腩煲之外，仲有好特別既蒙古羊肉菜式，愛羊份子絕對可以試下🐐肚包肉 ($68)呢道係蒙古特色菜，用新鮮既羊肚包住羊既後腿肉再用繩綁成球狀烚熟，食既時候會配埋韮菜花醬同辣椒醬。呢度會有麻醬同腐乳醬，又係另外一番味道。🐑孜然羊肉 ($138)孜然同羊肉本身都係經典配搭，羊肉鮮嫩多汁，吸收哂香料既味道。孜然既獨特風味同羊肉完美結合，帶黎一場味蕾巴盛宴。🐏砂鍋羊肉軟糯米粉 ($58)軟糯米粉口感特別，介乎米線同烏冬之間，除左羊肉之外，仲有羊耳，而且其他配菜都唔少，而湯底飲得出係煲左好耐既羊湯，$58真係算幾抵

原本見呢排天氣涷，約定朋友去食羊腩煲，屬意太子呢間專門食羊肉的小店，不過其實除了羊，還有牛都是採用內蒙古進口食材。到咗約定當晚氣溫又變暖成廿幾度，我哋亦臨時改變主意，試試此店的牛骨煲。口水雞 $108食主菜前先點了份口水雞，份量都幾多，雖然眼見醬汁好紅，但不用被嚇到，是香麻中帶少少辣，不會辣到嗆口個種，雞肉亦細嫩幼滑，食完一口雞肉，再食舗在底下的青瓜，爽口清涼又開胃。原味牛骨煲 $338（小份)整個煲比火鍋Gas爐還要大，兩件超大大件的牛骨，還有一小堆小牛骨，連骨帶肉，連肉帶筋，牛肉煮得軟淋。識食的都知道這種牛骨的精華在於骨髓，店家已細心準備了透明膠手套及長匙，挖出的骨髓口感軟滑，帶油脂香。湯頭非常好飲，一連飲了幾碗。粗糯米粉 $25除了跟煲奉送了蔬菜盤外，其實大家亦可加點其他配料如餃子、涷豆腐、什菇及麵等，我們點了粗糯米粉試試。蒸熟後較軟身，食落煙煙韌韌幾特別。

前排天氣咁凍，最啱一定係食啲熱辣辣暖身心嘅嘢，係同事嘅推介下，我哋就嚟咗位於太子嘅羊滋味食飯，整個裝修都偏向中國風格，咁樣食又真係幾有Fᴇᴇʟ砂鍋羊肉米綫 $58呢到選用內蒙古進口嘅放牧黑頭羊，羊味突出但不羶，連唔太食羊嘅🐨都話唔錯，個米綫食落幾特別，比坊間嘅粗啲啲，食落口又軟糯啲煙韌啲，整體係唔錯嘅😚原味牛骨煲 $338一上枱真係震憾，隔離左右嘅人都望吓，兩大嚿牛骨擺係個煲入面，用嘅係內蒙古進口嘅黃牛，啲牛骨髓真係好濃味😂 而煲入面有芹菜，蘿蔔，仲有牛肉同羊肉片，高湯香而醇，再問老闆先知，佢個湯底絕不落味精，個湯真係非常好飲👍🏻老闆秉持著對食材的敬重，以純粹的烹飪方式展現食材的原始風味，為食客帶來風味獨特的美食之旅，感受內蒙古草原的純淨與豐饒🥰

放學走咗去太子搵食，估唔到有一間專食新開嘅餐廳。天氣咁凍，最啱就係食羊補身。裝修非常溫暖，好似家庭式經營，牆上掛滿好多山東嘅裝飾品。主要係食羊嘅菜式。最好係未有餸菜上前，可以在枱面自己夾酸嘅白蘿蔔，酸酸甜甜既前菜，非常開胃。燒椒皮蛋原個皮蛋喺個木桶裏面，連埋尖椒，自己用木搵棒作碎自調辣度。連埋尖椒一齊撈勻食酸酸甜甜辣辣非常開胃，係一道東北常見嘅前菜。蔥燒爆炒羊蹄筋羊蹄滑嘟嘟可以補骨膠原，汁入晒味。仲有西芹伴隨非常補身。砂鍋羊雜河粉河粉晶瑩通透、厚身，煙煙韌韌，食落口感似薯粉的感覺。入面好多唔同樣嘅部位有羊腸、好似豬潤嘅羊腩、羊肚等。煎羊肉餃子餃子🥟皮非常鬆脆可口，即叫即造。羊肉超有羊味，咬開餃子有羊肉汁爆出，非常Juice。當歸羊排湯入面有羊肉、杞子、川芎、乾龍眼肉、白芷。燉出羊肉精華超足料。超適合我哋女士、補血調經。飲完即刻個身暖笠笠，最啱而家冬天季節，手動腳凍嘅女士補一補。