維港冰室

營業中

休息中

除夕放早，去維園趁還未太多人行了個早花巿，之後才吃遲來的lunch，去到維港冰室已經四點，原來餐廳今天五點關門，我們趕上了尾班車，叫了兩個鐵板餐，來慶祝這除夕日，迎接長假期。粉葛豬骨湯 羅宋湯有中湯選擇有驚喜，中湯粉葛豬骨湯煲到老火湯，味道濃郁，喝得出很足料煲出來，西湯羅宋湯也很濃稠，很多蔬菜口感十足招牌黑椒牛柳意粉$129牛柳是牛腰部的肉，肉質細嫩，油花少，先用黑椒醬醃製，然後在鐵板上煎至兩面焦香，內裡保持多汁。黑椒醬調配出來的味道不會太辛辣，恰到好處。牛柳切開肉質粉紅，口感軟嫩，放在鐵板上的好處是可保持溫度，意粉軟硬度適中，配上一些蕃茄醬汁。兩件巨型的牛柳加上意粉，十分飽肚滿足。洋蔥豬扒拼法蘭克福腸$119和牛柳一樣都是兩件大大件的，豬扒煎到兩邊金黃，香氣四溢，豬扒質地很嫩，又多汁，配上薯菜是原個焗薯仔，加上芝麻醬，大愛，還有西蘭花和紅蘿蔔等配菜，法蘭克福腸煎到帶點香脆，鹹香惹味。凍奶茶 +$3 冰室黑牛 +$12凍奶茶以金屬杯盛載，可保冷，口感順滑，奶味頗重，黑牛是可樂加雲尼拿雪糕，令我們一試難忘，口味融和，想回家自制一下呢。

打工仔千祈唔好幫襯依間餐廳！落order等左廿分鐘叫佢哋跟一跟但佢哋根本就冇幫過我跟最後過多幾分鐘仲要上錯左另一個餐比我！點餐果陣個餐牌明明寫住係肉餅飯點知變咗蒸魚飯仲同我講話唔好意思我哋個餐牌冇改返咁點解唔係即刻落完單之後同我講？而係要白白浪費咗我廿幾分鐘時間喺你餐廳坐喺度等？如果一早知道冇我想食嘅嘢我就可以即刻走唔使仲嘥我時間成個過程佢哋完全冇覺得自己有做錯過咁處理手法嘅餐廳唔知點解仲可以營業到依家

好掛住港式鐵板餐呀！今日晏晝去銅鑼灣，就忍唔住入咗間茶記食喇～🤗佢哋嘅鐵板餐除咗有扒，仲包埋自家製餐包、餐湯及餐飲。而配菜可以揀焗薯、意粉或飯。焗薯唔係間間有（因為多數得炸薯條），一定要試下。如果加啲酸忌廉會仲好食🤭我哋嗌咗兩款牛扒，份量十足❤️ 蒜蓉西冷牛扒（$119）黑椒牛柳（$129）個人覺得牛柳好食啲，肉質較嫩。雖然食完好飽，但忍唔住叫咗件蛋撻（$9）。喺我最鐘意食嘅酥皮，蛋漿又厚又滑勁好食🫶🏿

完全不知所謂的餐廳！員工態度超級惡劣！話說，見到還沒關門就試試進去吃個晚飯，誰知我點的餐都還沒到就已經叫你結帳，營業時間還沒完吧？然後再用好差的態度叫你結帳，如果快要關門怎麼不早點說！然後當我的晚餐剛到，才開始吃的時候，突然把音樂聲調整到超大，目的就是想逼客人離開，我看到其他客人都紛紛因為太嘈吵而離開！然後我問服務員能不能把聲浪調低，他一臉怕事的樣子說不能，看似有點不尋常，接着我走去收銀處問:你們的音樂好大聲，能不能調低一下？ 竟料那個收銀員說:不能啊，你受不了可以走啊。然後音樂再大聲一點。。。。。請問這是什麼的服務？有必要用這種小動作去趕客人走？如果真的是到打烊時間，為什麼一開始又接我們這台客？老實說，這種方法實在太老土了，其實一般只需要向客人說明店舖要關門，請他們離開，我相信正常大家都會好合作，反而你用這種手法去叫人離開，完全是沒有文化水平的行為！這樣的店，不可能再回頭吃。。。。

天氣凍好想食湯麵，但今日中午忙到得30分鐘食lunch, 去維港食過早餐，上菜好快。就入座食個常餐 A 冬陰功肥牛湯米粉$58,配火腿白松露炒蛋自家製餐包。上枱都驚喜，因為好大好大份，冬陰功湯飲一啖少少辣好香，有幾粒蝦肥牛同埋好多雜菌菇，幼身米粉吸曬湯精華，個人覺得非常合口味好好食。炒蛋好滑，黑白芝麻的餐包，夠健康。同事就食一個咖哩牛筋腩飯，正常發揮都好食。餐單上有非常非常多選擇有16款焗飯，中午都有鐵板燒，仲有特色炒粉麵，仲可以叫小菜。另外買咗蝴蝶酥，麻薯包，同埋老婆餅返公司食做下午茶，個蝴蝶酥係一定會再回購，非常酥脆。麻薯包外面脆入面軟人流不斷，新開張希望可以一直保持水準，都會一直幫襯。

呢間嘢進駐冇幾耐裝修唔錯燈光光猛唯獨是係人手爭少少叫嘢食都要等下😂餐牌太多選擇仲要啲字好細粒所以唔想睇淨係叫咗壁報板上邊個晚餐有包有湯有主食同埋嘢飲個包唔熱都唔緊要個湯就唔得啦唔熱偏冷😩主菜就份量正常不過又係唔熱味道總括都唔錯希望今次嘅遭遇係意外啦下次再嚟睇睇

成日以為銅鑼灣食野好貴，今日行過依間冰室，入面裝修光彩奪目，寛敞衛生。食物質素好，款式好多，有港式茶餐，中式小菜，鐵板餐...等，除左一般茶餐廳飲品，仲有多款特飲。勝價比非常高。1. 海南雞半隻，配中湯白飯中湯好香濃，無味精。黃油雞肥美多肉，無骨啖啖肉，雞味濃有油香，雞肉及皮都好滑，沾上個微辣既醬汁，好惹味，味道更加豐富。2. 酸菜魚份量超足料，除左魚片之外，仲有萵筍、菇菌、雲耳、酸菜😍。 湯底酸辣度剛剛好， 魚肉肉質嫩滑鮮味，湯底充滿鮮甜。3. 鐵板牛柳(5成熟）黑椒汁羅宋湯香濃仲有好多菜，加埋個微熱既牛油餐包, 牛扒外面有煎到有焦香，生熟度岩晒心水，牛柳中間係粉紅色，但肉質好嫩滑好juicy, 肉味好濃厚，加埋黑椒汁提升味道，認真唔錯 ，仲有焗薯同蔬菜，好豐富。 充滿港式扒餐既情懷。4.雪糕紅豆冰雪糕香滑 ，有椰味及奶味，原粒紅豆但非常腍，甜度適中，真的非常好飲。

在香港，茶餐廳真是隨處都是，但良莠不齊，不過，今晚跟朋友來到「維港」，絕對是屬高質素的一群。餐廳地方十分之大，裝修以金色、啡色為主，但一點也不俗氣，而且，光猛整潔，卡位又闊落，以茶餐廳而言，算得上是上等裝修喔！不用多說，餐具、紙巾、調味料……等等，就放在桌旁的抽櫃內，排列整齊。餐牌就在桌面的玻璃之下，然而，我們的重點就着眼於皇牌鐵板套餐之上，因為我們都很想「鋸鋸扒」。先來餐包及餐湯，除中湯，還有「紅白」西湯，我就選了紅湯（羅宋湯），味道非常香濃，內有不少蔬菜，很美味。而餐包超級巨型，塗了牛油，入口十分軟熟，很港式的滋味。朋友就選了「美國西冷牛扒」（$119），配上黑椒汁及薯菜， 送來之時已是滋滋聲響，而且，牛扒、焗薯也十分大件，可謂份量十足，最重要的是西冷很具油香，卻不失肉味，就算是七乘熟，質感還是很嫩滑，沾上了黑椒汁，更加惹味。我的「招牌黑椒牛柳」（$129）果然不失招牌之名，單是賣相已十分吸引，厚厚一件牛柳煎得焦香，切開一看，五乘熟的狀態，呈粉嫩嫣紅，美妙之極。細嚼一口，肉質軟腍並富肉香，實在好吃到不得了。餐飲方面，我們不約而同的改選了維港特飲：椰果紅豆冰及雪糕紅豆冰，只需多加$1

外賣麵包 加杯野飲 點知淨係得杯野飲 我話仲有個包 阿姐聽唔清楚仲鬧翻我轉頭 而家加返單有幾難 仲要鬧返客人轉頭 我吾會再幫襯 麻煩老細留意番服務態度請人 要客人俾錢買難受 絕不再幫襯

跑完渣馬即刻係銅鑼灣求其搵咗間茶餐廳食午餐， 茶餐廳嚟講呢間野食多樣化， 鐵板扒餐、馬來咖哩、炒粉麵飯都應有盡有，而且仲有新鮮出爐嘅麵包！招牌黑椒牛柳鐵板套餐$129大大份熱辣辣鐵板牛柳，牛柳鬆軟程度一咬即斷，帶牛味非常易咬口！招牌酸菜魚 套餐價$91辣度酸度都好適合香港人去品嚐，一人份都夠大份，幾抵食！菠蘿油 $15茶餐廳必食菠蘿油， 15蚊大大份脆皮又抵食， 個size同塊面一樣大！另外仲有啲特色嘢飲品，龍鳳檸樂、黑牛、紅豆冰等等經典茶餐廳嘅嘢飲都會有！

維港冰室 (銅鑼灣).係我食開嘅一間冰室對面間左間新野，野食有鑊氣有店員服務又好.▪️乾炒豬扒一丁▪️.勁有鑊氣嘅鐵板乾炒豬扒一丁，出前一丁炒得香又乾身，豬扒又唔會太肥膩！.▪️焗黑椒牛扒🥩意粉▪️.男朋友食到讚不絕口，黑椒牛扒非常腍身同入味，以焗嘢嚟講佢嘅出餐速度好快.▪️公司三文治▪️.公司三文治一客四件，入面有炒蛋，午餐肉生菜芝士等等好豐富！.📌 維港冰室 (銅鑼灣)銅鑼灣謝斐道483-499號新城大廈地舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

一直會在外面食早餐的我、嘗遍各區大大小小，新新舊舊的餐廳。第一次在這裡晚膳，真心推介！食物大碟又好味（忘記影小菜）伙記有人情味，會主動介紹食品（充滿笑容）這一點真係香港難求「我只試過銅鑼灣未試灣仔店！現在早歺行遠啲都會過嚟食！我強烈推薦大家試吓。今時今日係要有呢啲服務態度才能留人在港消費。比起灣仔「紅X」好出幾憶倍，紅「X」不是灣仔多寫字樓執咗好耐，見佢晚市往往－，兩台就知。人家食方便不是「欣賞」我強調我不是打手、只是這個店令我想執筆讚揚一下、請加油繼續keep 住這個精神、一定越做越好👍🏻我會再來的香港除了食品質數、服務也很重要。要留客不要只「怨」及數算！肯改、明天一定更好

由呢間茶餐廳啱啱開鋪，只收現金嘅時候長期幫襯到今日，戴誇張耳環嗰個上年紀女人啲服務從來冇好過，仲有個靚妹啲服務態度都差到無倫，睇在啲嘢食OK都繼續幫襯到今日。平時入座，明明見到啲位置俾啲客擺嘢擺喺度個位窄到入唔到, 都仲叫客人夾硬迫入去，當時並非繁忙時間，明明仲有其他吉位冇人坐，都唔明呢啲咁嘅侍應咩心態？明明有位置比客人坐得舒舒服服，點解要難為啲客？係唔想做定係點？當你坐咗喺啲吉位到，又話要清潔又乜乜勿勿，就係唔俾你坐，要你搬去佢想你坐嘅位，明明吉位附近仲有大把客人喺度食緊嘢！清乜嘢潔 ？你老闆請你返嚟係服務客人，唔係趕客 ！再咁落去，呢間茶餐廳唔會再有回頭客！

同家人行完工展會，餓餓地，就喺銅鑼灣搵野食，見到有間維港冰室夠多人，伏極有限。入到去，職員幾有禮貌咁安排左細枱。睇左餐牌，揀左炸魚柳配薯角同星洲炒米，等左唔洗十分鐘就上菜，先上魚柳有驚喜，炸魚柳好大塊，薯角份量足，又有沙律菜，比好多餐廳好，食落知係即做，唔係做定嘅。轉頭上埋星米，呢個就唔合格，油多色差唔乾身，但配料足，味道唔得，食唔晒。呢度啲職員都有禮，唔會黑口黑面，加上食物水準可以，但中餐就要改進吓先得。總體西式餐有水準抵食，中餐就可以唔諗。

冰室位置就在謝斐道大街，周圍兩旁都是各種餐廳。這家冰室食物飲料款式很多樣化，選擇也很多，總有一款能符合你心意。這家冰室居然有酸菜魚，立馬點了個酸菜魚開開胃，魚肉很嫩又不會太辣,湯底不會很濃郁過咸，有木耳跟菇，清清的，一口接一口，魚肉不嫌多。喜歡無骨海南雞，適合我這種懶人不用吐骨，雖然叫了半只，但份量卻很多，沾上旁邊的醉辣醬，簡直不要太爽，如果醬汁再多一點就更好，畢竟雞給的份量很足。另外的香鍋麻辣雞外皮香脆，辣度剛好，很下飯，裡面的料子也很多，有油麥菜，蓮藕和薯條等等。配上很大杯的忌廉朱古力，不會很甜上面的忌廉軟呼呼的，拍照要快，要不然很快化掉。另一杯龍鳳檸樂混合了檸檬清香和醃漬咸檸檬的咸香，酸酸甜甜又加上一點點咸，和可樂毫不違和的融和在一起。最後的啫啫排骨煲裡面的肉多得很，排骨還不錯，很容易脫骨夠味，但叉燒有點過硬柴掉了，如果嫩一點就更好了。現在因為冬天也有羊腩煲，不過只在晚上供應想吃的朋友們記得留意，不要像我錯過了吃羊腩煲。