綠茶餐廳 (創紀之城五期(apm))

營業中

休息中

觀塘又有新嘢食喇 今次係主打新派江浙菜嘅綠茶餐廳店內裝修充滿中國風 環境寬敞舒適返深圳必食嘅餐廳 喺香港都食到真係好喇龍井烤雞以名貴龍井茶入饌 原隻烤雞上枱之後店員會等客人影完相之後 再將烤雞剪開雞皮金黃香脆 肉質鮮嫩多汁 黑醋脆皮牛腩 (香港限定)香港獨家推出嘅招牌菜 牛腩軟綿入味脆皮香脆可口 配上特製黑醋 酸甜開胃鮑魚小炒肉鮑魚粒爽口 小炒肉香口彈牙 最正係啲辣椒 辣辣地好惹味黑松露牛肉炒飯黑松露香氣逼人 牛肉粒唔會韌炒飯粒粒分明 豪華版炒飯好吸引龍井檸檬茶招牌特飲 要帶大粒熊仔冰打卡一流以上等龍井茶配搭清新檸檬 開胃解膩麵包誘惑佢係一大舊方包 將入邊嘅麵包切粒塗滿煉奶同牛油 頂果層仲會焗到微香再加球雲呢拿雪糕 真係勁好食 呢個甜品係必嗌

同大家分享近期發掘嘅人氣餐廳！今次帶大家嚟觀塘apm嘅綠茶餐廳探店～ 📸𝙎𝙩𝙖𝙧𝙩𝙚𝙧 𝙤𝙛 𝙩𝙝𝙚 𝙙𝙖𝙮 ✨粉絲裹蝦真係必點之選！每隻蝦都係鮮味彈牙，包裹住嘅粉絲炸到金黃香脆，一咬落去就會聽到「卡嚓」嘅清脆聲，蝦肉爽彈鮮甜，配埋特製蒜蓉醬汁就更添風味！💯𝙈𝙖𝙞𝙣 𝘿𝙞𝙨𝙝𝙚𝙨 🔥最hit嘅黑醋脆皮牛腩絕對係我嘅心頭好！外皮香脆得嚟又唔會過硬，牛腩肉質軟嫩多汁，啖啖都係濃郁嘅黑醋香，一試難忘！👍🏻砂鍋西施豆腐煲賣相簡單但出色！豆腐滑溜鮮嫩，加埋蒜蓉同蔥花提香，啲汁都要用白飯抺乾淨～ 砂鍋仲要保持住啲豆腐嘅溫度，等最後一啖都係熱辣辣！😋𝘿𝙚𝙨𝙨𝙚𝙧𝙩 🍮餐廳招牌甜品西湖雷峰塔真係驚艷！新鮮淮山打成蓉，再淋上香滑牛奶，口感綿密香甜，啲淮山蓉仲有淡淡嘅果仁香，食完都唔覺太漏！最啱打卡打埋呢個特別嘅甜品～ 📸

近排剛剛進駐香港「綠茶餐廳」超高人氣，主打新派浙江菜，前兩日我地黎咗新開嘅觀塘APM 分店，裝修雅緻，食物仲要又高質又抵食。🪷南乳醉鮑魚：賣相超靚，好似成朵花咁，鮮嫩嘅鮑魚和南乳醬汁好夾，好彈牙🦐粉絲裹蝦：有成十隻蝦‼️上枱後計時煮熟，一打開個蓋真係好香，蝦煮得啱啱好，超新鮮彈牙😍，粉絲夠曬入味個有蒜香。🦆蔥香脆皮烤鴨：一道經典嘅浙江菜，🦆的外皮烤到酥脆，肉質豐富，配埋新鮮嘅蔥好誘人🦐蝦湯泡飯：湯底由鮮蝦熬製而成，濃郁而不油膩，入面仲有蝦粒，泡飯一口都好新鮮滋味，加埋子脆味就更加有口感👍

🍗龍井烤雞 $138店員攞左出黎比你影相先，再拎走幫你切件。雞唔肥，皮好脆，好似食緊炸子雞咁🤣雞食落好香，有茶香味🍵雞肉好嫩滑，雞胸都好滑，好出色💯🐟雪菜酸菜魚湯 $128魚肉好脆，都好嫩，有幾件有骨🫢味道酸啲同埋份量再多啲就更好！🍜三色雞絲涼麵 $48有齊紫薯麵、南瓜麵🎃同菠菜麵，軟硬度剛好！雞絲再滑啲就更好！呢款都幾辣，幾惹味🥳🌶土豆芝士撻 $22🥔係酥皮湯嘅酥皮，加薯蓉同煙肉碎🥓表面加左沙律醬焗。

綠茶今日突登去apm試新開既過江龍（綠茶），點解突登黎試，因為曾經係一個聽到綠茶老闆既報導，話點解咁遲先進軍香港，係因為想香港開既綠茶係同國內有分別，有國內特色之餘又有香港既專屬菜式。今日黎到門口已經超多人等位，好彩我早到拎定飛，如果唔係有排都未入得。入到去環境好舒適，好闊落環境唔焗促，依樣野已經係優勝👍餐廳係用QR落單，同國內一樣。唔講咁多，即時落單，好快試菜。黑醋脆皮牛🐂腩：依個菜式係香港獨有，厚切牛腩，肥中帶瘦，炸漿一d都唔厚，沾埋黑醋食完全冇違和感，仲可以解膩。蔥香脆皮烤鴨🐧：烤鴨烤到金黃，外皮非常脆，一d肥膏都冇，蔥油好香，配埋佢地自家製既醬，非常好食。蘿蔔乾炒飯：有時最普通既材料最考廚師功夫，炒飯炒到粒粒分明，好多蘿蔔糕，調味適中唔會太濃味。老肇慶冬菜包：一口一個滿滿冬菜餡，仲有肉汁流出。麵包誘惑🍞：綠茶招牌名物，年銷6000000份，開頭以為米又係普通麵包，點知一食，驚為天人，麵包焗到外脆內軟，配埋雪糕食一流😋總結：我個人感覺香港綠茶菜式比起國內冇咁油，適合香港人口味，店員非常有禮貌，好好笑容，香港少見。#香港#綠茶#apm#過江龍#淅江菜#性價比#foodie#hkfo

約左朋友飯聚， 地點方便，就在觀塘地鐵站 A出口APM上一層。門口有極為罕見的現場古箏表演。裝修碧綠淡雅中國小鎮風格，座位舒適，燈光柔和。內場幾乎是年輕小夥子活力滿滿。。食物賣相味道 都冇得挑剔Must-eat Cuisine #必點菜式：✅#葱香脆皮烤鴨 $128葱香幾濃，真正皮脆肉滑， 香噴噴，食到舐舐脷 🤤🤤✅#雪菜酸湯魚片份量不小， 魚片無骨， 幾滑又入味，湯底辣辣地好惹味。✅#粉絲裹蝦蝦嘅份量絕對唔少，大大隻仲好爽滑添 火焰蝦的概念， 有表演睇😋😋整體不錯， 下次再來

內地過江龍綠茶餐廳最近再於觀塘 APM 開設分店；由杭州米芝蓮星級名廚俞斌先生監督菜式；裝潢古典清雅，將西湖山水以水墨畫形式呈現，結合轉角翠竹及山石等，予人柔和舒適感，更有古裝打扮的女生為大家彈奏古箏-🔹砂鍋西施豆腐 $88綠茶經典菜式，材料除豆腐外，有蝦仁、豬肉、芋頭及青豆等；豆腐細滑而豆香豐富；配搭粉糯芋頭、清新青豆及鮮香的蝦仁及豬肉令豆腐味道層次提升-🔹鮑魚小炒肉 $108為一正宗地道農家菜，將鮑魚切成細件，加入帶籽青椒及肥瘦有之的豬肉片爆炒而成；鮑魚爽滑彈牙，豬肉甘香鮮味，配搭辣度十足的青椒非常惹味-🔹黑醋脆皮牛腩 $118香港限定菜式，附上黑醋汁及辣椒粉粉漿上得平均，做到外脆內嫩，牛腩肥瘦相間帶牛腩獨特肉香，蘸上黑醋把肉香提升至另一層次-🔹蛤蜊絲瓜 $78絲瓜翠綠鮮嫩，搭配由新鮮蛤蜊熬煮而成的上湯，是簡單的美味-🔹西湖雷峰塔 $28香港限定菜式，很好打卡；味道輕甜清新，吃到淡淡淮山及奶香，堅挺順滑

昨午皆朋友去了觀塘創紀之城五期(apm)逛商場，這裏有各色各樣的食市，當我們正在猶豫選擇餐廳時，遠處傳來了一陣陣悅耳的古筝音樂，走去一看，原來是一間食淅江菜和中菜館的“綠茶餐廳”，門外有位穿著古裝的女孩彈古筝，既然來到就選擇了這間餐廳，順便一嚐這裏的美食。 進入餐廳時由知客帶位，這裏地方寬敞，光線充足，坐得都頗為舒適，再加上悅耳悠揚的古箏音樂，令人有一種身心舒暢的感覺。雪菜酸菜湯魚片 $128熱辣辣的酸菜湯魚片端出來香味四散，材料頗為豐富，有魚片、荀絲、白菜仔和枝竹。魚片爽嫩脆滑，甚有口感。綠油油的白菜仔不會煮得太琳，食落感覺清甜脆口。枝竹很有豆味。整個湯底有少許微辣，且吸收了所有材料的精華，酸辣中又帶有清甜的味道，令人胃口大開。 江南茄子煲 $78這道菜有茄子和肉碎，味道不錯，有少許微辣，但感覺茄子煮得太淋和十分油膩。 黑松露牛肉炒飯 $88這碟炒飯混入了黑松露、粟米粒、牛肉粒、甘筍粒和青豆，食落有很香的黑松露味，但可惜飯炒得太乾，感覺硬了一點。 茶香奶凍 $28這道甜品食落很有茶香和蛋香味，面層舖上了薄薄又甜又脆口的焦糖，內裏有著滑溜溜的奶凍，口感十足，且藍梅感覺新鮮，滋味無窮。

綠茶餐廳新分店位於觀塘APM，地點方便；餐廳設計充滿竹葉，用餐區寬敞舒適，既有現代感又不失中式典雅風格食物方面，是經典江浙風味融合創意料理，令人驚喜的表現，而且價格親民，適合家庭聚會或朋友聚餐蔥油脆皮烤鴨 $128烤鴨外皮香脆金黃，鴨肉鮮嫩多汁，配合濃郁的蔥香，是江浙風味的經典之作鮮果鵝肝塔殼 $128結合了中西風味，酥脆的塔殼內加入了滑嫩的鵝肝，搭配芒果的酸甜，為口感增添清新感，既豐富又不膩高湯蝦乾小青菜 $58小青菜口感爽脆，蝦乾的鹹鮮味融入高湯中，湯底鮮甜，清新可口，清淡健康黑松露牛肉炒飯 $88炒飯粒粒分明，黑松露的濃郁香氣與牛肉的鮮嫩相得益彰，充滿層次感，香氣十足，味道濃郁但不油膩香奶凍 $28/位餐後甜品，奶凍滑嫩細膩，帶有濃郁的茶香，甜而不膩，為整頓晚餐劃上完美句號九曲紅梅 $12/位茶湯清澈，入口順滑，伴隨著淡淡的花果香氣，帶點濃郁的茶香和回甘總體評分環境：8/10食物：7/10服務：8/10抵食：7.5/10綠茶餐廳(APM)📍觀塘創紀之城五期 apm L6-3號舖

同老best響觀塘搵食，知道APM開左綠茶～～ 就即管去試吓！去到餐廳門口已經覺得好靚好清新，用好多綠色植物做擺設～～ 而餐廳入面既燈都係塔既形狀，非常別致！一行3人叫左5樣食物：雪菜酸湯魚片（湯品味道剛剛好！魚片爽口嫩滑）面餅醬香五花肉（最愛這個菜式！用餅皮卷住醬香五花肉，一啲都唔油，好好味）葱香脆皮烤鴨（鴨烤到好脆但入口唔會變乾柴）脆皮牛腩（用咗秘製酸醋做醬汁，外面有層薄薄既脆漿包住，口感唔錯） 冬菜包（以為會好咸，但食落味道又岩岩好）仲有3款甜品：西湖雷峰塔（用淮山同奶做既奶凍塔）江南綠茶餅 （呢個非常好味！餡料用左芋泥餡，香脆軟糯於一身）茶香奶凍（即係crème brûlée～～但用左茉莉花茶做奶凍好清新，上枱前先燒脆個焦糖面，掂呀！）

觀塘APM都開咗綠茶餐廳阿！知道大陸都有，但一直未試過呢間店員會主動同我講今期優惠 上菜快 價錢唔貴 今次整體用餐體驗非常唔錯👍🏻茶位 九曲紅梅 $12/位南乳醉鮑魚 $98醉鮑魚切成薄片 再淋上南乳醬汁 第一次試甘樣嘅組合 味覺豐富東坡肉 $98東坡肉肥而不膩 肉質軟嫩 入口即化 醬汁濃郁 搭配米飯非常美味係估唔到呢道菜跟埋飯係裡面蝦湯泡飯 $88蝦湯濃郁鮮美 泡飯吸收曬湯汁嘅精華 店員會係你面前撒上飯焦 令泡飯口感更豐富今期活動只要FOLLOW餐廳社交平台呢個泡飯仲有半價！好抵阿！就算無呢個優惠我都真係好鐘意呢個泡飯😍完全係我杯茶西湖藕韻 $58杭州名菜 每次食江浙菜必食！搭配特製醬汁 口感清新比起過往嘅西湖藕韻 呢度嘅每件蓮藕仲會配埋2塊脆片夾住一齊食 又係令口感更豐富西湖雷峰塔 $28呢個甜品主要成分係淮山加純牛奶造型獨特 係雷峰塔嘅樣 打卡一流綠茶餐廳第四間分店今個月開咗係奧海城果陣見到個優惠3月6號6折 7號7折 8號8折可惜果幾日都忙去唔到 但今次就算無折我都覺得好抵食過幾日再帶姐姐同小朋友一齊食開心下🥰

行APM見到有位古代美女彈古箏🎼為放工時段人山人海嘅APM帶來點詩意🪭發現原來係有間中菜剛開幕，再同朋友睇吓Menu，發現餐廳裝修得好靚，充滿古色古香風情，食物價錢竟然好抵，新店開幕仲有88折，精緻嘅中菜都好實惠，唔怪得知坐滿食客！好彩好快就有位🪭狀元芋頭煲 $88————————————真係好鍾意食入口好蓉嘅芋頭🤤依個煲真係想比滿分呀🤤第一次食芋頭煲係將芋頭切成均等嘅片狀，上菜嘅時候好整齊美觀，但其實煲到好蓉，一夾就變芋蓉🤤加上五花肉嘅肉汁同油脂香氣已經融化到每一片芋頭，所以每一啖都好柔滑又入味😋蔥香脆皮烤鴨 $128————————————伴碟係爆多蔥，果然夠蔥香，加上獨特嘅蒜香調味🧄令烤鴨一啲都唔單調，烤鴨皮好薄脆，加上鴨嘅油脂，非常香口。鮮果鵝肝塔殼 $128————————————口感柔軟細滑嘅鵝肝，配上清甜嘅芒果粒，減低鵝肝嘅膩感，令味道層次同賣相都更加豐富，做成果撻嘅樣子好精緻可愛。龍蝦泡飯 $88————————————湯底好香濃蝦味🦐加上蝦肉同菜，暖笠笠好啱冬天食，最鍾意係加埋脆米，更加香口。紅寶石琉璃 $28————————————石榴汁夠晒清爽解膩，加上馬蹄爆珠，

龍井烤雞烤雞全隻上，兩隻雞髀雞翼皆齊全，烤雞味香噴噴，肉質嫩滑入味，咬落Juicy多汁。有燒汁既味道之外，有時會食到類似綠茶既淡淡香味，就係龍井味喇!上年去杭州玩時，係其他餐廳食過呢種塔，果間就好伏，伏到兩個女仔share咁細個塔都無食哂lol!綠茶既雷峰塔味道正常好多，今次終於食得哂lol絲瓜煲到好腍好正，仲有好多蝦米黑松露香惹味，炒飯充滿油香，幾好食，但唔知道原來有三色豆lolApm店比希慎店寬敞得多，坐得正常、舒適; 等我下次去埋新開既奧運店先!

內地浙江菜《綠茶餐廳》喺香港真係越開越多分店，之前係圍坊試過唔錯，今次去到觀塘APM又忍唔住衝入去食多次！今次嘅分店以「江南西湖」為主題，環境裝修真係好有心思，西湖翠竹山水風，仲有好多打卡位，餐廳每個角落都佈置得好精緻，有更愛那古色燈籠，整體如在西湖邊用餐嘅感！餐牌上有好多浙江特色菜，價錢亦比想像中大眾化🔮九曲紅梅 一坐低就送上，茶帶有淡淡嘅花香味，入口順滑，感覺好清新，飲住茶慢慢等食都幾舒服 🔮鮮果鵝肝塔殼 賣相超精緻，好似芒果tart咁，面層鋪滿細細粒芒果，底下係鵝肝蓉，撻皮脆口，鵝肝軟綿，芒果嘅清新平衡咗鵝肝嘅膩，整體口感好豐富，呢個前菜真係好適合打卡，影完相先捨得食！ 🔮蔥香脆皮烤鴨呢個烤鴨真係必試！皮脆而不油膩，肉質鮮嫩多汁，蔥香嘅加入令味道更加豐富，每一啖都充滿香氣同層次感。煙燻香氣好突出，但又唔會太油膩，真係食到停唔到🔮黑醋脆皮牛腩 呢個菜式係香港店限定，真係好特別，吉列脆皮包裹住軟腍腍嘅牛腩，外皮酥脆，外脆內軟，牛腩入味，黑醋汁更提鮮，味道更加惹味，真係好有驚喜！ 🔮杭式片兒川杭州特色菜，細細碗但賣相好靚，其實係雪菜肉粒上湯麵條。五花肉粒事先炒香過，令到成碗麵好香口，湯

今日去左觀塘APM行街，見到呢間綠茶新開嘅分店🙈餐廳主打新派浙江菜。今日一去到見到餐廳外有個著住古裝嘅女子彈奏古箏，成功吸引咗唔少人圍觀🤭餐廳內裝修簡潔舒服，不同位置擺左大樹作裝飾，牆上又有山水畫做陪襯，大家都好似坐喺大自然享受晚餐咁🫶🏻蔥香脆皮烤鴨 皮烤得好香，鴨肉非常香嫩又不會太油，大讚👍🏻👍🏻東坡肉 除咗色澤光鮮之外，廚師將東坡肉烹調得非常入味，用東坡肉既汁送白飯一齊食，非常滋味。粉絲裹蝦 非常入味嘅蒜蓉粉絲，食到停吾到口，蝦肉多之餘亦都好爽口🙈鮮蕃茄煮有機菜 鮮甜嘅蕃茄，菜花完全入晒味，份量同樣都吾少！杭式片兒川 片兒川係杭州嘅一種特色湯麵，配料主要由雪菜、筍片、瘦肉片煮成，鮮美可口🫶🏻紅酒糟圓子 除左賣相靚之外，味道亦都好清新，又吾會太甜，芝麻餡料既圓子煙韌好味 🤭