素年 (福隆大廈)

營業中

休息中

今日同朋友去咗深水埗素年食飯，聽個名就知道係食素嘅餐廳，叫左平時都好鍾意食嘅日式咖喱吉列豬扒意大利飯，個飯又幾好食，而且個豬扒都真係好似豬扒，仲好大碟添。本地有機青瓜牛油果藍莓蘋果沙律🥗仲有粟米、新鮮嘅沙律菜、瓜子仁配自家製蘋果紅菜頭沙律汁特別又健康。主食配可餐飲品京都字治玄米茶或斯里蘭卡伯爵茶，亦可升級任何一款飲品包括酒精類飲品，正價減$12。追加甜品可以正價減 $10，本來想叫日本南高梅柚子青提慕絲蛋糕及糖漬檸檬伯爵茶杏仁撻，點知原來甜品真係會賣晒㗎，結果就叫多幾個小食。黃薑焗福花配自家製乳酪、香芋番薯波波各有特色，香芋番薯波波食完一粒又想食一粒，係一款好香口嘅甜品。

素黑松露炸蝦帶子意大利長通粉黑松露的獨特香氣與白菌、杏鮑菇、秀珍菇的鮮美完美融合，簡直是味蕾的盛宴！再加上翠玉瓜的清甜與菠菜的鮮嫩交織，口感層次分明。素經典不可能芝士漢堡不可能肉質地細膩多汁，幾乎以假亂真。純素芝士的加入更是錦上添花。蕃薯條作為點綴，外酥裡嫩。素抹茶粟子蛋糕抹茶香濃而不苦，與細膩的蛋糕體相得益彰。一抹清新的綠意，帶來無限的溫柔與甜蜜。素焦糖脆餅朱古力蛋糕讓人無法抗拒的甜蜜誘惑的蛋糕。而脆餅層的加入，更是為蛋糕增添了幾分層次感與趣味性。熱京都宇治玄米茶宇治抹茶的清新與玄米的香氣相互交融，形成了一種獨特的風味。凍泡沫黑咖啡口感清爽，而細緻的泡沫則為其增添了一絲絲的柔順與絲滑，讓人在炎炎夏日中享受到咖啡的香氣。

看到那麼多好評，就慕名而至。個餐是 - 不可能的漢堡包+炸番薯條及玄米茶。埋單加一，盛為$152。可能有期待，所以要求過高。 那個素食漢堡，說實的，不怎麼樣。 漢堡沒有漢堡味，芝士沒有芝士味，成個包除了樣貌及質地外，隨便一個麥記的premium 漢堡，40多元，已經比它好吃多了。曾經也吃過素食的漢堡包，無論價錢跟味道也比它好。不過，我看得出他們真的很用心製作，只是我不懂欣賞吧了。 唯一驚喜是它的炸番薯條，少少甜味，脆脆的，並不油膩，真的不錯。 但整體價錢，就讓讀者衡量貴不貴。

今日想食素，去咗深水埗好出名嘅素年食晚餐！ 日式吉列豬扒柚子蛋黃醬三文治三文治好厚身， 素豬扒用新豬肉，質感同豬扒一樣，柚子蛋黃醬甜甜哋唔太膩！有脆卜卜嘅番薯條食到定唔到口！MANGO MATCHA LATTE 芒果抹茶燕麥奶好有特式，唔會太甜！黃薑焗福花配自家製乳酪福花夠淋身，估唔到同乳酪都好夾！黃金炸蝦配甜酸醬(4件) 炸蝦係用了姑類及蔬菜製成，所以比較健康！黑松露炸蝦帶子意粉意粉份量很大，黑松露味濃郁，用了吉鮑菇、秀珍菇、白菌、翠玉瓜及菠菜， 都非常爽脆！

呢排個人心廣體胖，係時候食得健康少少🤏，朋友帶我到「素年」覓食🙌。望望餐牌款式選擇多，樣樣都想試嘅情況之下，我哋兩個人嗌咗三個餐😬。✨十七種蔬果本地有機秋葵鷹嘴豆泥全日早餐呢份全日早餐簡單係Deluxe享受😎十七種蔬果包括：本地有機秋葵、迷迭香意大利香草包、薯角、白菌、粟米🌽、鷹嘴豆、紅菜頭、甘筍、牛油果🥑車厘茄、生菜🥬火箭菜、酸模、紅椒、瓜子仁、核桃、檸檬🍋。每款蔬果加入不同調味料，最特別莫過於香草包蘸上紅菜頭鷹嘴豆泥醬會出奇地夾❣️。🍹排毒抗氧化特飲奇異果🥝富士蘋果🍎羽衣甘藍🥬燕麥奶🥛健康之選🫶🏻✨經典日式咖喱吉列豬扒意大利飯秘訣加入新鮮蘋果🍎和青蘋果🍏，每一口除了咖喱的惹味，還滲出清甜的果香，令人垂涎欲滴🤤。跟餐沙律份量也不少👍🏿。✨不可能肉醬意大利粉第一次食不可能肉醬，跟真肉醬口感真的像透了👍🏿，完全沒有罪惡感，可以放肆地食。意大利麵掛滿醬汁，好滋味😋。跟餐配玄米茶 茶味香濃 🍵

今日和老公來了深水埗逛逛，順道在福華街的素年吃午餐。原來這裡每人有一個Rockit 蘋果送，更有Rockit 蘋果的菜式選擇。我們叫了兩個套餐：台灣五行藥膳本地有機菜稻庭烏冬餃子定食、日式咖喱吉列豬扒意大利飯，套餐本身跟京都宇治玄米茶(熱)、或斯里蘭卡伯爵茶(凍)，或升級其他飲品，正價減$12。如追加配甜品，可享正價減$10。～ 台灣五行藥膳本地有機菜稻庭烏冬餃子定食：前菜酸咪咪，非常開胃，藥膳湯底味濃，有蟲草花、𣏌子、紅棗，烏冬彈牙，餃子bite size，水果鮮甜，吃完很有大滿足的感覺！～ 日式咖喱吉列豬扒意大利飯：這個菜式有Rockit 蘋果入饌，令意大利飯入口更添清新爽甜，加上濃濃的咖喱香，及有嚼感的素豬扒，確是完美的配搭。～ 糖漬檸檬伯爵茶杏仁撻：很喜歡這個杏仁撻，不單有伯爵茶及杏仁味，更有糖漬檸檬舖上面，吃時傳來檸檬的清香。～ 榛子燕麥奶咖啡：入口充滿榛子味，香濃細滑，用燕麥奶飲得安心。～ 本地手工啤酒：老公話手工啤酒入口都香醇，一於捧下本地場啊！整體來說，Years素年的套餐款式多，食材新鮮有機，份量十足，招呼亦親切，下次一定會再來。

朋友最近說想多點吃素食，於是便找來這一家專吃素食的cafe。十種蔬菜唐揚猴頭菇南瓜意大利飯$128南瓜意大利飯以椰漿煮食，所以帶點椰甜，入面有紅菜頭，馬碲，菠菜，椰菜仔，甘筍，車厘茄，洋蔥，蔬菜非常新鮮，又有層次感，而顏色豐富令人食慾大增。素年經典不可能芝士漢堡YEARS CLASSIC IMPOSSIBLE CHEESEBURGER $138不可能肉，洋蔥，沙律菜，純素芝士，黑醋，番薯條〔番薯條可轉沙律）素漢堡扒看起來不像素食，咬下去有點牛的感覺，不會很乾身卻juicy,非常有趣。番薯條甜甜的，又香口又健康由於呢間餐廳嘅甜品都是蛋奶素，所以一定要試試LOTUS焦糖脆餅朱古力蛋糕CHOCOLATE CAKE WITH LOTUS BISCOFF沒有蛋奶素的朱古力蛋糕是較為結實和乾身，但朱古力味也很出。糖漬檸檬伯爵茶杏仁撻EARL GREY LEMON ALMOND TART這個杏仁撻的伯爵茶味很香HOJICHA LATTE焙茶燕麥奶茶味很，配燕麥奶帶點甜。

本身一直以為素食都係得素菜自助餐，原來依家都有素食西餐廳，啱哂平時食得太heavy，想食健康啲清淡啲既我。🍛 九種蔬菜南瓜意大利飯 $98少食蔬菜🥬既我依款啱哂我，選用咗南瓜，紅菜頭，馬蹄，菠菜，椰菜仔，甘筍，番茄仔，一上碟顏色豐富，令人食慾大增，搭配埋意大利飯，味道層次豐富，蔬菜新鮮爽口。🍔不可能芝士漢堡 $138唔講唔會發現漢堡係「不可能肉」，仿似度係100%，口感食落都幾juicy，好似食緊牛肉，再加埋濃郁芝士，令成個burger口感更昇華，jeng。最令人驚喜係番薯條，炸得啱啱好，超推薦！🥬黃薑焗福花配自家製乳酪 $58本身覺得鹹酸味道會唔會唔夾，但將乳酪mix埋一齊食又幾match ，配搭都幾特別，係一款健康又抵食既選擇。🍫焦糖脆餅朱古力蛋糕$68食完主食當然要食返甜品balance下，朱古力味道香濃，食完又唔會太甜膩，餐廳仲有多款甜品，下次有機會一定會try try🍰

今日第一次幫襯，無想過咁難食。好心啦，咁既質素都可以俾客人食，飯係夾生的，菜係未煮軟，我自己煮好過食佢d餐，一個risotto要98蚊，送我都唔食啦，仲要有三百九十個好評，唔洗講肯定係搵搶手吹出黎咖啦。未試過咁激氣的，亦都未試過食咁難食的飯 ，仲要收我98蚊。香港既飲食業臭名聲就係被你哋敗壞曬，飲食荒漠。d廚唔識煮，又唔肯學，就唔好出黎做呢行呀，邊有人煮得咁難食咖，完全係overpriced。 總之，佢哋d食物係佈景板，攞黎拍戲既，真係冇下次，好失望😞

餐廳跟本地農場合作，有好多新鮮蔬菜，還每人送上了一個小巧的小蘋果。大愛😍😍🥦17種蔬果本地有機秋葵鷹嘴豆泥全日早餐每種蔬果都用不同的烹調方式，有些炸，有些加上香草，各有特色。紅菜頭加上芝士打成一個醬，用來塗麵包，好清新，味道也不錯。🥬十種蔬菜，唐楊猴頭菇南瓜，意大利飯猴頭菇經過熱烤，脆脆的，好像吃肉的感覺，飯底濃郁惹味。🫛香芋番薯波波呢個係我至愛，香脆嘅外皮，內裏是軟糯香甜的芋泥，好出色。🥑美式咖啡梳打有特色😌😌有氣的咖啡🫒Lotus焦糖脆餅朱古力蛋糕不甜，口感濃密🫑紅棗桂圓杞子玫瑰花茶香氣四溢🤩

素食餐廳日漸流行，深水埗就有素年 ，相對出名同埋多分店。想不到平日中午都坐滿了客人，建議早點到去找位置。素年經典不可能芝士漢堡 是推介的，用上不可能肉，純素芝士等，外表像真的牛肉漢堡，吃上去也10分Juicy。配上番薯條相對特別，淡淡濃郁的甜甜番薯味。另外叫了咖喱吉列豬扒意大利飯，吉列豬肉好酥脆，幾可亂真。咖喱味濃郁，但是不會辣，小朋友也啱食，配上蘋果粒甜甜的很開胃。飲品升級咗做抹茶燕麥奶跟餐可以減$12 , 底部是抹茶,中間是牛奶，飲品最頂層是奶泡, 10分有心思。抹茶味都甘香濃郁。最後甜品叫了推介的日本高梅柚子青提慕絲蛋糕，想不到有驚喜，酸酸甜甜的，Musee 10分幼滑。

想食素又食得好味 素年係個好選擇🌱由深水埗一間店 做到而家有四間分店 相信佢哋嘅創新同健康都深得大家歡心🫶🏻最方便我嘅喺深水埗福華街就有一間啦🍴ꕥ 黑松露帶子意大利長通粉黑松露好香好濃郁 用杏鮑菇仿造嘅帶子入口多汁爽嫩✨另外仲有唔同嘅配菜 秀珍菇/翠玉瓜/菠菜等等🥒好豐富 亦都增加咗唔同嘅口感ꕥ 素年經典不可能肉醬意大利粉不可能肉醬嘅意思係佢地採用Impossible foods嘅植物豬肉製成肉醬🐷但係食落同真肉無分別 味道仲好好呢 而且無咗平時真豬肉嘅油膩感🍝芝士亦都係純素芝士 同樣夠晒醎香ꕥ 日本南高梅柚子青提慕絲蛋糕忍唔住點多件cake🤭青提甜甜哋 慕絲蛋糕口感綿密 因為加咗柚子 所以特別清新 飲品選擇有咖啡/養生茶/梳打等等 我點咗海鹽焦糖朱古力 醎醎甜甜咁好特別☕️朋友嘅黑加侖子荔枝梳打就啱晒而家悶熱嘅天氣啦🍹唔知大家有無留意到素年有啲菜式會用到蘋果嘅呢🍎我哋去光顧嗰日 每位客人都獲贈一個佢哋所用嘅rockit蘋果☺️so sweet

日式天貝野菜飯（期間限定）：海帶、紫椰菜、蕃茄 再加切粒左既穀物棒同飯，抵食之選😂好飽泰式香辣炸蝦冬陰意大利粉：配有蕃茄仔、茄子炸蝦係用粉葛等素菜整既食落似炸春卷 好脆口Milkshake 🤤一杯係香蕉+火龍果+燕麥奶另一杯係奇異果+蘋果+羽衣甘藍+燕麥奶兩杯都好fresh，飲得出係真材實料，仲要冇加糖，健康之選！Grilled Veggie Avocado Hummus Bowl(Focaccia, cauliflower, tofu, cherry tomato, sun-dried tomato)烤野菜牛油果中東鷹嘴豆泥碗：鷹嘴豆泥配麵包好夾，配菜豆腐好彈牙，椰菜花都非常出色，成個菜好多層次口感👍🏽呢個菜最有驚喜！

近日和朋友食了好幾餐生日飯，食得太豐富，今日下午就決定食番個素食午餐，食品除賣相吸引，味道都非常好，而且又健康！✨生酮士多啤梨牛油果沙律✨除咗有好新鮮沙律菜，還有西蘭花、 牛油果、野菌、果仁和士多啤梨等好豐富，加上自家制的生酮藍莓椰油黑醋醬，味道好特別好好味👍✨泰式香辣肉碎意大利粉✨裡面有新豬肉、蘆荀、茄子、車厘茄及芫茜，新豬肉感覺和普通豬肉好相似，泰式煮法，酸酸辣辣好開胃😋✨黃金炸蝦✨炸蝦外表脆脆，裡面係蔬菜做成，口感和味道唔錯！賣相都好相似！免疫力增強特飲和冬日戀人，都係用生果及燕麥制成，尤其特飲用咗香蕉、火龍果、燕麥奶制成，好香嘅香蕉味，好好飲🥰

去完深水埗素年本店， 個肉醬意粉等成半個鐘， 啲茄汁好似茶餐廳feel，濕糴糴勁難食! 夠膽死收$98! 杯熱情果梳打難飲過街上茶飲店嗰啲 ，竟然收$42! 全部仲要另加一! 兩樣嘢比起附近茶記質素更差，但貴2-3倍！ 喺深水埗咁多嘢食嘅地方，入去呢間食完全係因為諗住會坐得好啲，點知畀個勁迫嘅路口位我，見住廚房同樓面不斷喺度吹水嘈冤巴閉， 所以先漏單＆咁耐上餐囉! 成個餐廳啲枱迫到爆，又混亂! 以前去過深水埗另一間店，嗰間坐得舒服啲 burger好食啲，但甜品撻就硬過石頭，雖然都係over priced! 其實呢間素年都唔知係咪同某啲記者有乜嘢關係，成日吹到好食， 事實上係非常一般， 而且咁嘅價錢喺深水埗咁多新cafe嘅地方，大把更好嘅選擇! 今次之後我唔會再食呢間嘢! 😡 利申： 本人經常試近年深水埗區新開之打卡cafe，好食或有特色嘅，貴啲都無所謂，但呢間完全唔掂！👎🏻