紙飛機親子空間

營業中

休息中

星期六黎左哩間表面睇落環境唔錯嘅親子餐廳，人唔算好多，但員工服務好差，無禮貌又無耐性，兩次起客人面前話客人，雖然老闆道歉又送coupon,但都唔會想再比機會黎多次，食一餐玩兩個鐘，但大人就食到滿肚氣！香港生意難做，老闆請著一兩個咁嘅員工都唔知邊個唔好彩！請員工收拾台面仲張未食完嘅野收埋！收拾前已表明只執廁紙，唔知係撞聾定咩，收完仲扮曬野話整返份食物比客人，無恥到一個點！叫左一份兒童餐，一個炒飯，一個滷肉飯，兒童餐意粉林到未夾已斷，好似煮左耐咁！

疫情下，可以玩樂又少人既地方真係唔係好多。小朋友成日都想玩滑梯，但好多地方都封左，太曬既日子又唔想行山，室內遊樂場餐廳係一個大家都可以有自己空間既好選擇。我今日選擇左紙飛機親子空間，位於啟德郵輪碼頭，有巴士可以直達總站，交通都幾方便，泊車都好方便，有2個鐘頭免費泊車。一落車附近有電梯直達上頂層，推住BB車都好方便直接去到餐廳。一去到小朋友已經好興奮，已經自己除好鞋放好係鞋架準備去玩，比我還要快。餐廳職員既服務好好，落左單之後同小朋友去玩，到上菜既時候再通知你。餐廳既設計好體貼，所有枱都係圓邊設計，小朋友跑黎揾家長都安全，有小朋友用具同餐整。我有幸安排係小朋友廚房及購物玩樂位置旁邊既餐枱，小朋友食完自己玩就係我既私人享受時間，最開心莫過於望住佢開心自己放空。食物都有好多選擇，我揀左牛柳粒年糕，第一次食呢個配搭，我覺得好好食，配飯一流，好大份可以2 個人食前菜都好好食好吸引，加埋一個好健康既上湯鮮茄有機豆苗洗手間既設計都值得欣賞，有動物設計吸引小朋友，一入去就有大人同小朋友既拖鞋，有親子洗手間又有小朋友專用洗手盆，方便使用。食完可以去遠少少既地方玩，有滑梯又有天然環保的木粒沙池，其中一個玩

咁耐冇出街，小朋友既電真係無窮無儘，今日就同佢地黎到九龍灣郵輪碼頭公園跑下跳下。係平台跑跑下發現原來好出名既紙飛機親子空間有開呀，其實以前都有帶佢地黎玩過，鐘意佢地可以係用餐既同時睇住小朋友玩，大人有餐安落茶飯食，小朋友又有足夠時間放電。而紙飛機入邊既玩具都可以同時滿足到較動態同埋較靜態既小朋友，而比較年幼既小朋友都有一個區域隔開，咁就唔駛驚較大既小朋友玩既時候唔小心發生意外喇。所以邊食邊玩係餐廳入邊唔難揾到，不過大家食完都會帶返個口罩既，咁就玩得開心，又放心喇。下次食淮揚菜又可以再黎邊玩邊食喇👍🏻

疫情都已經一年有多，家中小孩天天在家，實在是於心不忍。因此把心一橫，決定找個好玩好吃最重要是乾淨的樂園帶她去玩。網上見到這家位於啟德郵輪碼頭的紙飛機親子餐廳評價不錯，於是便提早訂了位置。我們是搭小巴到兒童醫院再轉22M到啟德的，巴士大概30分鐘一班，至於小巴大概15分鐘有一班，班次算比較密集的。餐廳裝修很有愛，都是按小朋友喜好來設計的，好多小朋友愛玩的玩具，比如玩具廚房、公主梳妝台、滑梯遊樂場、沙池等等，真是應有盡有。小孩一來到鞋子一脫就跑去玩了🤦‍♀️🤦‍♀️。小孩在去玩我當然要點東西吃啦～～開胃前菜開胃前菜是木耳和車厘茄，經醃製後非常入味，酸酸甜甜，非常開胃。上湯鮮茄時蔬去皮的番茄內包著高湯和菇類，感覺非常爽口，適合小朋友吃，感覺沒有味精，比較健康。水果拼盤水果拼盤真是小朋友的最愛，全部去皮去核，非常細心。陳皮獅子頭豬肉肥瘦適中，入口即溶，不會太鹹，小朋友非常喜歡。

好耐無見兩個百厭精🤩次次去佢屋企咁悶有次經過見到幾得意，今日終於帶佢地嚟玩一除鞋兩個就跑左去玩我同朋友就簡左兩個套餐，再加個蟹粉拌麵，同埋熔岩吐司拌麵真係有蟹肉，有蟹肉你講呢個價錢都算正常🦀🍝😳雞翼見血，希望我同佢地講完有改善🤢但兩個個心一直喺啲玩樂設施度，叫佢哋食都話唔肚餓😅尚算頗多遊戲設施，有書枱，有嘢玩，啱晒小朋友。👍👍👍但希望以後會有店員看住，長期唔知啲店員喺邊🙄🙄🙄

今個假期帶咗小朋友去咗啟德郵輪碼頭親親大自然，之後到咗平台的親子餐廳可以比小朋友喺度再放下電，大人又可以放手食個lunch休息吓🤣🤣牛柳年糕粒🧆好好味👍估唔到喺度可以食到咁有鑊氣嘅炒牛柳粒唔會硬或乾，夠林身，加上年糕粒好彈牙又煙韌煮得夠入味，食完好滿足🥰另外再有開胃前菜爆汁話梅蕃茄，養生小木耳，生果拼盤😋上湯鮮茄有機豆苗🥗成個菜都好健康👍蕃茄加炒雜菇再加上湯煮豆苗味道唔會好濃同鹹清清地，大人小朋友都啱食喺座位隔離就有一個好大嘅L字型廚房小朋友一入到去已經喺度着咗魔唔經唔覺已經玩左差唔多一個鐘🤣🤣🤣所以阿媽我可以安心咁食飯🥳有一打一既經驗既你一定明白想安心食飯唔容易😅隔離仲有個好大嘅圖書閣仲有男仔一定啱嘅工程工具🤪之後小朋友去咗依個木砂粒玩到左好耐👏👏玩得超開心

紙飛機親子餐廳非常之出名,好多人都話呢間餐廳係十分之好小朋友玩得好開心而大人都食得好安心!所以我今日就帶咗小朋友過嚟一邊玩一邊食下佢哋嘅美食感受下朋友所講呢度有幾好!呢度有好多唔同種類嘅遊戲又可以睇書有分動靜皆宜嘅小朋友都可以喺度玩又啱男仔又啱女仔所以有小朋友嘅家長一定會帶佢來玩!而美食方面大部份都好清淡同埋健康!我哋叫咗個創意牛柳年糕,開胃前菜,(車厘茄,清爽木耳及水果拼盤),再加多個有益又健康嘅上湯鮮茄時蔬!唔好以為太清淡小朋友會唔鍾意食,我個小朋友食到舔舔脷,而我自己都覺得佢哋嘅餸好鮮甜,真係好味得來又健康!又有得玩又食得健康嘅餐廳真係好難搵到啊

😮💨🌬💨兩母子玩左大半日 風中追風去埋紙飛機食野飲咖啡☕️freedom趁而家上zoom 可以平日冇咩人去紙飛機玩下一系列木系風 打卡好一流👐🏻😽叫左佢地個牛柳粒年糕 好正 而且年糕細細粒 小朋友都岩食😁 種有一個上湯番茄時菜 好健康 酸酸地 吸引到小朋友食😌 職員好親切介紹 而且每遊戲區限兩人玩 令客人更安心

這個是位於啟德郵輪碼頭內的一間親子餐廳， 正確的來說這是一個親子空間，餐廳距離地鐵站還十分方便，全因為有小巴接駁，地理上還算可以接受，如果選擇自行揸車的朋友，更佳因為閒日的車位眾多，無須擔心。 餐廳主打的食物有很多，但我最喜歡的就是餐廳的貼心服務，一早啲預約，餐廳緊貼心的安排了小朋友餐具，加上餐廳的食物低鹽，低糖，最重要更是高纖，充滿營養價值， 無需擔心小朋友的健康問題， 另外，主打的親子空間， 遊玩設施眾多，十分適合小朋友，最重要安全可靠又衛生， 即使面對新型冠狀病毒，也充滿信心。

一年前個女一歲左右黎玩過，因為疫情好耐無去啦，今日帶個女再去，佢比之前玩得仲好開心，sir滑梯sir左好多次，佢最中心個超市購物區，推住購物車買嘢，呢個d玩具男女都岩。另外呢到嘢食都幾好味。爆汁話梅蕃茄，酸酸甜甜勁開胃養生小木耳，爽口帶少少辣味水果拼盤，小朋友最愛嘅士多啤梨同提子陳皮紅燒獅子頭獅子頭口感好軟綿，豬肉唔會太肥，醬汁唔算濃味，小朋友都好中意食。上湯鮮茄有機豆苗鮮茄甜甜地入面釀左雜菇，豆苗好翠綠，清清地幾健康。

之前去過啟德郵輪碼頭見到有比小朋友嘅餐廳 今次終於同朋友嘅小朋友一齊嚟間餐廳都好多小朋友一齊玩緊入面有好多小朋友玩嘅設施 入去要先除鞋可以放低啲私人物品落locker幾多屋企人同埋小朋友一齊來玩 即使疫情都冇影響佢哋帶小朋友去玩嘅心餐廳有好多唔同嘅嘢食，小朋友大人都啱食 而且啲套餐前菜煮食定係衰過都係啱小朋友食 多數用兩個鐘去計如果超時要加錢無論係煮飯仔定係Sir滑梯,都啱晒小朋友有得玩小朋友連食都唔想食個心一早跳咗落啲玩具度!

趁疫情緩和一啲，帶埋小朋友出嚟親子餐廳玩，順便大人又可以傾吓計。其實食中菜嘅親子餐廳選擇唔多，而且呢間質素之前試過覺得唔錯，加上交通都算方便，九龍灣坐一程小巴就到，所以不作他選。今日食左牛柳炒年糕，年糕切得細細粒容易食，而且煙煙韌韌好唔錯，牛柳粒都好好味！另外有碟上湯豆苗，份量都幾多，仲有個剝咗皮嘅蕃茄，中間有啲雜菇，好有心思。我哋嗰餐仲包括前菜黑醋木耳和話梅蕃茄，話梅蕃茄確實好少食，多汁得來酸酸甜甜，非常開胃，另外黑醋木耳都好好食。除此以外仲有水果一小碗，啱晒小朋友。碗飯仲好大添！黎親子餐廳，大人就食嘢傾偈，小朋友梗係顧住玩，今次好似新增了彈床，唔記得上次有冇呢？另外大型廚房和滑梯都令小朋友樂而忘返，後來佢哋仲著埋公主裙周圍走。佢呢度仲有幼兒玩樂區和圖書繪畫區，照顧唔同小朋友既需要，走既時候都係嗰句啦：下次可唔可以再嚟呀？

之前嚟過呢間親子餐廳，鍾意佢本身既室內設施之外，身處喺郵輪碼頭上邊嘅室外空間都夠晒大，真係可以由出面玩到入邊，再由入面玩返到出邊！入門口先係基本清潔，每位客人都要除鞋，可保持室內乾淨。小朋友第一時間已經衝入去玩，煮飯仔、跳彈床、Cosplay、睇書、滑梯等應有盡有。至於食物亦一啲都唔馬虎，今日叫嘅套餐包括前菜和時令水果，主菜我選擇咗蜜椒汁雞翼，炸過所以好香口，但同時加左醬汁所以又唔會熱氣，醬汁堅好味！大人小朋友都喜愛！至於上湯鮮茄時蔬，豆苗好新鮮翠綠，鮮茄大大嚿仲有雜菇添！清清淡淡都唔錯。

上星期放假帶左2個去親子餐廳放下電妹妹係識行之後第一次出黎playhouse 玩入面分左好多個區域有for 1歲以下個區，跳彈床，木粒沙池，廚房區等等2個小朋友都玩到唔捨得走食物方面，呢到提供中菜估唔到中菜都好岩小朋友食味道唔會太濃，款式都多選擇我地揀左套餐有開胃前菜、主菜：蜜椒汁雞翼、上湯鮮茄時蔬+水果拼盆而且職員好貼心，因為我地點完餐就走左去玩野食黎到佢地會溫馨提示我地叫小朋友食完先再玩唯一價錢係有少少貴，不過小朋友玩得開心就得

疫情下令小朋友悶到發慌， 唔敢帶佢去咁多人嘅地方， 想出去食嘢都唯有揀啲乾淨企理嘅親子餐廳。呢一間位於九龍灣啟德郵輪碼頭嘅《紙飛機》， 作為父母嘅就一定唔會陌生。閒日嘅時候人流較少，而且防疫措施做得足，探熱搓手不可少，而且定時消毒，希望大人食得安心，小朋友玩得放心。呢度嘅playroom佔地相當之大， 分成唔同嘅部分。 囝囝至愛玩車，呢度有各種工程車玩具，仲可以玩倒泥沙遊戲， 簡直係愛不釋手。而且重有mini kitchen， 就算係男孩子都鍾意食煮大餐畀爸爸媽媽食。食物方面質素相當有保證， 由芝蓮中菜師傅主理，主打摩登嘅浙江菜，食材新鮮，味道比較清淡，食出食材鮮美，非常之適合大小朋友。主菜方面，呢一個陳皮紅燒獅子頭口感非常軟熟， 醬汁方面唔會好咸， 啱曬小朋友食， 豬肉方面亦會用上咗太多嘅肥豬肉， 軟熟得黎亦相當之健康。另外嘅涼拌小雲耳， 酸酸味味， 非常開胃。 而且口感爽口， 估唔到仔仔一試愛上。一個上湯鮮茄豆苗最啱就係鍾意食蕃茄嘅朋友， 大隻又厚肉嘅番茄， 吸收咗上湯嘅精華，食落非常入味。多菜少肉呢個概念非常健康， 呢度除咗食得健康之外， 同時亦都滿足到小朋友愛玩嘅需要，讚！