紙飛機親子空間

營業中

休息中

餐廳裡面嘅空氣簡直差到可以穩袁國勇教授俾下意見，有冷氣等於冇冷氣，入到去10分鐘全部人汗流浹背。我係夜晚7至9最後嗰塲，一到9點職員態度就好似月圓之夜咁，嗰個變成人狼，大聲叫小朋友時間到啦，又俾說話我地聽，話姨姨執好啲玩具嫁啦，做佐一日好辛苦，唔好再玩，咁辛苦就唔好做啦。總括嚟講再好嘅食物，就算米芝蓮餐廳，距地個環境差，職員嘅態度差，都係一個字形容差。原來openrice對個餐廳已負評多多，希望啲睇清楚先去，否則會好後悔

今日同4個family 一齊嚟同小朋友慶祝生日，一入場果一刻啲服務員都已經唔係幾好禮貌，呼呼喝喝！我地係book咗16:45 果節時間，入到去又焗又熱，無乜冷氣，玩波波池個位直情焗到死，啲小朋友仲要帶住口罩玩，可想而知佢地都玩得好辛苦！空間又細，玩既設施又唔安全，sir滑梯隔少少有條柱，小朋友一sir到落底其實會好容易撞到！好危險由坐底order 杯水 ，叫左3，4 次都無理會，玩到散場開始無哂人先至拎兩杯水嚟飲下，諗住準備食蛋糕，叫左服務員攞個蛋糕，等佢攞嚟都等咗好耐，一切完蛋糕又同我地講得番幾分鐘，我等都等咗好耐啦，咁係唔係要我地出門口食？ 尾段又係咁趕客！野食方面我覺得都okay 好食嘅，不過有個套餐係配紅米飯，果個紅米飯硬過舊石頭，唔好話比小朋友食，連大人都嫌硬，即刻要轉白飯！其實佢收得咁既價錢唔係平，入面既玩具設施一定都唔值要$198 一位小朋友，仲要咁既環境，咁差既服務態度 ，真係唔會再嚟，最差勁嘅親子餐廳！

8/8，一早預約好，黎到覺得好焗好熱，諗住可能係人多！但幾分鐘就開始頭暈，小朋友入左場唔夠10分鐘就熱到濕曬！問職員後，只係敷衍講一句，係啊冷氣壞左，星期一先整！咁其實即係一早就知，點解琴日打黎confirm booking 時唔講呢？入場嗰下又唔講？一入去，話得2個鐘，叫我快d叫野食！職員好污糟，抹完鼻完全無再消毒/洗手就出食物俾客！又摸玩具，無衛生意識！星期六日係得2個鐘玩，野食又等得耐，大半個鐘先上菜，食都未食完就催埋單！剩15分鐘就大叫小朋友準備要離開，快d去埋廁所就好離開

改名直升機啦，伏伏伏伏伏伏伏伏伏伏伏伏！先論環境，無冷氣，30幾度個個熱到傻，小朋友個個玩到濕曬頭，然後檯又逼，冷氣機又滴水，地下又濕濕地又癡立立，玩完對襪起曬膠！再講玩具，玩樂空間不足，玩具舊都算，個個融融爛爛咁，又污穢又多油積，點啊大佬，點敢俾小朋友玩？又講食物，正正常常，無特別又唔難食，唯一好就係調味有比較輕手，比較適合小朋友食。問題係你咁既環境質素收人咁既價錢，真係不如你食埋我果份，多謝！

見到咁多好評語 ，就諗住黎試一試 ，幫小朋友慶祝生日就book左星期六中午 ，點知係惡夢 ，比錢仲要受氣。去到睇到個環境都唔錯 人不算多 ，之後坐低睇個餐牌 ，發現無乜小朋友食物 ，好多都係辣 ，然後問一問服務員 ，佢就態度勁差 話係得呢d架咋 無其他 ，之後時間未到 ，又係咁吹你拎蛋糕 ，好似想趕你走咁 ，真係唔會有下次 。服務差，態度差 ，兒童餐勁難食 ，小朋友都唔中意食 ，仲要唔平。都唔明呢間野點解可以咁多好評。食到成肚氣。。。。

我以後也不會再到此店，今天和小朋友第一次到，我叫了一兩杯飲品，一個甜品，我第一啖飲已經覺得苦澀，我立即同員工回覆這個問題，他們回應這是你叫的飲品有什麼問題，我已經再次解釋這杯飲品是有苦味而我太太亦試過是真的有苦味，我也保重說了一句如果你不相信可以自己沖一杯試味，員工說他不喝凍飲所以不會試，其後這位員工服務態度惡劣，我已經想快快離開，可是下一個甜品也一直沒有上菜，我問員工為何等了20個分鐘也沒有，其他客人都已經正在用餐，他說吐司正在烤焗中需時20分鐘，煲半小時後我手上面的吐司是冰冷的，原本我是可以和小朋友在這裏兩小時，最後我也沒有心情立即付款離開。

第一次嚟，亦都係最後一次嚟。服務：座位安排混亂。訂枱嗰陣已經講明係4 group人，要3張枱。去到嗰陣就安排到天各一方。問職員就個個都話我唔知。問負責人就話唔會幫我哋安排。我哋都只係第2、3枱客入場，又唔係要咩特別安排，純粹係3枱係附近，都要推3推4。食物：細份，好細份。味道好一般。場地：一個字～細。都唔知隔離個公廁定間餐廳大啲。而兒童遊戲分佈餐廳兩邊，兒童來回會經過上菜路線。總結：去過幾間親子餐廳，呢間最差。

母親節諗住去親子餐廳，大人細路都可以有得玩同食。見網上大家都極力推薦呢一間親子餐廳，就去試驗下。本身都諗住親子餐廳嘅嘢食都唔會有啲咩特別，點知有驚喜。叫咗個水煮牛肉，竟然有四川餐廳嘅水準，好麻又夠辣，係個份量細咗少少。另外，仲叫咗黑松露炒飯，個炒飯乾身，黑松露個味道都好突出。四個人share岩岩好。BB玩嘅設施都好足夠，乾淨，細啲嘅小朋友可以玩下煮飯仔。大啲嘅小朋友都有啲滑梯比佢哋爬上爬落，放電一流。

亞囡最鐘意來這裏吃晚飯，這裏有得玩食物又好味。她最喜歡這裏的木粒池，不會像沙池一樣痴滿手手腳腳非常困難清潔。另外大型廚房超級市場亦是他最愛之一，每次都玩得不願意離去。阿女平常吃飯需要兩小時，吃得非常慢，但是在這裏吃得很快，因為吃完就可以玩呢。食物方面，這裡提供的是粵菜，選擇都頗多，而且有很多適合小朋友吃的，菜式都少油少鹽非常健康。獅子頭，軟熟易咬，多汁，送飯一流。杏仁沙律蝦，揸得外脆內軟，蝦肉爽口彈牙，小朋友吃得很開心。炆焗銀雪魚，小朋友之選，魚肉鮮嫩入味。

尋日同兩個小朋友一齊去紙飛機親子空間度玩， 呢間餐廳呢位於舊機場啟德郵輪碼頭，雖然係要轉一程車，但係呢係好方便嘅九龍灣地鐵站德福廣場就好容易搵到小巴去啦。嘩！去到啟德郵輪碼頭嗰個地方好大呀！搭多程升降機上到去就會見到紙飛機親子空間喇，入到去環境好色彩鮮艷，入場就有換拖鞋啦，小朋友就著返襪仔就可以入去玩。兩個小朋友急不及待咁樣即刻走去玩玩具！有好多公仔同車車。仲有一個木製嘅波波池同瀡滑梯中間位置呢就係用餐區啦，d餐具有齊哂大小朋友用嘅，職員仲會細心咁問你要唔要較剪剪俾小朋友食。一入場好快我哋就叫咗嘢食，menu選擇好多呀，連川菜都有，估唔到親子餐廳有咁多好野食！首先黎嘅大好健康嘅上湯鮮茄雜菌有機豆苗，兩個小朋友好快就食咗番茄入面嘅焗蘑菇，好好味㗎，佢地係咁話要多d然後呢仲有一份，水果前菜拼盤，切到細細粒，有醃過嘅車厘茄，仲要去咗皮添呀，甜甜地，冇草青味好啱小朋友食！仲有呢陳醋雲耳呢就啱曬我哋啲大人喇，又爽口又好開胃！ 另外仲叫左陳皮獅子球，呢個真係咩年紀都啱食！連好細嘅小朋友都會食到呀，本來呢以為黎到咁好玩嘅親子餐廳小朋友會唔肯食嘢喎，但因為啲食物啦又靚又好味，所以佢哋呢都好乖咁樣食完先

　等了又等～ 終於等到親子餐廳重開啦～細佬寶又可以去放電， 媽媽終於有安落茶飯食😌 🈶️幾個玩樂區， 這部份主要玩車、路軌和小型工程玩具🪀.. 還有好幾款大型嘅車可以比小朋友選擇駕駛。仲有超大的supermarket, kitchen area 細佬補玩得不亦樂乎食物方面， 一般親子餐廳嘅食物都比較普通，呢一度嘅食物我可以用非常好吃來形容。 晚餐set 有 主菜，前菜，蔬菜，加水果。 我們選擇了細佬最喜歡的芝麻雞翼，雞翼炆得入味之餘雞肉亦非常嫩滑。 原個蕃茄菜苗 非常 juicy , 清新好吃又健康 。

去了幾次，女女鍾意玩，入場費價錢合理，又可以放電。大人最低消費$150， 一個主食加一杯飲品，就剛剛好。小孩入場費$138（1-9 歲）如果要小朋友坐低食嘢，有咁多好玩嘅遊樂設施吸引，就有啲難可以乖乖地坐低食我哋約咗最早嗰一節，11:45-14:30 （2小時45分鐘）早餐食飽一啲，入場前再食下水果同小食，等囡囡專心玩完之後再食午飯。無添加黃魚燴面$98 媽媽可以慢慢嘆黃魚燴面，女女玩得安全，都係我嘅至愛。黃魚起肉，魚湯底好香，面嘅粗幼度剛剛好，份量好夠，好飽。

疫情下好多親子餐廳或樂園好多都執左，幸好紙飛機仍能生存，所以就去幫襯下支持下。由於係平日既關係，人唔多，我地十二點入到去，只有我和另一家人在。我地兩大一細，叫左幾樣野食魚湯泡飯：因係親子餐廳，所以廚師好細心，鹽係另上，但本身個魚湯泡飯已好有味，入面仲有蝦仁同菜，好健康蔥油拌麵：雖然賣相一般，但我覺得好好味，個麵軟硬度剛好，食完唔會覺得口渴蕃茄時蔬：好靚，原個蕃茄入面有菇，旁邊用豆苗装飾，又靚又健康又好食陳皮猴子頭：好好味又好淋淋，小朋友仔好欣賞呢個肉肉，食左半碗飯，好啱小朋友食，食得出無味精又易送飯另外叫左杯咖啡，爸爸話好好飲快快食完，小朋友仔開始到處玩，不過，他主要都係玩廚房同木粒池，每個area 規定四個人，不過，場内人不多，感覺好似包場，好正！下次約埋朋友仔一齊玩。食物不錯又啱小朋友玩，玩完仲可以係碼頭行下。

星期六book左哩間親子餐廳同兩個小朋友黎玩中午時段，我地早左小小到，但小朋友急想去廁所，所以早左入餐廳，去到其實都無乜人，咁我地就問問下可唔可以比小朋友入黎去左廁所先，我地完成左登記安心出行同填資料，兩位無禮貌嘅員工係我地面前話「去廁所可以起出面去左先入黎！唔洗起到發脾氣！」哩返說話連續起我地面前講左兩次！但我地無發脾氣，只係果個員工無耐性聽人講嘢！之前有位聲稱自己係負責人嘅女士話員工做得唔好，又道歉又比左張coupon話係補償，可惜果兩位員工無歉意，點無歉意？請位阿姐收拾乾淨台面時，已講明只執走「台面嘅廁紙！！」位阿姐扮聽唔到！仲張d廁紙放上未食完食物上面！一家大細黎結果由入坐到埋單都一肚氣！如果食物好食，環境ok都仲有機會再黎，但食物一到已經有四五隻蒼蠅起食物上面飛 ！ 員工又無禮貌無訓練！阿老闆請兩位咁嘅員工趕客，真係唔知邊個唔好彩啦！最後大家如果真係想帶小朋友黎玩，請大家考慮其他親子餐廳好過，一餐午餐$700幾蚊！仲難受過咩咁！

天氣好，又話下星期開始凍。想帶小朋友去放電，係東九龍就諗住去郵輪碼頭行下，感覺依家碼頭應該都唔算太多人去既。我地係德褔轉小巴入，總站落車，直上平台，就見到紙飛機親子空間。就決定食完先轉戰碼頭公園玩，迫開個大太陽。我地叫左陳皮獅子頭餐同埋牛肉粒年糕套餐。套餐入邊有去皮車厘茄（有糖水浸住），涼拌木耳，水果，同埋上湯鮮茄時蔬。小朋友掛住玩其實就食好少，不過要贊一贊佢地真係好貼心，睇得出食物設計過，儘量都冇咩骨，咁就可以唔怕小朋友哽親， 將發生意外情況減低。主菜陳皮獅子頭，做成一粒大肉球，小朋友以為大魚蛋，連平時唔太願食肉既囡囡都食左成粒，但略就覺得份量太少，因為一碟只有2粒，當佢地再想食就已經冇晒，或者要叫多一份🤣涼拌木耳，初初食落口冇味既😅原來係要自己拌勻先食，酸酸地天氣熱食就岩晒，好開胃。水果，其實就係雜果杯，有紅提、青提、藍梅，橙粒，火龍果粒，可能預小朋友食，所以水果都係粒上，連提子都對開放便小朋友食用。上湯浸鮮茄時蔬，去皮大蕃茄入邊有唔同菌類加埋虫草花，拎蕃茄味道更加有層次加埋時蔬，紅紅綠綠咁，小朋友就更加喜愛喇。