紙飛機親子空間

營業中

休息中

Had heard about the cafe from another friend and decided to go when my baby got old enough. She is 9 months and they had a separate cushioned area for under 2 year old children. she got used to it straight away and my husband and i enjoyed our food at the table right next to the play area. we ordered wasabi beef, deep fried prawn with lime sauce, and taiwanese lu rou fan. Food was OK but too pricy and no set meal. Beef wasabi sauce was interesting but the beef quality was not worth the price, e

又到介紹下室內遊樂場既時間，哩排真係去咗好多唔同既地方。紙飛機係一個可以一路食，一路玩既餐廳，有波波池🛝、廚房、彈彈床、圖書角，岩晒動靜皆宜小朋友。哩個我想介紹下既，係佢哋嘅嘢食，真係幾好食，樣樣熱辣辣，仲有好少親子餐廳係做中菜。🥢黃魚煨麵：好多魚肉，麵質都唔錯，唔會淋到一patpat 。🥢台式魯肉飯：厚切魯肉，份量比想像中大碗🥢獅子頭：夠實淨，肉質都唔錯，個汁都唔會好咸。🥢上湯浸時菜：滿滿既一碟時菜，再配上菇菌，比白灼黎得好。

今日boxing day,落雨超級凍。好彩唔係太多人！好耐之前黎過一次，果時吖仔2歲。久別再黎。比之前多左啲設施，但相對地有啲設施會舊左。但對小朋友黎講，點都會好好玩！講反啲嘢食先。比之前有進步左！雞翼(5隻) 都ok。脆脆地掛左啲蜜汁。一般。無咩特別口水雞，我唔食得辣。有少少辣。但個味道ok同雞都滑既。上湯白菜仔，欣賞佢有爆過啲菇！好食蕃茄蕃薯苗，一大個去皮蕃茄！ 好似聖誕馴鹿個紅色大鼻！肉燥手工麵，都ok好食。係肥豬肉黎架。個黑松露炒飯，幾好食，粒粒分明。隻碟三角形好似聖誕樹🎄4款涼菜，一般。無特別，係個蕃茄仔甜左啲，酸啲就好啦！個雙球雪糕個味就有啲假。唔似雪糕，係雪芭，士多啤梨🍓酸，朱古力有啲怪怪。但兩隻味一齊食就中和反😅如果有聖誕特色餐就會加多啲分🤔

冇諗過啲嘢會好食！本來冇期望，因為之前去過另一間親子餐廳啲嘢好難食，以為gimmick野都係咁。。而且侍應姨姨服務態度都好好👍🏻讚！！雖然紙飛機地方比較細，但地方細有地方細好，方便一路食一路照顧小朋友！木玩具有少少舊但有波波池，個女一樣玩得好開心。我諗再過一年個女大少少會再enjoy啲（0-2嘅玩具比較少）。價錢方面小朋友有入場費（不包食），食物「啟德價」啦，啟德啲嘢都偏貴。。好在好食都就冇禁覺唔抵。下次再來吧！！

小朋友岩岩識行就帶佢去玩，好適合佢地玩，玩得好開心。一入去周圍已經怖置左聖誕裝飾。我地好肚餓就叫左嘢食先，食完先再玩。養生小木耳食左開胃前菜先，小木耳爽口。BBQ 菠蘿咕嚕肉幾好食，咕嚕肉炸得香口，脆卜卜，啖啖肉，醬汁調教得剛剛好，酸酸甜甜，送飯一流。水果拼盤提子，藍莓，火龍果，橙，種類多，小朋友中意食。上湯什菌豆苗健康菜式，豆苗新鮮帶有草青味但好甜，上湯加左炒過嘅什菌味道濃郁。呢到玩具種類都好多，男女都岩玩，一點都唔會悶。

好耐冇同仔仔出去玩，聽講啟德郵輪碼頭有間親子餐廳有得食有得玩，今日帶仔仔去happy，happy！餐廳嘅環境好，空間夠大，裝修得好靚。小朋友遊樂設施都好多，有得看書，有得運動還有得可以影相，是小朋友嘅天堂。除左玩，食物都不錯。仔仔嗌左意粉嘅兒童套餐。番茄意粉，酸酸哋好開胃，仔仔好鐘意食，成份食哂。鮮蝦炒蛋，蝦好新鮮，蛋都係蝦味，味道真是不錯。最得意是鴨仔豆沙包，好吸引小朋友啲注意，唔捨得食。水果都新鮮。仔仔食得好快，因為食完還可以繼續玩遊樂設施。我就嗌左BBQ菠蘿咕嚕肉和上湯時蔬。咕嚕肉分量很足，酸酸甜甜很開胃！肉外脆內嫩，很不錯。時蔬分量都超大，完全食唔晒！🤣

今日同個朋友帶埋小朋友嚟呢間餐廳之前上網做咗搜尋知道知道有好多種類嘅兒童設施雖然佢個位置唔係超級方便 但係呢度真係好闊落而且裏面嘅佈置同設施都好新淨同好靚，小朋友嚟到都好興奮所以都覺得值得一來平時玩波波池都唔平，呢度有得玩之餘仲有其他例如大規模嘅煮飯仔，角色扮演及玩具車等等 小朋友覺得好好玩食物出奇地畀我哋預期嘅主打兒童遊戲嘅餐廳好食 點咗個菠蘿京都骨配白飯 茶樹菇蔬菜 仲有生果拼盤 感覺營養好均衡 而且分量都好多 重點係味道都好唔錯 作為大人嘅我哋非常滿意 小朋友放完一輪電先食嘢 都食多啲確實幾好

有冇諗過喺郵輪碼頭都會搵到一間親子餐廳， 對於帶住仔女去玩完郵輪碼頭之後嘅父母，呢度簡直係一個放鬆嘅天堂。兒童遊樂設施方面應有盡有， 車仔 ，玩具廚房，波波池等基本嘢之外， 呢度最犀利係有彈床玩！食物方面呢度主要係食中菜， 我點咗呢度嘅淮揚獅子頭套餐，$168。 配紅米飯， 包一碗湯同一碗水果。 獅子頭比我想像中有水準， 口感味道甚佳， 有上海當地風味！除咗一般中式菜， 港式煲仔類，例如雞煲 ，都係呢度menu上面嘅菜式。

啟德郵輪碼頭平台，原來開咗間親子餐廳，有得食又有得玩，個環境仲要好開陽，見到餐牌都有好多撚手小菜，例如酸菜魚、麻辣牛肉同埋獅子頭，真係同平時嘅親子餐廳好唔同，仲要係有鑊氣嘅，今次叫咗开胃前菜浸蕃茄仔 😋↗️菠蘿咕嚕：上到枱仲係脆卜卜↗️蜜椒汁雞翼：唔會太多黑椒，好似BBQ燒出嚟咁↗️無添加黃魚煨麵：個湯真係冇味精，超級鮮甜同埋都有好多舊魚，配少少酸菜，↗️上湯時蔬：有勁多菇同埋白菜仔最後梗係間有個小小水果拼盆😋😋

越來越多朋友出黎gathering 都帶埋小朋友出黎，小朋友跳跳紮坐唔定，最適合去親子餐廳，小朋友一邊放電，大人又可以安心食，親子餐廳終於唔再只有薯條漢堡包咁悶，而係味道好好嘅中菜，仲有川菜，食物同埋環境都值回票價麻辣香鍋層次豐富，牛肉火喉適中，嗰種麻香令人欲罷不能，配料中有蓮藕同煙韌既麻薯好特別，小朋友有得睇冇得食🤣黑松露雞煲，味道方面很濃郁，有種啫啫雞煲既感覺，鑊氣風味拍得住大排檔，雞肉份量也很大方，不知不覺食咗一大碗飯兒童餐（$128）雖然我冇份食，見到朋友嘅仔仔食得咁開心，味道應該都唔錯，雞仔嘅包包賣相很可愛，成份食哂好支持紙飛機仲有好少見既波波池，餐廳分時段每日都會定時進行消毒清潔🧽 玩到唔願走😙—————————————————紙飛機親子空間 (九龍灣)九龍灣承豐道33號啟德郵輪碼頭B區北面平台—————————————————

同朋友帶埋小朋友出嚟就諗住搵個親子地方食下野又可以小朋友放下電，見郵輪碼頭呢邊未嚟過就過嚟睇下啦，初初都驚星期日呢d親子餐廳實會好爆，同埋又睇到d人話呢度好伏喎，都冇咩特別期望，點知d野食出奇地好食喎，食左雞翼，酸酸甜甜好開胃，之後雞軟骨豆腐係椒鹽幾惹味，再加個咕嚕肉都好味，又唔會話好重味，仲有酸辣湯都正，唔會勁酸，小朋友都玩得開心呀，係會覺得係想翻單嘅餐廳如果唔係咁遠真係想當佢飯堂下次會再試佢個外賣，同小朋友喺出面野餐

二人行無小朋友，坐下食午餐🍽🍽，份量細，味道清，感覺健康💪🏻💪🏻💪🏻，但一個大人也吃不飽，魚🐟湯飯無鹽，店鋪額外用小碟盛裝，感覺很細心💕💕仲有米通，望上很吸引👀👀椒鹽雞軟骨，似雞肉多啲，易入口😋😋😋不辣，吃不到椒鹽味，睇唔到有落椒鹽，再加上自制甜品🍮揀左吐司🍞，好濱紛又有雪糕，雪糕唔甜，好好👍🏻食。吐司切小方塊，一叉一塊，方便易細😋😋配了小丁粒生果🍎🍊

今日同阿女去親子餐廳放電，呢間紙飛機親子餐廳有驚喜，佢除左基本既室內滑梯，玩具廚房，足球機同積木之外，佢仲有跳彈床，波波池既波波係星星形架，好靚，仲有一個好chill既圖書角，幾舒服！員工會keep住吸下玩具既塵，同泊返好小朋友四圍放既車仔，等佢地唔會撞到。講完設施要講下野食，呢度非一般，係食江浙菜架，我地叫左前菜同兩個餸，味道剛剛好，唔會好濃，小朋友都好啱食，整體好滿意，阿女玩到唔捨得走！前菜拼盤-有爆汁話梅蕃茄，靈隱尋味素鵝，養生小木耳同埋古法五香牛肉，前菜清新開胃，蕃茄油淡淡既桂花香，越食越開胃！食完仲有飯後果🍊BBQ菠蘿咕嚕肉-即叫即整，整緊既時候就同小朋友去玩，唔使坐住等，個咕嚕肉好好味，外脆內軟，甜酸度同大細都剛剛好！上湯鮮茄有機豆苗-用左成個蕃茄載住雜菌，再有上湯豆苗包圍住，佢調味唔多，原汁原味！

到餐廳入門口時要換他們的拖鞋，衛生的安排(大人和小朋友記得要著襪)。有數個比兒童玩的不同角落，如廚房，畀小朋友學做廚師，圖書室，BB育嬰室，試身室…。食物美味，因我们是平日去所以服務周到。吃飽後可以在外面的郵輪碼頭公園任小朋友放電。👏👏

朋友介紹，終於都去食左你啦🎵🎵🎵🎵帶了家人一起去品嚐一下✨廚師推介了我們一款💛爆膏大閘蟹🦀🦀🦀🦀🦀🦀🦀🦀🦀🦀🦀 仲有聞名已久的醉蟹🦀🦀🦀✨之後我們試了幾款招牌菜式😽😽😽❶ 蜜椒汁雞翼😋❷ 上湯鮮茄有機豆苗✨湯底飲落似平時嘅酸辣 辣度比平時底 所以就算平時食開譚仔中辣 但係呢度照食大辣都冇問題😚不過食到中途覺得太重味(定唔知太重味精) 要嗌番杯嘢飲先食到落去🥺配料方面 豆卜吸收晒麻辣湯 而且有5塊大大塊豆卜🤪豬頸肉夠晒入味 口感好爽口 必食之選米線份量真係好多 食完覺得勁飽🤣 最特別嘅地方佢唔止可以選擇少米 仲可以選擇走米！啱晒啲唔想食咁多碳水化合物嘅健康人士😚❸ 兒童餐SET B👍🏻仲有果汁送個人覺招牌菜好出色😋小朋友都好鐘意🤤有辣有唔辣😋————————————————推薦指數: 🌕🌕🌕🌕🌕🌕🌕🌕🌑🌑| 7/10環境指數: 🌕🌕🌕🌕🌕🌕🌕🌗🌑🌑| 7.5/10服務指數: 🌕🌕🌕🌕🌕🌕🌕🌑🌑🌑| 7/10好食指數: 🌕🌕🌕🌕🌕🌕🌕🌕🌑🌑| 8/10性價比指數: 🌕🌕🌕🌕🌕🌕🌕🌕🌑🌑| 8/10回訪指數: 🌕🌕🌕🌕🌕🌕🌕🌕🌑🌑| 8/10————————————————☎️電話：60637