紙飛機親子空間

營業中

休息中

疫情稍為緩和，梗係要帶仔女去輕鬆吓.天氣咁好帶咗佢哋去郵輪碼頭吸吓新鮮空氣順便去playHouse玩下食下野.首先講講入場都有做足防疫措施.依家真係衛生最重要小朋友要入場費，而大人的入場費就可以叫食物消費。入到去小朋友就已經四散周圍去玩，而我梗係叫嘢食先啦，他們好先進到QR code落單就可以.首先叫咗一份前菜拼盤：木耳，口水雞，素鵝前菜有酸有辣非常開胃.食完係胃口大增鮮茄有機豆苗，分量大份，清新爽脆，特別係個蕃茄多一份清甜獅子頭，專登叫俾啲小朋友食。好味，加埋白飯就一流.平時去小朋友嘅地方多數都係食西餐，呢度食中餐份外有驚喜，食物質素很好，小朋友玩得開心食得開心

第一次來 #紙飛機親子餐廳超中意個環境design係自然簡約嘅淺木色風格🥰唔同大多數花花碌碌嘅playground靚嘅原因係由著名設計教父 #陳幼堅 嘅出品😏想同寶寶影高質靚相呢度okay😁。除咗環境係以木做主題當然唔小得木製玩具木製玩具獨有嘅木紋手感＆重量比膠製玩具更能刺激小朋友感官而 @origami_hk 採用嘅木製玩具都係靚木料品牌玩具所以可以安心俾寶寶玩🥳。食物主打中菜類，款式設計新穎📌少油少味精📌大多數係健康菜式📌適合俾小朋友食。勁中意個場係全落地玻璃有勁多自然光照到入室內感覺好陽光好舒服❤️❤️❤️而且紙飛機係郵輪碼頭平台公園唯一嘅餐廳可以俾小朋友到戶外23000平方米嘅平台公園玩野餐、玩水、踩平衡車…一次過玩哂😂。另外好想分享佢有個木粒沙池係採用天然環保嘅木粒😍唔同平時啲波波池，寶寶玩又新奇影相仲特別靚🤣🤣🤣感覺高級好多仲有木滑梯、攀爬架俾啲小朋友放電市集＆廚房區域都好可愛💞。。。紙飛機😍結合咗室內室外嘅地方做到無論任何天氣或季節都可以俾小朋友盡情玩！#親子好去處 #親子餐廳 #木系

去到都唔係好逼，啱晒我地，平時呢間親子餐廳相當多人，而家可以唔咁多人一齊玩。咁小朋友就梗係掛住玩，不過都要小心做好衛生管理，咁先玩得安全。家姐2個公主無去街好耐，而家有機會去玩，開心到傻咗咁。2個小朋友一入場探完熱同做完清潔就去咗玩，完全無關心過食物，咁都正常嘅，場入面有超多玩具及唔同主題嘅區域。煮飯仔又有，靜態睇圖書又有，仲有得玩變裝做角色扮演，種類多多，小朋友真係可以玩足成日。餐廳食物選擇都唔少，整體味道都唔錯。其款小菜都好味，推介紅燒獅子頭、咕嚕肉、蜜椒汁雞翼等。不過多數都係大人食，小朋友都係掛住玩，好辛苦先氹到佢哋返埋位食飯。大人就食到lamlam脷，細佬就跑到索晒氣。

今日阿媽話有啲事唔得閒，叫我帶舅父嘅小朋友出去玩。一開始我當然拒絕啦，我都唔識湊小朋友。不過佢地話帶佢地去親子空間玩就得，咁我反正都得閒嘅，就拖住兩個小朋友出發啦。去到佢地就唔理我啦，周圍跑。我見空間都幾大，幾靚。小朋友設施就唔講啦，我主要係嚟食嘢嘅。嘢食擺盤可愛，主打中菜，每樣食材都係有營養嘅，無咩加工食物，我覺得係度飲杯嘢，望住啲小朋友都真係幾開心。好似童心返曬嚟咁，專注咁玩，咔咔聲咁笑，唔駛諗咁多嘢。

我去過啟德郵輪碼頭，今次順便去下，巴士都幾密，交通算方便，餐廳外有個平台大花園，環境靚。素鵝最好味夠入味，木耳有麻辣香少少醋提酸，牛𦟌有口感，鮮果香甜。查里最愛陳皮紅燒獅子頭獅子山啖啖肉啱晒食肉獸即我，肥肉夠好有油香，加上陳皮解膩。上湯鮮茄有機豆苗原隻蕃茄晶瑩通透，半生熟更有口感，釀左香菇，香甜鮮味，豆苗爽口鮮甜，仲好多汁😋環境乾淨企理，職員好友善，好多設備，仲有角色扮演衫裙，小朋友好開心，下次約埋其他朋友黎玩下都唔錯。

這次要推薦的是紙飛機親子空間集合了精心設計的玩樂設施，精緻的創意中菜，養大小朋友都可以一起享受親子時光！因為疫情期間，不是太多人帶小孩去這類型的親子樂園，而啟德平台到處都有遊人特地帶小孩來這裏玩耍！呼吸新鮮空氣。個人認為這裏的環境非常好👍🏻紙飛機餐廳都是採用落地玻璃建築、讓陽光帶進空間，完美地將室內及室外連結在一起。這裏特別之處是有木粒沙池，可以讓小朋友盡情玩樂。食物方面，餐廳主打中菜，所有菜式都有廚師佈置得很精美，亦都非常吸引人再次光臨，因為烹調得非常美味。適合大人及小朋友享用、更設有前菜主菜及甜品。

環境：衛生情況有待改善，因為着咗䌩，所以見到黑蚊蚊，玩樂設施亦有啲灰塵。對於小朋友玩樂安全問題就相當妥當，許多地方都貼上了保護膠邊，防止撞到。服務：員工不是太多，不過都幾nice ,只是有些小朋友會比較搗蛋調皮😝，把沙池中的木粒弄到到處都是，被員工提點。都食物：有前菜，及一些開胃小食，食物味道非常好👍🏻，有小朋友小食，亦照顧到大人的所需，有辣的東西，例如口水雞。走鹽魚湯泡飯非常適合小朋友，湯底鮮，魚味濃郁蜜汁雞翼亦是一款非常受歡迎的小食，小孩極愛。

久聞紙飛機大名, 前排終於有機會黎啦場地幾大, 連埋出面個片大草地相信都夠兩隻化骨龍盡情放電啦佢地同其他親子場樣有扮裝道具、模擬超市、波波當然都唔少得啦但原來佢地個木粒沙池係全港獨家, 又幾特別, 摸落手感都OK佢地既餐廳菜式同樣係包羅萬有一般親子餐廳都係主打食西餐, 即係漢堡包、薯條、焗飯意粉個類呢度係食中菜居多, 邊個會估到係親子餐廳可以食到酸辣湯、宮保雞丁同兼魚煨麵呢啲食物?食物都幾好, 標榜係少油鹽糖, 提倡健康飲食兩隻化骨龍就食兒童餐, 湯、飯、水果都齊哂我就試左味都OK, 口味唔會太重過咸化骨龍都覺得好食我自己就叫左走鹽原味魚湯泡飯同埋蟹肉獅子頭估唔到又幾好食喎~個魚湯泡飯真係無落鹽, 完全100%口味, 唔錯蟹肉獅子頭都算大舊, 肉質鬆化, 調味比一般獅子頭少淡味, 正正啱哂我口味總括黎講呢度好玩又好食, 下次可以CALL埋其他朋友帶埋啲化骨龍黎試下

講到親子餐廳，呢間都係數一數二設備完善，應有盡有嘅餐廳。呢間餐廳主打食中菜，味道都唔錯，有經開呢頭可以一試。叫咗個上湯鮮茄有機豆苗，豆苗好嫩，味道不錯，唔會太鹹，小朋友都幾鍾意食 。仲有紅燒獅子頭，獅子頭肥肉瘦肉好均勻，咬落去啖啖肉仲有啲陳皮香，好入味啊！而講到小朋友最鍾意食一定係雞翼啦！呢個蜜椒汁雞翼簡直係小朋友嘅最愛，酸酸甜甜，夠晒開胃🤩🤩下次有經開呢頭都可以帶小朋友去試吓其他菜式😋😋

之前多次去啟德郵輪碼頭野餐，都會心思思想同囝囝去呢一間《紙飛機親子餐廳》到食下玩下。之前疫情嚴重困咗喺屋企太耐， 難得確診數字放緩，都會想同囝囝放下電。 機會嚟喇，閒日放假，終於可以玩返餐。親子餐廳最講求嘅就係衛生，入門口後第一件事就係探熱同消毒雙手。餐廳提供咗江浙菜同上海菜式， 味道簡單清清淡淡， 就算俾未滿2歲嘅小朋友食， 口味都唔會太過濃。餐廳嘅bb椅坐得穩陣又舒服， 除咗有造型可愛嘅餐具之外， 提供咗即棄嘅飯衣， 夠曬細心。親子餐廳除咗要好玩之外， 食物都要有一定嘅質素。前菜方面有三小碟, 分別係鹵水牛展， 香醋雲耳， 以及素腐皮。 鹵水牛展炆得入味， 非常爽口。香醋雲耳甜甜酸酸， 非常醒胃。至於素腐皮炆得非常之入味， 簡簡單單已令人相當滿足。呢一個蜜椒雞翼夠曬香口， 而且味道甜甜地，無論大人定小朋友都食到舐舐脷。上湯鮮茄時菜內有乾坤， 原個蕃茄入面釀有小朋友最愛嘅本菇。 翡翠苗夠新鮮， 用上咗鮮甜嘅上湯嚟煮，既可以撇除菜的菜青味，而且淋淋地又易入口，囝囝都食唔停口。最後就有小朋友最鍾意嘅鮮果盤， 有士多啤梨、橙、 藍莓、 同埋火龍果。 色彩繽紛而且種類又多， 營養價值有高，

今日帶小朋友嚟啟德郵輪碼頭鬆一鬆，平台上層呢間親子餐廳，非推介不可。餐廳環境衛生乾淨，玩具．圖書．積木．諗得出小朋友鍾意玩嘅野都有。嚟到除咗玩樂，唔少得係食。喜歡呢間餐廳皆因係食中菜。好多款式選擇。我地揀咗 上湯鮮茄有機豆苗，陳皮紅燒獅子頭，小朋友最鍾意嘅 蜜椒汁雞翼，樣樣都係即叫即製，好好味👍🏻仲有唔同款式嘅公主裙，如果有女孩子，可以嚟玩fashion show, 滿足下公主夢。好開心遇到呢間餐廳，大人食得舒適，小朋友玩到唔捨得走... 以後放假可以成日嚟喇🥰

自己一直都喜歡去啟德郵輪碼頭旅遊，最近知道這裏開了一間餐廳，適合一家大細去，傳聞啲食物都幾好味，所以就一定要嚟試試。我哋喺九龍灣坐上小巴， 15分鐘左右，就到達啟德郵輪碼頭，在啟德郵輪碼頭3樓，有這一間餐廳。我們點了幾款食物，分別是頭盤、口水雞、上湯鮮茄有機豆苗、蜜糖雞翼。頭盤是生果，火龍果比較甜，能有開胃的作用。其次是口水雞，香香麻麻的味道，非常唔錯。之後係上湯鮮茄有機豆苗，這一個蕃茄整得特別有特色，番茄都剝了皮，而且用上湯浸滿了，還有一些菇在裏面，不錯。蜜糖雞翼烤得非常香脆，而且好甜，好好食。

疫情持續咗一段時間，襯著限聚令放寬咗。今日同屋企人帶小朋友嚟啟德郵輪碼頭，就是為咗嚟紙飛機比佢地放電開心下。小朋友勁開心，又玩又食無停過。餐廳環境好乾淨，乜都有得玩，好適合一家大細。外面親子餐廳絕大部分都是西餐。今次嚟主要因為想食中菜，叫咗兩個set, 好好食，絕對有酒樓嘅水準。價錢都唔算貴。小朋友仲話今年生日要嚟開生日會添。「上湯鮮茄有機豆苗」，聽個名就知好清新，好有田園嘅感覺。「陳皮紅燒獅子頭」「蜜椒汁雞翼」小朋友勁愛。我地同小朋友都期待下次再嚟玩過食過😚

依家好多Play House都冇開啊～喺郵輪碼頭既紙飛機親子餐廳，就有開啦！又可以一邊食嘢又可以比小朋友放電！我哋已經係第二次去啦而家悦悦大個咗，識玩好多嘢，今次去到好興奮呀！今次我哋試咗啲新嘢食，食物水準好咗好多！叫左兩個前菜拼盤，口水雞好惹味！紅燒獅子頭唔會好濃味，小朋友都啱食！特別要介紹就係佢嘅蜜汁雞翼，上枱熱辣辣雞皮脆卜卜，好好食呀！環境非常清潔疫情期間店舖嘅衛生都做得好好好放心比小朋友玩食飽飽再繼續玩，今日真係大滿足呀

去到呢間親子餐廳，入到門口首先梗係要消毒雙手同埋量度體溫，因為始終而家疫情比較嚴重，大家都提高警覺，比較注重衛生意識，尤其小朋友場所更加要經常進行消毒及清潔。我哋一行四人揀咗對好靚嘅拖鞋就入場啦。呢度好細心，仲有儲物櫃俾你擺嘢。裏面都幾光鮮，木枱嘅設計好有家嘅感覺，上面嘅餐具更加係用兒童碗筷，超級有童真，令人彷彿重新細味兒時的快樂時光。我哋叫咗個2個set，見到個Menu都係用紙飛機嘅摺法，好特別呀！襯啲嘢食未黎前，梗係要到處拍照同埋遊玩啦，有我細個最鍾意玩嘅煮飯仔同埋Barbie扮靚靚，另外仲有用積木做嘅波波池，啱晒我又可以影靚相留倩影。主菜我哋叫咗創意牛柳炒年糕仲有陳皮獅子頭，年糕切成一粒粒，方便小童進食，好貼心！仲有牛柳粒加埋一齊炒，肉香味濃，之後陳皮獅子頭拍得住四星級酒店中菜廳煮出嚟嘅中菜，肉質夠真材實料，加埋西蘭花🥦，賣相已經加分。最後上枱面的是上湯鮮茄時蔬，大大的番茄鮮透明的紅色蕃茄，中央擺滿雜菌，職員還附上鉸剪，叫我們慢慢切開安心食用，伴菜還有豆苗，營養加晒分！這裏還有新推出的外賣野餐服務，啱晒一班上班族放工又想嘆吓relax下，冇時間預備野餐工具，但又想帶小朋友嚟，不妨