影片
更多
2020-05-29
236 瀏覽
之前多次去啟德郵輪碼頭野餐，都會心思思想同囝囝去呢一間《紙飛機親子餐廳》到食下玩下。之前疫情嚴重困咗喺屋企太耐， 難得確診數字放緩，都會想同囝囝放下電。 機會嚟喇，閒日放假，終於可以玩返餐。親子餐廳最講求嘅就係衛生，入門口後第一件事就係探熱同消毒雙手。餐廳提供咗江浙菜同上海菜式， 味道簡單清清淡淡， 就算俾未滿2歲嘅小朋友食， 口味都唔會太過濃。餐廳嘅bb椅坐得穩陣又舒服， 除咗有造型可愛嘅餐具之外， 提供咗即棄嘅飯衣， 夠曬細心。親子餐廳除咗要好玩之外， 食物都要有一定嘅質素。前菜方面有三小碟, 分別係鹵水牛展， 香醋雲耳， 以及素腐皮。 鹵水牛展炆得入味， 非常爽口。香醋雲耳甜甜酸酸， 非常醒胃。至於素腐皮炆得非常之入味， 簡簡單單已令人相當滿足。呢一個蜜椒雞翼夠曬香口， 而且味道甜甜地，無論大人定小朋友都食到舐舐脷。上湯鮮茄時菜內有乾坤， 原個蕃茄入面釀有小朋友最愛嘅本菇。 翡翠苗夠新鮮， 用上咗鮮甜嘅上湯嚟煮，既可以撇除菜的菜青味，而且淋淋地又易入口，囝囝都食唔停口。最後就有小朋友最鍾意嘅鮮果盤， 有士多啤梨、橙、 藍莓、 同埋火龍果。 色彩繽紛而且種類又多， 營養價值有高，
之前疫情嚴重困咗喺屋企太耐， 難得確診數字放緩，都會想同囝囝放下電。
機會嚟喇，閒日放假，終於可以玩返餐。
親子餐廳最講求嘅就係衛生，入門口後第一件事就係探熱同消毒雙手。
餐廳提供咗江浙菜同上海菜式， 味道簡單清清淡淡， 就算俾未滿2歲嘅小朋友食， 口味都唔會太過濃。
餐廳嘅bb椅坐得穩陣又舒服， 除咗有造型可愛嘅餐具之外， 提供咗即棄嘅飯衣， 夠曬細心。
親子餐廳除咗要好玩之外， 食物都要有一定嘅質素。
前菜方面有三小碟, 分別係鹵水牛展， 香醋雲耳， 以及素腐皮。 鹵水牛展炆得入味， 非常爽口。
香醋雲耳甜甜酸酸， 非常醒胃。
至於素腐皮炆得非常之入味， 簡簡單單已令人相當滿足。
呢一個蜜椒雞翼夠曬香口， 而且味道甜甜地，無論大人定小朋友都食到舐舐脷。
上湯鮮茄時菜內有乾坤， 原個蕃茄入面釀有小朋友最愛嘅本菇。 翡翠苗夠新鮮， 用上咗鮮甜嘅上湯嚟煮，既可以撇除菜的菜青味，而且淋淋地又易入口，囝囝都食唔停口。
最後就有小朋友最鍾意嘅鮮果盤， 有士多啤梨、橙、 藍莓、 同埋火龍果。 色彩繽紛而且種類又多， 營養價值有高， 唔使兩分鐘已經畀囝囝掃清光。
再講下呢度嘅環境， 用餐嘅位置位於整個遊戲室嘅中間， 父母可以安心進食， 同時亦可以望到小朋友玩嘅情況。
遊戲區分別有超市廚房、Reading Corner、 木造嘅瀡滑梯、 同埋木粒沙池。 男孩子當然就最鍾意擺滿咗建築工程車嘅小天地啦。
星期一至五嘅入場費小朋友係138蚊， 成人餐飲最低消費係150蚊， 總共可以玩2個鐘頭45分鐘。
雖然玩咗咁耐， 臨走嘅時候囝囝都係依依不捨， 睇嚟好快又要再嚟玩過。
張貼
