影片
更多
2021-03-02
111 瀏覽
趁疫情緩和一啲，帶埋小朋友出嚟親子餐廳玩，順便大人又可以傾吓計。其實食中菜嘅親子餐廳選擇唔多，而且呢間質素之前試過覺得唔錯，加上交通都算方便，九龍灣坐一程小巴就到，所以不作他選。今日食左牛柳炒年糕，年糕切得細細粒容易食，而且煙煙韌韌好唔錯，牛柳粒都好好味！另外有碟上湯豆苗，份量都幾多，仲有個剝咗皮嘅蕃茄，中間有啲雜菇，好有心思。我哋嗰餐仲包括前菜黑醋木耳和話梅蕃茄，話梅蕃茄確實好少食，多汁得來酸酸甜甜，非常開胃，另外黑醋木耳都好好食。除此以外仲有水果一小碗，啱晒小朋友。碗飯仲好大添！黎親子餐廳，大人就食嘢傾偈，小朋友梗係顧住玩，今次好似新增了彈床，唔記得上次有冇呢？另外大型廚房和滑梯都令小朋友樂而忘返，後來佢哋仲著埋公主裙周圍走。佢呢度仲有幼兒玩樂區和圖書繪畫區，照顧唔同小朋友既需要，走既時候都係嗰句啦：下次可唔可以再嚟呀？
今日食左牛柳炒年糕，年糕切得細細粒容易食，而且煙煙韌韌好唔錯，牛柳粒都好好味！
另外有碟上湯豆苗，份量都幾多，仲有個剝咗皮嘅蕃茄，中間有啲雜菇，好有心思。
我哋嗰餐仲包括前菜黑醋木耳和話梅蕃茄，話梅蕃茄確實好少食，多汁得來酸酸甜甜，非常開胃，另外黑醋木耳都好好食。除此以外仲有水果一小碗，啱晒小朋友。碗飯仲好大添！
黎親子餐廳，大人就食嘢傾偈，小朋友梗係顧住玩，今次好似新增了彈床，唔記得上次有冇呢？另外大型廚房和滑梯都令小朋友樂而忘返，後來佢哋仲著埋公主裙周圍走。佢呢度仲有幼兒玩樂區和圖書繪畫區，照顧唔同小朋友既需要，走既時候都係嗰句啦：下次可唔可以再嚟呀？
張貼
