紙飛機親子空間

營業中

休息中

之前嚟過呢間親子餐廳，鍾意佢本身既室內設施之外，身處喺郵輪碼頭上邊嘅室外空間都夠晒大，真係可以由出面玩到入邊，再由入面玩返到出邊！入門口先係基本清潔，每位客人都要除鞋，可保持室內乾淨。小朋友第一時間已經衝入去玩，煮飯仔、跳彈床、Cosplay、睇書、滑梯等應有盡有。至於食物亦一啲都唔馬虎，今日叫嘅套餐包括前菜和時令水果，主菜我選擇咗蜜椒汁雞翼，炸過所以好香口，但同時加左醬汁所以又唔會熱氣，醬汁堅好味！大人小朋友都喜愛！至於上湯鮮茄時蔬，豆苗好新鮮翠綠，鮮茄大大嚿仲有雜菇添！清清淡淡都唔錯。