紅葉茶屋 (海之戀商場)

營業中

休息中

今日又嚟荃灣行街食飯 朋友特登搵咗呢間日式餐廳 話有幾間分店 同埋都開咗好多年 食物質素都有保證👍🏻見到二人前套餐都幾抵就叫嚟試試前菜:龍蝦沙律 + 紅葉盛點龍蝦沙律 龍蝦沙律醬份量多有龍蝦醬汁沙律菜做底 啖啖都食到魚籽粒好醒胃 💯紅葉盛點 有炸蝦、毛豆、八爪魚、刺身特別鍾意刺身 魚肉質厚實新鮮爽口主菜:照燒三文魚 + 牛肉壽喜燒照燒三文魚 三文魚油香味十足鮮甜不澀無腥味淨係用照燒醬已經夠滋味加小小檸檬汁食落更清新牛肉壽喜燒 湯底甜度剛剛好 牛肉片量多好多蔬菜配上蛋同豆腐 十分豐富👍🏻 甜品揀左抹茶提拉米蘇 + 黑蜜抹茶蕨餅 甜品好味 黑蜜抹茶蕨餅口感似年糕帶煙韌感抹茶提拉米蘇用 精緻小木盒乘住滿滿一盒細膩濃厚口感 上面鋪滿厚厚一層抹茶粉中和咗奶醬嘅甜膩 底部嘅蛋糕好濕潤入口即化 整得好好味🍵

今日特登去咗荃灣紅葉茶屋食dinner，聽講呢間嘢係荃灣必試嘅日本餐廳!間舖嘅裝修好有格調 ，啲燈光同擺設都好日式，坐低已經好有置身日本嘅感覺。最欣賞呢間嘢係佢將傳統嘅茶漬飯玩得咁有創意，無論係和牛定係海鮮款都做得好出色🥹啲食物新鮮，廚師嘅刀工同火候都掌握得好😇店員態度親切，成個用餐體驗都好舒服.👁‍🗨 和牛茶漬飯.➰ 一上枱已經令人驚艷!成碗飯面頭鋪滿咗靚靚嘅和牛片，油花分佈得好均勻，切得又薄又靚.👁‍🗨 豪華海鮮丼茶漬飯.➰ 好似一幅藝術品咁靚!上面擺滿咗唔同嘅刺身，有厚切三文魚、新鮮吞拿魚、超大粒帶子仲有甜蝦，每一樣都鮮甜無比!特別係啲帶子，彈牙爽口，個甜味好天然。倒茶落去嘅時候，啲茶香同海鮮嘅鮮味完美配合，令到成碗飯都充滿住鮮味!.👁‍🗨 明太子雞翼.➰ 啲雞翼炸得金黃香脆，外皮脆卜卜，入面嘅雞肉超級嫩滑。最正係佢上面有明太子，一啖咬落去就會爆汁，個明太子醬汁香辣惹味，同雞肉嘅鮮甜完美配合!個明太子味道香濃但又唔會搶咗雞翼嘅風頭，真係食一個想再食多個!.🔛 整體評分（7.5/10）

今日趁住放假去咗荃灣紅葉茶屋今次叫咗佢哋嘅招牌和牛茶漬飯，一上枱已經令人眼前一亮！碗飯上面鋪滿咗靚靚嘅和牛片，啲和牛肉質好靚，每片都有均勻嘅油花紋理，切工好講究，片片都係半生熟嘅狀態。最特別係佢會俾你一壺香噴噴嘅特製茶，等你可以自己慢慢倒落碗度。當你將啲茶倒落去嘅時候，啲和牛就會慢慢熟，個畫面好治癒！同時間仲會釋放出陣陣牛肉香，配埋個茶香，香氣四溢。燒花魚一夜干定食就係另一個驚喜！一夜干係日本嘅傳統醃製方法，將魚醃一晚，等佢入味。呢度嘅花魚大大條，燒得外皮香脆，魚肉嫩滑多汁，每啖都充滿鮮味！個醃製時間掌握得好好，魚肉鹹香適中，配飯食正好個定食配埋嘅小菜都好出色，有爽口嘅和風沙律，醃得香脆嘅漬物，仲有個好香濃嘅味噌湯。個味噌湯用料十足，湯底香濃惹味，飲完成個人都暖笠笠。如果想食正宗嘅日本料理，呢間嘢絕對值得一試！

嗰日我同朋友去咗荃灣嘅日式餐廳，感受到濃厚嘅日式氛圍。餐廳嘅裝潢簡約，服務亦都相當周到，係一個好舒服嘅午餐體驗。我哋點咗佢哋嘅Set Lunch，揀咗吉列豬扒滑蛋丼同牛肉壽喜燒定食。▶️吉列豬扒滑蛋丼 - 香味四溢嘅滑蛋丼，金黃嘅炸豬扒外皮酥脆，鮮嫩多汁嘅口感，配埋柔嫩嘅滑蛋同甘甜嘅醬汁，覆蓋喺一碗粒粒分明嘅白米飯上，每一啖都充滿驚喜👍🏼▶️牛肉壽喜燒定食 - 熱騰騰嘅壽喜燒鍋入面擺滿咗薄切牛肉同各種蔬菜，喺甜鹹嘅醬汁中煮得入味，牛肉片嘅口感嫩滑，配埋白飯一齊食，令人回味無窮😋呢間餐廳嘅食物唔單止用料新鮮，仲喺味道上下足咗功夫，令我哋度過咗一個愉快嘅午餐時光😌

叫咗個火灸刺身三文魚茶漬飯，一上枱已經覺得個賣相好吸引！成碗飯上面鋪滿咗厚切嘅三文魚刺身，啲三文魚肉質好靚，肥美鮮甜，仲要係厚切嘅，咬落真係好滿足！最特別係佢將三文魚表面用火燒過，個外表好香脆，而入面仲係新鮮嘅刺身，呢個口感真係好特別！最正係佢嘅茶，等你可以將啲茶慢慢倒落個飯度，等佢變成茶泡飯。個茶香味好特別，有少少柴魚嘅鮮味，但又唔會太濃，配合埋啲三文魚食真係好夾！連飯軟硬適中，真係食到最後一啖都覺得好正🙌🏻至於香蔥柚子蜆肉烏冬都好正，啲蜆肉新鮮彈牙，完全冇腥味，份量又足，一啖烏冬一粒蜆肉。最特別係個湯底，清香可口，帶有陣陣柚子香，加埋蜆肉嘅鮮味，真係好開胃！啲烏冬條條彈牙，軟硬適中，吸飽咗個湯汁，食落香香滑滑。個湯底清甜爽口，完全冇咩油膩感，飲到最後一啖都唔覺得膩！整體嚟講，呢兩個都係好出色嘅主食，真係一個食lunch嘅好選擇😋

🚩紅葉茶屋無論前菜定係甜品都一直keep住好食‼️餐廳有兩間分店｜今次去嘅就係荃灣海之戀有普通座位或者榻榻米包廂榻榻米提早一日預訂嘅話係無低消大家要記住啦 ⸜(* ॑꒳ ॑* )〰️〰️〰️〰️〰️〰️〰️〰️〰️〰️〰️〰️〰️🌈Omakase $688/2ppl【先付・前菜】♡紅葉時令四點盛｜炸蝦酥脆連殼食♡小龍蝦沙律｜多重口感 蝦肉紮實【お食事・主食】♡三文魚他他芝士脆片有芝士焦香感｜反而三文魚味沒有很出♡秘傳醬汁脆鰻魚巨熱｜似麵包((蛋?! 包裹鰻魚再炸 外脆內嫩♡自家製柚漬赤蝦手卷動起手來 *ˊᵕˋ*赤蝦大隻黏身 仲有淡淡柚子香♡高湯浸煮北海道刺身帆立貝帆布貝夠厚一開二｜釀入高湯熟度啱啱好♡料理長之季節限定（牛肉鍋）每人一鍋 份量十足 油豆腐吸滿甜甜湯汁♡松葉蟹味噌拌麵幼面面頭鋪滿蟹肉 仲可以外加蟹膏 肥豬仔啦【甜品】♡宇治抹茶蕨餅｜提拉米蘇依度嘅甜品飽飽都要食‼️提拉米蘇奶油打得好滑｜奶香味濃郁【飲品】♡桃子洛神花紅茶♡百香果茉莉花茶

朋友約我喺我哋嘅老地方見面。我哋就約咗呢個星期去食午餐傾偈。呢間餐廳嘅食物份量足，又好有日式味道，非常安靜，特別啱同朋友一齊食嘢傾偈。我哋叫咗照燒雞肉同埋刺身三文魚茶漬飯，仲有清酒煮蜆。呢份照燒雞肉套餐，雞肉表皮燒得焦黃，油香味十足，同鮮嫩嘅雞肉有明顯對比，多層次嘅口感喺口中慢慢咀嚼，越咬越香，完全停唔落。同時，粒粒分明嘅飯一齊食，真係絕配。每次嚟都豎起大拇指嘅三文魚茶漬飯。熱湯淋飯真係好特別，食住香，仲唔失三文魚獨有嘅風味。而且呢度嘅三文魚滑嫩無比，幾乎唔需要咬，入口即化。仲有帶有酒香嘅蜆肉，大隻鮮美，食起嚟有啲彈牙，非常有嚼勁，口感極為豐富。而且蜆肉亦唔會太重口味，非常啱我哋嘅胃口。

星期日我同女朋友去咗一間好正既日式餐廳，享受咗一餐令人難忘既晚餐。餐廳內部充滿濃厚既日式氛圍，令人彷彿置身於日本既小茶屋。整體氛圍寧靜又浪漫，特別適合約會。首先係【龍蝦沙律】，有鮮美龍蝦味道同埋爽口沙律食落清爽比我感覺又高級。我地仲試咗【紅葉四點盛】，包括炸蝦、刺身等經典日式料理，各個都十分新鮮，令我地大飽口福。之後食咗【吉列豬扒同廣島蠔】，金黃酥脆，鮮嫩多汁既豬扒香氣撲鼻。廣島蠔既鮮甜味道更加令人印象深刻，整隻廣島蠔十分肥美。跟住仲試埋【香燒牛肉】，每一片牛肉都精心燒製，肉汁豐富且帶有微微焦香，食唔停口。甜品部分係我地既最愛，叫咗兩款抹茶系列。【鐮倉抹茶白玉】帶住濃郁既抹茶香氣，白玉口感彈牙好食，層次分明；而【抹茶提拉米蘇】就係融合咗日式同義式既精髓，甜而不膩，口感細膩。

今次lunch去荃灣海之戀商場嘅紅葉茶屋，冇乜人，試左牛肉壽喜燒定食，定食會附送杯凍飲，我素紅茶。呢個壽喜燒冇明火，但都夠熱既。定食一上枱已經聞到甜甜嘅壽喜燒醬香，牛肉份量足，煮完口感都算滑，吸滿湯汁好入味！鍋底仲有豆腐、金菇、洋蔥，煮到軟腍入味。 湯底甜度適中，唔會過鹹，配埋日本珍珠米飯，送飯一流！定食仲附送半熟蛋、味噌湯同漬物，半熟蛋我選擇打入個壽喜燒連湯食，味噌湯夠熱唔會死鹹，整體份量夠飽肚！

尋晚帶阿媽去咗荃灣嘅紅葉茶屋，試下網上好多朋友介紹嘅套餐，果然唔錯！餐廳環境幾輕鬆舒服。今次我哋選咗兩人套餐，真係啱啱好！首先上嚟嘅係香辣燒牛肉，牛肉炒得夠嫩滑，香辣味唔錯，唔會過辣，反而係啱啱好，仲帶有少少煙韌嘅口感，食落好有味！再來就係豚肉生薑燒，豬肉唔算太薄，味道唔錯，生薑嘅香氣唔會太強，食落有啲暖心，夾埋白飯食就最好啦。套餐裏面仲有個四點盛，係一個小小嘅拼盤，炸蝦、刺身同其他小食，幾有心思。炸蝦外脆內軟，食得開心，刺身雖然唔係最鮮甜，但味道清新，配少少醬汁好開胃。龍蝦沙律亦都夠新鮮，龍蝦肉嫩滑，沙律汁清爽，真係幾搭最後，甜品方面，抹茶芝士蛋糕有少少雲石紋理，口感滑順，唔會太甜，啱啱好。至於提拉米蘇，抹茶味唔算太強，帶啲咖啡香氣，食落幾好味！🍰呢個套餐好豐富，每一道都係有心思嘅料理，唔會太複雜，食得開心又舒服，絕對會再返嚟試下其他菜式！

前晚同家姐去咗紅葉茶屋食晚餐，餐廳氛圍幾靜謐，感覺好放鬆，係一個好適合同屋企人聚餐嘅地方。首先試咗明太子忌廉烏冬，湯底creamy但唔會太重，明太子嘅鮮味有啲突顯，配埋啲好有口感嘅烏冬麵，味道幾平衡，食落去真係好舒服，唔會太膩，適合開胃然後嚟咗燒花魚一夜干定食，魚肉燒得恰到好處，外表微脆但內裡保持咗魚肉嘅鮮嫩，配搭嘅小菜同米飯都好襯，整體食落好滿足。最後係海鮮炸物成盒，入面有炸蝦、炸蠔同炸豆腐魚餅，外層炸得脆脆嘅，唔會油膩，保持咗海鮮嘅鮮味，特別係炸蠔，口感啱啱好，冇過多調味。整體嚟講，呢餐唔錯，每道菜味道唔會太重，配搭得幾好，食完真係覺得滿足又輕鬆，係一個唔錯嘅家庭聚餐選擇。👍🏻👍🏻

吉列豬扒&廣島蠔🦪豬扒酥脆多汁，廣島蠔新鮮鮮美👏🏼外層嘅麵衣炸得金黃酥脆，咬落去仲可以發出清脆嘅聲音，唧啲檸檬汁落去，味道更加輕盈🤤豬扒一點腥味都冇，厚實嘅肉質食落去就好滿足；蠔肉飽滿鮮甜，帶住淡淡海水嘅鹹味，炸物盛宴食落去就令人好滿足～ 特盛黑麻油濃厚豚骨拉麵🍜湯底用豚肉熬製而成，一點豬腥味都冇，落咗黑麻油之後成個風味增添咗一股香味👍🏼叉燒肉片肥瘦相間，炙燒後香氣四溢，入口即化，同湯底完美結合🤩麵條亦煮得軟硬適中，彈牙有嚼勁，吸收咗滿滿湯汁嘅精華，好啱重口味嘅我😋 抹茶白玉🍡白玉糰子睇落就好煙韌Q彈，配埋一齊仲有杯細細個嘅楓糖漿，倒落碗度入口係紅豆泥嘅甜味同淡淡嘅抹茶苦味，甜甜地好好食😋 抹茶提拉米蘇🍰唔似傳統嘅提拉米蘇有酒香味，反而帶住濃郁嘅奶香，同抹茶嘅微苦茶香交織，手指餅乾吸飽咗抹茶嘅苦味，形成濕潤嘅糕體，成個口感輕柔但唔失層次🤩 紅葉四點盛🍱精緻嘅擺盤睇住就好心情～多樣化嘅日式風味集於呢一盤，蝦肉鮮甜彈牙·枝豆簡單鹽煮就已經好保留住豆仁嘅清甜，刺身選材新鮮，魚肉細膩順滑，配埋芥末更提鮮味🤤

香蔥柚子蜆肉烏冬🍜男朋友點嘅呢份烏冬麵湯底散發住淡淡嘅柚子香味，食落清爽唔油膩，帶住蜆肉嘅鮮甜，真係好好食！！加上烏冬麵口感十分彈牙，恰到好處嘅嚼勁真係令人忍唔住一啖接一啖食😍麵條亦充分吸收咗湯汁嘅精華，每一啖都係鮮美嘅味道😋配上新鮮飽滿嘅蜆肉，簡直就係人間美味！照燒雞肉定食🍱午餐梗係要食佢哋嘅定食啦🤩配菜豐富，唔止有清爽嘅沙律，仲有醃漬小菜同熱辣辣嘅味增湯，超抵食！照燒雞肉呢個主角，外皮已經煎得金黃微焦，食落一啖，外皮微脆，入面鮮嫩多汁😋飯再配埋照燒醬一齊入口，鹹甜嘅滋味令人食慾大開💯抹茶🍵一啖落去一股濃郁嘅苦香味喺嘴入面散發，之後仲有回甘嘅抹茶甜味，好飲～凍生薑蜜🫚蜜糖甜甜地中和咗生薑嘅辛辣味，唔止可以解渴消暑，仲可以溫暖身心👍🏼

💭紅葉茶屋二人前附送龍蝦沙律，紅葉四點盛，日本產米飯及麵豉湯 🧡照燒三文魚🧡吉列豬扒&廣島蠔主菜我哋揀咗照燒三文魚同吉列豬扒&廣島蠔🤩三文魚外皮煎到外皮脆卜卜，入面保持住軟嫩多汁，裹住濃郁嘅照燒醬汁，甜鹹交織👍🏼魚肉嘅油脂同照燒醬嘅濃郁互相配合，口感好順滑，好好食！吉列豬扒&廣島蠔兩樣都炸得好酥脆，輕盈嘅麵衣唔會好油膩，入面肉質依然軟嫩多汁👏🏼 💛紅葉四點盛細細粒精緻嘅擺盤睇落就好有食慾，炸蝦卜卜脆，枝豆同刺身每樣都好新鮮～ 💛抹茶白玉最後梗係要嚟份甜品收尾，男朋友好鍾意食呢道口感煙韌嘅白玉，配搭上抹茶嘅微苦同紅豆泥嘅甜味，味道濃郁但唔會膩，好傳統又好有創意嘅日式小甜點🥰 💛抹茶提拉米蘇如果一份甜品唔夠，咁就兩份😂抹茶嘅茶香同濃郁嘅奶香，形成獨特嘅風味平衡，清香嘅苦韻令成個甜度更柔和，好滿足🥹 💛清酒我哋仲加咗清酒，淡淡嘅米香仲飲得出花果香味，入口好順滑💯

男友好鍾意食日本嘢，啱啱好最近同事成日討論好有人氣嘅紅葉茶屋，我就諗住帶男友去試吓。今晚嘅景色特別靚，好啱嚟拍拖。呢度嘅日本料理種類好多，我哋兩個傾咗好耐先揀咗呢幾道菜嚟試吓。我本身就比較鍾意食熱辣辣嘅烏冬，所以揀咗一碗芝士雞肉烏冬。麵條好軟滑，仲有芝士雞肉嘅香味，好香濃。而且啲料都好新鮮，食落去特別開胃，一啖接一啖，停唔到口！男友就試咗牛肉茶漬飯。當侍應拎嘢食嚟畀我哋嗰陣，好香嘅牛肉味撲鼻而嚟，我睇咗都忍唔住想試一啖。呢度嘅茶漬飯食落去好清新唔滯，味道啱啱好，凍天食一碗，真係好暖胃。食緊嘅時候，我哋見到隔離枱嘅客叫咗清酒蜆望落去好新鮮，就叫咗一份。清酒蜆果然好新鮮好大隻，蜆肉好肥美，食落去好鮮甜。至於飲品我哋叫咗冰紅茶同凍薑蜜。兩杯嘢飲飲落去好清新解渴，又唔會太甜。冰紅茶有好香嘅茶味，仲有回甘，而凍薑蜜飲落去好順口，好潤喉。呢度嘅嘢食同飲品都好好啱我哋口味，下次一定會再嚟！