紅葉茶屋 (海之戀商場)

營業中

休息中

今次lunch去荃灣海之戀商場嘅紅葉茶屋，冇乜人，試左牛肉壽喜燒定食，定食會附送杯凍飲，我素紅茶。呢個壽喜燒冇明火，但都夠熱既。定食一上枱已經聞到甜甜嘅壽喜燒醬香，牛肉份量足，煮完口感都算滑，吸滿湯汁好入味！鍋底仲有豆腐、金菇、洋蔥，煮到軟腍入味。 湯底甜度適中，唔會過鹹，配埋日本珍珠米飯，送飯一流！定食仲附送半熟蛋、味噌湯同漬物，半熟蛋我選擇打入個壽喜燒連湯食，味噌湯夠熱唔會死鹹，整體份量夠飽肚！

尋晚帶阿媽去咗荃灣嘅紅葉茶屋，試下網上好多朋友介紹嘅套餐，果然唔錯！餐廳環境幾輕鬆舒服。今次我哋選咗兩人套餐，真係啱啱好！首先上嚟嘅係香辣燒牛肉，牛肉炒得夠嫩滑，香辣味唔錯，唔會過辣，反而係啱啱好，仲帶有少少煙韌嘅口感，食落好有味！再來就係豚肉生薑燒，豬肉唔算太薄，味道唔錯，生薑嘅香氣唔會太強，食落有啲暖心，夾埋白飯食就最好啦。套餐裏面仲有個四點盛，係一個小小嘅拼盤，炸蝦、刺身同其他小食，幾有心思。炸蝦外脆內軟，食得開心，刺身雖然唔係最鮮甜，但味道清新，配少少醬汁好開胃。龍蝦沙律亦都夠新鮮，龍蝦肉嫩滑，沙律汁清爽，真係幾搭最後，甜品方面，抹茶芝士蛋糕有少少雲石紋理，口感滑順，唔會太甜，啱啱好。至於提拉米蘇，抹茶味唔算太強，帶啲咖啡香氣，食落幾好味！🍰呢個套餐好豐富，每一道都係有心思嘅料理，唔會太複雜，食得開心又舒服，絕對會再返嚟試下其他菜式！

前晚同家姐去咗紅葉茶屋食晚餐，餐廳氛圍幾靜謐，感覺好放鬆，係一個好適合同屋企人聚餐嘅地方。首先試咗明太子忌廉烏冬，湯底creamy但唔會太重，明太子嘅鮮味有啲突顯，配埋啲好有口感嘅烏冬麵，味道幾平衡，食落去真係好舒服，唔會太膩，適合開胃然後嚟咗燒花魚一夜干定食，魚肉燒得恰到好處，外表微脆但內裡保持咗魚肉嘅鮮嫩，配搭嘅小菜同米飯都好襯，整體食落好滿足。最後係海鮮炸物成盒，入面有炸蝦、炸蠔同炸豆腐魚餅，外層炸得脆脆嘅，唔會油膩，保持咗海鮮嘅鮮味，特別係炸蠔，口感啱啱好，冇過多調味。整體嚟講，呢餐唔錯，每道菜味道唔會太重，配搭得幾好，食完真係覺得滿足又輕鬆，係一個唔錯嘅家庭聚餐選擇。👍🏻👍🏻

吉列豬扒&廣島蠔🦪豬扒酥脆多汁，廣島蠔新鮮鮮美👏🏼外層嘅麵衣炸得金黃酥脆，咬落去仲可以發出清脆嘅聲音，唧啲檸檬汁落去，味道更加輕盈🤤豬扒一點腥味都冇，厚實嘅肉質食落去就好滿足；蠔肉飽滿鮮甜，帶住淡淡海水嘅鹹味，炸物盛宴食落去就令人好滿足～ 特盛黑麻油濃厚豚骨拉麵🍜湯底用豚肉熬製而成，一點豬腥味都冇，落咗黑麻油之後成個風味增添咗一股香味👍🏼叉燒肉片肥瘦相間，炙燒後香氣四溢，入口即化，同湯底完美結合🤩麵條亦煮得軟硬適中，彈牙有嚼勁，吸收咗滿滿湯汁嘅精華，好啱重口味嘅我😋 抹茶白玉🍡白玉糰子睇落就好煙韌Q彈，配埋一齊仲有杯細細個嘅楓糖漿，倒落碗度入口係紅豆泥嘅甜味同淡淡嘅抹茶苦味，甜甜地好好食😋 抹茶提拉米蘇🍰唔似傳統嘅提拉米蘇有酒香味，反而帶住濃郁嘅奶香，同抹茶嘅微苦茶香交織，手指餅乾吸飽咗抹茶嘅苦味，形成濕潤嘅糕體，成個口感輕柔但唔失層次🤩 紅葉四點盛🍱精緻嘅擺盤睇住就好心情～多樣化嘅日式風味集於呢一盤，蝦肉鮮甜彈牙·枝豆簡單鹽煮就已經好保留住豆仁嘅清甜，刺身選材新鮮，魚肉細膩順滑，配埋芥末更提鮮味🤤

香蔥柚子蜆肉烏冬🍜男朋友點嘅呢份烏冬麵湯底散發住淡淡嘅柚子香味，食落清爽唔油膩，帶住蜆肉嘅鮮甜，真係好好食！！加上烏冬麵口感十分彈牙，恰到好處嘅嚼勁真係令人忍唔住一啖接一啖食😍麵條亦充分吸收咗湯汁嘅精華，每一啖都係鮮美嘅味道😋配上新鮮飽滿嘅蜆肉，簡直就係人間美味！照燒雞肉定食🍱午餐梗係要食佢哋嘅定食啦🤩配菜豐富，唔止有清爽嘅沙律，仲有醃漬小菜同熱辣辣嘅味增湯，超抵食！照燒雞肉呢個主角，外皮已經煎得金黃微焦，食落一啖，外皮微脆，入面鮮嫩多汁😋飯再配埋照燒醬一齊入口，鹹甜嘅滋味令人食慾大開💯抹茶🍵一啖落去一股濃郁嘅苦香味喺嘴入面散發，之後仲有回甘嘅抹茶甜味，好飲～凍生薑蜜🫚蜜糖甜甜地中和咗生薑嘅辛辣味，唔止可以解渴消暑，仲可以溫暖身心👍🏼

💭紅葉茶屋二人前附送龍蝦沙律，紅葉四點盛，日本產米飯及麵豉湯 🧡照燒三文魚🧡吉列豬扒&廣島蠔主菜我哋揀咗照燒三文魚同吉列豬扒&廣島蠔🤩三文魚外皮煎到外皮脆卜卜，入面保持住軟嫩多汁，裹住濃郁嘅照燒醬汁，甜鹹交織👍🏼魚肉嘅油脂同照燒醬嘅濃郁互相配合，口感好順滑，好好食！吉列豬扒&廣島蠔兩樣都炸得好酥脆，輕盈嘅麵衣唔會好油膩，入面肉質依然軟嫩多汁👏🏼 💛紅葉四點盛細細粒精緻嘅擺盤睇落就好有食慾，炸蝦卜卜脆，枝豆同刺身每樣都好新鮮～ 💛抹茶白玉最後梗係要嚟份甜品收尾，男朋友好鍾意食呢道口感煙韌嘅白玉，配搭上抹茶嘅微苦同紅豆泥嘅甜味，味道濃郁但唔會膩，好傳統又好有創意嘅日式小甜點🥰 💛抹茶提拉米蘇如果一份甜品唔夠，咁就兩份😂抹茶嘅茶香同濃郁嘅奶香，形成獨特嘅風味平衡，清香嘅苦韻令成個甜度更柔和，好滿足🥹 💛清酒我哋仲加咗清酒，淡淡嘅米香仲飲得出花果香味，入口好順滑💯

男友好鍾意食日本嘢，啱啱好最近同事成日討論好有人氣嘅紅葉茶屋，我就諗住帶男友去試吓。今晚嘅景色特別靚，好啱嚟拍拖。呢度嘅日本料理種類好多，我哋兩個傾咗好耐先揀咗呢幾道菜嚟試吓。我本身就比較鍾意食熱辣辣嘅烏冬，所以揀咗一碗芝士雞肉烏冬。麵條好軟滑，仲有芝士雞肉嘅香味，好香濃。而且啲料都好新鮮，食落去特別開胃，一啖接一啖，停唔到口！男友就試咗牛肉茶漬飯。當侍應拎嘢食嚟畀我哋嗰陣，好香嘅牛肉味撲鼻而嚟，我睇咗都忍唔住想試一啖。呢度嘅茶漬飯食落去好清新唔滯，味道啱啱好，凍天食一碗，真係好暖胃。食緊嘅時候，我哋見到隔離枱嘅客叫咗清酒蜆望落去好新鮮，就叫咗一份。清酒蜆果然好新鮮好大隻，蜆肉好肥美，食落去好鮮甜。至於飲品我哋叫咗冰紅茶同凍薑蜜。兩杯嘢飲飲落去好清新解渴，又唔會太甜。冰紅茶有好香嘅茶味，仲有回甘，而凍薑蜜飲落去好順口，好潤喉。呢度嘅嘢食同飲品都好好啱我哋口味，下次一定會再嚟！

約咗妹妹嚟呢間紅葉茶屋享用晚餐，訂咗兩個位。跟住佢哋店員推薦，我哋就要咗佢哋而家嘅限定雙人套餐。由前菜到甜品，各種食材睇落都係豪華精品，感覺都係可以試嚇嘅。前菜上嚟賣相就好靚，味道都好好，龍蝦沙律有龍蝦好香濃嘅海鮮味，配上蔬菜口味千變萬化，然後再嚟上佢哋偏清淡嘅紅葉四點盛，口味都唔會重，就係好開胃。我同妹妹叫咗一湯一炸，一齊食，有牛肉壽喜燒同香炸豬扒同蠔，都係好下飯嘅菜品。壽喜燒嘅口味偏向香濃，牛肉嘅香氣分佈喺鍋裏，每一樣配菜都好入味，啱曬同日本米飯一齊食。妹妹嘅炸豬扒就一流，仲附有廣島蠔，在口味上畀我帶嚟咗好特別嘅新鮮感。最後以甜品作為終結，我哋兩個都係要咗抹茶口味嘅，提拉米蘇同白玉。白玉口感好軟糯，然後仲有少少彈性，搭配抹茶好香，抹茶提拉米蘇就唔會咁甜，然後喺口中帶有一絲回甘，好香。食得好開心，下次仲會再嚟幫襯。

平時啲朋友都會約我嚟海之戀商場行街，之前就見到呢間紅葉茶屋，佢哋賣嘅日本菜好惹味，而家見到佢哋做緊優惠，雙人套餐望落去好抵，就決定晚餐嚟呢度試嚇前菜已經係好好食，有小拼盤同沙律，沙律入面有龍蝦，鮮味十足，沙律食落去有甘香，跟住啲菜都好新鮮，小拼盤入面有刺身炸蝦，食落去好開胃，啲料好新鮮主食我係要咗卡邦尼烏冬，跟住朋友要咗豬扒配蠔。每一道主食都好有特色，卡邦尼烏冬味道好濃郁，跟住烏冬面嘅咬勁好夠，再加埋溫泉蛋提味，正呀！跟住豬扒好大份，炸得都好脆口，香氣十足，賣相好好。甜品我哋就叫咗蕨餅同芝士蛋糕，啲蕨餅係黑蜜抹茶味嘅，食落去好甘甜，仲微微帶有茶香，好有風味。芝士蛋糕都係抹茶味嘅，鍾意食抹茶嘅朋友食到津津有味！第一次嚟食真係唔錯，下次應該仲會再嚟試嚇！

星期六晚上，啱啱有時間，就帶父母去咗間日式餐廳食晚飯。呢度嘅餐單好豐富，裝修又好有日式風格，簡約又有格調，真係幾靚。我點咗和牛茶泡飯，茶湯好香，和牛切得好薄，入口即溶，配埋日本米飯，真係好好食。我好鍾意呢道菜。我哋仲點咗燒花魚定食，魚肉醃過再烤，外脆內嫩，香味十足，配埋米飯同幾樣小菜，食完仲想再食多啖。最後我哋仲點咗和風炸雞拼盤，入面有炸雞塊同雞翼，炸雞外皮好脆，蘸特製醬料一齊食，味道非常好。我哋仲加咗盤番茄芝麻沙律，蔬菜好新鮮，番茄酸甜配芝麻醬，好開胃又解膩。呢間餐廳嘅菜單好多選擇，每道睇落都好吸引，有機會下次帶埋弟弟妹妹再嚟試其他嘢食。

嗰日中午 我同同事去咗一間喺荃灣嘅日式餐廳食午餐。呢間店嘅裝潢散發住濃厚嘅和風氣息 從櫃檯嘅擺設到入面嘅木質桌椅，每一處細節都充滿咗日式嘅風味我哋點咗Set Lunch，菜單上嘅選擇非常豐富。我哋點咗一份❣ 吉列豬扒滑蛋丼❣ 豬扒炸得金黃酥脆，香氣四溢，肉質鮮嫩多汁，配埋滑蛋同醬汁，真係好好味 我哋仲揀咗❣ 火灸刺身三文魚茶漬飯❣ 三文魚刺身散發住迷人嘅炭香，舖喺熱騰騰嘅茶漬飯上，食得好滿足。飲品方面，我哋揀咗 熱抹茶 入口濃郁微苦，帶住自然嘅茶香☺ 仲點咗一杯 熱生薑蜜生薑味配埋蜜糖嘅甜，順口提神呢間餐廳真係值得大家一試，無論係食物定係氣氛，都令人印象深刻。

呢晚同朋友去咗間日式餐廳試新嘢食，環境好舒適，仲有榻榻米座位，感覺好有氣氛😄。首先試咗「香蔥柚子蜆肉烏冬」🍜，烏冬夠彈牙，配埋鮮甜蜆肉，味道清新。柚子嘅香氣加上香蔥，令整體味道更加豐富，食落去有種清新嘅感覺，真係一試難忘😊。跟住就係「吉列豬扒滑蛋丼」🍚，豬扒炸得金黃色，外脆內嫩，配上滑蛋同白飯，滋味無窮。豬扒嘅肉汁豐富，滑蛋令整體口感更柔滑，食落去好滿足😋。飲品方面，我哋點咗「冰雜莓紅茶」🍹，紅茶清香，加上雜莓嘅酸甜，飲落去清爽解渴，仲有少少果香，係個不錯嘅選擇🍓。最後試咗「凍生薑蜜」🍯，呢杯飲品真係好特別，生薑嘅微辣加上蜜糖嘅甜味，飲落去暖胃又舒服，特別適合冬天❄️。整體嚟講，呢餐飯真係好滿意，食物質素高，味道好有層次，值得推薦俾朋友再嚟試！👍

我本人對於貴公司有少少意見想反映吓，我琴晚同朋友去荃灣海之戀分店食晚飯，由於叫咗幾款刺身，所以就向店員攞多少少wasabi，隨即聽到喺廚房入面有個中年男士極為不滿既回應「又要？」，如果貴公司既wasabi係收取費用既話，大可以標明喺Menu上面，而唔俾我一個咁樣既回應，當店員提供咗wasabi俾我之後，我向店員反映呢個問題，當時店員有即時道歉，成件事上面店員係無問題，態度良好同有禮貌，問題在於點解貴公司既廚房師父會咁樣對待客人？希望貴公司正視問題

人氣日本過江龍餐廳 - 紅葉茶屋紅葉茶屋，來自日本鎌倉，設立於2017年的日式餐廳，於日本鐮倉、橫浜都有開店 ! 朋友仔上次到訪過尖沙咀店，覺得味道不錯，這晚就帶我來到開業只有1年左右的荃灣店試一試 !  進入餐廳後，發現荃灣店的日式風格的裝潢及燈光佈置，令人感覺柔和舒適！ 店內更特別設有廣闊落地大玻璃的半開放式和室！坐榻榻米！望實海景！😍🌅不過要坐榻榻米是要每台達到500元消費金額的，這次我們就沒有進去那裡啦 ~我們focus在食物那裡吧 :🍱 剌身5點盛 $138前菜：牛蒡蘿蔔絲、醃蘿蔔配蔥 、甜蛋絲、Wasabi茶漬飯配湯，可選鰹魚昆布湯 / 香濃蝦湯香濃蝦湯 +$0蝦味淡淡鮮香！ 上餐時，會連同一張茶漬飯享用教學予食客，貼心！🍱 🍲 特盛黑麻油濃厚豚骨湯拉麵 $138前菜：牛蒡蘿蔔絲、醃蘿蔔配溫泉蛋麵質韌性十足，而且掛湯能力高，特盛還可以免費加麵變為200g麵！湯底更是整碗拉麵的精華所在，充滿濃厚魚介及豚骨風味，但同時又做到油而不膩！配荀之日本湯 +$0味噌湯🟩 黑蜜抹茶蕨餅 +$35 (跟定食優惠)以抹茶粉灑在表面，抹茶味香濃，入口又柔軟又綿密香甜！🍨 炸南瓜餅 +$35 (

埋單九秒九. 剩係得個唔為意既牌寫住海之戀會員有九折. 當然佢秒答你埋左單就無架la. 班員工心諗可以賺得就賺, 不過我相信唔少人 (如果係海之戀會員) 應該都奶過野. 唔緊要, 咁就無下次!