紅茶冰室 (已結業)

每到午餐時間這間餐廳一定排長龍，不過餐廳地方大所以很快可以入座，不過這次不是分享堂食，而是食他們店的包包，他店的包包有很多選擇，我終於選定了就食紅豆菠蘿包😉買的時候個包熱辣辣，而且菠蘿包個皮好酥脆，一啖咬落去啲紅豆餡好多呀！我覺得紅豆菠蘿包做得好出色，食得好滿足三個字～好好味👍🏻

因為住在附近所以會到紅茶吃他們的早餐，星期日13/9和老公到日升中心紅茶吃早餐，中途老公突然腸胃不適非常痛苦，滿頭大汗十分辛苦，十分感謝門口帶位的哥哥留意到我老公的情形立即主動慰問，又叫同事給我們熱水，又幫忙call救護車(幸好老公覺得好一些所以最後無call)，接待哥哥十分關心我們又替我們找的士，雖然這個豬扒通粉早餐沒有細意品嚐，但這份關心已值得回味！因找不到表揚途徑，只好借助這平台向接待哥哥說聲多謝！

於今日中午同朋友一齊四人食飯(限聚令4人)，入座點餐到食完用左半個鐘，以為可以一路飲野傾返十零分鐘偈，點知都未飲完杯奶茶，服務員就係咁問「D野到齊了喔」「唔會坐太耐河」，問咗幾次，朋友聽到都話算了走，結果半個鐘就食完飲完，快過快餐店。如果食得慢係咪可以坐耐D，咁食得快就真係抵死。如果客多趕住做生意點解唔限時呢？講明午膳時間咪唔洗咁老土囉！

留喺 #屋企 嘅時間多咗，自自然然就會開住部 #手機📱呢到睇吓、嗰度望吓有咩 #新玩意... #網購 嘅 #吸引力 真係令 #小秘書 好難忍得住手🤪 呢日約埋兩個好朋友出嚟見面，順便去網店度取件🛍 眼見朋友仔嗰一大袋 #戰利品... 原來我嘅 #購買慾 只係 #冰山一角🤣 不過當 #女人 喺 #作戰狀態 係唔會知 #攰 嘅🤪 但係我個肚就開始打鼓🤤 礙於 #限聚令 關係，我哋商量過都係無謂行太遠，喺附近搵間 #茶餐廳 隔住塊板gathering就算🤣本來呢日 #小秘書 好想去食 #蔥花蛋治 㗎，不過心多多又行埋過隔離搵食，左騰右騰之際，我哋最終決定入去 #紅茶冰室 🍽 因為貪佢有張「長枱」，我哋3個一頭一中一尾總算叫做坐埋一齊😝 本來諗住出嚟食 #tea☕️ 嘅我哋，早咗半粒鐘入座，唯有改變主意轉食 #正餐。雖然朋友猛咁推介 #紅茶冰室 嘅 #焗飯，佢仲嗌左個 #蕃茄焗豬扒飯意粉。不過我就聞見 #隔離飯香，跟人叫咗個 #咖喱筋腩飯 配 #凍檸茶少冰🍹 唔知點解要求「少冰」嘅我，杯 #凍檸茶 有2/3都係冰嚟嘅😅 問個 #服務員 點解會咁，佢居然話「啱㗎」，正常嘅凍檸茶啲冰會擺到落底...

9月6日星期日被通知要去觀塘拎選手包（kakao friend run)拎完順手喺果邊食個飯（一心諗住食茶記）黎到紅茶 ，因為星期日冇乜人入到去諗住比佢探熱啦 點知門口冇人，個個喺曬入面，但喺入面又冇乜客佢就大叫入黎入黎，呢邊呢邊行到埋張枱度，離遠就見到枱面有幾粒飯😳😳佢仲要用手撥落地下🤯🤯打算坐低，就見到張凳又有飯同米粉🥶🥶🥶🥶同伙記講可唔可以抹下，條友就拎左格黎枱張凳黎換😰再睇真尐張枱仲有飯喺枱面 姐喺由頭到尾都喺求其抺 當堂乜食慾都冇曬🤬🤬即走🤬大佬呀而家晚市先開返一個星期炸基本門面清潔都做唔好🤯我想像唔到厨房喺點你地班飲食業老鼠屎唔該唔好連累其他人 又要停夜市

之前成日得閒會食下紅茶既菠蘿包，但經過今次以後都唔會再去食喇我叫丫姐比兩個大既我，佢話唔好意思冇得揀，咁我諗佢應該都係攞最近兩個比我架喇，但係佢居然冇夾最近個兩個，而係夾開大個個，突登夾入面最細既比我🤷‍♂️姐係你其實你夾最近個兩個比我又講唔好意思我都理解，唔會po上黎呻但你聽到我想要大既，但仲要當住我面突登攞兩個最細既比我真係好火囉🔥🔥而且平時宴就買個d包係仲熱架嘛，佢宴就d包已經唔熱又乾🤦‍♂️質素大幅下跌，真係唔會再食紅茶🤢🤢🤢🤢🤢

紅茶既冰鎮菠蘿油係最好味嫁！ 😋跟餐連紅豆冰 26蚊！好抵食！ 菠蘿包個皮 脆卜卜嫁！不過今日個紅豆冰好似有啲失水準得好少紅豆同埋好似比以前細杯左另外叫咗個生炸雞髀餐雞髀好Juicy有肉汁的喔！ （掛住食唔記得影相😣）炒蛋芝士魚柳包都唔錯不過薯皇就乾咗少少 建議叫沙律😂

因為紅茶都幾好食，所以一直都有幫襯開但係最近兩次去，無論食早餐定午餐，門口嘅量體溫嘅同事都係求其用支體溫槍掃一下，叫一聲"咇" 就叫人入座。分別係兩個男同事，唔同時間，用同一種手法"量體溫"。而家肺炎咁嚴重，我就唔會再幫襯佢。

平時有食開其他分店，旺角 油麻地食，今日經過觀塘呢間，同左幾個朋友入去食，由於呢間野地方面積好大同埋中午時段勁多人 環境好嘈，我朋友聽唔清問多句，個位望落年紀大 單眼皮 紋左眼線（條眼線化化地變藍色）既女待應即刻黑哂面 同用兇狠既眼神啤住我地，問究竟想食乜？超唔耐煩 似想開我地波 其實食個飯姐 我地都好有禮貌 好似問多句都得罪佢咁樣。所以以後都唔會再食呢間野。有呢d員工真係遲早搞到冇人幫襯..祝呢間餐廳好運。同埋d野食都係好一般。

翠華餐廳其實香港人很少吃，因為很貴，而且不太好吃，主要做遊客生意！作為香港人一般都不會吃😲😲。香港人喜愛的餐廳，奶茶一定要好喝，這邊的實在太棒了！奶很滑，茶很香！一定要試唷。特大雞腿不要錯過！是現炸的，還有薯角，很讚。流心芝士西多一定一定要試，裡面是芝士，而且是流心的，加上香香的牛油，正！

觀塘有無數餐廳，之前吃過紅茶冰室的其他分店，味道不錯，所以最後都選擇了紅茶冰室。雖然對我來說位置比較尷尬，但附近返工的人就是快靚正的選擇了。一個人吃飯，碟頭飯當然是首選，所以點了咖哩雞扒飯配凍檸茶。咖哩雞扒飯通常茶餐廳的咖哩也不會太差，飯與咖哩汁分開上的，咖哩味道偏甜，帶點淡淡椰香，辣度低，港式風味濃，適合香港人口味，如果醮麵包吃，應該也不錯。雞扒香脆口感十足，而且份量多，啖啖肉，好咬口，雞肉尚算鮮嫩，不太鞋口，飯也大大碟，一定吃得飽啊。

食早餐，首選紅茶！雖然好邪惡(肥)，但真係好大份！價錢又抵！味道又唔錯！呢份早餐夠2個人食！好抵啊！haha炸魚柳夠脆，滑蛋又夠滑👍🏻不過要接受到職員比較豪邁😂

服務差，服務員點餐問多句就講粗口大份抵食，味道不錯。推薦下午茶菠蘿油。食物同環境都幾好。部分女店員西口西面，雖然茶餐廳都冇指意有咩好服務，但系講粗口鬧人真系好惡頂，去食飯好似欠左佢。再好食都5想去食。日日排長龍，可能覺得自己有名所以驕傲。觀塘比較大嘅茶餐廳的卻冇幾間，可能大家冇的選擇所以服務員可以講粗口都有客，唔怕冇得做。同樣紅茶旺角服務好好多，不過菜牌冇甘全面。菠蘿包都系正。只能說觀塘店大欺客。

觀塘呢個工業區有好多餐廳嘅選擇，行經幾次見到「紅茶」呢間茶餐廳都大排長龍，究竟佢係夠平好抵食吖， 還是佢質素高呢？ 等我幫大家試探下！由於我今日過咗午飯時間先出動，所以門口條長龍亦都冇咗， 完全唔需要等候就已經可以入座。望完個餐牌同埋是日快餐， 就決定要一個咖喱薯仔焗豬扒飯配凍檸茶少甜。唔使10分鐘個焗飯就已經送到我枱面；🥢咖喱汁又香又濃， 唔辣， 好適合食唔到辣嘅朋友。🥢豬扒好大塊，炸過小小先一齊焗， 好香口， 肉質地唔錯， 厚身唔會鞋口。🥢薯仔就最好味， 林得來又唔會爛晒， 配咖喱汁一流！🥢凍檸茶就一般，個茶底有少少濁， 有少少苦澀嘅味道，少甜近乎唔甜。成餐飯整體感覺係可以嘅，63蚊（57+6）呢個價錢算正常！如果唔使排長龍可以再幫襯！

今日晚上放工去了紅茶食晚飯，其實紅茶本人經常去(基本上一個星期都起碼有兩至三晚會喺度食)。點解今次要寫食評，係因為食咗咁多次，嘢食又幾好味，員工服務又殷勤，老闆又親切，唔寫返一次好似對佢哋唔住。今次叫咗焗咖哩薯仔牛脷飯，同埋菜遠班腩炒河。先講個焗飯先，呢間餐廳啲焗飯我經常食，今次揀牛脷，見到碟飯上面起碼有4-5塊牛脷，而且大塊得嚟又唔韌，同埋咖哩味幾香，加上個焗飯面層有啲飯焦，脆脆地幾好食。另外到個菜遠班腩炒河，呢間餐廳啲河粉好暢銷，多數晚餐前已經賣晒無得食，今次好難得叫到，就即刻叫咗個。其實河粉無咩特別，不過佢啲班腩又係好大舊，而且起碼有成6-7嚿，同埋面層有個汁，但咬落好脆，配搭起上嚟唔錯。整體嚟講間冰室啲嘢幾好食，而且員工服務都幾好，值得再去。