紅茶冰室 (已結業)

#觀塘茶餐廳 #早餐 #b餐早餐時段都有很多人，生意很好，店舖都算大，環境舒適，座位寬敞～#招牌沙嗲牛肉麵 #沙嗲牛麵 $33配炒滑蛋+多士沙嗲味濃郁，偏向濃味的湯底～剛出爐爽口彈牙的公仔麵～還有很多片牛肉，足料。滑滑的炒蛋也不錯，有調味的～多士建議加$ 轉微甜脆脆的 #丹麥多士 ，會比較香和好吃服務質素：6/10環境舒適度：6/10ᶘ ᵒᴥᵒᶅ個人口味評分：7/10#food #hkfood #hkfoodstagram

是咁的...我個日係想去另一間野食個all day breakfast 的。但間野冇開門🤣我地即刻諗到去紅茶，因為唔洗用腦再諗去邊，又食過，有保證！平時係旺角我會食冬陰公肥牛米線，但呢間無，所以我轉食個平時未試過的。魚柳包餐！🤣🤣🤣可配薯角或沙律，我見凍凍地都係食番熱野好。（但留意我飲咩🤣🤣🤣）個包好食！薯角都好食！唔係成口粉個隻！好滿意！食完真係同午餐無咩分別，好夠飽。再歎埋杯凍檸茶（叫左少冰但黎到我都筆左滿左個黃色盤仔都未筆曬！）係美中不足。但整體都好滿意嘅！檸檬茶正！加埋隻杯好似特別好飲！

今日去觀塘搵朋友，順便一齊食個下午茶😋1.冰火菠蘿油 🍍之前聽網上介紹，終於都試喇！個菠蘿油外脆內軟😋塊凍牛油配起中間好滋味，融為一體👍🏻價錢親民👍🏻普通菠蘿包都係$6咋，仲可以嗌外賣返屋企當早餐食😋2.芝士炒蛋魚柳包🍳個包有：蕃茄、生菜、炸魚柳、芝士、同炒蛋嫰滑，仲會配埋薯皇👍🏻 30幾蚊就咁豐富😍口感豐富，又足料，好過成日食公仔麵🍜再配埋杯地道茶餐廳凍奶茶🥤又平又好食，又可以過下口癮，坐低同朋友傾吓計😋 大家可以去紅茶茶餐廳試吓～Hong Kong local restaurant 👍🏻📸️

woo , serve whole day i love this nicer butter with crispy pinapple bunand it goes with red bean milk beverage.the pinapple bun is very large and butter serve in cold ice .ice can prevent butter melt in hot weather.cut the bun from middle and put the butter in,very yummy and best afternoon tea setred bean drink is a little sweet

間店已經好大～ 但都要排隊～就知佢有幾好味啦！-芝士焗肉醬腸仔意粉～好食！ 有拉絲芝士嫁！ 唔係流嫁！ -炸魚柳飽魚柳是脆的～ 加埋個芝士蛋～ 不會太乾！-炸豬扒烏冬豬扒都是脆的烏冬唔會係好粉果種～ 有口感的！烏冬上面有幾塊海帶. 有心思的！ 湯底濃郁... 忍唔住飲咗幾啖

可能天氣寒冷，午餐後行完APM 又感到肚有點餓，係時候吃個小型下午茶。「紅茶冰室」的奶茶很不錯便入去坐坐。朋友吃的菠蘿油餐有著大大個菠蘿包，一片厚厚結實的鮮牛油，我看見真的想吃，但太邪惡了，他一邊吃一邊說好味。我的酥皮蛋撻真不錯，撻皮酥脆，裏面的蛋漿滑滑的，不太甜，好想多吃一個啊。奶茶有茶香很滑，開心的下午茶。

午餐.- 常餐 $50又貴又唔好食 外賣仲要加$2收銀態度勁差一入去就催人問人食咩又無擺餐牌喺度點知有咩食呀又要出返門口睇...豬扒勁林勁油勁鹹 成碗通粉都好鹹 好似食味精咁蛋都好油好鹹只有塊丹麥吐司比較可取完全唔值$50

其實呢間餐廳成日食，佢好多食物都唔錯，所以再寫多個食評講吓。今晚分別叫了一個常餐同咖喱吉烈豬扒飯。先係個常餐，丹麥多士配炒蛋、煎豬扒通粉。塊丹麥多士勁香牛油味，而且上碟仲係熱嘅，幾鬆軟，好食。炒蛋就無咩特別，而個煎豬扒通粉塊豬扒煎得幾香，唔韌同唔「鞋」，同埋通粉唔淋同個湯幾濃味(一般茶記都係個湯淡而無味同埋啲通粉都已經淋晒)，令本身唔係咁鍾意食湯通粉嘅我都會食。至於個咖喱吉烈豬扒飯，呢度啲咖喱不嬲都唔錯(之前都食過焗咖喱薯仔牛肉飯，已經鍾意佢啲咖喱汁)，有少少椰奶味，甜甜地。而佢啲吉烈豬扒超大嚿，咬落去外脆內軟，值得推介。

好多人都知呢度呢間紅茶分店，聽講午市時段仲多人過晚市，有時仲會排晒長龍。佢咁多人食嘅原因，因為佢真係算平，而且又多選擇，湯粉麵飯樣樣齊！ 🍴香矛雞翼冬陰公檬粉 ($38) ⭐️⭐️⭐️⭐️ 加左5蚊轉做冬陰公底，湯底唔係太辣，反而偏酸，所以較大眾化。香矛雞翼就炸得啱啱好，如果佢唔放入湯度就perfect啦。 .............................. 紅茶冰室  地址📍: 觀塘駿業街56號中海日升中心地下 總評分: 7/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️ 服務👨🏻‍🍳: ⭐️⭐️⭐️ 衛生🧹: ⭐️⭐️⭐️💫 抵食💰: ⭐️⭐️⭐️⭐️

差不多整年既疫情，減少了很多時都外出吃飯。今日約左朋友食下午茶傾計，特意選了紅茶冰室。疫情下全家人都體重直線上升，本身打算健康點只叫沙律，但最終大家都係點了 邪惡既下午茶...菠蘿油...炸蝦餅....豬扒通...跟餐飲...死味....點知.....熱辣辣既食物，實在令人滿意 ....體重煩惱一於死開.....食左至算以上三款食物 水準依然，卡位私穩度尤期高，我們今次坐了2個多小時都沒有趕我哋走....不知是觀塘店內地方大 還是 5點是下午茶尾聲所以餐廳沒坐滿人？

平時經過紅茶都見到好多人食 但係次次都經過冇入去 今日見到冇咁多人就入去試一試佢啦叫咗個沙嗲牛麵 炒蛋多士 凍檸茶少甜少冰碗麵一嚟到望落去個湯夠濃 食落口啲牛唔會太韌 正下次都會再試下其他野

星期一至五，紅茶早餐、午餐都要排隊先食到趁住星期六長週，就嚟個紅茶早餐啦😋疫情關係，大部分位都四人枱隔一板咭板美觀度疫情下，間間都咁上下紅茶一向賣內涵嘅，唔緊要啦🤣同同事不約而同下一齊揀咗「沙嗲牛麵」🤗平時茶記啲沙嗲牛我真係唔會食但紅茶沙嗲牛，唔似坊間茶記啲嗱到牛肉無味又無口感，十分正正👍🏻不過個炒蛋就麻麻，所以我都係食返自己鍾意嘅太陽蛋🤪杯茶走就... 好少煉奶囉😩

今日返工返到好攰 咁啱喺觀塘呢頭收工 就搵間附近嘅餐廳食埋晚餐先返屋企😩 一直都未試過呢間紅茶 就入咗去坐啦舖面都幾大 有幾多位置 光猛嘅環境都令人覺得幾舒服 坐咗喺個半卡位 感覺都幾乾淨衛生👍🏻 有好多坐位 唔駛怕同其他人坐得太埋我同同事一人叫咗一個餐 我叫我嘅摯愛 鮮茄焗豬扒飯 而我同事就叫咗個咖喱牛脷飯 兩個飯都賣相唔錯😺鮮茄焗豬扒飯 豬扒有煎過而且煎得幾香 飯底炒得夠乾身 茄汁有少少甜 唔會酸 但係就應該唔係用新鮮番茄整嘅 面頭嘅芝士非常邪惡👻 做到拉絲㗎 令個飯加咗個層次 咖喱牛脷飯 一上檯覺得好多牛脷 原來有兩大嚿薯仔墊喺底😅 不過都有三大片有一定厚度嘅牛脷 都滿意嘅 因為牛脷真係煮得幾好 全塊都係軟身既 唔會咬崩牙都咬唔開😂 而且薯仔幾好食 唔會煮到融晒 咖喱味椰汁味幾濃 係馬來風味嘅咖喱🙊食完覺得食物味道唔錯 可能有機會會再嚟 不過順帶一提 店員服務十分迅速 一食完就即刻幫你收碟 同埋唔知係咪冇嗌野飲嘅關係 食完都幾口渴😮

其實早於五年前已經由朋友推薦去過他們太子區的紅茶冰室，試過午餐後真係出色，這幾年他們發展得很快，在各區也有分店。觀塘店幫襯過好幾次，如果駕車來，好彩的話可以泊正門口附近，食個早餐15~20分鐘，應該唔抄牌，全靠他們上餐夠快。香港人最愛早餐之一當然係火腿通心粉，必食丹麥多士👍，配炒滑蛋，凍奶茶，食品保持一貫水準，應該沒有負評。可惜啲服務員態度一次比一次差，本地茶餐廳特色係......服務員串咀，仲要落單寫錯枱，啲食物同左右幾張枱撈亂曬，仲聲大大揾藉口。😡本地特色係褒或是貶，心中有數。附近有冇其他茶餐廳可以代替它呢？

呢間紅茶係工廠區入面嘅係大地鋪所以坐位都好夠午餐時間長期都排長龍 不過宜家症情就無喇而佢嘅早餐係我其中一間成日食嘅最鍾意佢個丹麥多士其實係丹麥酥同多士嘅合體好酥軟同埋夠牛油加埋一個沙嗲牛麵基本上佢嘅早餐都有質素