紅茶冰室 (已結業)

朋友突然話好耐無來食，想食下呢度既焗飯，記得呢間以前有吉枱都唔比你坐，成日叫人搭枱。。食個飯都坐得唔舒服，咪唔嚟囉！疫情其間相信都唔會再叫人搭枱啦，今次2人一枱喇，好彩！企門口位附近個阿叔粗聲粗氣，感覺好呼喝，落單又唔覆單，叫了凍檸茶少冰，佢就落了少甜！後來拎單來的後生仔覆一次單，先話幫我改返少冰。不過少左冰都。。😰　另外凍飲+6 😑焗咖哩海鮮飯$57味道比以往差左，但都不錯既，大大碟，材料很多，有兩隻大青口、尤魚圈、魚柳還有2大舊薯仔，不過汁唔係好夠，食到中間有啲干。

•芝士滑蛋魚柳包配薯角 HKD38 (下午茶)見呢個啲餡料好似幾豐富 雖然魚柳已經凍咗 食落唔脆 芝士又冇溶 但係上面嘅滑蛋真係冇得輸!•招牌沙嗲牛肉包 HKD36 (下午茶)友人嘅選項個包個size 成隻潛艇咁 冇食到就唔評論啦 但沙嗲牛睇落都幾吸引🚩紅茶冰室 (觀塘)觀塘駿業街56號中海日升中心地下

我們2人在附近吃完一個下午茶餐，不夠飽，想順便吃晚餐，就來了這家茶記。原來打算在之前吃下午茶的餐廳點多份小食餐當晚餐，但那餐廳食品味道一般，所以決定轉場。進入這家茶記後才知道原來裡面算大，我們2人點了兩份茶餐：炸鷄脾沙律餐：茶記水準。芝士蛋魚柳包配薯角：這個有點驚喜，份量夠，薯角味道不錯，但唯一令我有點疑惑是塊魚柳，其實塊魚柳夠大件，但送來時不是完整的一塊，像給人咬過的（見相片，那是完全未食過的）。我們想可能魚柳太大塊所以切開了，但切口不齊像給咬過的。我們相信應該只是切口不齊，所以沒有要求更換或問伙計；其實整份餐的味道不錯。熱檸水和凍檸茶也是茶記水準。茶餐的正常價錢當然不及餐廳的high tea set，但算是不錯。

本人係紅茶冰室嘅忠實fans，平時返工lunch都會去食佢嘅lunch set，價錢經濟實惠都算唔錯嘅。今次嚟到觀塘呢間紅茶嘆個下午茶，叫咗個炸雞翼配薯皇下午茶餐。薯皇外皮香脆，內裏軟腍，味道相對偏鹹，但整體口感尚算OK！雞翼外皮香脆，內裏相對唔夠Juicy🙈🙈🙈有少少干身😅凍檸茶黎到紅茶點可以唔飲一杯凍檸茶呢🥰🥰🥰茶味濃郁配埋檸檬🍋，夏天黎返杯好唔錯！原本仲想叫佢嘅甜品，但侍應話冇得提供了，有少少失望😞

趕得上早餐時間可以嘆個港式早餐，通常我都係會叫沙爹牛肉麵餐，大多數會配烘方包及炒蛋，呢間沙爹牛肉麵嘅牛肉都唔會好孤寒，份量都好多而且湯底都唔錯好濃味，另外炒蛋都炒得好滑都好有蛋味，麵包烘得都熱唔會感覺放得太耐，而早餐都包餐飲，我選擇了熱朱古力！店內很大有很多座位，茶餐廳感覺比較嘈服務員比較大聲，都可以接受嘅！

人生中最好味既星洲炒米。今日下午同同事去食觀塘最長龍既茶餐廳，日日排到好多人，不過因為店面好大，所以都好快入到去，店員亦好快手。我真係要讚下呢間既星洲炒米，大大碟，用料好新鮮，調味岩岩好，唔會太淡味，岩哂我鐘意食濃味既人。

紅茶冰室真係幾時都咁多人，食過幾次，佢嘅食物質素都係咁好，今次試埋佢個脆皮叉燒包，都真係冇令人失望。個皮係墨西哥菠蘿包嘅嗰個脆皮，個皮好酥鬆，入口即溶嘅感覺，而裏面嘅叉燒餡雖然唔係好多，但勝在味道好好，同個脆皮好夾，成件事食落去都好好味，唯一有少少不足嘅地方，就係叉燒唔夠，同個包底油多咗啲，但整體來講都好好食。🍴 紅茶冰室🚗 地址：觀塘駿業街56號中海日升中心地下 抵食指數：🌕🌕🌕🌕🌑Encore指數：🌕🌕🌕🌕🌖

見到咁多人，真係有啲唔係好想排隊，但係又好似好好食咁，所以都係忍唔住！等咗三個字左右就入得，估唔到咁快今日嘅午餐係四寶飯！！呢個懷舊四寶飯有紅腸，有雞，叉燒，鹹蛋！份量嚟講都算好合理好充足，我比較鍾意食佢嘅叉燒，叉燒肥瘦適中，唔會好肥，而且佢嘅蜜汁味好重，咬落去又唔會好晏，如果擬呢個價錢了解，算係好好食嘅叉燒！油雞就差少少，太肥，而且啲肉唔係特別嫩滑，食唔係好到雞肉嘅味道，不過如果加薑蔥嘅話，都OK嘅！鹹蛋同紅腸就正常發揮，冇乜特別😂餐湯係味精湯，但係都見到佢用了十足，有豬骨同埋有冬瓜

啱啱轉到去觀塘返工，跟同事落去食lunch真係你呢度嘅排隊嚇咗一跳， 3樓呢間茶餐廳做咩會咁多人食，咁多人排隊，排隊嘅人掃起碼有80個然後問同事先知原來呢度一直都係咁，但係因為餐廳好大，所以等咗幾個字就入得去今日叫咗個午餐，咖喱薯仔雞肉飯！份量來講算係完全唔夠食咖喱薯仔好入味，雞肉就算正正常常，冇乜特別，但係完全對得住呢度嘅價錢！仲有例湯，都係啲正常嘅茶餐廳味精湯，冇乜飲太多😂整體來講唔算特別經驗，不過以咁多種類咁多選擇來講，的確係就算每日食嘅話都可以食足兩三個月都唔會厭🤣🤣

火腿奄列併牛油多士，沙嗲牛肉麵。牛油多士香脆，烘得好帶少少燶邊。奄列正常，唔會一夾散晒。沙嗲牛麵，牛肉唔多但係大大塊，肉非常入味又唔乾柴。沙嗲汁唔係重花生味。🤪👍🏿😇

觀塘區內想找一間坐得舒服，地方闊落既冰室「紅茶冰室」會是一間不錯的選擇。這次先勿論環境，最重要的還是食物本身吧！ 筆者誠意推介這裡的冬蔭功湯河。📍雜錦湯河$52，冬蔭功湯底+$5，跟餐凍檸茶加$6 （合共$63）這裡的雜錦湯河份量頗多，餸菜有魚片、炸魚蛋2粒，迷你貢丸3粒，扎肉2片，和酥炸雞翼一隻。除了炸魚蛋不太爽口外，其餘的配菜都在不錯，尤其是酥炸雞翼，炸得金黃香脆，當炸雞翼吸附了酸辣湯後，味道更惹味非凡。雖然說冬蔭功只是粉麵的湯頭，但絕不馬虎，酸辣度適中，香料味十足。河粉亦幼滑可口，這個價格吃到如此高質的粉麵，實屬難得。👅 味道：4.5/5💰CP值：5/5🕴🏻服務：5/5🔰餐廳環境：4.5/5🍽 餐廳：紅茶冰室🌐地址：觀塘駿業街56號中海日升中心地下

紅茶冰室晚市重開，不用外賣，減少即棄餐具，堂食個常餐先返屋企啦 都係堂食feeling 好好多 我晚餐一食飯就好易眼瞓，飯氣攻心，朋友話呢個常餐豬扒正跟個湯通粉，岩唔想食飯架我通粉個湯都夠鹹香架 似用chicken soup 開架$49 個常餐，豬扒確是大塊，稍為醃得鹹左少少，蛋嫩滑。配埋烘左架丹麥吐司，甜得來有輕輕的牛油香。 toast is better than white bread 咖啡好濃，苦苦地唔洗落糖，飲奶同咖啡架香已經好夠。

幫襯呢間觀塘紅茶的麵包檔2-3次，因為附近冇麵包舖，最近都要去到APM。但每一次見個收銀同夾麵包嘅兩個阿姐態度奇差，無論你買得多定少佢都係黑口黑面，找錢或俾個包你，都係大力掉落枱！唔係話極端到要你四萬咁口，鞠曬躬講多謝，但起碼要有基本禮貌，佢哋係完全冇！我覺得佢好似以為自己做緊善事免費派包，我哋買包嘅人好似向佢乞食咁，唔會再幫襯！佢入邊餐廳食過兩次冇乜特別，有一次外賣等咗20分鐘之後先同我講水巴停電做唔到外賣，佢哋呢啲開咁多分店咁多人幫襯根本唔休做，態度真係好麻麻，寧願幫襯黃色小店都唔會再幫襯呢啲集團式茶餐廳

行過見到入面啲人食緊早餐。自己又抵唔住誘惑。就自自然然行咗入去。說好的減肥呢？唔理得咁多，唔食飽邊有力減肥呢？係咪？沙嗲牛面邊有得輸，成個沙嗲牛味道層次豐富。沙底非常濃郁。重要嘅事要講三次一定要轉牛油丹麥包一定要轉牛油丹麥包一定要轉牛油丹麥包因為真心非常出色。自己個人嚟講，炒蛋係好食過奄列。然後就到重頭戲，芝士撻，芝士撻嚟到嘅時候仲係熱辣辣。而且芝士味十分之香濃。食完個芝士撻好似同我講：今日將會係美好嘅一日。但願如此啦

嚮觀塘行左個圈，終於搵到有包食既茶餐廳。入坐後，侍應好快招呼落單，十分親切。下午茶叫左菠蘿油，跟紅豆冰，菠蘿油頭咁大，即刻笑左出泥，最重要係外皮香脆有牛油香，加上一大片牛油，每啖都外脆內軟。至於紅豆冰，也是大大杯，當中紅豆有半杯，雖然未至於粒粒分明，但甜度適中，份量十足，如果淡奶份量再多啲，就絕配！另一份係炸雞脾，上檯仍出煙，有五香味，皮脆肉嫩，配以生果沙律，一杯奶茶，不亦樂乎！幾實今餐係午餐，估唔到茶餐份量及味道，能如此善出望外！