紅茶冰室 (已結業)

因為係公司附近 , 每當阿頭請食飯大多數都係去呢間 , 間店夠晒大 , 叫做光猛舒適 同 乾淨晚餐飯餐計大多都50-60幾左右....熱飲要加3蚊食過佢既有日式鰻魚炒飯 - 份量偏少 , 有時炒得好濕 , 有時又正常 , 可能唔係同一個廚炒 或者 睇下個廚今日心情好唔好 黑椒牛扒意粉 - 牛扒份量都叫OK....唯同大家樂無得揀幾成熟果D既薄chit chit牛扒質素不多,意粉就叫OK正常星洲炒米 - 呢客就比較穩陣 , 份量又唔算少 , 炒得唔錯好味 , 俾6/10分而其餘等等做過既都叫做僅僅合格 , 野飲推介呢度既朱古力沖得好好飲

一大早未食早餐就出左去辦事，辦完事都只不過10點，想搵個地方食野，但原來都唔係咁容易，想食的好多餐廳好多都未開門，揀黎揀去，最後搵到呢間紅茶冰室。估唔到星期日一朝早就咁多人起左身出街食早餐，間舖都唔細，但枱枱都坐滿人，好彩佢舖頭都真係大，輪轉都好快，唔洗等好耐就有位啦。咁大都坐無虛席，呢一刻我相信我應該無揀錯食店。的而且確，佢食物的味道確實不錯，叫左個菠蘿包、酥皮蛋撻、沙爹牛肉腸仔公仔麵、3.6牛乳。菠蘿包香脆、蛋撻鬆脆，唔會太甜沙爹味濃，足料，牛肉嫩滑，美中不足係我等到天荒地老佢先送到，唔知係咪真係太多人整唔切呢。。。3.6牛乳，正正常常，但唔係好多地方可以有牛奶飲，所以都令我印象深刻總結：多人食得有道理，舖頭大得好合理，大家不妨經過試一試

今日下午放假，路過觀塘的 「紅茶」，之前lunch time 都成日食，但下午茶就比較少去食，始終平時呢個時間係返緊工。下午茶時段唔使等位，入到去就安排坐卡位，正呀😂我唔係太肚餓，點了下午茶 J 餐。2個蛋撻加凍0茶，蛋撻係酥皮，蛋有蛋味又夠熱，酥皮又鬆化，比起嗰啲出名蛋撻嘅餅店或茶記，簡直臝咗啦👍🏻同埋蛋撻唔係太甜，有些茶餐廳加太多糖落去蛋漿，令到個蛋撻只有一個「甜」字，我個人而言，我喜歡呢間「紅荼」的蛋撻🤤

泰式牛丸併魚片湯金邊粉 ($43)43蚊唔包野飲，觀塘區午市價錢黎講有啲貴。但勝在上菜快，份量多。清清地食個湯粉黎講，紅茶係一個唔錯既選擇。除左牛丸同魚片之外，仲有唔少芽菜同白蘿蔔，個感覺好fresh🥰Thai Vermicelli In Soup With Beef Balls And Fish Slices ($43)The price did not include any drink, and the price was honestly quite high in terms of having lunch in Kwun Tong. However, Red Tea Cafe was very efficient in serving and the portion size was very generous. It would be a great choice if you would like to have something quick and healthy. Apart from beef balls and fish slices, the dish wa

呢間觀塘紅茶分店在2019年已去過2次，分別午飯和晚飯時間,我都有寫過食評話唔錯。相隔一年，上星期再去晚飯，質素及晚飯款式已大不如前，只可2個字形容 “好差”！👎👎 差到我老公邊食邊講粗口😣。質量hea爆，價錢同質量，份量唔成正比👎我哋分別叫咗：1. 鮮茄焗豬扒飯 - 唔覺有鮮茄，個汁好假，好求其。豬扒一望就知唔靚，個色好梅，冇咬口👎 個炒飯底就冇咩大問題。2. 黑椒雞扒焗意粉 - 呢個最正常，最唔伏，意粉有咬口，唔系淋pat pat 嗰啲。3. 戲肉來了.......叫咗佢地既是日晚餐“雜扒餐” 跟西湯。👎👎👎👎伏伏伏。首先，西湯，稀到呢.....一定系溝水再溝水囉😣😣。跟著所謂“雜扒” 仲衰過阿仔學校送來嗰啲午飯盒😤 “雜扒”有一魚塊薄chit chit既炸魚塊，一塊薄chit chit 煙肉，一塊又系薄chit chit 既豬扒😣。魚塊好薄，好厚既麵包糠加上炸燶咗👎煙肉好普通嘢囉😒，豬扒又薄又淋，用鬆肉粉醃到淋冇味😖跟飯又少......呢個餐咁既質素收$75😖😖（就算$50都嫌多, 跟本唔值呢個價👎）呢個所謂“雜扒” hea 到唔hea, 頹到一個點，大佬呀，收$75架，凍飲要

觀塘人應該唔會唔識紅茶常餐正 蛋撻高質觀塘上班族福音😌.午餐先黎個常餐🤭炒蛋同吐司組合完美👍🏻牛油夠香.不過係有小小邪惡既.下午茶再黎一件蛋撻因為太多人買唔會凍哂成日都有出爐👍🏻👍🏻👍🏻但都好快比人掃哂要食都要睇下好冇運😂但真係必食👍🏻👍🏻

Happy Friday! 我諗喺觀塘返工嘅朋友都會見識過午飯時間紅茶門口排嗰條隊。 每次經過見到條人龍都唔開胃，今日決定俾個機會佢試一試。我點咗是日午餐 - 鹿兒島豬仔髀跟薯菜。 所謂薯菜其實係一舊薯仔，跟少量椰菜。 味道甜甜地，豬仔髀淋淋㗎易咬！ 同普通茶餐廳嘅質素差唔多，但眼見同事食嘅咖喱雞飯，個香味好吸引，下次決定要試一試咖喱飯！最緊要係觀塘呢一區價錢非常之有競爭力，雖然及唔上啲連鎖餐廳，但係非常之有性價比，推薦比大家

假期第一日 起身去食早餐 紅茶有位坐低睇下食乜好阿姐問我,岩岩波羅包出爐呀,你岩唔岩食呀?我地D麵包好正架!見佢咁推介就決定要個波羅油加杯凍咖啡啦一拎上個包仲係好熱既,上層波羅皮超脆口 牛油係原片比我自己夾埋食新鮮麵包口感係特別香同鬆軟,夾埋半溶既牛油真係非常好食,不過要朝早先食到凍咖啡應該係用即沖咖啡,不過都幾香濃呢度既麵包的確好出色 堂食又得,外賣又得 十幾蚊一大個新鮮波羅油算係好有水準又飽肚平均消費$38評分7/10觀塘駿業街56號中海日升中心地下紅茶冰室

晚上到了觀塘，肚餓搵嘢食，見到紅茶冰室，外面睇到晚餐有咩食，種類繁多都幾多選擇。坐低唸左一陣都揀到食咩，叫侍應埋黎，同佢講食咩，佢態度麻麻地，算，唔係成日食由佢。點左個茄汁雜扒意粉，有腸仔、煙肉、雞扒同牛扒。有車厘茄伴碟，茄汁都係一般茶餐廳味道、杰身。腸仔係果d 酒店早餐腸，有少少誠意。煙肉一般啦，牛扒同雞扒又煎得幾好食，望落去成份餐唔大份，食落去又幾飽。整體野食係唔錯，不過侍應服務態度有改善空間。

話說喺度食完，跟手幫同事叫外賣，都早咗15分鐘叫，買單諗住有得拎～殊不知，不斷等待…….見到後10個Number都已經出咗，唔對路，問吓啲樓面哥哥姐姐，佢哋真係睬你都傻！個個都係冇乜表情，應你一聲，然後就會走咗！再問收銀，叫我問返樓面～再問一個阿姐，態度不耐煩地說，「得啦！幫你問啦，等吓啦，小姐！」好明顯呢度嘅員工責任心都欠佳….堂食嘅時候，佢哋真係好積極㗎，一坐低佢就即刻企喺你後面問你食乜，個湯未飲完就來收碗！明白嘅，食飯時間打仗咁，佢哋喺呢方面就好盡責囉若果諗住打電話叫外賣呀，就唔好啦…..除非好多時間～

早餐 lunch 下午茶 diner兜試過下紅茶食🤣因為又低食食物質素由唔錯、都幾想推薦下大家👍打工仔福利之選早餐推薦試下沙爹牛公仔麵Dinner set $75有是日餐湯➕餐包➕熱飲➕主食三大塊牛仔扒、份量真係好充足😋牛扒肉質嫩滑，唔會太鹹。食完真係好滿足夠曬飽肚。

11點幾起左身～餓餓地又唔來禁heavy~原本想諗住都無早餐啦攞起手機睇睇早餐做到11:30～即時落單終於趕到早餐既尾班車🤣叫左2份歐陸套餐～吉列魚柳配德國香腸～蒜蓉牛扒配德國香腸2份都配有炒蛋+丹麥多士～早餐來講都算幾豐富丫！吉列魚柳大大塊外層香脆肉都仲嫩～早餐牛扒呢大家都明一定就唔係靚扒嫁啦😂早餐扒夠鬆化唔好有根就ok啦～汁就最重要啦！蒜蓉味夠哂香濃～德國腸就水準之內不過不失唔～炒蛋來講夠滑有蛋汁！不錯！丹麥多士酥脆～鍾意酥皮既人一定like!但牛油多左小小有點油脷☺️

🍽紅茶冰室觀塘駿業街56號中海日升中心地下🐽豬豬美食團今次嚟到擠迫嘅觀塘，呢到有一間長期午市大排長龍既紅茶冰室～舖頭嘅面積都幾大，座位亦比一般茶記乾淨闊落。以呢個價錢同質素，絕對係抵食嘅！如果怕等位，可以兩點打後黎！不過就未清楚黃藍啦～⁣常餐 $48 包括以下食物帶骨豬扒米粉（🧡🧡🧡🧡🤍）⁣豬扒超級大塊，口感軟淋⁣，食落有足夠調味，但未有似坊間茶餐廳落好多鬆肉粉，甚至比起好多以豬扒聞名既店舖更好食，食肉獸大滿足！湯底則是較普通的清高湯。⁣丹麥吐司🍞 （🧡🧡🧡🤍）⁣好香牛油味，類近牛角包嘅口感，非常邪惡，略嫌不夠熱同脆。⁣炒滑蛋 (🧡🧡🧡🤍)⁣尚算滑溜，調味非常足夠，但份量較少（估計約一隻蛋）正常冰室炒蛋既水準⁣凍檸茶少甜🍋 - 凍飲加3蚊（🧡🧡）⁣呢個係失望嘅...凍檸茶少甜係非常甜的，亦都唔夠檸檬及茶味，有啲似糖水，勝在夠冰夠凍。建議叫走甜！⁣（5分滿分，🤍=0.5分）⁣環境 🧡🧡🧡⁣價錢🧡🧡🧡🧡味道：🧡🧡🧡🧡抵食指數：🧡🧡🧡🧡⁣

次次食佢啲特餐or炒粉麵 +凍飲尾數就一定會係$51 $61依啲，又無八達通付款，要客人拎走咁多銀仔。咁多分店好心就加番八達通支付方便客人啦，下下現金，真係唔想再去

一行五人下午時段唔需要排隊，朋友介紹燒味不錯，抱有期望地想試一下燒鵝食物：燒鵝瀨～我們點了四份燒鵝瀨，雖然每份件數不少但全部肥到不得了，四碟加埋都冇10件能食得落肚，真失望飲品：凍檸茶（小甜小冰）小甜嘅凍檸茶甜到打冷震，只有兩片薄薄的檸檬，原全係糖水一杯，冇諗過一間咁多人排隊嘅茶餐廳，凍檸茶咁簡單都會搞成咁服務員態度：-10分凍檸茶跟本入唔到口，於是問服務員可否比幾片檸檬，他們的回應是想殺人般的態度。環境：地方已經唔算乾淨，而且服務只在水bar前面除口罩傾計，見到都反胃其實去得茶餐廳比茶餐廳嘅價錢就預左享有茶餐廳嘅食物水平和質素，但呢間餐廳有本事另我地五個以後唔敢再黎，都算有佢嘅本事