紅茶冰室 (已結業)

下午五點等人之際，又未食得晚飯，嗰肚又咕咕聲，同老公搵間茶餐廳坐低食個下午茶，疫情前已經好耐冇食過菠蘿油和飲紅豆冰，一於邪惡食！嘩原來個包咁大個，一啖咬落去真係正到秘，D牛油簡直係嗰口裡面浪浪下，夾埋菠蘿包襯到絕，好味😋老公是牛魔王，叫咗個牛扒意粉🍝D肉汁也很鮮嫩,大大件也不錯，不過意粉比較少咗D，唔算彈牙！我一向喜歡食紅豆，對紅豆冰要求很高，紅茶D紅豆都算大大粒半實半林，有咬口，奶和水比例也適中，ok。應該有下次再去食過😊真係好飽可當兩餐食👍🏻

紅茶初初黎到觀塘已經好好生意，放lunch仲非常多人，今日難得條隊冇禁出就入去食。我叫左燒味四寶飯，果然係招牌菜，特別係燒肉皮好脆、叉燒肥瘦適中，同一般快餐點冇得比，唔知食咩果陣可以簡！

我好鍾意紅茶既蛋撻，非常好食，每次經過我都會買今日又諗住去買蛋撻見未出爐就問等幾耐，麵包檔亞姐話等4個字(20分鐘)我20 分鐘再返去剛好蛋撻出爐，我排第三個買野，排第一位要兩個蛋糕，排第二位只係買包，到我話要4個蛋撻，完全唔望我又好勞氣同我講要等4個字，我同佢講頭先叫我等4個字，依家又等4個字，無理過我講野，真係不知所謂

午膳時想買外賣，收銀員阿姐非常無禮貌，口黑面黑，佢非常兇惡問我，「要乜野?」基本上是喝罵，我仍然很有禮貌告訴佢我要A餐，跟著佢非常面黑，態度極為惡劣，真心自問自己都有禮貌叫食物，但卻受此位收銀員無禮對待，感到無奈。 除了此收銀員非常沒禮貌外，其實食物很好吃，我買的是牛肉飯，味道不錯，連配菜也好吃的。外賣餐盒款式精美，保暖程度做得相當好，我上返公司10分鐘後仍然很夠熱，食物質素很好！ 本人真心希望此收銀員態度能改善，以免影響红茶冰室生意

☀️ 白汁海鮮焗飯紅茶呢間 茶餐廳好多地方都有，所以下次嘅話其實都好方便。咁今次就叫咗呢個白汁海鮮焗飯，勁大塊嗰個係魚嚟嘅， 呢塊魚真係超級超級大， 而如肉都算係滑嘅。 另外佢仲會有青口呢樣真係估唔到，亦都係超級大舊！ 茶餐廳嚟講佢真係幾抵！ 仲會有杯嘢飲跟埋。 我諗下次去嘅話都會照返呢一個或者再試吓其他焗飯因為都真係唔錯～

朋友介紹話好食，所以打算叫個外賣試下個豬扒公仔面同流心西多，連野飲都103，都唔平，不過好食就得點知我食都冇食就完左事源我等緊外賣，睇住今日確診人數創新高既新聞望一望入去，所有人（除左收銀同面包個位）個口罩都係下巴，制服黎嫁？個水吧仲要一路吹水一路做野樓面pick野都冇停過口結果佢話野食整緊我都唔要冇理由以身犯險，食完入去21日事少，攪到屋企人朋友街坊事大唔敢影相，唔係唱衰大家可以唔信只係希望當事人s見到會注意反之後既客都食得安心

whole day pinapple bun with butter and red bean coconut milk beverageduring lunar new year need 20% service chargesoft red bean and sweet coconut milk pinapple bun is large and give you a cold butter. large bite make you taste the devil fat butter and bun . the pinapple bun crust is crispy and like cookies order a red bean pinapple bun as well .it has a lot red bean filling inside

星期日當然要去食返個靚早餐，今日就去咗紅茶冰室，去到11:30前都有早餐供應。其實呢間餐廳都超級有人氣，除咗一至五午餐時間一定有長龍之外，就算星期六日早餐同午餐時段都會有人排隊！好彩今次早左少少黎食佢個全日早餐同沙爹牛麵！先講個全日早餐，非常豐富之餘，吉列魚柳真係炸得好好，外面好脆入面又好滑、熱辣辣又唔會太易散。黑松露炒蛋好足料，Top One丹麥酥今次烘到好脆好香，淡淡都有好濃嘅黑松露味，煙肉、腸同茄汁豆都正常發揮。紅茶嘅沙嗲牛麵偏甜同好多醬汁，加埋即食面真係好邪惡，一個人食成碗係好好味但會有啲膩，同埋佢個餐仲有一球炒蛋（我無打錯，真係一球嫁！）同丹麥多士，份量好夠。飲品方面就有少少唔穩定，之前有飲過佢既凍咖啡、凍奶茶、凍鴛鴦都好濃味道好平衡，啡、茶、奶既比例好好飲，但今日既飲品就一般，下次要記得嗌少甜！

酥皮蛋撻($7)賣相：🐧🐧🐧味道：🐧🐧🐧🐧蛋漿色澤鮮黃很吸引，可惜包裝只有紙袋一個，要小心翼翼地外帶拿出，否則容易壓爛。味道方面，酥皮鬆化有層次感，但略嫌太厚。蛋漿比例合適，有厚度，口感滑溜，甜度恰當，可惜略嫌不夠蛋香。總括而言，熱騰騰新鮮出爐的蛋撻絕對值得一試，現場即食更佳。

呢排出去觀塘老師推介紅茶同埋龍城上次試完龍城 今次一戰紅茶價錢一樣呢面就係丹麥多士熱住上，可以！ 仲有少少脆炒蛋幾出色！真係幾滑！如果多多少少鹽仲正沙嗲牛肉公仔麵我幾鍾意佢依個面嘅面質爽口得來佢又夠冧我自己個人比較喜歡食冧少少Overall 黎講，我鍾意呢邊多啲但係隔離嘅牛角酥又好有誠意各有各喜愛

話說最近喺觀塘返工 平時公司一到下午茶時間就會有唔同同事買下午茶返嚟🤣今次嘅下午茶係公司附近嘅茶餐廳佢哋嘅蛋撻啱啱好熱辣辣出爐！我同事就買咗幾個返去share俾大家食😆本身我自己都幾鍾意食蛋撻 所以一聽到有蛋撻食都好興奮🥰果然貴嘅蛋撻係唔同啲 平時我食開屋企樓下嘅蛋撻$3一個🥲 口感一定俾唔上呢個酥皮蛋撻食落去酥化 蛋香味濃☺️ 唯一可惜就係佢嗰邊有啲黑黑地 焗得太耐🥺如果唔係嘅話 個蛋撻就完美了 大家見到經過都可以買黎試下！

晚市嗌 鐵板豬扒炒公仔麵差唔多9點先去食 上菜時都非常有鍋氣就咁望 份量都算大份第一次食嘢覺得肉比麵多 有兩舊大大豬扒 公仔麵相比之下算少 食落第一啖 覺得唔錯但係愈食愈鹹可能師傅今日鹽落重手左以上純粹個人意見

今日下午嚟到觀塘紅茶食飯，落單嘅時候叫凍檸茶少冰，但杯飲品嚟到嘅時候，見到冰太多了，當時我用紙巾喺枱墊住，然後將冰撈出來，點知，撈左一半，隻杯都仲好多冰！然後，就有兩個阿姐走嚟第一個女待應，係有戴眼鏡，有戴頭箍，馬尾有鬢邊、第二個女侍應，係無戴眼鏡，啡色頭髮，紮馬尾，藍色口罩（殺父仇人樣）走嚟，話：你叫我地比隻杯你啦！然後我話：其實我叫左少冰，你地係咪比錯左我？杯野飲8成都係冰！個阿姐望一望張單，然後話：係咁架啦，岩架啦，少左冰比你！（但我想講，當時你地都忙到無影，叫你地比杯我都無比）ok , 咁我唔撈啦，但個阿姐嫌我撈冰？我唔知，但佢就喺我地張枱整嚟整去！下圖係我撈完冰，一啖都未飲過嘅凍檸茶到最後，我個沙嗲干炒牛河，變左做咕嚕沙嗲干炒牛河。態度惡劣之最「觀塘紅茶」

睇到標題稱霸觀塘，可能會有人覺得我太誇張，但作為一個觀塘區返工嘅打工仔，應該絕對可以理解到點解我會咁講，如果大家都有見識過紅茶星期一至五lunch hour條龍排得幾誇張嘅話尋晚放工已經知屋企無飯食，決定入紅茶食埋dinner先返屋企，紅茶最出名當然係焗飯，不過唔太想食飯，所以轉戰粉麵啦叫左個泰式河粉轉冬蔭公湯，加杯凍0T，個粉嘅餸係雙拼雞翼同扎肉，個湯好濃味，份量都好足，雞中翼炸過黎，有兩隻兩個字：好食

早幾日要去觀塘做野但太早到達😅 就去左一直想試但未有機會試既紅茶冰室食早餐😁聽說呢度嘅沙爹牛同脆皮菠蘿包都好出名，唔知點揀🙈 所以就叫咗早餐set沙嗲牛通粉扣底，另外單點咗個菠蘿包🙊 (好貪心🤣)通粉彈牙👍 沙嗲牛入味得黎唔會太鹹，雖然無乜花生香味，但每件肉質都好嫰滑，好食！😋跟餐係配丹麥多士同炒蛋，我轉左煎全熟蛋～丹麥多士就麻麻啦😅 牛油味唔夠香，亦唔夠香脆，層次一般～全熟蛋圍邊勁脆，其實煎得幾出色，遺憾地有啲鑊屎味所以苦苦地🙈😂菠蘿包真係做到非常脆皮既效果，包體鬆軟，出色！👏間餐廳開七點，我係七點零五分左右去到，但個菠蘿包已經唔熱，只係非常輕微既暖，如果再熱啲一定更加正！🤤🤤如果早餐set既自由度大啲，可以轉配佢嘅地自家製既麵包唔駛跟丹麥多士就完美啦！🤣