紅茶冰室 (已結業)

觀塘唯一一間食午飯必然會排長龍的茶餐廳, 雖然會比條人龍嚇一嚇, 但安排座位嘅速度絕對暫時所見最快. 講番野食, 選擇超多但普遍水準不錯, 午餐芝士海鮮焗飯熱辣辣夠多汁又香濃, 夏威夷汁香煎雞扒飯大大塊又juicy. 當然招牌貨菠蘿油同燒味飯我覺得都唔錯. 再加上價錢得宜, 絕對係午飯名單之選.

係官塘揾間比較光鮮嘅茶記一啲都唔易，紅茶冰室係度算係ok 嫁啦，平時中午經過都見佢有人排隊，咁一場嚟到就試下早餐啦😃嚟間餐廳地方夠大 ，目測都夠坐幾十人，由於疫情關係要係門口先量體溫，入座後已唸定叫魚柳早餐，但叫極啲職員都係當你透明，等咗一段時間有人理我啦，不過態度好差好唔耐煩☹️職員行開咗去打單，回頭比單客人時係飛埋枱上，唔係放係度嘅，唔係偶然一次，我發現係佢地嘅文化對每位客人都一視同仁😅😅 （可能咁至夠地道🤪)講返食物先，魚柳好大件，仲大過我手掌，粉漿都算薄又脆卜卜，好食。成個餐都係40蚊，所以腸仔係唔會比好嘢嘅🤣滑蛋又整得幾好喎，好滑。整體食物水準唔差，但服務質素真係需要改善。會唔會再幫襯？如果比人鬧得小嗰排就會😂😂*個早餐係有多士嫁，不過我無要到😝

紅茶的菜式真係好出色！次次諗唔到食咩做晚餐都會去紅茶解決。好多間分店都去過～今晚9點先食到晚餐，就去左近近地觀塘個間。但今日先發現原來唔係間間分店都有小菜食。平時旺角個間食開就有。咁所以今晚就叫左一咖哩飯，一焗豬扒飯食我點既係焗豬飯！真係要大大大讚！飯底係炒飯，面頭芝士夠足，有拉絲豬扒已切件上！好好味，好大碟。以$55蚊呢個價錢，我用出色黎形容。以男朋友既咖哩都係一樣好食。但相比焗豬，今晚焗豬勝😂😂😂

今日係星期六兼復活節假期，落左觀塘紅茶餐廳食早餐，估唔到疫情下餐廳都爆滿，店員係門口外幫食客探熱，枱與枱之間都圍左隔板，防疫措施做得唔錯。🍴今日order左煎魚柳+雙蛋+脆皮腸+熱奶茶魚柳大大塊，外面炸醬薄薄一層，煎得非常香口，內面魚柳冇腥味，仲係保持鮮嫩 juicy；脆皮腸大大條，蛋有蛋味，成份早餐我冇野挑剔啦🤣好滿足一個早餐。（臨走仲買左個芝士蛋糕🍰，一個$58好抵食架，次次去食嘢都會買架。）

啱啱晚上時分去到呢間冰室度聽聞呢度好多人食要排晒隊一於嚟試吓一試由此可真係把幾火原來啲人係個個來試吓有幾難食一入門口成地都係水拖地拖到個地下可以濕到成地水一坐低見到枱面仲有啲用過嘅紙巾喺度而家疫症期間唔係咁污糟呀？叫咗一個晚餐侍應態度已經好差落單好似等唔切咁問多兩句都趕住走咁之後就食咗一個雞扒晚餐首先講吓個雞扒凍的好似唔多熟咁完全冇味再加一個超級難食嘅汁酸的條腸仔好似整唔熟咁凍冰冰嘅再試埋個薯仔入邊係凍嘅仲要上面加要勁難食嘅醬之後帶咗杯凍奶茶加一杯熱朱古力個熱朱古力啲朱古力仲要未用晒嘅個包都係凍嘅唯一覺得比較放得入口嘅係個羅宋湯不過個湯冇得揀得返呢個啲味道都唔錯有少少辣味仲要食咗$90以後都唔會再嚟食

晚上九點半入座 人不多 不用等 座位都好多 唔洗搭枱 不過咁夜觀塘工業區 都應該唔會坐滿人嘅 即刻叫個焗豬扒飯 等左廿分鐘先到 仲要個飯一嚟到 真係好失望 勁燶 基本上所有芝士都燶晒 成塊燶嘅野了起 就淨係見到茄汁同豬扒 我認為芝士係焗飯嘅精髓 真係好失望 但我又好肚餓 算啦當冇芝士 塊豬扒正常 有咬口 味道正常不太咸 都有厚度 但可惜個飯冇乜汁 又冇乜配料 最後淨左好多飯 因為冇乜汁 有d飯又焗到硬晒其實佢個茄汁都唔差嘅但孤寒左d 又冇芝士又冇汁 我唔會再食紅茶嘅焗豬扒飯 焗飯都未必會再試冰室哩d焗飯係基本野都做唔好

Came here for dinner after work. The decor is quite neat, it has a young and modern vibe compared to other cha chaan tengs. We ordered a singapore rice noodle. It didn't take long until the food was served. The fried noodle was still piping hot! The portion was quite big and it had a lot of toppings in it. It tasted great, and it was as dry as it's supposed to be. The seasoning and flavour was on point. Quite satisfied with this place as the service was quick and the food quality is good. Would

但岩岩做完運動唔知食咩好..禁朋友同教練本身話去熟食中心到食泰國野但原來個間野平時只係日頭先有飯 夜晚只係得雞煲同打邊爐 所以我哋最終都係去咗紅茶 本身我朋友話燒味都唔錯..但唔知係咪因為我去到已經8:30 ..所以佢話燒味賣晒咁係冇得選擇又唔想太肥嘅情況下我就揀咗king 餐一如以往禁好食！由奇佢個包😂所以話佢係食堂真係冇錯 有機佢嚟🙇🏿‍♀️

啲員工又醒目，啲嘢食又好味，又快趣嚟到，唔使點等，啲員工態度又好，門口啲包仲好新鮮，夜麻麻仲有新鮮脆卜卜嘅菠蘿包食，超正，啲位又闊落，值得不停地嚟幫襯！！我今晚食咗個酸辣肥牛米線餐，辣到啱啱好個湯底好好味，佢個領查仲可以比我叫小小冰！

不得不提呢間冰室既菠蘿包水準一流，係童年時食好好味既菠蘿包，一次過食10個都無問題。本身只係經過見肚餓，隨機揀左呢間既菠蘿包食。一食超級有驚喜！！ 上面個脆皮脆卜卜，唔似外面其他麵包舖d菠蘿包咁淋晒。個包又熱辣辣暖笠笠，個包又夠軟熟，咬開入面仲要唔係空心係啖啖包，認真真材實料！！仲要只係賣6蚊炸！！經過既朋友真係10級推薦去買，係我自細細個就無再食到既好味菠蘿包。唔講咁多我去買番10個做下午茶先！！

這間茶餐廳食品OK， 價錢合理，可惜待應太惡、太無禮貌，如果唔想受氣及聽粗口，千祈唔好嚟, 希望員工可改善一下服務態度推介：沙嗲牛肉炒河焗咖喱豬扒飯星洲炒米雪糕窩夫

有沒有跟我一樣，喜歡吃港式早餐？我會四處試港式早餐/常餐的人。紅茶已成為久不久會吃的茶餐廳，因為水準較穩定。經過幾次都看到要等位，不過地方夠大，不用等太久。早餐奶茶香滑，份量稍少，但我愛用這奶茶杯😍。多士兩個字，厚，香。外脆內軟。火腿通湯底不會重味精，夠味而不偏鹹。煎蛋有看過我其他食評的都知，個人喜好係討厭未熟的炒蛋。我通常吃炒蛋，今次點了煎熟蛋，份量很大，味道正常。炒蛋下次再評。這間仍是得我歡心的茶餐廳之一。

個日同男朋友係觀塘區做完運動 ..由於以前係呢區返工都有食過紅茶突然好想再食 所以我地就去左夜晚絕對冇下午時段禁誇張 基本上都唔洗等位...我地好快就被安排入坐本身想叫個全日早餐（推介）因為以前食過真係又大份又抵食.點知哥哥仔話而家全日早餐已經唔再全日供應😅得返上下午先有勁失望..禁唯有叫左個晚餐同西炒飯啦晚餐係焦糖蘋果烤雞 ...個汁都ok 唔太甜佢有得配飯 意粉或者薯菜..唯一係汁少左啲對我呢啲要拎汁撈飯既人就唔太夠😂😂另外叫左個西炒飯 一嚟到比佢份量嚇親 成坐山禁..食左一半都已經飽左😂😂重點係埋單都係百頭 絕對係抵食之選

門口員工超級無禮貌，買個包成肚氣，未食都飽。之前見佢lunch日日都大排長龍，以為佢好好食，其實食過的人都知佢好一段。只係一D PR手法，同小米賣手機一樣。但佢無禮貌，我真係諗唔到點解要比錢受氣。個時過返工間唔中都會買下佢地D早餐,其實一直都覺得佢地好無禮貌，不過我當一兩個係咁，但後來食開先知唔係，大多數員工都態度好差，根本係佢地個文化。直到呢兩個星期，買包時個呀姐好似當你乞丐咁，有一次整爆埋個紙袋都唔肯換個袋比我，決定唔食。

大大塊豬扒，大過個包好多，煮得火候啱啱好，肉質鮮嫩保留足夠肉汁，肥瘦適中；麵包新鮮，烘得啱啱好，皮簿夠脆，配合惹味沙律醬，組合成獨特的口味！配上脆薯角，美味咖啡，簡直係下午首選！