紅茶冰室 (已結業)

同朋友喺附近做完spa,食返個afternoon tea.呢間連鎖茶餐廳周圍都有，平時都唔覺得特別多人，但觀塘分店lunch time條人龍竟然排到水蛇春咁長，仲要入面其實好大間好多位，好彩下午茶時間就唔洗等直接有得坐。下午茶☕️ 送熱飲 2:30-6:00pm 供應芝士炒蛋魚柳包伴薯皇 $38不嬲都好鍾意食魚柳包，仲要有埋炒滑蛋，呢個無敵組合唔係唔食呀嘛。餡料俾得好足，沙律醬都好好味，炒蛋熱辣辣，魚柳炸得金黃香脆芝士煎蛋菠蘿油 $31甜嘅菠蘿包加鹹嘅芝士同剪蛋呢個組合令成個包嘅味道提升左好多，鍾意食鹹鹹甜甜嘅人就要謮下喇

附近見完客，好想relax一下平時見呢間紅茶午餐時間超多人等，所以一路都未食過😅紅豆冰好大杯有½都係紅豆，好綿好軟，奶味都夠濃，下次記得小冰就更加好飲啦😌😌酥皮蛋撻亦都有水準

唔少新開的店本著「冰室」的category去經營，實質上都只是賣粉麵飯的茶記，但一樣好味之物。對我來說，冰室中最吸引的永遠都是沙嗲牛肉麵！而我發現香港人每次去茶記食早餐、茶餐都很喜歡叫沙嗲牛肉麵！好的沙嗲牛肉麵，牛肉一定要夠嫩，不可以鞋十十，聽老闆聲稱以新鮮牛肉煮成。另外冰室仲要配備一個特點──就是大大份，勁足料。今次食既呢間馳名特濃沙嗲牛肉麵，湯底勁濃郁，麵條沒有煮得太過火，軟硬適中，條條都浸滿沙嗲汁，夠入味，超級好食！重口味必選！

好耐冇幫襯過紅茶， 諗起上次食嘅「咖喱一口豚」質素非常高， 加上又有同事肯由公司行去外賣自取， 所以今日午餐就食佢。 今次我自己叫咗「咖喱薯仔焗豬扒飯」， 同事就叫左「蕃茄焗豬扒飯」， 一打開盒飯、 好香好香， 流晒口水。 食一啖飯， 覺得好好味。 跟住再食舊豬扒， 喂，唔掂喎！ 舊豬扒落得太多「食粉」？！？！ 食落口有「嗱」喉嘅感覺， 我以為淨係我個咖哩飯出事， 點知同事話佢地個蕃茄豬扒飯都有問題， 又係塊豬扒出事。 最後淨係食晒d飯就收手。 呢間茶餐廳水準時好時壞， 下次都唔知幫唔幫襯你好！

第一次寫食評，目的只是為投訴。本人因在附近工作而經常光顧此食店，而每次去到收銀處付款時，兩位收銀姐姐的態度都十分不友善。本人這兩天午餐時段再次光顧，因在付款時臨時收到個電話，下單時有所拖延，收銀處長直髮姐姐馬上以一副十分煩厭的態度大聲呼喝「不如你諗掂先至再嚟買啦」。的確似餐廳的食物質素不錯，但若然每一次都要忍受如此惡劣的服務態度，那就不值了。

星期五同朋友Happy Friday,就緊係想搵個地方可以坐耐小小，吹下水甘啦。。但好多都限時吾坐得耐，有個朋友就介紹去呢間冰室，好大吾限時。。。。我地7點半去到門口好多人排隊，但等一陣就有位好快喔。。。餐牌種類都算多既，我地就緊係食扒餐啦😆湯🥣餐包餐包已經塗左牛油暖暖地好食。羅宋湯有牛好濃味，雜菜又多但吾熱暖既。不過味道好！什扒餐：乜都有，豬牛雞腸仔。。雞扒好滑，豬扒都吾un，牛扒就一般無牛味，成個餐望落好大份。。。牛柳羊架：牛柳吾會過熟有牛味，一切就開多淋但吾un，羊架亦吾太so，幾好食紅豆冰:半杯都係紅豆，不過我覺得半杯紅豆半杯奶真係好大杯，飲吾哂🤣🤣呢度坐得都幾舒服，環境裝修光猛，服務就無咖啦，茶餐廳文化可以啦，勝在可以坐耐啲都無人趕走，嘻嘻😜

中規中矩茶餐廳 熱咖啡都唔錯，幾香咖啡味唔需要落糖都好好飲 另外下午茶都有幾多選擇🤔🤔除咗一般熱食， 燒味飯肉醬意粉豬扒包 等等，仲有啲甜品可以揀，好似栗子蛋糕， 雪葩等等，以茶餐廳嚟講，算係幾多元化👍👍今次要咗個下午茶，係芝士滑蛋魚柳包，配薯皇或者沙律因為鍾意澱粉質，所以揀咗薯皇🤤🤤分量都幾多， 香脆而且熱辣辣，點埋茄汁一齊食，正呀!個包都幾好食 ，好軟熟 而且啲蛋好滑 不過因為個包好大個，所以唔可以好似食漢堡包咁一野咬落去，用刀叉分開慢慢食，都可以慢慢嘆嘅~ 中間仲夾咗好fresh嘅生菜同埋蕃茄 唔錯,唔錯

又到lunch嘅時候，今日去咗觀塘嘅紅茶。一點幾鐘，烈日當空排晒長龍。呢間野每次經過都會排晒長龍，襯今日有時間就試一試佢。一見到個餐牌，就即刻揀咗我鍾意食嘅口水雞套餐。午餐又有餐湯又有飲品，餐湯有中式及西式，我揀咗羅宋湯，味道正常(唔好意思太肚餓冇影到相😅)。口水雞味道真係好不錯，雞好滑同埋味道係小小辣啱晒我，如果喜歡勁辣嘅朋友咁就唔啱喇！辣辣地，餐飲梗係整杯凍檸茶少甜啦😁紅茶水準都幾高，會有下次👍🏼

放工時候十分肚餓，便進入了這問餐廳。今次特別想試她的燒味，便叫了燒鵝飯和凍奶茶。道家的凍奶茶是最手屈一指之一，十分濃，只可惜不是冰鎮。燒鵝好好>味，肥瘦適中，皮脆，加上甜醬，十分美味。驚喜，連燒味都好正。

紅茶而家已經成為觀塘午餐新指標，每日都有長長既人龍等位，原因係佢既lunch set快、靚、正。佢既menu都有多款選擇，好似想食咩都滿足到食客咁。不過Order早餐既時候經常受氣，希望佢收銀聽電話既員工可以態度再好啲，唔好長期發客人脾氣，令客人唔想再打電話黎落單喇。但總括黎講，除左收銀員工外，其他侍應都十分有禮貌，亦都好樂於助人。👍🏻

觀塘一間質量高，舒適的冰室，位於駿業街56號地下。這裡的早餐種類蠻多，筆者挑選了早晨 B餐 📍招牌沙嗲牛肉麵-配煎蛋及多士 $33📍沙嗲牛肉公仔麵不知道是餐廳本身供給的公仔麵底是出前一丁，還是師傅出錯餐？筆者的麵底是出前一丁耶 ...感動！麵底煮得恰到好處，不會過軟。沙嗲牛肉份量十足,肉嫰味美,沙嗲汁香濃。📍多士走牛油配煎太陽蛋（套餐）值得一讚的是，太陽蛋煎得燶邊，但蛋黃及蛋白部份卻非常嫰滑👍🏻👍🏻👍🏻📍凍咖啡少冰少甜 (跟餐餐飲，凍飲加$3)咖啡味香奶滑，最貼心的是凍咖啡上鋪了一層咖啡粉，好讓食客分別到是什麼飲品，不會調亂。餐廳價格實惠，食物有質素，且地方寬敞舒適，值得推薦。

今日公司清假，好開心可以訓到自然醒，同媽媽二點半去左食Ｔ，我地已經平日去估唔到餐廳都咁多人，好似個個人唔駛返工咁嘅。餐廳非常大十分闊落，一坐低望望餐牌，在明亮的燈光照射下過左膠的餐牌反晒光非常難望，桌枱玻璃也是反晒光看到有點眼花花。餐牌選擇甚多，二點半食下午茶係最好不過。點左兩個餐食，媽媽揸唔定主意究竟魚柳包定豬扒包好，結果就下佢兩款都點晒，她可以停下來唔駛再運算邊樣好。芝士炒蛋魚柳包伴沙律 $38薯仔沙律味道一般料唔多，炒蛋好滑但欠了蛋香沒有調味蛋味唔出，一大片芝士但唔溶，夾住魚柳食芝士味唔突出，魚柳炸粉薄身，滑蛋和魚肉味道接近，軟包夾住一大啖咬落去只feel到軟淋淋，味道唔太豐富，普普通通而已。豬扒包伴薯菜 $37食埋豬扒包比較下，豬扒包好味好多，味道和口感較全面，軟包中間夾住豬扒咬落有層次有口感，豬扒軟淋淋咬落有肉汁，豬扒面落了大量沙拉醬令成個包食落好juicy惹味，美味分加了不少。而薯皇炸得唔透食落唔脆有點失望，相信係缺憾美~

紅茶冰室雖然有好多連鎖店，但今次係我第一次食紅茶，事不宜遲，俾d相大家睇睇先。燒味飯，燒肉同油雞都各自俾7分啦！燒肉個皮都算脆，雞肉都幾滑！呢個照燒鰻魚同雞排嘅鐵板餐份量非常大，超出我嘅預期😂 鰻魚同雞排都好食。雞排個皮煎到脆脆地。但d意粉就真係麻麻喇，冇乜味，上面pat醬都一般。羊架非常琳啊d肉！一d都唔韌。唯獨係有少少羶。唔鍾意羶味嘅朋友就未必鍾意喇。黎到重頭戲！我覺得佢先係今餐飯嘅主角😂流心芝士西多啊😍😍望到個樣已經流嗮口水...好正咁，好邪惡😈切開佢：哇哇d牛油糖漿同芝士溶嗮一齊，肥死都要食㗎喇！金黃色外表好靚，入面都好有料，睇下d芝士！🥰真係好好食！好滿足☺️但就真係要同人share食唔係會飽死...

紅茶冰室是觀塘區比較出名的茶餐廳， 這裏除了粥粉麵飯， 小食，扒類，還可以買新鮮製麵包和蛋糕， 食物質素算ok。 星期六下午不需要排隊， 入到餐廳叫了特餐$48，沙爹牛肉麵&奄列多士， 跟住叫多一個下午茶餐，招牌沙爹牛肉包配沙律$36。沙爹牛肉麵一般啦， 同平時茶餐廳的差不多， 牛肉份量偏少， 沙嗲味道普通。 奄列上枱的時候是凍的， 整個特餐多士反而是最好吃。沙爹牛肉包的牛肉跟麵的牛肉是一樣， 相比起牛肉的份量多過特餐的。而講到這裏的服務質素， 真是要改善一下， 入來的時候見到都有幾張枱的位置是空的， 有一位女店員一定要我們面對面跟另一對客人搭枱， 之後我說不想坐這裏， 她跟我們說沒有選擇一定要坐這裏， 後來我們走上近門口的高枱位置坐低。 這裏的店員服務是我到過咁多間茶餐廳比較差的。

第一次寫食評，想不到是被惡侍應無禮對待。下午五時半一行幾位去下午茶。叫了三個甜品餐，等了二十分鐘，三個餐都沒有來，當時餐廳內人數不多，甜品一般是在雪櫃拿出來畫個花加少少水果就可以出餐，但奇怪是等了二十分鐘。於是問侍應⋯⋯我：為什麼還未到？侍應：甜品師傅在做。我們又再等了十分鐘，一共是等了三十分鐘。再問侍應。我：為何仍未來？侍應：（好寸）係咪要投訴，我叫經理來！我：好叫經理吧。(侍應叫了另一個不像經理的男侍應，他拿著甜品餐過來。)我：我們等了半小時，為何要等這麼久？侍應：（寸）甜品師傅要吃飯嘛，吃飯時間啊，咁係味而家要取消？不如唔要取消啦咁！我：你係咪經理？侍應：我唔係！我：叫經理來！侍應：（無禮）經理唔響度啊！你係咪要取消張單？我：咁算啦，你放低走啦。（本來已好氣憤😡，點知⋯⋯)侍應：（惡）我覺得要走果個應該係你！（而家做侍應原來係咁惡既⋯⋯）（之後個侍應係繼續鬧⋯⋯話我地應該要走，後來有另一個男侍應把他拉走，他好像想打人咁）侍應遲來餐，給一個無理取鬧的理由，然後想打人。不要再幫親！