紅茶冰室 (已結業)

好耐冇幫襯過紅茶， 諗起上次食嘅「咖喱一口豚」質素非常高， 加上又有同事肯由公司行去外賣自取， 所以今日午餐就食佢。 今次我自己叫咗「咖喱薯仔焗豬扒飯」， 同事就叫左「蕃茄焗豬扒飯」， 一打開盒飯、 好香好香， 流晒口水。 食一啖飯， 覺得好好味。 跟住再食舊豬扒， 喂，唔掂喎！ 舊豬扒落得太多「食粉」？！？！ 食落口有「嗱」喉嘅感覺， 我以為淨係我個咖哩飯出事， 點知同事話佢地個蕃茄豬扒飯都有問題， 又係塊豬扒出事。 最後淨係食晒d飯就收手。 呢間茶餐廳水準時好時壞， 下次都唔知幫唔幫襯你好！