紅茶冰室 (已結業)

一早起身，食個煮得剛剛好，不太生亦不太熟的足料沙嗲牛麵，加上厚多士和新鮮炒蛋，配一杯美味咖啡，最緊要係坐得舒服，望住太愛人來人往，自己能夠有時間享受一個豐富美味早餐，呢個感覺令呢一個週末特別醒神！

紅茶，每天下午都非常多人， 長長既龍每日都堆滿人，不要以為等好耐， 查實15分鐘有得食！ 佢既午餐真係無得輸，好味又抵食，炒蛋好滑，通粉湯底加少少胡椒粉簡直絕配，咖啡仲非常好飲，佢個all day breakfast 我同事成日叫添！

每日食lunch途經紅茶一定見到一條長長既隊，就決定碰下運氣排下，殊不知十分鐘唔駛就比帶位哥哥選中，大家不妨都可以排下，唔駛比條隊嚇親。我地三個人叫左快餐，常餐同一個all day breakfast。落左order 5分鐘已黎齊，速度夠快！快餐A 豬扒仲要有2塊，份量夠！味道不錯，以食個快lunch黎講絕對收貨，另外all day breakfast個份量都非常抵食。各位觀塘友想試個ok既快餐，可以不妨一試。

紅茶冰室係觀塘嚟講算是非常之大嘅連鎖餐廳，嘅有水準又便過其他餐廳。今早約左陳仔來個既時早餐，無預約。因為離公司遠，好少過黎食。其實佢嘅沙嗲牛肉麵是好好味😋，不過有包又炒蛋太飽。今日試下個雙併，最愛午餐肉同炸菜。午餐肉一定係豬仔牌同爽脆炸菜十分好味😋侍應姐姐好豪爽咁拍派我地坐一邊似去左澳牛咁。不過還好呀姐無粗口。另外呀陳仔叫左佢至愛A餐，火腿通心粉。睇得出湯底是雞汁濃湯唔錯唔錯ABCD 早餐牌，厚厚實實午餐肉同爽脆炸菜

午飯時間喺觀塘區，周圍都人山人海。見今日唔係好肚餓，嗌咗個泰式牛丸湯檬，最鍾意佢個湯底，揀直係靈魂，有d乾蔥配料連香蒜好香，牛丸比例都多，裡面重有d肉汁，唔錯！亦驚喜有件入味又無渣嘅蘿蔔，$38黎講正啦。

昨日同朋友嚟左紅茶冰室食野，入去兩點有多，唔使等位，叫咗個下午茶餐，吉列豬鳥冬嚟食，豬扒係好大塊嘅，實體都滿意嘅。今日同另一個朋友去食，我去到拎位先，去到見到好多人排緊隊，以為有咩排，原來就係排緊隊入紅茶冰室.....我有一刻諗過等唔等，反正朋友未嚟，決定照排。不過鋪本身算多位，都排得幾快，今日午餐有朋友話好正嘅口水雞，入到去兩個即叫呢個餐，仲有中湯選，個湯有好多我鍾意嘅薯仔個雞都好大碟同滑，後尾對面唔識個男士份口水雞係雞肶嚟（嘩，我都好想雞肶）下次再叫過希望會係~

呢日又嚟到觀塘做野，成朝乜都冇食過，4點零鐘食返個下午茶先～又嚟到紅茶，上次食早餐後今次嚟個下午茶啦！今次入去坐低食，餐廳裝潢闊落地方又大又多位，一個人都可以坐4人卡位～餐牌真係花多眼亂好多選擇🤩吉列豬扒湯烏冬好吸引，菠蘿油配紅豆冰又好正咁，但又想食啲濕濕地既野，最後點左單拼泰式湯米粉配熱奶茶☕️蘿蔔又淋又甜，扎肉味道不錯，米粉係至愛既幼身米粉，配埋芫茜芽菜，正！另外奶茶夠香濃又滑，唔落糖都夠味！

好少一早去觀塘呢頭，趕住出門早餐都未食就出左嚟上堂，記得朋友話過紅茶呢間茶餐廳唔錯，咁岩又喺隔離上堂，一於嚟彩下有冇包買！結果係有既，但又心思思想食豐富少少，點左個餐蛋治🤣🤣🤣5分鐘都唔駛就拎得，拎上手熱辣辣，餡料唔少，滑滑既炒蛋配上午餐肉，真係快靚正！

好久沒有在觀塘工作，難得要在這裡吃飯，當然要吃！常！餐！特餐 $48同事說這裡沙嗲牛肉麵一定要試，所以叫了這個特餐～牛肉的確是很腍又入味，湯底濃郁令公仔麵每一條都很惹味，不過最加分都是香酥丹麥多士，除了這裡我還真是未見過其他餐廳常餐有它！甜甜酥酥的多士上面還塗滿牛油，真是邪惡的極致～難怪這裡經常人頭湧湧！

平時無論咩時間經過紅茶都係人山人海，大排長龍，今次tea time 見有位就等我一試究竟！雖然tea time 但由於太肚餓既關係我叫左公司三文治配薯皇，勁快就上菜！仲要係熱辣辣，絕對唔係整定！個公司三文治勁多料，d 料厚到爆晒出黎，食得好狼狽，但真係超好食，d 沙律醬fix 埋d 菜同火腿餐肉真係勁豐富，d 蛋係高質炒滑蛋，勁香！而個薯皇係剛剛炸出黎，熱到辣手，又係勁好食，又脆又香，呢個餐真係不得了，勁滿足！(美中不足既係呢個餐唔包野飲，所以食到我好鬼頸渴😂）

第一次黎到食早餐，係因為有朋友介紹話呢間冰室幾好食，所以就黎試下！環境幾好，幾乾淨，幾光猛，但叫人落單就耐左少少...早餐menu我叫左個沙嗲牛肉麵餐食，佢包厚多士、炒蛋同一杯野飲，厚多士都脆，但佢落左啲蜜糖落去塊多士到先係最提升味道！好正！基本上塊多士9成都有蜜糖，好足料；而炒滑蛋生熟岩岩好，加埋落多士到食，超正！另外個沙嗲汁好濃，好香，牛肉好淋，值得推介！下一次會想試埋佢既下午茶，因為見到佢既流心芝士多士都好似好正咁！

約咗同事中午去紅茶冰室食， 12:45去到都已經排晒長龍。 但等得都唔算耐， 10分鐘已經排到。 朋友點咗午餐A, 薑蔥豬髀飯， 我就點咗泰式牛丸河粉 （+5蚊轉冬陰公湯底）。 牛丸係泰國食開細細粒個種， 略嫌唔夠牛味， 但都好爽口彈牙。冬陰公湯底唔辣易入口， 河粉同牛丸嘅份量可以返小小就更好金 加埋個凍飲大約用咗50蚊。 見到餐牌有好多讚選擇， 下次嚟會試吓佢嘅咖喱焗飯！

我好少寫openrice 食評，但一間茶記連奶茶都做唔好實在太誇張。睇戲之前諗住搵地方坐下，入左來紅茶冰室。叫左一杯奶茶少冰，完全冇茶味，而且飲落去好似一啲糖漿都冇落過。問侍應拎左糖，間俾左一兜好似水嘅野俾我。加左一半都冇甜味。奶茶係茶餐廳嘅靈魂，基本都做唔好。我相信我下次唔會入來。

今日去到觀塘時間有緊迫泊車有困難，開會前梗係搵達地方以下個肚先。見到呢間野個名普普通通都試吓啦，入到去仲有早餐食感恩。因為我腸胃唔係幾好早餐唔可以食咁多水料，一般都係食美式早餐比較多。咁我就帶咗以下嘅餐。好多地方食牛扒都要加錢，佢呢個餐份量啱我，除咗配炒蛋之外，仲跟條腸。呢個份量好適合我，而且價錢都唔貴，最重要係牛扒汁幾好食，就略嫌呢間野幾繁忙好多人，都有啲急的番枱，其他就已經冇乜野好挑剔，我會比正評

公司附近有間紅茶冰室，知道佢有好多間分店，但一次都未食過，所以就同同事去食一碗豬肉丸湯河試下。一去到已經見到大排長龍，心諗係咪真係甘好食成甘?我地照排隊入面，可能餐廳都比較大好快就入得去。坐低左之後，我點左個湯河黎試，上菜上得好快，可能因為甘頭先排隊都唔會排好耐。湯河湯底都夠味，而且叫多蔥都比得好足。最surprise係豬肉丸足足有6粒甘多，對我黎講食一碗豬肉丸湯河都已經夠飽了。另外同事推介冰火菠蘿包，佢話好好味，我就未試過，下次可以試試!