紅茶冰室 (已結業)

今日晚上放工去了紅茶食晚飯，其實紅茶本人經常去(基本上一個星期都起碼有兩至三晚會喺度食)。點解今次要寫食評，係因為食咗咁多次，嘢食又幾好味，員工服務又殷勤，老闆又親切，唔寫返一次好似對佢哋唔住。今次叫咗焗咖哩薯仔牛脷飯，同埋菜遠班腩炒河。先講個焗飯先，呢間餐廳啲焗飯我經常食，今次揀牛脷，見到碟飯上面起碼有4-5塊牛脷，而且大塊得嚟又唔韌，同埋咖哩味幾香，加上個焗飯面層有啲飯焦，脆脆地幾好食。另外到個菜遠班腩炒河，呢間餐廳啲河粉好暢銷，多數晚餐前已經賣晒無得食，今次好難得叫到，就即刻叫咗個。其實河粉無咩特別，不過佢啲班腩又係好大舊，而且起碼有成6-7嚿，同埋面層有個汁，但咬落好脆，配搭起上嚟唔錯。整體嚟講間冰室啲嘢幾好食，而且員工服務都幾好，值得再去。