紅茶冰室

營業中

休息中

今日年初三好多食肆都仲放緊年假未開爐，要返工既我想食埋個下午茶先返去，於是經過太子呢間仲有開門既茶記，呢間茶記平日去食都已經人山人海架啦，今日就直頭大排長龍tim，好彩我得一個人，所以就容易d攞到位。入到去坐低都唔洗諗就嗌左佢地個招牌芝士流心西多士。由於人太多，我個西多都要等左好一陣子先黎到😩終於等到我個芝士流心西多士啦，面層放上厚厚嘅牛油同埋煉奶，正呀👍🏻👍🏻👍🏻咁當然個精髓係一切開既芝士流心啦😋😋😋雖然未話係超流心，但係都做到流心既效果。西多士既色澤係金黃既，外層脆卜卜，裡面就好鬆軟。呢個西多食落都仲有d蛋香tim，但又唔會過甜喎。塊牛油溶溶地仲帶d香，而個芝士味道又唔會太濃，仲有少少鹹香味道。簡直係極級邪惡呀，但係又抗拒唔到，食完唯有做番幾日運動啦😜

本身諗住去金華茶餐廳，但係拍唔到車，諗住去兜一兜圈，點知見到呢間香港茶餐廳/紅茶冰室門口有車位加上有人排緊隊，以為實無死，點知瀨晒嘢。一入到去有好多空位，唔明點解要排隊，匪夷所思。我落Oder 先但唔知點解同我同一張枱嘅人啲嘢食嚟先過我（咁都算啦茶餐廳，好正常）但係最過分嘅係個餐嘅炒蛋多士，啲炒蛋係凍嘅，冇乜味同埋好多牛油/馬芝連。分量更加離晒譜，坐我對面的人嘅炒蛋居然多出我的兩倍咁多，分量差異好大。咁都算啦，食完晒個炒蛋多士之後，大約5-10分鐘個沙嗲牛肉公仔麵都仲未嚟（平時如果係澳牛，一早食完拍拍囉柚走埋）咁啱我坐的位置是向廚房方向，又咁岩見到個廚師用個羹"畢"啲沙嗲牛肉落個公仔麵度，然後可能佢覺得"畢"多左少少，居然徒手插落碗麵度！攞返嗰一兩塊沙嗲牛肉！好恐怖！手套都冇帶呀大佬！仲要原來碗麵真係我架！你可能會話茶餐廳質素就係咁架啦，所以我最後都係鼓起勇氣試左一兩啖，這一塊沙嗲牛肉就真係和味囉：喺熱辣辣嘅一碗麵入邊佢都可以係凍嘅，味道就係正常沙嗲味再加廚師叔叔嘅手汗味，都算唔錯！再加上啲淋晒嘅麵，配搭簡直一流，真係無多無少，食咗兩啖。呢度嘅茶/咖啡係OK嘅，但係＄20杯囉⋯⋯P.S

#招牌芝士流心西多🧀(HKD26)✔️👅：7/10✏️ 估佢唔到！鹹香芝士可以同脂肪爆燈既香甜西多融合😳 西多炸得唔會油膩 加上一大舊厚牛油 入面仲有超多芝士芝士芝士！❤️ 超級正💕 再加埋糖漿🐷 肥死唔係夢🙊 下午茶$30仲包野飲添⭐️ 好似冇最低消費喔 我地兩個人都係食一份多士

由於紅茶冰室都有麵包出爐, 有時朝早返工前都會黎買個麵包有一次想買個菠蘿包, 本身已經擺左出黎, 又啱啱見到有新出爐既菠蘿包放入麵包架, 當然係想要個新出爐熱辣辣既菠蘿包啦我指明要新個行既菠蘿包, 阿姐就好悔氣咁講: 一樣架!另一次, 想買叉燒包, 但門口有個侍應既態度好差, 非常趕客我: 仲有無叉燒包?佢: 無啦, 要叉燒包? 去酒樓啦....咁究竟平時賣果個係咩包黎呢?由於趕返工, 我只好轉買個吞拿魚包, 雖然唔係空氣包,  不過吞拿魚餡比較少

今日到旺角見客，早左小小到，於是淰住食個早餐先，見到附近有呢間紅茶，記得之前有人話區噶流心西多士好正，就去試下。店員本身話太早無流心西多士，但都可以幫我問下廚房做唔做，好彩廚房話可以做，甘我先有口福。點左個流心西多士同一杯熱奶茶。野食好快就送到，個西多士一睇就知熱量爆燈，好邪惡啊但切開好失望，都無流心，d芝士好實。中間噶芝士好厚，第一啖好好味好滿足，但因為芝士太厚噶關係，食多幾啖就好濟啦。奶茶都ok，不過茶味唔夠濃，奶太多。

之前已經試過這一間茶餐廳的茶餐，還有其著名的夾心西多士，但是再來太子這一間分店，想不到質素差了那麼多。首先需要稱讚一下店員哥哥的服務非常之爽快、有禮。沙嗲牛肉麵普普通通，牛肉不太夠熱，又是弄好了良久的凍牛肉，放上熱湯麵上。幸好，沙嗲醬不太少及不是太稀，味道還好，微辣。火腿奄列亦屬普通，蛋不太滑。奶茶也不覺得香濃，茶味還要頗為淡薄，欠缺茶香，與紅茶的名字不配合。四十多元吃普通至極的茶餐，不化算，與廿多三十元的舊式茶餐廳茶餐沒甚麼分別。

在旺角行完魚街最岩就係搵間茶記食個下午茶, 嘆杯熱奶茶今次入去食呢間茶記, 員工態度親民, 見到會與客人聊天西多士就食得多, 今次見到呢個有D特別有芝士在內既招牌芝士西多麵包厚度適中合理, 外面炸得香脆, 而內又鬆軟, 雖然內裡芝士不算很多, 不是很流心, 但口感反而覺得不錯, 咸味適中偏少, 不會太把原本西多+奶醬+糖醬的甜味搶了,  中和了一點一般西多太甜的味道奶茶也合格, 香濃茶味而且幼滑, 茶奶份量合適, 沒有茶過多或奶過多的情況

最近行過都見餐廳裡面有好多人,個餐牌又好吸引~次次都想入去食...今日終於食到喇去到差不多下午茶時間,門口已經排緊隊,不過的員工好合拍,好怏手,等左幾分鐘就有位喇!叫左lunch set & tea set ,lunch set有餐湯,要左羅宋湯,超正!!煵肉又肥廋適中~唯一美中不足就係餐飲奶茶同檬茶,真係唔得喇....完全無咩茶香,係同一條街既其他茶餐廳既奶茶檬茶的確好好多~

星期六早上，決定和家人到通菜街的紅茶食早餐，走到餐室門口已經見到有人正在等候入座，我們只好乖乖地跟著排隊，侍應禮貌地問了各人人數，然後又很有效率的安排各人入座。我們坐好後第一時間叫了早餐B — 沙嗲牛肉公仔麵、牛油厚多士及炒蛋、奶茶，另加兩個芝士撻。先講芝士撻，見餐室牆上貼著芝士撻圖片，並且寫著：王牌芝士撻，我們當然不會放過啦！芝士撻外圍是牛油皮，內裡滿載芝士餡，芝士面是奶白色，沒有被烤成微焦，牛油皮入口偏酥香而不是典型的脆口，芝士餡軟綿而略帶少許甜味，不會令人感覺膩口。除了芝士撻，餐室近門口位置亦放了一排排出爐麵包，看樣子挺不錯的。牛油厚多士烘得外脆內軟，難得是每件都水準一致，個人認為多士最能反映餐室的素質，再配上美味金黃的炒蛋，不吃罷實在愧對這份誠意。沙嗲牛肉公仔麵，我原本抱有期望，皆因芝士撻及牛油厚多士炒蛋都不差，可惜這個麵的敗筆在於沙嗲醬過鹹了，牛肉則沒有依照紋理而切，入口難免有點難於咀嚼，最後我都因過鹹而沒能全部吃完，真心希望餐室可以留意和改進。至於奶茶，色澤不錯，茶味和奶味平均，入口細滑。正當連鎖式快餐店開到成行成市，一些有質素的茶餐廳，對食物的出品，有著堅持和要求，憑藉這

由於第一次食過下午茶印象良好， 所以再來食午餐！第一次食左個新鮮出爐菠蘿油簡直無得彈呀！中午人真係好多，特別的是伙記都好多人！等左一陣都好快有位， 原來老公上次食完個下午茶之後已經食過2-3 次！ 我老公係loyalty customer ! 如果食過一次唔好味或者經驗唔好就好難再叫佢再食多次！講回今次～ 由於我老公一個到先，所以佢等到位就入左去坐！ 我到左之後發現佢坐左係出菜前張10人長枱度， 我同老公左右咁坐！ 由於我大緊肚又有手袋都幾唔方便，諗住食完就走啦！ 中午周圍都咁多人！ 當我們叫個女侍應寫野，個女侍應就同我們講: 「同你們轉個位！」咁我們立刻起身配合啦！ 轉左位鬆動d 手袋都可以放一旁！ Nice我們叫左個鰻魚炒飯同是日午餐鮮茄焗豬扒飯！我同老公share 來食！ 個鰻魚炒飯熱辣辣，夠哂鑊氣！ 味道甜甜地幾好味！ 如果鰻魚肉多d 仲正！ 是日午餐跟紅湯！ 紅湯就基本野唔太特別好味！不過我都飲哂！唔算難飲！鮮茄焗豬扒飯都係新鮮焗出來，熱辣辣！ 好食過大X 樂果個好多！ 不過可能隻碟太淺關係飯就太少！如果男人食應該唔夠飽！ 叫左一凍一熱朱古力！ 基本野！ 唔算特出！ 總結係

紅茶冰室，聽屋企人講話呢間既芝史撻唔錯，所以黎食個tea我地叫左兩個雞翼撈公仔麵 同埋一個波羅油同芝史撻，全部都合格芝央撻都係$12 價錢都算合理，夠曬味同香滑仲要新鮮出爐我地會再黎

呢間炸雞脾超大隻，肉算唔硬，但炸得比其他餐廳好，係就係乾身d,但都算有汁。味道適中不會太咸或冇味,隻脾好鬼死大隻囉，抵食架。 不過真係好唔鐘意逼人塔檯，人地都表明立場不願意，係都逼人塔檯。呢下真的好唔高興。

我逢星期六都要去旺角補習。本來就應該去華星冰室，但係想試一試新嘢，所以就黎呢度食。首先，我同阿爸點左個金寶豬扒湯通粉，佢呢一個餐呢，就係會配北海道牛乳炒蛋加多士既，我個人認為d蛋同華星一樣咁好食。（知華星d炒蛋幾咁出名架啦)個奶茶都唔差嘅，就算你唔講少冰，佢都俾你好少冰架咋。同埋啲人咪鍾意飲熱奶茶嘅，呢間啲凍奶茶都同熱既差唔多味，適合鍾意飲港式奶茶嘅你。但係個奶茶要加＄3，有啲貴最後講埋最重要個通粉，個通粉真係用咗金寶湯（既罐頭湯，金寶只是牌名）黎整，仲有個豬扒其實係同個碟差唔多大，超正仲有個菠蘿包啊，個菠蘿包包皮係脆架囉，個包係軟既，好新鮮👍🏻我就只不過係準中一生，寫得未必比其他人好，敬請見諒（其實呢次都係第一次寫食評!)

行經金魚街, 見到間新開既冰室都幾多人食, 就即管試試. 叫左個特餐, 有奄列+多士, 招牌沙嗲牛肉麵. 牛肉麵先上, 賣相幾好, 聞落幾香. 食落發覺個麵煮得挺不錯的, 質地剛剛好幾彈牙. 而沙爹湯底都幾香濃, 牛肉幾稔和嫩滑! 無幾耐奄列+多士都上枱了, 奄列幾大份之前食過有D茶記份奄列勁細份...今次真係喜出望外.而且份奄列煎得幾滑, 好好味. 多士都係即烘的! 雖然要四十幾蚊其實有D貴, 不過都食得開心同滿足既.這裡侍應的服務不錯, 比其他茶記既服務好.

本來係門口見到個西多士吸引入去既, 不過因為太肚餓就叫左個特餐加個芝士撻。特餐就係招牌沙嗲牛肉面，烘多士同奄列沙嗲牛肉面,牛肉嫩滑,沙爹味夠濃,面唔會太軟比較啲硬身。合格有餘。另外仲叫左個芝士撻牛油皮脆身,芝士味香濃~咬落餡料滑溜,芝士香得黎又不膩, 好食~