紅茶冰室

營業中

休息中

一直幫襯開觀塘店食物質素系唔錯見到旺角有就去試試不過店員服務態度有待改善身穿白恤衫店員（應該職位高過著t恤員工）態度欠佳。。同朋友拎住好多野5方便搭枱佢既解釋系：人地張枱細 佢地又大隻。。點點點。。見附近啲人 都系兩個人一張又有吉枱 又無人等位所以先問下🙄🙄唔調位 其實無問題，可以禮貌d表達lo整體表達系令客人唔舒服 下次去番觀塘 店員有禮貌好多地方又夠大。。基本禮貌對於服務業好緊要如果個個員工都咁對客間鋪俾佢累死

又係一個壓力大的下午， 千萬樣工作未做完😭係TYPHOON 下要為自己cheer up a bit ! 「芝士」腔既我當然要去紅茶到搵我最愛既芝士西多啦❤️❤️❤️上次食已紅半年前了， 太期待☺️單身🐶真的很識合去紅茶,價錢唔貴，份量剛剛好， 但要睇時間去， 因為有時人真的太多仲要等位添😎其實上次試佢既雞脾都好好食， 不過我真係好飽了😌佢既芝士真心用料十足， 唔會係好似水個啲感覺， 加上一杯香濃咖啡， 這個配搭簡直令你升華都前所未有😋😋😋

夜晚同朋友去左食紅茶😊 嚟緊朋友生日食咩好野好～ 呢度環境唔算好寬闊，我哋夜晚去雖然有好多位，但係都要搭枱～🙈 見到晚餐好吸引：雞扒配蘋果～ 好似好得咁，所以我同朋友一人叫咗一份✌🏻 佢又有餐包送，又有嘢飲送，又有湯飲，都真係幾抵, $75一份！忌廉湯嘅材料好豐富！忌廉都好濃👍🏻👍🏻晚餐我係雞扒配蘋果再配飯，我朋友就配薯菜！佢嘅飯份量都多，女仔來講，食唔哂，但係啲汁好好食👍🏻👍🏻 雞扒好大件！肉好嫩～ 配燒咗既蘋果，真係好特別～ 覺得食雞扒唔會好滯🤣🤣整體來講，味道最加分👍🏻

如果要我推介食菠蘿油嘅話，就唔使諗一定係講呢間㗎啦！呢間紅茶冰室係我偶然行過發現嘅，第一次見係留意到佢喺滿面嘅麵包假，見到啲雞尾包菠蘿包好大個好靚咁，點知偶然入埋去食杉杉先發現原來佢啲嘢咁好食！今日行過正值午飯時間，就乘機入去食嘢啦。不過呢間野真係好多人都去食，其實次次都見到喺門口有人排隊。今日去到前面都有幾多人排緊隊，但你飲水，啱啱我哋兩個一到，店員就比我地入去啦。有啲嘢太多人，所以次次都要我地搭枱，冇辦法。女友次次都係食菠蘿油，我就叫咗個套裝，令外我哋再散叫叫左炸雞翼配薯角。先黎個招牌冰火脆皮菠蘿油，舊牛油用冰振住，所以夠晒凍，再放落個熱辣辣嘅菠蘿包加強口感。香港龍貓真係好好食好食在於個包身夠軟夠香，層皮鬆脆而唔脆散！就算食落口都唔會好多碎👏🏼🤗

又來到紅茶,上次見到好多人食焗飯！咁身為焗飯頭號粉絲既我點可以唔試呢！今日比平時少人,排隊唔洗排好耐,我就急急腳入左去喇！今次叫左個咖哩焗雞扒飯,好肚餓！焗飯故然要等得耐d,個飯一黎到,已經好想開始屍殺佢,但係太熱要等多陣先😂咖哩色水係比較深果隻,雞扒都好大塊,以佢係用最傳既焗飯兜,所以去到個底既飯都好熱好熱,其實整體黎講個飯都好大兜好食,不過佢無一種食完再想食果種咖哩既惹味,唔知點解呢,可能佢既雞淹出黎同個咖哩味唔太match掛！🤔

午膳於旺角「紅茶」，港式茶餐廳，用餐環境比一般茶記稍佳。午市繁忙時段，客滿需在門外排隊輪候。臨近吃畢時候店員亦難免在面前「勤力」執枱。 除了一般碟頭小炒外，亦有三款實惠午餐供選擇。 「羅宋湯」食味中規中矩，湯料不少，相對稠身味濃，沒有加水增量的問題。「牛扒腸仔飯」賣相一般，牛扒薄身鬆軟感可以接受，計及價錢，牛扒肉味亦交到功課。 「凍奶茶」冰多略甜，普通。 整體來說，「紅茶」能交出一般茶餐廳的水準，日常便飯未嘗不可，但不宜閒食，亦不要期待有特別驚喜。

平時經過,見到好早午餐都有好多人排既紅茶,一直都好想試,見今日要等朋友多左時間,就用少少時間排下隊先,早餐黎講，緊係食番香港人既首選,沙嗲牛肉麵啦！配埋火腿奄列厚多士,先上奄列多士,厚多士果然好厚,不過今日有少少作病,唔想食咁脆口既多士,奄列算大份又唔多油,不過蛋味唔太出,一般般,最後大佬出場～沙嗲牛肉麵,牛肉好大塊,食起上黎有肉味唔係腌到一舊野果d肉,沙嗲汁夠多,撈完湯仲有沙嗲汁係牛肉到食到味,唔錯,呢個價錢黎講,算係質素好,等我下次再解構下午餐點解咁多人先

平時多數都去觀塘嘅紅茶，第一次來到旺角紅茶食晚飯， 晚飯時間多數都好多人， 餐廳位置當然都比較逼。首先講下餐廳嘅衛生程度， 當我坐低等晚餐嘅時候， 有一位店員不停打乞嚏， 最重要係佢沒有用手遮住，當時我係響佢隔離， 感覺唔係咁好。食物方面，鮮茄蛋牛肉飯好好味，味道適中唔會太酸亦都唔會太甜，牛肉的肉質夠林， 份量足夠！ 咸豬手外皮脆內多汁，意大利粉口感普通， 不過晚餐嘅餐包比較凍，羅宋湯好啱我口味，湯入面有好多蔬菜！總括嚟講我比較喜歡去觀塘嘅紅茶，餐廳環境夠大，坐得舒服好多。食物質素就兩間都差唔多， 都算唔錯嘅！

已經幫襯過好多次啦,今次終於的起心肝寫食評呢間餐廳小小一間,並唔起眼。但係原來佢D食物都唔錯。而且價錢仲好大眾化。最好印象之前吃過澳洲T骨扒 , 黑椒汁味道還可以...佢地薯菜是薯角, 幾有薯味。牛扒都不錯但是晚餐經常不同款，每日一款。星期五晚, 是有點寂寞的晚上。就在家中附近揀選了這裡吃個簡單的晚餐.這裡晚餐以西式為主, 而款式亦吸引..今天是香蒜燒汁牛仔骨可配飯, 意粉, 薯菜...跟餐包, 餐湯, 餐飲 ...這份牛仔骨，它的賣相是令人滿意牛仔骨肉質肥滋滋本身肉被疏打粉洗禮已經用醬汁調好了味道幸好俺得來不失原有肉質！加上燒汁味道滋潤了牛肉的質地！喜歡牛仔骨的筋節位置。非常有咬口香蒜燒汁撈白飯來吃一流$68 食到飽飽...埋單仲唔駛加一, 唔錯！服務算不過不失，都算勤快。

今朝去咗旺角既金魚街紅茶嘆早餐 去到已經好多人🙈 我自己一個，梗係好快有位啦，當然！要搭枱不過座位都幾闊，所以搭枱都唔尷尬我見早餐既選擇唔算好多～但已經囊括咗西餐早餐可以有既選擇我叫咗招牌沙嗲牛肉麵✌🏻其實見對面嘅客人既麵好正而揀 等咗大概2分鐘，就開始有得食 我自己就覺得幾快👍🏻👍🏻炒蛋質素都好好，好滑而份量俾得幾多，加分！多士雖然就冇乜特別，但就都好有誠意，多士上面連邊都有牛油，做得足至於沙嗲牛肉麵都好唔錯，湯好濃沙嗲味，麵唔會發脹咗，雖然就唔係岀前一叮，但都好有水準，麵煮得軟身 雖然係快餐店，但唔會催您走。早餐價錢都好ok

黑椒蒜蓉汁西冷牛扒🍽超好味，態度又好過隔離嗰間香港冰室好多，諗住$72應該食中價野，點知都唔錯。只係牛扒味道有啲鹹，但真係大件夾抵食👍🏻薯菜係真係一個焗薯仔，配少少千島醬，幾可口，焗得岩岩好，清清地又幾好味😗環境似係岩岩裝飾無耐，吾會太逼。Ps:第一次因爲抨靚正既食物而打食評

記得有人講過出名好好食，之前好似食過兩次，印象中ok，不過更深印象係凍到變雪條，所以唔想入去...事隔咁耐，突然又趕，又想食好嘢，咁就黎咗呢間。今次終於無咁凍，正常溫度😅老公同朋友叫咗晚餐豬扒同蝦，我就叫咗常餐牛油多士奄列沙嗲牛肉麵。豬扒好大塊，賣相吸引，味道都好，好好食...如果唔係落得太多梳打粉嘅話...個口同條脷有啲唔舒服，我亦好怕隻味，牛肉落得仲勁公仔麵ok，奄列好淡，連蛋味都無乜，火腿都係。多士有點脆，但無牛油味，聽聞呢間出名少牛油，係真的。點解出名好食呢？唔通我哋點錯嘢，唔係招牌貨?🤔🤔🤔...

見仲有半小時才6點，仲有下午茶叫，被餐牌上的西多吸引，所以馬上入去坐低叫左個下午茶餐。$30有西多有杯熱飲，價錢吸引。西多黎到熱辣辣，上面塊牛油都仲未溶晒，加左煉奶又香又濃，呢個組合不得了，切開西多見度入面既芝士，半流心狀態，又未至於流晒出黎，剛剛好。切好西多，一舊接一舊放入口，真係好好味，久違了的美味西多再加流心芝士，呢個下午茶非常滿足！

如果你想品嚐這𥚃食物，**注意**：必需人齊，一個也不能少，4位欠1個，內裏就算有卡位、長枱全部冇你份，大熱天時，外邊等到汗流浹背就有你份。😤也因為這樣，我們才有機會試到鄰店的食品。一樣不錯的質素，但服務態度好得多。紅茶 一 希望你們能檢討一下，否則流失的，只有客人。😔😔😔😔以往常常來這裡吃早餐、茶餐，因外邊有車位，夠方便。也喜歡這裡的沙嗲牛肉公仔麵、瑞士雞翼撈公仔麵、新鮮出爐麵包、蛋撻等⋯但品質再好，要受氣的吃，我寧願作它選。😪

熊妹踩左好多日終於放假喇。本身熊妹唸住去港島揾熊大，不過熊大知道熊妹累了，想熊妹放假休息多啲唔好騰黎騰去，所以黎左揾熊妹。熊妹成日陪熊大行金魚街經過《紅茶冰室》，見佢麵包櫃啲包琳琅滿目，啲麵包又新鮮出爐咁吸引，所以成日都話好想黎試下。2點半黎到，岩岩好下午茶時間，都幾多人下。不過熊大未食午飯好肚餓，熊妹又一心想食佢的包，就無叫到下午茶餐嚕。飯桶又點可以無米飯呢？熊大就點左是日午餐，日式照燒雞排飯，包餐湯餐飲，$50。🍽餐湯點左紅湯，都幾濃蕃茄味，雖然唔係好大碗，雜菜湯料都足，幾好味。雞排好大一塊，皮煎得香香穠穠的，飯量一碗咁上下，唔算太多，仲有少少伴菜椰菜，叫做有肉有菜有飯健康啲，配合埋香濃照燒汁，係飽肚午餐之選，熊妹負責切件工序，熊大就食得津津有味。餐飲熊大下午時份必點凍咖啡少冰。幾唔錯喎，好係coffee shop水準，好香濃，完全唔會係一般茶餐廳放耐一分鐘就變酸的味道，又唔會被冰溶後變到好水好浠好啖的味道，絕對盛讚。跟著出場係熊妹期待已久的包包喇。先試首選的酥皮叉燒包，$10。大大一個，由麵包櫃入面攞出黎，微暖，酥皮就係墨西哥皮，薄薄一層，都容易散落，切落去又無話好期待叉燒饀會好