紅茶冰室

營業中

休息中

今天下午茶時段來到紅茶冰室，點了焗芝士腸仔肉醬意粉和菠蘿包，意粉即叫即焗，來到的時候上層的汁還是滾的，腸仔和芝士肉醬很夾，醬汁不會太鹹，份量也不錯，下午茶$40包熱飲，抵食。新鮮熱辣辣的菠蘿包，外脆內軟，只賣$7真的不錯。

今日一個人係旺角做野，見有啲肚餓，又下午茶時間，於事入左去紅茶冰室食野。呢度裝修舒服，下午茶價錢又唔貴，所以都食過好幾次。今次見到下午茶list, 左諗右諗，終於拍板叫左個終極邪惡既餐 - 芝士流心西多士。一來到，見到滿滿的煉奶糖漿係西多士上面，真係好吸引好邪惡。切開四塊更加不得了，入面既芝士爆晒出來。一擺入口，芝士煉奶糖漿奶油，所有既邪惡野，係個口度溶化，果種滿足感真係難以形容，好正好guilty.再飲埋杯凍奶茶，今晚個quota已經爆晒，不過終於可以食到一次芝士流心多士，真係好滿足而回。

聽朋友講旺角呢一間紅茶冰室質素唔錯，所以咁啱係旺角就嚟呢度試一試。星期日嘅下午茶時間，呢一間冰室都叫多人。好彩鋪頭較大，有兩層。所以都唔使點等位。行去座位既時候，見到其他食嗌咗呢個焗芝士肉醬長通粉（$47包熱飲）食，望落賣相唔差，所以嗌個食。個意粉上面放左塊好足料嘅芝士，而啲肉醬多得滿滿。可惜嘅係，入面嘅長通粉太過硬，好似唔係好熟咁，雖然我好肚餓，但係我食咗一半就放棄左。下次我應該唔會再嗌。而朋友就嗌咗份芝士留心西多士（$34包熱飲），睇落平平無奇，但驚喜喺入面。一切開，入面嘅芝士溶出嚟，好邪惡但好食！我諗下次都係嗌份西多士好過食焗長通粉。

又近五點先食下午茶，呢間油麻地分店排長龍，幸運地旺角分店無人，包點新鮮製作。菠蘿麵包，雖然出左一陣，撕開仲係有熱氣！下午茶幾多類別咖啡，咖啡濃香，我鐘意落煉奶，會香味一點

經過紅茶☕️咁岩又話有熱辣辣「酥皮蛋撻」出鑪，心思思諗緊食唔食好最後決定都係買一打番去俾朋友一齊食有好野要分享既買完趕住番去食呀一拎上手仲係熱辣辣既，即刻拎起嗰食先，酥脆既外皮配埋震吞吞既蛋肉完美配撘呀！好好食！

旺角不嬲都有好多野食, 茶記更加係數之不盡, 但紅茶冰室真係encore又encore! 雖然有時都要等位, 但通常都唔洗等好耐, 入面既格局唔錯, 就算2人坐一邊都唔覺得好逼, 坐得算舒服~次次去親都係食特餐因為個沙爹牛麵好好食, 好入味肉又唔會好鞋, 餐入面係跟火腿奄列而唔係普通既火腿炒蛋~ 跟餐既包本身係牛油多士, 原本已經覺得唔錯, 因為食左咁多次, D牛油都係搽得好平均, 唔係係咁而得少少咁. 但最令人surprise既係而家個餐轉左丹麥酥!! 應該真係好少會有茶記/冰室係用尼一種包~ 塊丹麥酥好香, 好濃既牛油味, 真係值得大讚!!

紅茶真係愈開愈多，抵佢發！而金魚街的競爭也愈來愈激烈，不同的連鎖冰室也進駐了～ 食肆多，金魚店少了～平時多人都晤敢來排隊，今天少少地就走來紅茶食個晏～午餐B $52 豉椒牛肉飯，即炒不欺，牛肉片似樣冇乸過，青椒足～ ok~特餐$50 沙爹牛麵，奄列，丹麥包，standard 冇嘢彈但蛋多火腿少！

旺角話就話多嘢食啫，但實際喺嗰邊行慣行熟，有時都真係食到唔知食咩好，嗰日同朋友約埋食個下午茶先去行街，之前行過食過個菠蘿包幾正，今次就嚟試吓啲嘢食啦。發覺而家啲冰室裝修都幾特別，幾靚。幾欣賞餐牌同一般茶餐廳都差唔多，聽聞個炸髀好食，但有啲喉嚨痛，所以無叫到，下次試返！然後叫咗個鮮茄焗豬扒飯、焗芝士海鮮意粉。個芝士好正，拉出嚟長長嘅芝士！豬扒好香軟，已經切好咗一塊塊，啱晒我呢啲懶人！蕃茄味又濃又香，正啊！

放假，係條街到揾邊到啱食嘅下午茶，醒起朋友話呢間嘢都幾好味，所以即管入去試下。下午茶都20至40蚊，確實唔平。不過試左，之後，又有驚喜喎。我先食個齋包先，煎得幾香脆，個芝蔴味好出。之後食薯皇，唔算油，好多時出面薯皇都出晒油，一係火唔夠熱就落薯皇，一係就返炸，今次呢個無。之後先食個炒蛋魚柳，好有早餐feel，個魚柳夠脆身。最後，食包加芝士魚柳，加生菜蕃茄，整體係夾嘅，加上整件事都仲脆身，你會覺得係新鮮同埋值呢個價嘅。飲返杯檸水中和下煎炸嘢嘅油膩感，完滿。

紅茶冰室星期日睇戲前，有點時間食個下午茶先，今日試紅茶冰室先，好多人排隊等候，我們等左大約十分鐘左右就人到去，一入到餐廳店內已經坐滿了客人，裝修設計時尚、簡潔、不過卡坐位太狹窄，中等身材的客人，都會覺得坐得好辛苦，餐廳應該要改善這個問題，我見啲食客坐得好辛苦。🙏🏻🙏🏻🙏🏻😅我㸃了炸雞🍗🍗餐，😋雞髀都大隻，上面見到有少少黑椒粉，炸得香脆好吃😋不錯👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻朋友㸃了king 餐内冬陰公米線🍜有多士、米線買相麻麻地，反而個包都整得不錯👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

趁星期日諗住試一試呢間紅茶冰室，咁好彩又唔使排隊，因為之前見親都排隊排得好犀利，噉而家下午茶，時間，所以諗住試下啲下午茶，噉人哋嗰塊豬扒好大塊，而且我又見到冬陰功肥牛米線，睇落都幾特別，所以試一試先

同老婆阿仔睇完魚, 就入黎食晚飯, 全場爆滿,要在門外等了15分鐘才可就座. 之前我朋友已讚過呢度的干炒牛河好好味, 今晚出奇地阿仔就是選了這個! 份量好大, 佢食左九成, 好厲害! 我試左幾啖, 不太油, 不太鹹, 幾香口, 我見有幾個食客都叫呢個.我叫左呢個. 咖喱都好難整到唔好味的, 總之送到飯就好了. 至於牛脷, 好厚身, 我要問侍應拎餐刀, 將佢好似牛扒咁, 逐塊逐塊据開. 老婆叫左呢個餐. 我各樣都試左幾啖, 其實沒有什麼特別, 快快趣食完, 又再出去睇魚魚了.

平時食開德士古道嗰間嗰間一向都係好食既茶記黎不過嗰道既一個姐姐既服務態度唔好再加上睇左open rice既少少食評就本住呢間分店係好食但態度差既諗法去食食左西炒飯 熱奶茶奶茶都算滑口 西炒飯唔會過酸 料都好足每一啖都唔會得飯冇啲料食不過個飯都有啲位少少燶 但唔影響全碟味道德店會比較出色啲 因為奶茶會濃啲 但其實呢間店都真係好食既 不過呢有驚喜既係啲服務ok喎！問佢拎辣椒醬佢地keep住會應舉手叫人落單 好好禮貌喎又呢層真係比德店好好多

肚餓想快快趣趣搵野食 咁岩去到紅茶冰室地方大裝修唔錯 好快有位叫左個set lunch 焗淡黑椒雞扒飯 ， 朋友叫焗雞扒意粉，味道都同份量都好足。餐湯朋友叫左中湯同紅湯都唔錯，唯獨我叫白湯，白湯有啲伏，雖然材料有火腿同少少蜆肉，但個湯用左好多麵粉開，食到頗強麵粉味。另外個朋友得到2:30有下午茶食個牛肉漢堡包🍔配薯角唔錯。飲品方面，都可以，只係強調左少冰，但都仲係成杯冰😒。之後，我地叫多個蛋撻，但個酥皮麻麻地。

放左九日春節期間今日正式開工大吉，開工大吉第一件事當然是老闆開工利是，第二件事就必然是部門老闆開工午餐喇！農曆新年總有找請食飯的理由。這家 「紅茶」座落旺角彌敦道大街都算勵害，人工舖租燈油火蠟有排計，不過又估佢唔到午市套餐價錢抵食喎⋯⋯午餐 A $55🥢泰式海南雞飯皮爽肉厚脂肪不多，配醬汁同食醒胃惹味、可惜油飯偏硬且不夠熱。午餐 D $60咖喱牛腩飯咖哩汁香濃牛腩夠軟稔入味，有咬口又不韌，就連紅蘿蔔都超入味。😋King 餐 $49🥢生滾豬潤湯米配炒蛋及丹麥多士豬潤粉量都有四片可惜薄切欠口感，炒蛋非常嫩滑，甚少茶餐廳會用到丹麥多士都幾獨特口感香酥。