紅茶冰室

營業中

休息中

去開旺角睇魚，落雨濕濕，就隨便搵個地方休息休息。但香港寸金尺土，附近唔多地方可以坐，見到哩間紅茶冰室，就入左去。酥皮蛋撻5點幾鐘，下午茶時段就差唔多過，但又約左人食晚餐，所以是但叫Ｄ野食Ｅ肚。我見最細份同埋最平就係個酥皮蛋撻茶餐，而我又鍾意酥皮多過牛油皮，所以就叫黎試一試，順便跟返杯熱奶茶頂一頂個肚。咬落去撻皮呢，味道就係一般般，冇特別，但最重要係唔夠熱（我鍾意Ｄ剛剛出爐嘅...)，奶茶我就覺得略為澀左D，都係一般。要俾$28蚊，我就覺得唔算太抵，但食完之後都冇人趕我走，都重可以嘅。

行開旺區都唔難發現宜家周圍都開左好多冰室茶記咁，好多都有連鎖嘅概念，唔知係米同一個集團嘅產物，就算係我自己覺得每一間都有自己特色嘅。呢間旺角店裝修都幾好，用木顏色為主，兩人一齊坐一邊卡位唔會太逼，但放多個大袋就有d逼啦。今晚食紅茶係晚餐來嘅，野就食得唔多，嗌左3樣野乾炒牛河色香都夠嘅，中意食芽菜同配菜嘅我就覺得係落得幾多嘅，牛肉算嫩滑有味到，反而河粉就唔算太有味，不過勝油膩感唔太重。鮮茄焗蛋牛配意粉焗野一般斗等得耐，今次就中規中矩，成盤焗意粉料好足嘅，有番茄，西芹，甘筍等等好似碗羅宋湯咁，哈哈，所以成竇野係juicy嘅，加上牛肉都係嫩嘅，感覺成間鋪頭嘅牛肉都處理得唔錯，蛋又做得半生熟yummy，再加上意粉個質感唔會over cook嘅感覺，質感非常棒，再問waiter攞埋茄汁淋少少上面就好味啦。腿蛋面雖然看似一碗普通嘅麵，但一上台見到兩隻蛋嘅處理非常好，半生熟唔會太乾身，又唔太油，恰到好處。凍檸茶嗌左一杯野飲姐，知佢嘅紅茶正。我地見到隔離檯嘅凍飲係勁多冰，我地就嗌少冰啦。不過總體來講全部味道都偏淡dd，唔知係米要符合番香港人健康口味呢，哈哈。

本來之前都會光顧一下紅茶冰室，今日打算去食個下午茶，喺外而已經要等好耐都無人理，排隊又好混亂，過左一段時間終於入得落單嗰姐姐態度好衰，令我感覺好唔好，我都有俾錢食野架下仲有嗰大門口長門住，大熱天時都坐得幾辛苦，因為啲冷氣走哂今次嗌左「炒蛋芝士魚柳漢堡加薯皇」同「吉列豬扒加烏冬」首先炒蛋芝士魚柳漢堡加薯皇既炒蛋今次有啲失色，太老而且無咩蛋味，芝士係成塊上，原全唔溶既，魚柳就太厚粉，真係好厚，食落去無咩魚味，而且麵包太硬，真係令我幾失望薯皇都可以炸到乾巴巴吉列豬扒加烏冬勁耐先黎，豬扒同炸魚一樣太厚粉，烏冬煮得太淋了，湯底又過咸而唯一過得去既就只有飲品吧今次對紅茶冰室好失望，完全無之前既水準，態度又衰，我諗唔會再光顧了！

你家喺旺角新開的紅茶茶餐廳價錢比一般茶餐廳 貴少少 但勝在裝修幾靚又夠乾淨 客戶服務員都落單好快而且又可以用支付寶同微信所以 就落嚟試下叫咗個下午茶餐， 黑松露炒蛋厚多士配凍檸茶焗黑松露好香口個蛋都好滑身 炒得滑溜溜厚多士其實只係口麵包一塊 並非多士加沒有落牛油算係可以接受吧至於杯凍檸茶都係好大杯的檸檬就有三片不過不失叫咗小甜但最終都係同正常差唔多在係呢間餐廳的菠蘿油睇落都幾好味下次可以試下由於間餐廳有兩層地牢嗰層比較 困難接收電話訊號

今晚陪朋友落金魚街買完嘢，諗住係附近搵個地方食晚餐。 旺角區一向都多茶餐廳，不過有好多都坐得好擠迫，有啲望落去衛生 麻麻地。行到街尾忽然見到呢間冰室裝修幾靚，望入去好似好乾淨寬敞，於是就走咗入去試試。餐牌選擇都幾多， 除咗一般炒粉麵飯，同埋常餐/特餐嗰啲，仲有焗飯等等。朋友叫左個豬扒炒公仔麵。 上餐嗰時係用鐵板上，好有鑊氣，食落仲熱辣辣。我就叫咗個菠蘿海鮮炒飯，炒飯層次分明，飯粒乾身，好好味道黎都冰室點可以唔試下杯紅豆冰同埋菠蘿油。 菠蘿油外脆內軟，水準唔錯。紅豆冰既紅豆好大粒，好邪惡最後埋單每人六十幾蚊左右，以呢個水準黎講都算抵食

好少聽有冰火菠蘿油🤣🤣🤣下午茶唔係想食太飽 又想食菠蘿油 又想飲紅豆冰 最啱叫呢個餐😎😎😎佢係點冰火法呢 原來係用啲冰震住舊牛油 加上菠蘿包係熱辣辣😍😍新鮮出爐正🥳個皮好脆可惜杯紅豆冰太多紅豆但唔夠椰汁味☹️

每間冰室既常餐其實味道差唔多，個人比較著重每次冰室既炒蛋，永遠都系比出面其他餐廳既好食，多士好香，個外皮仲系脆脆地既之後叫左個菠蘿油拼紅豆冰既下午茶餐個菠蘿包既皮好香脆好好食，拎上手戈彈個包仲系好熱，一啖連埋凍既牛油咬落去真系好滿足好好食！真系一流！個紅豆冰我嫌佢個杯身太高，不啲紅豆出黎食比較難，但佢啲紅豆好淋好綿，加埋一齊岩岩好唔會太甜。比起出面其他鋪，呢間比較老實，起碼唔系啲冰有咁大粒得咁大粒，飲管有幾粗得咁粗！哈哈！

經過門口見到餐牌幾吸引😯雖然冇show個價錢出嚟 感覺已經伏伏地但都照入去試下啦！👀招牌沙嗲牛肉麵（港幣$29）見佢個名有「招牌」兩個字喎😛我初頭滿心期待個沙嗲有幾香有幾濃㗎加上呢啲咁普通嘅茶餐廳食物 心諗都唔會整到好差嘅🤨點知就中咗大伏啦！🥺呢個可以話係我食過最難食嘅沙嗲牛肉麵...🤢不單止湯底完全冇沙嗲味 啲牛肉仲要係酸㗎...😭😭真係好意外佢會整成咁😞價錢都唔平 有啲浪費金錢嘅感覺 唉

紅茶冰室近年來都開了唔少分店，成日聽同事講話佢的菠蘿油好好食，今日咁岩出到黎旺角，咁就一於試下係咪真係咁好食啦！一入到去霎眼望落去似乎無位，店員指示到下一層，下一層的空間原來都幾大，茶餐廳黎講亦算係幾舒適！唔洗講一定要試下佢嘅菠蘿油啦，菠蘿同油分開上畀你，罪疚感太大的可以自行落少d牛油，而個菠蘿包係幾好食的，夠香亦夠脆！同事果然無介紹錯呀！平平無奇但又幾好食跟餐的餐飲唔洗加錢已可以跟紅豆冰！不過講到服務態度就真係欠奉入黎食野仲要受你d員工氣，又話無得坐呢度一定要坐個度、又話咁又話咁，呢樣真係要改善下囉！

最近喺旺角上瑜伽班，上完堂肚餓就食對面街紅茶冰室，貪方便，價錢又唔貴。食過兩次都叫左冰火脆皮菠蘿油餐，菠蘿油加紅豆冰都係$25，平民價。菠蘿包新鮮出爐，面頭夠脆，牛油分開裝，下面鋪住冰，將牛油保持夠凍，就唔會融。其實都係普通菠蘿包，不過勝在夠熱辣辣，牛油分量都多，好邪惡但好食。紅豆冰就不過不失，紅豆都夠足料，唔會太甜。以呢個價錢，菠蘿油餐算抵食，不過人手不足，店員服務態度唔太好，午餐時間基本上都要搭臺，等落單嘅時間都耐。

出旺角看電影，買票後去食常餐。餐廳有兩層，地庫有大量座位，冷氣足夠，夏天光顧很舒服。其中一男一女服務員，均是黑口黑面，隔離張枱顧客要求四杯水，等了超過十分鐘都未有，最後要叫第三位服務員取水四杯。常餐49元，豬扒炸得很香口，肉質軟身不韌，炒蛋算滑但有輕微鑊燶味，多士採用輕身麵包，外脆內軟，通粉軟硬適中，湯底很肥膩，因為炸豬扒不是分開上。熱奶茶香濃，甘甘地。總括而言：餐廳環境唔錯，食物味道一般，服務有待改善。

今日放假約埋朋友周圍hea下食下，行到旺角，見倒紅茶冰室，可能時間尚早，12:00倒，未到lunch time，所以未見排隊嘅人龍。是日午餐有4款，我同朋友都叫左泰式海南雞🐔飯配羅宋湯（亦可以配中式餐湯）成份餐有湯有飲品都只係$60。餐嘅份量對女士黎講一定夠食，不過唔係油飯，呢度扣左分，兩份餐，一份雞翼搭雞脾、一份雞翼搭雞胸，好彩朋友鍾意食胸，所以唔洗爭🤣🤣先講餐湯，好濃郁，就係羅宋湯果種濃郁味，唔會水注注👍🏻，海南雞，雞脾好鬼滑，亦好有雞鮮味，個汁都好正，不過冇黑色嘅豉油醬，呢度扣左分；朋友果份雞胸，佢話都幾好，小小鞋（食雞胸肉就預左嘅）食完個餐，臨走點可以唔買番兩個麵包呢，紅茶嘅菠蘿包同吞拿魚包，如果岩出爐真係超正架👍🏻👍🏻睇番openrice 好多朋友都話紅茶嘅甜品都好正架，好多選擇，下次一定要試埋不過有樣野要彈下，侍應服務態度麻麻🙄收野又鬼咁快，好似趕收工咁🙄

平時經過見到好多人排隊所以冇特別去食但今日可能係因為平日既關係冇乜人排隊所以入咗去食下午茶下午茶有兩頁紙 都算好多選擇有飯 有麵 有小食 同埋甜品比較少茶餐廳下午茶有甜品食而選擇都幾多雪糕窩夫糖水都有但因為好肚餓既關係所以叫咗啲飽肚啲既野食就係肉醬芝士腸仔長通粉好多芝士好肥好飽幾好食腸仔都好多$43 凍飲加$3

紅茶冰室芝士流心西多士⭐️⭐⭐️⭐下午茶時間，入左去紅茶冰室食野。，所以都食過好幾次。叫左個邪惡芝士流心西多士加凍檸茶。超多煉奶糖漿係西多士上面，已經好邪惡入面既芝士仲要爆晒出來。入口，芝士煉奶糖漿奶油所有既邪惡野溶係口度，果種好食裝修舒服，下午茶價錢又唔貴合理推介推介⭐️⭐⭐️⭐———#love #instagood #beautiful #happy #followme #friends #follow4follow #tagsforlikes #photography #instafood #fashion #photooftheday #amwriting #blogging #newblogpost #instablogger #food #me #followme #smile #igers

男朋友接我收工去食嗰靚早餐，近近地去太子食先，去親太子就梗係食紅茶啦，質素的保證🥰😘🥰每次都好期待既嗰炸魚，嗌左嗰必食既做嗰good morning先，每次見到咁大塊既魚扒都好興奮今次哩份算細份架啦，不過新鮮炸起熱辣辣脆卜卜，配埋沙律醬，一凍一熱既效果🥰🥰條腸正正常常，如果可以煎一煎就最好啦🥰🥰🥰炒蛋creamy波羅包新鮮焗起，超大嗰，好滿足。凍奶茶杯茶底好有茶味，濃濃的，茶底的重要，我好鐘意呢