紅茶冰室

營業中

休息中

每次去基本上都係滿座，不過都係等5至10分鐘就會有位。叫完嘢食飲番碗忌廉湯先，比較濃味同埋傑身，入面有好多嘅火腿。試咗呢個紅咖喱一口豚焗飯。薯仔好淋，正。一口豚都足料，食落大部份都係脂肪位置，好彩又唔油膩，咬落去仲幾爽口，應該係炸完出左水之後再焗。最後個紅咖喱，如果唔食得辣嘅人就真係唔好試，因為都真係幾辣，係印度咖喱嘅感覺，仲有好重嘅椰香味。佢啲咖喱都算多，所以成個飯會比較重口味，不過如果唔食得重口味嘅都唔會食咖喱啦😂女朋友叫左洋蔥汁雞扒配薯菜，雞扒唔會太乾身，皮脆。不過個薯菜就認真麻麻，就係一舊蒸完嘅薯仔，中間有汁但係得好少，亦都比較淡。

📌疫情每況愈下，自從正苦頒布所有食肆晚上六點後全面🈲堂食後，熊妹都少左好多出街食飯。不過今日樹熊話嗱嗱臨做完嘢，早收一個鐘陪熊妹食最愛嘅《紅茶》下午茶，熊妹有🧧了。📌位於通菜街呢間旺角分店嘅《紅茶》店舖都唔細，有好多張四人卡位。📌《紅茶》係熊妹認識茶餐廳之中最喜歡嘅一間，應有茶餐廳嘅食物都有，仲有啲特色美食，最重要係有包櫃擺放自家製新鮮出爐嘅麵包，下午茶食個包飲杯茶唞一唞幾寫意，所以熊妹都幫襯過好幾次。紅茶熱狗皇，$33📌樹熊點下午茶不嬲都食開熱狗🌭，見到餐牌有熱狗皇即刻雙眼發亮。🤩嘩！嚟到份量都幾大，係珍寶熱狗脆皮腸，抵佢叫熱狗皇。面頭唧滿樹熊最愛嘅茄汁🥫，開心死佢，食到成口都係。入邊仲有兩塊番茄同生菜，番茄🍅當然益晒熊妹啦。除咗大條熱狗腸脆脆地好好味，個包都有驚喜，面頭佈滿勁多芝麻，內裏又有牛油烘過，絕對唔係簡單一隻普通熱狗，芝士炒蛋魚柳包配薯皇，$40📌熊妹嘅例牌下午茶餐就係呢個芝士炒蛋魚柳包啦🍔，每次食完都返尋味。首先，呢個魚柳包以一個下午茶嘅份量係好大，熊妹每次個包皮都係比樹熊食。魚柳包嘅餡料係非常充足，厚厚嘅一層炒蛋🥚，然後一片熱熔芝士🧀，跟住係炸到熱辣辣嘅吉列魚柳🐟，仲有

落單問職員「皇牌吉列豬扒飯」跟咩汁？職員話「唔知咩汁....好似紅色嘅...」我問咁即係咩味？有冇自選？職員話「唔知咩味....冇得選！」飯到發現塊「豬扒」半生熟！問職員可否煮熟啲......「豬肉」生食有菌？職員攞走問經理，經理攞走問「大廚」，之後經理話「大廚」話「已熟！雪豬係咁色！唔洗再煮！」結果叫我照食！當然我不是「儍仔」，食「生豬肉」會死人，切開一半「生」的唔食！....於是我決定影咗相，寫咗我平生第一次「食評」，希望大家可以知道呢間「紅茶冰室」（太子店）的食物及員工「素質」「服務」有幾差！

嚟到太子打算去金魚街行吓，之前食咗個下午茶，一行二人就嗌左兩個套餐，食物名字參考單據。有兩樣嘢係要彈嘅，第一係冬陰公湯底配米線呢個組合有點特別，上面再加埋少少菇就更加奇怪。漢堡包餐就真係麻麻哋，食完兩啖已經覺得冇乜胃口，魚柳同薯角都炸得過火。一般般質素啦！

等緊睇醫生，是但喺附近搵間嘢醫肚，見門口早餐餐牌唔係太貴，平時見呢間野有咁多人排隊，即管一試！平日早市餐廳人唔算太多，冷氣大，坐得都算舒服。由於仲要等多個幾鐘，想坐卡位，入門口嗰陣已經同阿姐講咗，點知入到去比另外一個帶位阿姐鬧，話邊個俾我坐呢度！？點解唔同佢講一聲就咁坐低...！？當場火都嚟埋，我同佢講，我坐邊個位係咪要同你申請？嗰個阿姐仲繼續口up up！服務態度簡直離譜！叫咗火腿通粉+方包炒蛋 $35方包：好似放咗唔知幾多日，乾爭爭。蛋：overcook，好乾，炒到碎濕濕，應該係一早炒起左一大盤。通粉：通粉好淋，唔知點解啲湯好傑 點餐後，2分鐘內全部送到，可想而知全部一早已經整起...聽到隔離枱問阿姐要杯熱水，阿姐竟然答”熱水我唔得閒喎” 總結：以後一定唔會再來，寧願喺隔離食金拱門

又到下午茶時間，突然好想食菠蘿包， 見到呢間紅茶冰室都有好幾個人排隊，估應該都唔錯，所以我都唔執輸排隊入去試吓先！下午茶都有好多選擇！價錢合理！我叫咗個芝士煎蛋菠蘿油，呢個菠蘿包就麻麻了，菠蘿皮一啲甜味都冇， 仲話係招牌添，相比華嫂真係好食好多！後記：呢度個收銀阿姐態度認真麻麻，邊傾電話邊收錢，一啲禮貌都冇，仲黑口黑面，依家咁嘅經濟環境態度仲咁差，下次唔會再幫襯！

之前去食晚餐、雞扒就未煎熟、只係要求整返熟就OK、個廚房就真係整熟一舊、其他部分都仲係生既、同個樓面阿姐（短曲髮）講仲係生、佢話塊塊雞扒都係咁喎、嫌生就食第二D喎！咁即係貴餐廳日日拎生既雞扒比客人啦！？？買外賣時個樓面阿姐（同一人）手指指！我真係想問下佢指咩囉、我唔係佢下屬喎、佢手指指就當人知佢講咩架啦！？態度差、食物生、真係唔會再幫襯囉！如果打開門做生意係比生既野人食、咁洗咩幫襯你地？永遠黑名單！

今朝早左起身，諗住早起的鳥兒有蟲吃，7點落街食個早餐。叫左個沙嗲牛肉公仔麵餐...諗住最正常不過啦。點知...喂，啲牛肉有陣酸醙味嘅。唔係掛，已經係朝早7點食，心諗正常應該係新鮮醃好，點知好似隔夜咁款。老實講，差唔多$40一個早餐俾少少質素好無？唔係要你有咩山珍海味，但起碼都要新鮮丫。仲有都唔知邊度買嘅公仔麵，難成到爆。出前一丁零售都係$3-$3.3倒，更何況佢地係攞批發價，可唔可以俾少少成本出嚟呢？而家咁嘅時勢，如果佢收茶仔嘅中上價都仲唔檢討下，我諗都係要blacklist佢喇！

通常行親旺角都食佢😅下午茶午餐⋯都會吖今日就係行行吓攰攰地就入咗去食個下午茶菠蘿油加紅豆冰簡直就係絕配😋疫情之下都好多人⋯喺旺角紅茶真係冇得輸！食咗咁多年最好都係焗飯同埋下午茶☕️一直都幫襯嘅👍🏻😊

呢間嘢早午晚三餐都食過好多次，食物方面真係做得好好 以早餐為例佢個沙爹牛肉麵啲牛肉都唔會碎濕濕用粉拿到爛曬 沙嗲汁本身自己都鍾意食濃味D，所以覺得佢個沙嗲汁都做得好好，佢個炒蛋亦都炒得啱啱好 麵包亦都唔會乾爭爭 ， 但有個帶公仔口罩嘅阿姐就差到爆，兩個人食早餐，我哋一路食佢就一路喺度收走枱面D野， 直頭係嗰頭食完，隻碟已經收咗 疫情期間我都明白D枱好緊張， 都唔使由叫野食開始就好似想逼你快D走咁嘅款, 當時都有好多空枱，我地食野嘅速度又唔係慢😓

五一及佛誕，一 連四天假期，熱辣辣氣溫今天想出去走走逛逛 旺角5:30 過后，腳仔軟，有啲疲倦又肚餓路過金魚街，不如搵間餐廳座座 休息 吃吃紅茶冰室（太子店），冷氣凍到傻咗 下午茶（6:00 前）雞脾 薯皇$37厚切薯條連皮炸，塊面咁大嘅 雞脾，抵食😋流口水🤤少有⋯⋯竟然沒有用粉漿炸，又能保持嫩肉 有汁咸咸哋 似五香粉味，yummy餐飲： 熱好立克，落咗頗多粉所以 非常濃 香，好好味

嗰日根據朋友推薦嚟到呢間紅茶冰室。係咁多間旺角嘅餐廳裏面呢間冰室竟然排長龍，一睇就知有啲特別嘅地方😎做得一開始啲咩食就發覺佢有好多一直以來要去特別嘅餐廳先有嘅地道嘅特色美食，例如芝士留心西多士，即刻忍唔住叫咗一份嚟食咁當然齋食西多士係食唔飽㗎啦，所以仲叫咗其他嘢例如炸雞翼，同埋常餐諗住會食得飽㗎啦，點知真係忍唔住太想食所以叫埋個奶油多同埋黑松露炒蛋多士黎滿足下自己嘅慾望。個黑松露炒蛋多士都幾得意，炸雞翼碟都整得好好味，最欣賞就係佢杯港式奶茶啦。👍🏻👍🏻有興趣想食返地道野，又想食飽啲就去紅茶啦

本來食咗午餐，不過行過見到酥皮蛋撻又忍唔住入咗去，環境都算唔錯，乾淨仲連地牢兩層下午茶都幾多選擇，所以最後就唔只叫1個酥皮蛋撻了🙄。個蛋撻$7雖然係酥皮但都係唔夠酥又唔夠熱，而且蛋有點實無蛋香，試一次便夠蜜糖芥茉牛柳漢堡伴薯皇$42 - 麵包熱辣辣，牛柳好juice、好好味😋，薯皇新鮮炸好脆芝士流心西多士$34 - 雖然芝士無拉絲效果，不過炸得好均衡，好食但好滯😅最後杯凍檸茶茶味好濃有茶香，好飲，很快見底了😋

在旺角茶餐廳越開越多,但比較有特色嘅算係依間,因有一個餐比其他餐廳少有。酸辣肥牛湯米粉/公仔麵兩款揀。冬蔭功湯底配上肥牛加少許莞茜,食落幾開胃。滑蛋炒得好滑。多士既香又酥,很少能在茶餐廳吃到這種多士。奶茶香濃滑口。總括嚟講唔錯

茶餐廳的下午茶有甜品芒果千層蛋糕$32有驚喜，有裝飾味道就是茶餐廳的味道，飽肚懷念金龍船的芒果千層蛋糕，一層層蛋皮，每一層有芒果粒食食下，聽到侍應問經理，點解放四日假?經理話是上頭指示，要放晒大假。餐飲業不景