紅茶冰室

營業中

休息中

好鐘意食乾炒牛河，但奈何唔係間間餐廳嘅乾炒牛河都炒得好食。但紅茶嘅乾炒牛河真係好食。佢地唔會太咸，夠鑊氣，而且佢啲河粉每一條都好平均咁沾到醬料(之前有食過某餐廳嘅乾炒牛河啲河粉有啲仲係白色嘅）聞落已經好香，食落就更加好味。而且食落口唔會油冧冧咁，仲有啲牛肉好淋，份量好足。平時食蛋撻鐘意食曲奇皮多啲嘅我另外仲嗌左個酥皮蛋撻，真係好鬆脆，啲蛋味好香，加埋酥皮嘅牛油味，唔會喧賓奪主，成功挽回酥皮蛋撻係我心目中嘅形象。之後仲會繼續幫襯，試多啲唔同嘅嘢！

平時會落金魚街買下籠物🐰🐶用品，次次行過呢間茶餐廳總係見到坐滿晒、甚至有人排隊，就心思思想試下佢究竟有幾好食🐒門口個麵包🥯架淨係見到佢啲菠蘿包、雞尾包、蛋撻等等已經好吸引！😍😍今日有時間食咗嘢先再買嘢，就入咗去諗住食個快餐啦。中午時分真係坐滿人，好彩剛剛有人走，所以入到去唔使排隊。但係我哋兩個人，當然就要同人搭枱。坐就當然迫迫地，但係見佢有焗飯到包裏樣樣野都好新鮮感，都覺得值得一試。菠蘿🍍油果然係超！級！正！鬆軟既包身，但外面好鬆脆，因為包入面熱辣辣，加埋舊凍而唔硬既牛油，一放入去個舊牛油融化左超香，食落口又唔會油淋淋，滿分💯瑞士汁雞翼🐥真係超入味😍😍啲骨都醃到好淋，超超超入味！相對地公仔麵就偏硬，如果想食好啲加錢轉做一丁會好食啲。而且一份有三隻雞全翼真係九十萬個抵食😂炸雞脾就要耐啲時間，因為係生炸關係！食落口超鬆化，雞脾入面仲夾左玉桂葉，令到個雞味更香，好食！做茶記都做到咁有心思，又保持到快靚正！希望佢長做長有🥳💯

這文章是繼上次寫「羅M記」後被友人介紹去位於太子花園街186號的「旺角紅茶」試下他們的特餐。特餐有沙嗲牛肉麵、炒蛋和多士。當然飲品是喜好：熱央。餐廳的裝修沒什麼特別。有幾句幾有意思的英文和一幅用招財貓裝飾的牆。總算舒服，內裡沒有油煙味。雖然他們都是多人幫襯但是不會強塞客人入內坐。比過去旺的茶餐廳都算坐得舒服。不過買左一大堆野的人，都是免入罷了。沙嗲牛肉麵的沙嗲味來自個湯，沒有醬汁係麵。這已破壞了沙嗲牛肉麵的精隨。牛肉是軟霖霖。易入口。不錯。麵，整得剛好。不錯。多士塊麵包來源在那？好想知。因為好好吃。烘得剛好。火力不多也不少。乾脆得來又軟。有點像用煎pan整。隻蛋煎得剛好。不過好像是飛機餐的煎蛋。比較乾身。機器整的煎蛋是乾身而形狀是好圓，是因爲蛋醬倒在模具中煎。杯熱央⋯⋯正。茶咖分明。使我多叫一隻椰噠。好像我未食過蘇皮椰噠。這噠也不錯。總結，呢間餐室比青衣的「羅M記」底等。不過又係個句，等15到25分鐘是可以。如果要我花25分鐘以上等，不值。價錢值（worth for a dollar）算值得花錢。下次要試他們的馬來咖哩。#紅茶冰室 #香港茶餐廳 #HongKongfood #disco

Black Pepper Steak$53 Two pieces of large steak with black pepper sauce, paired with rice and seasonal vegetables. Large portions, tasty sauce, must try!Curry Chicken with Potato$59Delicious Malaysian curry, not too spicy. Generous amounts of Chicken paired with tasty potato. Curried rice mixed with egg also. Good flavour and large portion, worth a try!Excellent Hong Kong style tea house. Highly recommended. Support!💯💯💯

行完“信和”想tea，呢間啱晒！佢有間新開就喺“信和”隔離，超方便！尤其約人吹下水。要介紹下個“鎮店之寶”：菠蘿油加紅豆冰。真係有冰鎮住塊牛油，而且仲幾厚身！個包係焗。好脆口，吾係微波爐 din出嚟！紅豆冰吾係好甜，味道啱啱好！ 最滿意係喺紅豆！ 真係淋仲有啲綿，好好！仲要係$25！邊到揾！！信和隔離呢間有basement。有次坐完有啲油煙味，而且冷氣好勁。我建議坐地面嗰層喇。坐得舒服，光猛，服務又好。

好似好耐冇黎紅茶食早餐了，今朝突然掛住紅茶紅茶嘅早餐質素不嬲好好，唔會突然變差係有信心嘅保證！今朝帶咗個A餐，鮑魚火腿絲通粉，雙煎熟蛋同埋我最愛既魚柳餐每次嗌都唔會令我失望既塊魚柳永遠都係King Size😍😍😍😍如果條腸仔可以煎埋就好啦

行完天光墟，經過紅茶冰室，見人唔多，食返個早餐先，叫左兩個早餐B，沙嗲牛面，牛奶炒蛋+牛油多，熱奶茶，男友飲熱檸水。先食個炒蛋先，都唔錯，多士就半塊厚多，放得耐左，有小小淋。再黎個面喇我好少食沙嗲牛面，一來出面好多沙嗲醬唔好食（各有各口味）有時牛肉好韌，今日心血來潮，試一試，牛肉算淋入味，沙嗲味唔錯，重點個面唔淋，整體好食😽奶茶飲左咁多年都有D要求，我本人都係喜歡港式奶茶，呢杯就中到喇，但奶味都重，再輕小小就正，不過算唔錯。而家以早餐價黎計，正常，不過幾好食，可以再黎。

其實下午茶時段，食店總算係多選擇，呢間都係，不過質素就好一般勒，呢日入左去食個下午茶，點左個自家製特色豬扒包餐🤪拿，我唔覺得有咩咁特色🤷‍♀️塊豬扒鞋既，又硬既，啲薯皇係大大舊，但係唔多好食🙈雖然個餐麻麻地，不過勝在平價😅

花園街一帶都幾多茶餐廳選擇，，下午茶既地方都幾多，當然好多都伏伏地，，但呢間個人覺得幾好，，企理野食又好味，經過既時候被佢櫥窗既蛋撻吸引左，，入去即刻叫左個黎食，果然係好好味，無令我失望，，好厚蛋又滑，個皮又唔會太鹹，，好香好鬆，，叫左個特餐沙嗲牛肉麵，，個麵質地幾好，彈牙，，個汁又香，牛肉又唔會咬唔開，，整體係好味既公司三文治都幾正，唔會上到枱就凍晒，，而且真係串實左成件三文治，唔會散收收，係用心做既，，薯角好好味，想叫多份黎食，，呢間係下午茶會返轉既餐廳

一星期自己都總會黎紅茶食個午餐，大多數都會食焗飯，今日見午餐有紅咖哩牛肉焗飯，就叫左呢個，等左三個字未黎，平時都黎左，於是問下個侍應，睇下得未，佢話焗係等耐啲㗎啦！咁我都知道，我怕漏左單問下啫！但佢問都唔問!轉身就走左去。跟住問第二個，我話等左三個字，佢即刻話焗飯要等四個字㗎喎！之後仲要喺我後面大大聲講，趕時間就唔好學人食焗飯啦！真係谷鬼氣，呢啲係咩態度!我黎食飯，好聲好氣問你，唔係比錢黎受氣㗎！

一間餐廳好唔好食就係取決於一杯奶茶！話說要去金魚街幫我缸無乜生氣嘅蝦缸增添活力，周圍搵下有乜好食，就俾我搵到呢間有不少好評嘅茶記！紅豆菠蘿包1. 包係暖暖的。2. 第一啖咬落去覺得唔錯，菠蘿皮脆又唔散。3. 第二啖咬落去食到啲紅豆，啲紅豆令我十分失望，太乾之餘又無乜味道，相信係呢個原因令個個都叫菠蘿油，而唔叫呢個紅豆菠蘿包。特餐1. 所有食物都算中規中矩。2. 多士夠脆又有牛油味。3. 唔鍾意佢個奄列，煎得太熟十分十分乾身。4. 公仔麵份量都比較多，一個男人食都幾夠飽。奶茶1. 一飲有一陣苦澀味，但就無茶味。2. 奶茶無厚度，飲一啖之後，奶茶不會慢慢退落去形成掛杯。3. 淡奶奶脂唔夠濃。4. 食完之後，覺得呢間只係普通到上一次食咗啲乜都唔記得嘅餐廳，响旺角食野應該有其他更好選擇！

車水馬龍的金魚街～ 附近除了馳名 又食到厭的菠蘿油 & 臭豆腐外～ 見到新的冰室當然要試試 😊招牌芝士流心西多 $30～ 不得了🤤 極邪惡～ 睇到都覺得肥 🤩～ 西多炸到金黄色，上面有一片牛油， 牛油隨著西多的熱力慢慢溶化， 再加上練奶將西多黏得甜蜜而富奶香 😍😍切開西多～ 芝士緩緩流下 😚 係卡夫芝士味😆 少少鹹，跟練奶沒任何違和感 😊 口感滿滿～ 心中暗嘆 ～好肥～ 不過都係食咗先啦 🤣🤣招牌奶茶 （跟餐）～ 漏單，飢詩追咗5個侍應～ 侍應們當我發噏風 ～ 結果食完曬西多士先至嚟～ 茶味濃～ 係 👌🏿 的酥皮蛋撻 $7～ 淨返杯奶茶 都係要叫返個酥皮蛋撻襯下～ 酥皮唔夠酥 尤其是個底 沒層次可言， 蛋漿偏淡～ 唔啱我食😶ps 呢度既港式麵包嘅size好大～ 目測比平時嘅大三分一 😚 👍🏻飢 point : 8 /10 (for 西多）#hungermarch #飢詩 #非飢詩

到咗晚飯時間,有人話又唔係好肚餓,但又極度渴求想飲羅宋湯,唔要去鋸扒嘅地方,咁就唯有睇下附近邊間茶餐廳啱心水啦。本身行咗過去民華冰室...但係見佢門口餐牌都冇個,想睇下有咩食都唔知望入去客又唔係多,所以我哋都掉頭喇。再過多幾個舖位,見到旺角原來都有紅茶喎~我公司樓下嗰間咁受歡迎,唔知旺角分店係咪都一樣咁好食呢?見阿姐笑容滿面咁企咗喺門口度都出哂聲招呼我哋,我問佢：「有冇羅宋湯呀?」阿姐斬釘切鐵咁話：「有!!!梗係有啦!!!入嚟入嚟」阿肥就好開心咁入咗去喇~~~其實我都唔係太肚餓,所以都諗唔到食乜好(?!)咁就求其點個特餐啦,($48蚊)有招牌沙嗲牛肉麵配火腿奄列厚多士,叫杯熱咖啡唔洗加錢。不過招牌沙嗲牛肉麵嘅味道似乎就爭咁啲......沙嗲味唔係好重同埋啲牛肉嘅質感都有啲粉,梅又未算不過又唔係腍嗰隻,所以覺得好似怪怪哋咁。比起我喺觀塘食嘅早餐仿鮑片火腿通粉就略為遜色咗啲喇~但個火腿奄列係好食嘅,份量又多所以唔係好肚餓嘅我就變得超飽,厚多士本身已經落咗牛油去烘,只係如果再脆啲就好喇。又話唔肚餓嘅人,但又俾個鐵板豬扒炒公仔麵($57蚊)吸引咗,阿肥話OK啦普通又唔算係特別好食,公仔麵嘅份量

如果有朋友黎香港問我邊間茶餐廳好食既話，以前我都會介紹佢地去食飲奶茶出名嗰啲，但自從舊年食過呢間紅茶之後我就覺得其他既茶記相比之下都失色。🤷🏼‍♀️我都係等周末先得閑黎紅茶、咩時間黎到都要喺門口排一陣先入到去。好彩人流快、而且我多數都係兩個人黎，平均等10分鐘左右都入到去。今日難得坐到2人枱，唔駛同人搭枱。午飯🥣時間多數人都叫午餐或特餐，不過男友鍾情呢度既焗肉醬意粉，而我今日就叫個特餐食沙嗲牛肉麵😋先黎左特餐既火腿奄列同多士，奄列煎得剛好，入面個蛋仲好滑，面都唔會好乾。多士就冇咩特別，以前食過一次嗰陣用北海道牛奶🥛麵包做既多士好食好多。沙嗲牛肉麵用既公仔麵好彈牙，雖然唔係出前一丁但都好食！個沙嗲汁好香、牛肉唔會好銀👍🏼😋男人個焗肉醬意粉黎啦😍每次見佢了開面嗰層芝士肉醬都好開心，面層焗到剛剛焦左少少好吸引！👏🏼👏🏼🎉其中一個好食既地方係啲意粉焗到剛剛好，彈牙得黎又索到啲肉醬，肉醬份量同意粉比例又剛好，好食呀！可惜午飯時間冇餐要散叫，建議下午茶☕️時間黎食茶餐就抵食啲🤣最後有人唔夠喉要加個炸脾🍗薯條🍟😱又係超到好香好脆，脾係生炸的，所以皮脆肉嫩啊😚🤤🍗😍而且巨到不得了，唔係超餓既人唔好亂叫！🤣

前排同左朋友過嚟太子食晚餐，順便傾吓計！就揀咗呢間紅茶冰室食，其實因為見到好多人排隊，我哋都要等左陣先入到去，但係見應該好好味先會有人排隊，所以就揀咗呢間！🤣排隊嘅時候，就已經睇定有啲咩嘢食，最吸引就係嗰日嘅晚餐，我聽講晚餐日日都唔一樣，但係嗰日咁啱就係煎雞扒配烤蘋果，我同朋友都覺得超級有創意🤣🤣 所以就叫左，佢叫左配飯，我叫咗去薯菜🙈 本身已經覺得雞扒好大份，再配飯我真係食唔晒，所以就叫咗薯菜！佢好多野送，包括餐包同湯，我就俾晒我朋友食，因為本身細胃口～ 等左一陣，主菜就到啦！先講雞扒，外貌煎得好好，仲要幾大塊，皮係脆嘅，肉都幾嫩身😍 蘋果好特別，烤係鹹既，但係蘋果本身有甜，味道好清新！可能怕食得流得滯，所以就加蘋果落去🤣最好食係薯仔加佢嘅沙律醬👍🏻👍🏻 薯仔本身係熱身，所以好容易甩外皮，正～ 夠方便！沙律醬好味到加沙律醬添🤣🤣 所以我整體都好滿意！