紅茶冰室

營業中

休息中

今晚我們喺旺角花園街附近做完嘢之後去咗通菜街行吓睇吓有咩食？行到去見到呢間叫「紅茶」嘅餐廳門口擺放咗多款新鮮出爐嘅麵包，所以我們就決定入去食晚飯！點知一入到去我們竟然無叫麵包嚟食，因見到隔離檯食緊嘅餐相當吸引，所以我們就叫咗嚟食，特餐：招牌沙嗲牛肉麵配火腿奄列+丹麥多士嘅牛肉肉質好鬆軟嫩滑，麵質亦幾彈牙，唔會好腍身，而火腿奄列我們就轉咗煎雙太陽蛋，出嚟嘅效果都幾好，而且邊嘅位置亦煎得幾香口！King餐：瑞士鷄翼撈公仔麵配北海道牛乳炒蛋+丹麥多士嘅鷄翼相當入味，瑞士汁極之香甜濃郁，而且好稠身，所以撈埋啲公仔麵一齊食，感覺比較乾身，而炒蛋就炒得超嫩滑，再夾埋塊鬆軟厚身嘅丹麥多士一齊食，真係好正呀！紅茶孖寶：韓式醬燒牛柳飯配自家製餐包+是日餐湯嘅牛柳肉質非常鬆化軟滑，唔會又乾又硬，醬汁嘅味道相當惹味，而自家製餐包「就咁睇」表面就覺得好似無咩特別，但撕開一半就發現原來已經搽滿晒牛油，包質亦好軟熟，仲要係微微熱「添」，至於是日餐湯我們就揀咗中湯，因煲得都幾夠火候，所以湯底嘅味道好濃郁！

夜晚十點幾肚餓想醫肚，唸住旺角是旦一間茶餐廳，見到呢間新餐廳就入去試試。裝修係唔錯，野食都未食，個落單態度影響晒成間餐廳，我地兩個人，除左叫左特餐，佢話有蛋撻同芝士撻，咁就每樣一個，後尾無蛋撻咁無法啦，咁淨係芝士撻，佢個態度好似我全家欠左佢，好粗魯咁問我地係未淨係芝士撻，我地話係，佢又再問，態度真係超惡劣。我地話佢態度唔好，佢由鋪頭尾行到鋪頭頭係咁博返你。其實我地無預茶餐廳有服務，但係唔只無服務，仲要俾人鬧！位又唔係滿，無阻你做生意，野食無胃口食啦，食到背脊骨落，真係唔會有下次，貼錢買難受。

帶朋友慕名而來一心食流心多士，朋友食扒餐。整體食物還可以，價格相宜。紅豆冰太太太甜了，完全喝不下去，免強飲左1/3，頂唔順，叫侍應比杯水想溝稀，侍應一手拿走紅豆冰加水，加個少少不到樽頸位，攪拌後都係飲唔到！見侍應對每張枱態度都唔多好，都費事申請比人嚴煩，成杯唔飲算。點解唔可以比杯水我呢？不會再去

今晚一坐低叫咗焗咖哩石班飯，鐵板海鮮公仔麵，蒜蓉炒菜心, 兩杯熱檸茶；二十分鐘追單同我講我冇落單，完全冇歉意😠，只係一句吾見你有單喎，指下佢自己睇個螢光幕(我識睇不如自己落單好吾好）二十分鐘坐係度, 水冇一杯，其間又吾會有人問下你點解入嚟齌坐餐廳稍有小小名氣，服務就會走下坡，是正常現象嗎？平日在觀塘返工都有幫襯開佢，服務都算過得去，今晚行過旺角舖，肚餓又諗住介紹比朋友試下，點知試吾到不特只，仲一肚悶氣。

今日夜晚大約8:30同屋企人諗住入去食飯，見到入面有空位，於是就行入去諗住坐低。點知突然有個戴眼鏡高高瘦瘦既男人惡言相向：「出去！」我媽問：「呢度唔係有張空枱咩？」佢再加一句：「出去呀！」我好嬲，於是就決定走，以後唔再幫襯，特別提醒番各位唔好中伏！

一心以為光顧具有多間分店的茶餐廳，食物質素和服務態度理應不負眾望，可惜完全相反，十分失望，如此低質的餐廳並有著一群無心工作的員工，實在一文不值，亦不見會有所改善，簡單綜合以下數點：1. 侍應態度惡態本人坐著看不到張貼的晚餐餐牌，於是詢問侍應，卻換來回覆一句：自己睇2.  之後向另一位侍應落單晚餐，全程有著被質問的感覺侍： “紅湯白湯中湯”我：中湯係咩？侍應：今日無中湯 實在極度無奈，之後再被一輪審問飯意粉薯菜餐茶飲，本以為已經完成，誰不知原來那位侍應轉頭已忘記得一乾二淨，再一次非常無奈，點解唔用筆寫低呢？3. 候餐時間多達35分鐘在等候了20分鐘後已向侍應A提出跟進，卻被秒回一句：等等，25分鐘後再問另一位侍應B：換來一句：我唔係樓面，你問返樓面，試問我又點會識分邊個係樓面邊個係外賣邊個派餐呢？35分鐘後再問另一位樓面C，又是簡單回覆晚餐比較耐一點，等多陣，與此同時侍應A竟然搶答話：唔等得唔好食，OH.....這是什麼態度？4. 食物質素不如食評眼見食評都不差，諗住食物應有一定的質素，可惜又是完全相反，坦白說，晚餐賣相不差，可惜味道偏濃份量少，另外，一隻本應是透明的熱飲杯，已經起

點餐等左半個鐘都冇得食, 其他枱叫同一個餐遲叫先上, 明顯漏左單, 叫人跟進就敷衍話製作中, 問左幾個人都冇人願意跟, 一係就十問九唔應, 問第二個就話送外賣唔關佢事, 跟住仲發爛炸踢野, 講粗口鬧客, 其實認真問一問廚房有幾難, 唔跟進不但止仲惡過客, 一星不值, 永不幫襯

明明碗通粉未食完，問都唔問就收走倒埋。同侍應講返就你眼望我眼，當無事發生咁。你當自己係澳牛？但又未去到人地坐無虛席嘅地步，使乜行動咁迅速？雖然塊多士幾好食，但食完都補唔番條氣。

本來對呢間茶記無嘜認識，點知有日lunch time經過官塘店見超多人排隊！真心想試！但作為一個打工仔⋯⋯又邊夠時間排隊食丫⋯⋯點知是日放假有要事出旺角，發現有分店！唸都唔洗唸～一於同老公去試🤭到達旺角差唔多2點，老公話預大半個中排隊～點知去到唔洗等位！2個人坐半邊卡位！睇左陣餐牌，我就決定左食常餐～因為對件多士同沙爹牛有期望😁唔洗5分鐘，食物已上枱～睇到d沙爹牛個色好似唔錯喎～～～um🤔一試，同想像中有d出入，味道不夠濃，d牛肉比鬆肉粉’拿’到好林，感覺失真😣個麵唔係出前一丁，係有少少似伊麵嘅麵，都係林左少少～好喇，到期待已久嘅多士⋯⋯oh⋯凍嘅！又硬⋯食完一啖已經唔想食第二啖了🤧好失望🙍🏻個奄列嘛⋯⋯都係一般貨色，無特別無野值得講⋯⋯老公早餐都未落格所以只單點一個包，好似係芝士煎蛋菠蘿包🤔轉述老公說法：味道同個賣相一樣>無特別！餐飲方面，去茶記我一定試奶茶～茶味夠濃，奶嘅份量都ok，可惜總係差少少，講唔出好味🤨

觀塘的紅茶每日到lunch hour，都有超長人龍排隊。見到此景，讓我望而卻步。不過聽曾光顧的同事評價“咁噶價錢，咁噶質素，稱得上好食”。於是，早上經過太子的紅茶，見無人龍，不妨一試?!內部裝修不錯，典型港式茶餐廳格局。早餐時段，叫咗個D餐 (hkd39)。奶茶先上，食物亦很快到。簡短評論:奶茶茶味都濃，味道算係ok啦，可惜餐廳只有白糖供應。ps. 本人習慣放黃糖。 個餐真係冇咩好評論，魚肉係夠滑嫩，不過炸魚柳吸引唔到我。可能系個source唔夠酸???香腸十分普通，可忽略評價。其實滑蛋還可以，就係熟了一dd(口感唔夠滑)，而件丹麥多士真係太細份。

經過太子有d肚餓 諗住是但搵間野食 經過呢間茶餐廳比佢門口既菠蘿包吸引左入到去我冇叫到蘿包 反而叫左個‘king’餐 個餐係有瑞士汁雞翼公仔麵 配北海道牛乳炒蛋拼丹麥多士呢個千層多士真係好好味 佢本身都勁重牛油味 再加上個面搽滿牛油 而且佢外皮酥脆內裡柔 又香又好味 至於個蛋亦都係好滑呢個主菜不過不失 佢既雞翼都幾大隻 另外 我男友就叫左佢個晚餐 是日晚餐係板燒雞扒伴吉列海蝦球 （其實係有兩粒海蝦 不過我食左）個雞扒好大塊 佢個表面雖然睇落好似好燶 但係其實切開左之後就會發現內裡d肉都仲好嫰口 晚餐包既餐湯同餐包 呢間茶餐廳好味 下次會再試 因為我真係好掛住佢既丹麥多士

今天下班後完全沒有衝勁約朋友吃飯，回到家中也是累累的！大少姐不在家，我也毫無想外出的意慾跟動力。好吧，今晚晚餐就叫我的 "御用"外賣吧…喜歡它跟我的家距離很近，不用經第三方送遞，很快就可以把熱辣辣的晚餐送到！喜歡它的晚餐精選沒有讓我考慮的餘地 (因為只有一個選擇)，而且味道很少讓我感到失望。致電十多分鐘後，一份完整的晚餐就送到！今天精選晚餐是照燒雞扒拼鴨胸！牛油餐包 - 牛油已一早融化到餐包裡，微暖，而餐包是軟熟的。紅湯 - 沒有滿滿的，但湯料很足！菜很多、牛肉也多，味道也不俗！照燒雞扒拼鴨胸 跟薯菜 - 雞扒很大塊！重要的是， 這是完完全全熱力四射的 (整個餐盒還是熱的)，雞皮是脆脆的，雞扒以香葉跟燒汁炮製，肉質很嫰，而且帶有甜香！鴨胸雖然只有兩片作陪襯 (因為雞扒的關係已經很足夠)，一口一件，鴨皮跟肉，滋味無窮！焗薯 - 焗得熟透，配以特別的沙律醬，味道佳！凍檸檬茶 - 不難喝，沒有特別就不多說了。強調餐盒跟食物是熱的，只因為能保持熱力的外賣基本上已經加了二十分，喜歡紅茶冰室的原因，就因為它可以給我很完整一個晚餐的感覺。

有晚又經過太子覓食～入左呢間幾光鮮既紅茶冰室試下～雖然已經夜晚九點幾，但係入到去仲好多客～心諗睇黎呢間冰室應該都幾好食啦。。伙記安排左我坐一邊卡位，餐牌都好多選擇，除左有平時茶記有既野之外，仲有鐵板餐，咖哩等等。。～ 一輪爭札之後都係叫番特餐試下～個餐＄４８，加＄３要凍飲之後要＄５１。。。其實都有d貴。。特餐有個沙嗲牛肉麵～呢個麵味道都ok～沙嗲汁幾香濃，牛肉數量都唔少又幾林身～麵底就正正常常咁啦～仲有碟火腿奄列同埋丹麥多士～但兩樣質素都麻麻地。。。本身對丹麥多士幾有期望，因為出面茶記多數都只係有普通多士。。不過呢度既丹麥多士只係有少少微暖，口感尚算鬆軟～相比起之前在博洛尼亞餐廳食既丹麥多士，呢度就真係好普通，我寧願佢比番普通厚多士我算數了～火腿奄列更遜色。。。塊蛋煎得好乾下，完全食唔到有蛋汁～入面既火腿絲都得少少。。有d姑寒。。總結：下次如果想黎食，一定唔會叫呢個餐。。＄５１唔抵食。。反而佢d咖哩飯好似賣相唔錯，可能會試下

好多人呀呢間茶記！⭐️黑椒西冷牛扒餐。$68牛扒幾好食，唔會難咬，而且份量幾大⭐️瑞士雞翼撈公仔麵 配 北海道牛奶炒蛋、丹麥多士。$53呢個端士雞翼好多人嗌，於是嗌黎試下，但係感覺麻麻，有雞毛，唔算入味。但炒蛋幾好味，好香濃蛋香又夠滑欣賞多士比較特別，係丹麥多士，好鬆軟有彈性

是日陪好友shopping, 出發前先吃個早餐, 來到紅茶. 週末早上九時多, 在餐廳門外竟然出現人龍, 很誇張呢! 唯有耐心等待, 大概十分鐘左右終於可以入座. 店內裝修不俗, 全木的牆身, 加上紅色的沙發, 有點像Italian tomato, 這種西日式的風格, 有別於一般的茶餐廳格局. 看看menu, 筆者作為沙嗲牛的粉絲, 二話不說點選了早餐B – 沙嗲牛米+北海道牛乳炒蛋+丹麥多士+熱華田(HK$34). 不消一會, 侍應已送上所有食物. 沙嗲牛米, 沙嗲汁調配得宜, 夠惹味又不會水汪汪或是很厚身, 讚! 米粉非常幼身, 很易入口, 配上沙嗲汁真的滋味無窮. 牛肉片夠淋, 算是有交代. 北海道牛乳炒蛋, 蛋香夠濃郁, 入口夠creamy, 也不錯.丹麥多士, 多士口感夠酥, 又帶點柔軟, 陣陣牛油香, 也很美味! 熱華田, 沒有加糖, 也有點偏甜. 水準非常高, 是筆者的新飯堂.