紅茶冰室

營業中

休息中

Weekend起身已經日上三竿，又點可以miss左全日最掋既下午茶時段呢🙆🏻 今日既三點三就黎到旺角既紅茶一試佢最出名既流心芝士西多。其實西多已經夠肥膩，紅茶仲要加左芝士係入面🤦🏻‍♀️ 食完簡直罪惡感倍增🤗 紅茶位於太子始創中心附近，地鐵站行過去只要五分鐘，位置好方便！餐廳內好多座位，裝修比一般茶餐廳靚既。卡位都有十張八張，唔使驚要等位等好耐！兩個人叫左個炸雞脾茶餐，重量級既炸脾令小妹覺得自己更肥🤦🏻‍♀️ 佢隻雞脾有隻碟咁大🤷🏻‍♀️ 味道方面就不過不失，我唔會形容佢係非試不可，炸得夠脆既，不過肉唔算特別嫩滑。有幾粒薯角係底伴碟。重頭戲就當然係呢個邪惡既流心芝士西多啦，size係正常普通西多既size，望落都幾靚仔幾脆。一切落去就見到中間既流心芝士🤤 佢唔係好似心太軟個種咁誇既流心程度，只有少少拉絲感覺。咬落西多夠脆，配上香濃既牛油，仲有夾心芝士，係幾好食既，都值得黎一試既黎茶餐廳又點可以唔試翻杯熱奶茶呢？呢到既奶茶不過不失啦，茶味較濃有少少澀。總括而言，黎呢到三點三係一個唔錯既選擇，又掋味道又唔錯，記得一定要嗌流心芝士西多🤤🤤🤤埋左單見到有菠蘿包出爐😍 好大個好鬆軟，又唔會太甜，都值得

今日送仔仔返學但佢只返兩個鐘, 所以中間等候期間就不如食個早餐啦! 想起上次朋友帶我黎呢間茶仔, 佢話推介魚柳好好味, 是咁的，我一向都覺得出面的魚柳厚粉又一浸雪藏味好難食, 但朋友推介就即管一試! 結果... 嘩！好好味呀！食過番尋味, 今日再食保持水準，魚柳炸粉好薄但好香好脆, 丹麥多士同炒蛋都好味~ 基本上我食咗炒蛋加半片多士同炸魚已經飽飽了~

身為打工仔，講到食晏，我都係以茶記走唔甩，公司附近都有唔少選擇，但有啲就比較逼狹、撈搞啲，所以少幫襯。而紅茶算係當中比較新派、乾淨企理啲嘅，所以我地經常都會去嘅。紅茶嘅價格都屬於中上，但中午時間去都依然非常多人，所以要搭枱係基本，例行公事。唔好話坐得好舒服，有時三個都係逼埋去卡位坐，我地幾個身型肥大啲，有時都坐得逼逼地架午餐通常都有三款，$49左右，凍飲加三蚊。例湯都分紅、白、中湯，按個人喜好選擇囉，都冇乜特別。今日午餐我就點左芝士黑椒焗牛肉飯，因為呢度嘅焗飯呢都幾出色架，即焗，大概等七、八分鐘就上枱，熱辣辣，燙口架，而且味道唔差面頭鋪滿芝士同醬汁，烤到面頭燶燶地，幾香口。芝士味唔會太濃，所以食落都唔膩。加上醬汁夠多，一路食到尾都有，唔洗乾啃白飯，飯量足夠，男士都夠食。而且飯仲好似加左蛋炒過咁，幾好食呢！牛肉有七至八小件，都好腍身冇渣呢個價錢合格有餘喔。

尋日去左紅茶食晏，我叫左番茄焗豬扒飯加一杯凍檸檬茶走甜，老公叫左常餐，好似係沙嗲牛肉公仔麵，我覺得喺旺角嚟講算係好食，而且價錢算 ok 了， 今日我再去叫左個午餐， 羅宋湯， 牛扒跟飯，凍檸檬茶少甜少冰，但係唔知點解嚟到係正常既甜味和冰，牛扒真係一般，我都係認為番茄焗豬扒飯係最好既。要提醒一下大家門口有個好大既牌寫住香港冰室，佢喺紅茶隔離鋪，但係真係超難食。上次見食晏時間香港冰室唔駛排隊，而紅茶好多人排隊，就因為咁樣中招。

一向麻麻地茶記，紅茶除外。初時成日同家人去食早餐，食食下連午餐、下午茶都會去。佢價錢唔係平，但勝在食物質素佳，試過好多唔同食物味道都十分唔錯！平時最愛芝士焗肉醬腸仔意粉，雖然係茶餐廳，但佢意粉質地好好，唔會話淋bat bat。講返今日，本來都想食肉醬意，但剩意要$54，見到今日午餐係芝士黑椒牛柳意粉，$48包餐湯同熱飲，咁就試下佢。忌廉周打湯不欺場，好多料加埋煙肉，唔錯！意粉黎到時剛焗起，熱辣辣，陣陣黑椒香，賣相都唔錯。意粉份量多，牛柳都多，個汁辣辣地好惹味！平日我絕少食黑椒汁嘅野，因為大家都知醃得黑椒汁嘅肉都真係可能就變壞先用濃味蓋過。不過今次見個餐又幾抵，決定一試，都叫做有驚喜

今日上進修堂前來個快靚正晚餐，很少會講快靚正， 這間舖真的實致名歸!!門面裝修新束束的， 很光鮮， 紅色的店名很出眾，配搭得當。店鋪的樓頂很高，令空間感覺寬大，牆壁的裝飾由中段延伸到頂部，增添了一份時尚感，紅色為主色調，很醒神。主角出場。咖哩雞扒飯馬來亞式的咖哩，微辣，有椰子味的香。 雞扒香脆而大塊，今次真的厦破例連皮食。飯的份量也多，適合我這個飯筒控晚餐包一杯也包括一杯飲品。食后感: 足料，好味，價錢合理。

星期一症候群~~ 又係一班打工仔一星期最難捱嘅一日。所以經過茶餐廳，即刻買番份豐富嘅醒晨早餐填飽個肚，先有精神開工。A餐 - 鮮味仿鮑魚絲火腿通粉餐 (配煎雙蛋+自家製餐包+飲品) $33煎雙蛋煎得啱啱好，蛋白仲煎到有脆邊，正。。自家製餐包微暖，都好軟熟。仿鮑魚絲火腿通粉只有外賣盒嘅一半，但係仿鮑魚絲同火腿絲都幾多，好足料。通粉亦算有咬口，而且湯底好濃郁。 飲品要左熱奶茶，奶同茶嘅比例沖得啱啱好，茶唔會有苦澀味，亦唔會太奶。

星期一的「茶仔」當然不用多等待，入內就有伙記招呼。這裡的「常餐」、「King餐」、「特餐」其實都是一般的常餐配搭，內子選了「常餐」、我就選了「特餐」。內子其實是被門外見到餐牌寫的丹麥多士吸引入來，多士奄列不用多少分鐘就送到。入口的多士即時令我想起Bo-Lo'GNE(博洛尼亞)的麵包，外面少脆，內裡香軟，牛油量聞一下就知不少，真的比一般常餐跟的多士高很多。奄列相對地顯得格外普通，內裡火腿量適中，就是略略多了點蛋水。沙爹牛肉麵應該是全港各大「茶仔」早餐常餐的經典配搭，要有驚喜其實不易，這裡的牛肉不是滑牛，是一般準備好的那種沙爹汁牛肉，味道口感中規中矩。麵底的公仔麵和湯亦跟預期差不多，麵條軟硬適中，味精湯略咸不宜多飲，整體還算滿意。平時我喜歡吃了部份常餐才order餐茶，今次刻意在叫餐時把餐茶也一併叫上。這杯熱咖啡很快便送上，筆者一直沒有飲用，直到麵也吃光才放糖飲餐茶。驚喜的是咖啡沒有變酸，仍然很香滑，由於熱咖啡已經放到不熱了，兩口就飲盡，十分滿足。

身處旺角 雖然食肆林立... 但正正因為選擇太多 好多時都會有選擇困難 XD而今晚又出現同樣情況之際經過呢間冰室 見到門口放住各式各樣新鮮出爐既蛋撻, 雞尾包等等諗都唔使諗就入左去食!! XDD亦都見到有唔少人叫今晚既晚餐~同行朋友都唔例外 選擇左精選晚餐~晚餐$68包左餐湯: 華露夫忌廉湯, 自家製餐包, 紅酒野菌燒豚肉伴虎蝦同飲品望落普通既餐包, 入面竟然塗左滿滿既鮮牛油!!熱辣辣上枱 麵包軟熟 一定好食!♥今晚晚餐既主菜係紅酒野菌燒豚肉伴虎蝦雖然只係試左幾啖 但個人覺得呢個質素只屬一般..意粉單靠蕃茄蓉調味 個人覺得唔係好夠味 同埋有少少偏酸..而虎蝦 其實即係普通中蝦 無乜蝦既鮮味 亦唔夠彈牙爽口..而燒豚肉 肉質唔夠靚 咬落去得個淋字... 無乜口感但煎得尚算香脆!常餐類呢度有3個選擇"常餐, King餐, 特餐"因為想食瑞士雞翼 所以揀左King餐 XDDKing餐: 瑞士雞翼撈公仔麵, 北海道牛乳炒蛋, 丹麥多士, 飲品 $53估唔到呢個又驚喜地好食~~ 有3隻雞中翼連翼尖大隻之餘滷水味好入味~!! 公仔麵軟硬度剛剛好~~~而且份量唔少 食完呢個餐會好夠飽 ..~最令人期

今日又百無聊賴去咗旺角睇金魚撞正午餐梗係唔使諗野一定去呢間除非諗到有更好紅茶冰室每次都要喺門口排隊超級多人但係今次又唔係好多人都好快入座（可能隔離開咗間文華冰室卦）每次既午餐緊有一款啱自己今日叫咗呢兩款午餐今日撞正紅湯超級多料好好味嘅牛腩紅蘿蔔1️⃣雞翼豬扒意粉2️⃣芝士焗薯西蘭花配海蝦兩個味道都無變剛剛好熱辣辣海蝦超級甜兩個意粉都超級多佢嘅公司三文治都好好食但係就冇餐飲試過淨係咁叫餐飲＄26一杯好貴呀環境乾淨衛生服務員態度友善親切收錢如果有八達通更加方便

星期六長週仲要晨咁早返工，唯有食個豐富嘅早餐安慰下自已。本來想打電話送外賣，點知要10:30後先肯送。唯有電話落單，然後自取。B餐 (沙嗲牛肉通粉 配 炒蛋 + 丹麥多 + 熱飲) $36 - 沙嗲湯底好濃嘅沙嗲味，好夠味。牛肉整得好淋，份量都算多。通粉亦算有咬口，唔會煮得過火，拎到返公司都無變淋。炒蛋唔老，炒得嫰滑且有蛋汁。丹麥多一向係我至愛，出面買都要十幾蚊一塊，所以好少茶餐廳會食到。奶茶茶味好濃，奶好滑，無苦澀味。

沙爹牛47蚊，等同有两个餐了，大件，菠萝牛大大件，流心芝士都okey.第一次来金鱼街沙爹牛47蚊，流心芝士有惊奇，牛油，又甜又厨，加多一杯奶，共30元，都几特别值得一试

大眾化價錢，用料頗上盛，而他的焗豬扒飯，肉汁美味，上面再有一層芝士，又唔會太利，啲茄汁又唔會好酸，我真係好鍾意食，啲午餐價錢不會太貴，都有三、四款材料都很好，杯特濃巧克力，好正，還有個波羅包都好鬆軟又好味，到旺角必食之選

好耐之前食過荃灣嘅紅茶冰室，今日係太子行街經過見到先知原來太子呢邊都開左間。夜晚見唔洗等位，就決定入去食喇。餐廳環境間格同食物基本上都同荃灣一樣，都幾光猛幾乾淨。食物我地就叫左個星州炒米用金寶湯豬排通粉常餐，星州炒米正正常常，都係大路嘢啦。至於個常餐，俾佢金寶湯三個字吸引左😂，期望會特別啦，點知原來同平時係大x樂或者其他茶記食到嘅係無分別嘅😓。另外個多士煎蛋，其實餐牌上係寫炒蛋的，落單時我亦無要轉煎蛋，點知黎到嘅時候變左做煎蛋，不過見啲侍應都好似好忙，所以就無叫佢換喇，我相信炒蛋會好食啲。

想食個靚Tea，又唔知食咩野好？但如果你係芝士控就一定要試下呢個「流心芝士西多士$26」，金黃的西多，一切開芝士即刻流心般，加上牛油糖漿伴食，超滿足，但不會太膩。「凍檸蜜$20」唔會太甜，味道好夠。「凍奶茶$20」茶味香濃奶滑。