紅茶冰室

營業中

休息中

身為打工仔，講到食晏，我都係以茶記走唔甩，公司附近都有唔少選擇，但有啲就比較逼狹、撈搞啲，所以少幫襯。而紅茶算係當中比較新派、乾淨企理啲嘅，所以我地經常都會去嘅。紅茶嘅價格都屬於中上，但中午時間去都依然非常多人，所以要搭枱係基本，例行公事。唔好話坐得好舒服，有時三個都係逼埋去卡位坐，我地幾個身型肥大啲，有時都坐得逼逼地架午餐通常都有三款，$49左右，凍飲加三蚊。例湯都分紅、白、中湯，按個人喜好選擇囉，都冇乜特別。今日午餐我就點左芝士黑椒焗牛肉飯，因為呢度嘅焗飯呢都幾出色架，即焗，大概等七、八分鐘就上枱，熱辣辣，燙口架，而且味道唔差面頭鋪滿芝士同醬汁，烤到面頭燶燶地，幾香口。芝士味唔會太濃，所以食落都唔膩。加上醬汁夠多，一路食到尾都有，唔洗乾啃白飯，飯量足夠，男士都夠食。而且飯仲好似加左蛋炒過咁，幾好食呢！牛肉有七至八小件，都好腍身冇渣呢個價錢合格有餘喔。