紅茶冰室

營業中

休息中

行開金魚街又想食個TEA, 一見到門口西多士張相, 即刻吸引我入去。佢個西多士最吸引就個芝士流心~~西多士外層炸得金黃色，有大件牛油、煉奶同糖漿,入面梗係唔少得流心芝士呢~芝士味道都唔錯，同平時超市買個種差唔多味, 整體味道又甜又鹹，我自己就覺得唔錯啦, 幾特別~不過一要襯熱食,芝士凍就變得好膩。

今日無意中發現這裡開了一間新的冰室，見餐牌都好多選擇，價錢都係咁上下就試試啦。是日午餐有三款，我點了A餐：照燒雞扒，可配飯／意粉／薯菜，我選了意粉，跟甘芛腿茸忌廉湯，熱檸水。甘芛腿茸忌廉湯 － 味道唔錯，湯是熱的，入面都好足料有好多粒粟米，甘芛粒，腿茸～如果有個小餐包跟埋就好啦！照燒雞扒配意粉－ 這個一放上枱面就連同枱的食客也忍唔住話“好似好好味”，哈哈，賣相確實不錯，用一隻橫橫的碟載住，我都有點驚喜這間茶餐廳的出品有西餐廳的賣相喔！雞扒都好大塊，煎得相當漂亮，聞到好香，雞肉尚算嫩滑不過就見到肉質有點粉紅色，我估計是雞肉雪得耐的緣故。而且食多一兩啖就覺得照燒汁太鹹了，要把雞肉在意粉上碌一碌才放入口食就冇咁鹹意粉上面放了一點茄茸，意粉質地煙un，加了茄茸令意粉味道冇咁單調，都不錯呀。

朋友話佢附近開左間新冰室，想去試下，就陪下佢一探新餐廳。我地到個時都12點幾，無左早餐，但愛吃沙嗲牛肉麵嘅我，貴d就貴d，叫左同早餐一樣，但貴15蚊，45蚊嘅一個餐，當中包一杯熱飲、火腿奄列同牛油多士。而朋友就叫左另一個有豬扒通粉嘅常餐。朋友個個，我無試過個粉同豬扒未知味道如何。但我眼見佢跟餐個個北海道牛奶炒蛋，蛋白蛋黃無打混，落左牛奶去煎都可以煎到一塊塊，的確係第一次見咁嘅牛奶炒蛋，而且食落去好老，一絲都無滑嘅感覺。當刻，頓覺大家樂嘅炒蛋都已經好美好。至於我個set，火腿奄列純粹將蛋煎熟再加火腿絲再將熟蛋一邊返轉摺埋，當場下了一聲。牛油多士，牛油味不算濃，但已經烘燶了面，唯一可取嘅係麵包本身入面係幾好咬。最後今個牛肉麵，沙嗲味ok，但d公仔麵係硬嫁.....我真係覺得，點解45蚊會咁樣樣。奶茶黎講亦無話好出色，有少許gip，但既然食物質素都平平，都無對奶茶有咩期望。總括而言，返食指數: 1粒星，大概我不會再食佢....喊.....

男朋友同我都好鍾意食常餐，今次係旺角發現呢間新開紅茶冰室，試下水準先！星期六2點鐘，門口都有少少人等位，但2人就即刻入得，搭枱食！餐廳好多伙計，唔驚無人應你，雖然講野大聲，但服務好！我地分別叫左常餐同特餐，試曬兩款嘛特餐:火腿奄列 牛油多士 沙嗲牛麵 凍奶茶牛油多士超香，因為落左好多牛油，烘到表面脆左，蛋奄列無煮到過火，内裏仲有少少蛋漿，所以仲係滑！我好奄尖，唔係間間沙嗲牛肉我都食，但呢間d牛肉好味！入晒沙嗲味，肉又林，公仔麵軟硬度剛好，帶少少煙韌，啱晒我心意！可惜，凍奶茶唔得，又無奶味又無茶味，只得甜味！常餐:金寶湯豬排通粉 牛油多士 炒滑蛋 熱奶茶金寶湯即是忌廉湯，雖然開稀了，但仲有忌廉湯味，剛剛好，配通粉就啱曬！豬扒整塊上，看似好乾，但其實肉質好軟熟！這個滑蛋有少少過熟，但都仲滑既，再控制一下就好好！剛剛說凍奶茶唔好飲，但熱奶茶又無事喎，茶味濃少少，我鍾意！

幾鐘意呢間店既常餐，今日叫左既係King餐，有瑞士雞翼撈公仔面，炒蛋多士呢杯凍啡走奶，咖啡味濃，苦而不澀，非常醒神。炒蛋嫩滑有蛋汁，食完好滿足。主角瑞士雞翼撈公仔面出場，瑞士汁完全融入於雞翼入面，雞肉好嫩滑，但我覺得個公仔面太乾，俾多d瑞士汁會好食d