紅茶冰室

營業中

休息中

放假，係條街到揾邊到啱食嘅下午茶，醒起朋友話呢間嘢都幾好味，所以即管入去試下。下午茶都20至40蚊，確實唔平。不過試左，之後，又有驚喜喎。我先食個齋包先，煎得幾香脆，個芝蔴味好出。之後食薯皇，唔算油，好多時出面薯皇都出晒油，一係火唔夠熱就落薯皇，一係就返炸，今次呢個無。之後先食個炒蛋魚柳，好有早餐feel，個魚柳夠脆身。最後，食包加芝士魚柳，加生菜蕃茄，整體係夾嘅，加上整件事都仲脆身，你會覺得係新鮮同埋值呢個價嘅。飲返杯檸水中和下煎炸嘢嘅油膩感，完滿。