紅伶飯店

營業中

休息中

平時見好多人排隊道諗住試下 一開頭入到去見都唔平應該有質素看咁多人排隊，叫左3個餸 ， 豉椒炒蜆，蠔餅同乳鴿（廚師推介）,之後好快充黎左第一碟 豉椒炒蜆 粒粒都係沙 開頭仲以為自己唔好彩 點知真係無粒無沙 大佬點食，間直浪費食物 無心機煮唔好寫上餐牌啦。不過一間餐廳咁多人排隊應該都有佢好食既野，咁放長雙眼睇睇佢咩料，第2道菜係瘦到既乳鴿～完。最後蠔餅都大份 正正常常。興幸自己無再加送，食左45mins都無就散水。環境唔得正常都食物ok，咩都唔ok仲可以咁多人排隊比讚，真係做好少少會死咩，3送飯都本得有心機過你間餐廳，本人平時都好少寫食評，希望唔好再有人中服，附近好多選擇～

這份鮮魷片很新鮮，魷魚質地鮮嫩，口感彈牙。點上芥末豉油帶來豐富的口感和風味。接下來是滷水鵝片。這道滷水鵝片切得薄而鮮嫩，入口即化。鵝肉滷得入味，外酥內嫩，肉質鮮美。滷汁的香味與鵝肉完美結合，帶來豐富的口感和濃郁的滷味。滷水拼盤是一道將多種滷水食材組合在一起的拼盤。這份拼盤包括了紅腸、墨魚、鵝腸等多種滷水食材。每一種食材都被滷得入味，口感豐富。這份滷水拼盤提供了多種滷水食材的選擇，滿足了不同口味的需求。最後是椒鹽九肚魚。這道九肚魚滷得酥脆，外層包裹著椒鹽的香氣。九肚魚肉質鮮嫩，搭配椒鹽的調味，帶來了獨特的口感和風味。它是一道鮮美的小吃，非常適合作為陪伴飯菜的副菜。總的來說，這份滷水食物包括鮮魷魚、滷水鵝片、滷水拼盤和椒鹽九肚魚。每一道菜都滷得入味，味道鮮美。無論是單點還是一起品嚐，這些滷水食物都是非常值得推薦的。

宵夜好去處有日同男朋友好夜先見面，深夜10點想搵個地方食飯，去商場都關門啦😂 好彩附近有間潮洲打冷仲開親🥹試完又幾驚喜- 鹵水拼盤有鵝片、紅腸、鵝腸、鹵水蛋、魷魚真係搵唔到地方食飯，本以為會中伏，味道竟然幾驚喜！嘢滷水好入味～- 蝦乾小炒王係我個人好鍾意食嘅一道菜，腰果同蝦乾炒得好香，男朋友唔太鍾意食菜，我一個人包晒啦🙈😂味道：🌟🌟🌟🌟環境：🌟🌟🌟服務：🌟🌟🌟性價比：🌟🌟🌟🌟

好耐都無食打冷啦，一定要有啤酒！兩個人，唔點主食，4餸1啤，好飽！。🦑『滷水什錦』 $139普通滷水什錦係跟辣椒油，但係我自己覺得點白醋好味啲！🦪『馳名煎蠔餅』 $86有兩件，隔籬枱見到即刻嗌；入邊啲號都幾大粒！🐟『椒鹽九肚魚』 $109🥬『蒜蓉炒時菜(芥蘭)』$89🍺『朝日啤酒Asahi』 $33。📍 紅伶飯店 (油麻地)油麻地砵蘭街10-16號宜發大廈地下D及E號舖。大食時間：Aug 2023好味指數：🌕🌕🌕🌕🌑回味指數：🌕🌕🌕🌕🌑

29/7/2023Birthday dinner continues 晚上去油麻地 紅伶 食潮州菜叫咗：鹵水鵝片：份量多，鹵水鹵得入味，啖啖肉 (所以我鍾意食鵝片多過鵝件）冰鎮墨魚：呢個超好食，墨魚勁爽口，唔點嘢都覺得有墨魚本身嘅鮮味。豉椒炒蜆：炒得夠火喉，分量多椒鹽鮮魷：夠香口，呢個都係必點煎蠔餅：一上枱有啲嚇親，有成兩大塊，新鮮熱辣炸起。感覺上蠔仔飽滿，炸粉薄，唔會食到成口粉，唔會好油膩，食幾多都得。蠔仔粥：呢個反而失望咗少少，蠔仔好少，味道一般。豉油王炒麵：炒得夠乾身，好味馬拉盞通菜：好吃滿足😋預咗坐得唔太舒服，因為都係坐摺凳，不過呢啲就係大排檔風味。

本身係打算去油麻地食第二間餐廳 點知間餐廳星期一原來唔開🫠於是諗起紅伶飯店之前食過一次 覺得不過不失所以諗住再幫襯去到竟然唔洗等位 但人流keep住出出入入因為我地得兩個人 所以只係叫左三樣野鵝片 💰149有豆腐墊底滷水味係唔錯 可惜鵝肉超肥 肥到食完一件後要切走啲肥膏先食到 (本人唔係懶係健康嘅人 但都食唔到)蠔仔肉碎粥 💰79食到最後先到嘅野店員話得一個煲 所以要等蠔仔都幾大粒 最好食係依樣椒鹽鮮魷💰119炸粉有小小多 鮮魷偏細對唔起依個價錢 今次係第二次食 應該唔會有第三次😹😹

- ¨̮♡︎ My cousin's girlfriend is visiting HK for the first time so we decided to bring her to a local authentic dai pai dong for dinner. Knew that this place is famous for its chiu chow cuisine and has over 50 years history, we quickly reserved a table. It was a thursday night and we arrived at 1900, restaurant was already packed with diners. There're 2 storey and we were assigned to a table upstairs. Be careful when you walk cuz the floor is very sticky and slippery!Staff here are quick and effic

19:30都未夠，已經冇晒鵝片🥲要加錢食上庄切片…因為價錢out of expectation所以我哋轉咗叫<<滷水豬腩肉>>($120)諗住食打冷嘢~~一定要叫滷水🙃可惜…佢啲豬腩肉…肥得過份…我一啖都冇試到，淨係食咗豆腐~都幾入味👏🏻講起豆腐，我同好多人一樣，都鍾意食<<黃金豆腐>>($89)貪佢細細粒~外脆內軟滑捋捋!但呢碟真係大失望呀😑我頂籠食兩嚿就棄喇!覺得佢又唔脆皮，入面又唔滑，嘥晒我d quota😪好彩潮州打冷另外兩樣必食items都介乎「唔錯」至「出色」٩(˃̶͈̀௰˂̶͈́)و.出色嘅<<韮菜豬紅>>($80)真係令我食完呢餐都回味咗幾日💯有圖有真相😌睇啲汁嘅色水都知佢有幾濃😳(帶微辣)豬紅冇渣而且超入味!口感好似鴨血~煙韌嘅外皮嚼感過癮🤤.韮菜亦都煮得合時，唔會過老！不過估唔到韮菜份量咁少🤔通常墊底貨好多𠺢嘛😌🤭🤭<<蠔仔肉碎粥>>有分三個size~~中size可以分到5-6碗左右，適合4-6人食🙂蠔仔好大粒! $79 嚟講都抵食😋如果可以俾啲匙羹我哋

味道一般般，豬紅入味，但是有點鹹，避風塘有點油，同埋都鹹，鹵水夠火候，但是有點淋，菜式份量大！服務到位，侍應經常會周圍睇下有無嘢需要，客流以上班一族的人較多！環境陳舊，有點廟街室內的感覺！

夜麻麻，自疫情後，普遍餐廳都早咗閂門，少咗好多宵夜好地方🥲 呢晚決定出油尖旺，應該會熱鬧D😬 果然，係OpenRice搵到間老字號潮州菜紅伶，原來好出名的，朋友話原來想食好耐🥶 招牌煎蠔餅大推！！🔥🔥🔥 真係煎得好香口，但是鬆脆的，而不是煎到硬！怕熱氣的我都忍唔住食咗一大舊😋 韭菜豬紅調味啱啱好，唔會過咸👍🏻 大大碗勁多豬紅🤤椒鹽脆皮豆腐望落個樣好似冇乜特別？只係細細粒嘅豆腐仔？入口好有驚喜呀😍😍😍 又係個皮整得好脆，但裡面豆腐仲好有水份，好滑，咬落熱㷫㷫🤤 我哋4個都畀讚👍🏻蠔仔碎肉粥只係叫咗個細碗，好足料好多蠔仔🥶 食到大家好飽～

被家人塗毒咗一段日子，搞到成日都好想食潮州菜，咁啱女漢子call 飯局，友人推介食紅伶﹗用餐當日6:30到，冇人排隊，不過眼見佢有位俾人排，應該平時有機會要排隊輪候。紅伶喺廟街已經有一段日子，屬於老牌打冷鋪，環境都比較老舊，今次我哋被安排坐喺應該露台改嘅位，比較窄，不過勝在冇咁嘈。店員嘅服務都很好，會行嚟問你啱唔啱食，推介吓食物。⭐️潮州靚鵝片 $149 - 略嫌滷水味唔太夠，不過肉質不錯﹗滷水豆腐有驚喜﹗店員推介用自家辣油配醋，更惹味﹗⭐️滷水什錦 $139 - 主力想食鵝腸、橙色墨魚片，沒令我失望﹗⭐️冰鎮芥辣墨魚 $109 - 墨魚不是重點，酸菜先係無敵好味﹗⭐️韮菜豬紅 $80 - 好好食，好耐無食過無渣嘅豬紅﹗⭐️馳名煎蠔餅 $86 - 太飽了﹗冇影相，食唔晒，不過好好食﹗⭐️蒜蓉炒蕃薯苗 $89 - Er....................炒菜冇嘢好comment!!

如果上次嚟食叫做普通，咁今次真係叫難食🙏🏻先唔講佢嘅價錢比較貴上次嚟叫炒蜆有成半無開殼都照上今次試下其他食物睇下係咪都係咁差滷水仍然普通，炒飯食了成肚鹽落肚😅係得炸物炸得唔錯，但都係overpricedp.s. 只能說口味人人不同，佢仍然每日都咁旺場𓂅 滷水什錦 ( ᴴᴷᴰ 139 )𓂅 黃金豆腐 ( ᴴᴷᴰ 89 )𓂅 椒鹽白飯魚 ( ᴴᴷᴰ 99 )𓂅 椒鹽雞軟骨 ( ᴴᴷᴰ 99 )𓂅 啫啫雞煲 ( ᴴᴷᴰ 109 )𓂅 瑤柱蛋白炒飯( ᴴᴷᴰ 109 )

#搞串個pantry大家知唔知咩係「打冷」呢🤔？其中一個講法係，「打冷」係潮州話🗣️，「打」係食、「冷」係人嘅意思，「打冷」即係食潮州嘢食嘅人🤯。而今次我哋就嚟一間傳統潮州打冷舖頭啦😍！！因為係宵夜關係，所以嗌嘅嘢食唔多🙁，有啲特色菜式都無叫到，有啲可惜。我哋只係嗌咗冰鎮芥辣墨魚片($109)🦑、蒜蓉蒸開邊蝦($159)🦐。冰鎮芥辣墨魚片成碟嘅份量唔算太多，適合2至3個人，墨魚片下面有酸菜🌱，另外跟咗一碟芥辣同豉油。墨魚片食落口都好爽脆🤤，唔會好韌，點埋芥辣豉油之後，非常惹味👏🏻！而個蝦都好大碟，每隻蝦上面都有適量嘅蒜蓉，而蝦🦐下面亦舖咗少少粉絲。食落口，蝦肉尚算彈牙，唔會好霉。而蒜蓉加豉油嘅味道令蝦嘅味道又再提升🤩。下次再嚟嘅話😚，一定試埋佢哋嘅蠔仔粥、白灼螄蚶🐚！！

同朋友講起想食潮州菜，被介紹去到油麻地紅伶飯店。去到一睇就知係實力派。傳統嘅裝修，實而不華，帶有少少舊式香港餐廳嘅風格。舖頭有地下同樓上，而我地今次就坐樓上。樓上地方其實都算大，基本上大部分食客都坐樓上。 除左食潮州菜出名嘅滷水同反沙芋之外。紅伶飯店亦有一般大牌檔嘅小炒，好有鑊氣。 避風塘茄子：常見但係唔常食，因為都唔易整得好食，好多時都好厚粉。今次呢個就唔錯喇。 黃金雞軟骨：黃金系列嘅食物最怕就係出曬水濕濕地，今次呢個黃金雞軟骨就夠曬乾身。

老式，有冷氣聽講個滷水鵝咁出名就即刻嗌，仲特登嗌個貴d嘅潮州靚鵝片，個staff重話快d嗌，好快冇，講到好好食，令我滿心期待。但係上到黎，好似切到好求其，食落去，唔係好滑，有少少失望。生炒骨，d骨偏細，層炸粉有d硬。黃金魷魚，層炸粉幾薄，咸蛋味好濃，由於厚薄程度適中，但有少少油。蠔仔粥d蠔幾大隻，份量多，唔可以用甜黎形容，同有幾粒蠔殼碎。冰鎮芥辣墨魚片，其實冇驚喜，即係墨魚片配Wasabi，但係呢一條碟係食刀功，我之前 切過墨魚片，我冇刀功，所以係好難切到咁薄