紅伶飯店

想嚟紅伶飯店朝聖好耐，成日都排長龍，今次終於提前訂咗檯，未夠6點已經人山人海，環境係好地道嘅打冷舖，好有feel，服務仲好有人情味。滷水鵝 $139個人比較鍾意連骨食嘅鵝肉，好似比鵝片啖啖肉更加香，肉質唔會乾柴，滷水鹹香夠味。底層墊咗好多豆腐同咸酸菜，吸晒滷水汁精華，豆腐軟滑，酸菜解膩，配埋鵝肉一齊食好夾。冰鎮芥辣墨魚片 $119一上檯已經好開心🤩墨魚片份量好多，仲有墨魚鬚，冰鎮過好爽口，蘸少少芥辣，鮮味十足，好清涼好爽甜。煎蠔餅 $89份量好大，蠔仔夠新鮮，餅身煎得金黃香脆，裡面軟糯，粉漿唔多，蠔味夠濃，蘸魚露食好正。椒鹽九肚魚 $119外皮炸得好脆，條條都好肥美，最鍾意佢原條炸，唔會一開二變薄晒影響口感，皮脆肉嫩，椒鹽味調得剛剛好，唔會太咸，骨都好脆，可以直接食。蠔仔肉碎粥 (小) $42小嘅size都夠一人兩大碗，蠔仔同肉碎分量唔少，仲有方魚，鮮味夠，熱辣辣食落肚好暖胃。 下次要帶埋屋企人嚟試多啲餸！評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺紅伶飯店油麻地砵蘭街10-16號宜發大廈地下D及E號舖📍油麻地港鐵站C出口1分鐘路程#healingbobo #foodie #hkfoodie #foodiehk #香港 #美食 #YauMaTei #油麻地 #打冷 #潮州菜 #紅伶飯店…查看更多

好喜歡潮洲打冷，今次去左一間老字號，位置十分方便，靠近廟街。店內真的富有香港情懷，可以真的感受香港風情。我們叫了幾到特色餸菜，富有潮州和港式味道。滷水什錦這道滷水什錦雲集了餐廳出品的滷水食品，食材新鮮，有新鮮大墨魚、腎片、鵝腸、紅腸、豬頭肉、豬大腸、豆卜、大豆芽韭菜等，在香氣四溢的滷水中煮至入味。滷水帶有淡淡的甜香，吃下去的每一口都帶著濃郁的醬香，可以一次過品嘗不同食材，滿足嘴饞的食客們。特別炮製的醋辣醬亦增添了這道餸菜的鮮味馳名煎蠔餅煎蠔餅真的讓人食指大動，兩大片的蠔餅很吸引。外脆內軟的完美口感令人難以抗拒。蠔肉鮮嫩多汁，搭配魚露，增添了多層次的風味。豉椒炒蜆豉椒炒蜆的鑊氣十足，蜆的鮮味與豉椒的辛辣完美融合。蜆肉鮮甜彈牙，搭配豉椒的香氣，讓人一口接一口。西蘭花炒斑球西蘭花的清爽與斑球的軟滑搭配得恰到好處，再加上簡單的調味，突顯了食材的新鮮度。斑球已去骨，吃下去啖啖肉， 鮮味和鑊氣十足。…查看更多

好多時食潮州打冷都會諗起紅伶飯店，佢地開業左超過50年，之前喺佐敦，短暫結業之後喺今年5月喺油麻地開翻，打冷、滷水既味道無變，一樣咁有風味，同三五知己嚟肉翻兩杯🍻幾好👍🏻(5 😍 係滿分，🤩係半分）潮州靚鵝片 🦢 - $159 (好味指數：😍😍😍😍)嚟打冷又點可以唔食鵝🦢呢😌 滷汁係由多種香料熬製，包括花椒、八角、甘草、陳皮等等，可以去除鵝肉🦢既羶味，有鹹香之餘香醇誘人，味道甘甜～ 鵝片🦢既份量幾多，味道鮮香，軟嫩多汁，而且唔會油膩～ 下面仲有香脆既花生🥜同埋清新軟嫩既豆腐⬜️，全部都索左滷汁既味道👍🏻馳名煎蠔餅 🔥🦪🫓 - $89 (好味指數：😍😍😍😍🤩)煎到金黃酥脆有焦香，唔會好厚同多粉，所以相對上無咁heavy～有好多新鮮肥美既蠔仔🦪，味道鮮甜軟嫩～ 同時帶有鹹香、蛋香🥚同埋番薯粉既煙韌，仲可以點埋潮州魚露食去提鮮👍🏻黃金大蝦球 🔥🟡🍤 - $139 (好味指數：😍😍😍😍)用左鹹蛋黃🟡去炒，有濃郁風味、有鹹香同奶油香味，仲有啲起沙 如果可以落多啲就好啦～ 個蝦球🍤表皮既炸皮唔會好厚幾香脆，爽口彈牙幾鮮味，份量亦都幾多～欖菜肉鬆四季豆 🥬🐷🫛 - $109 (好味指數：😍😍😍😍)炒得幾有穫氣，惹味香口，欖菜🥬有獨特既鹹香，肉鬆🐷有油香同香口，而四季豆🫛清甜爽口，夠嫩唔會有渣，用黎撈飯🍚幾正🤤好味指數：😍😍😍😍推介指數：😍😍😍😍…查看更多

話說早排想食潮州菜就嚟咗油麻地呢間打冷店已經俾我mark咗好耐 終於有機會一試!!🔸潮州滷水鵝話明打冷點可以冇滷水鵝嘅出現有分鵝片或者有骨嘅滷水鵝 一上枱已經覺得啲色水好靚 係有光澤嘅滷水鵝滷水汁好出色 完全食到花椒八角等香料味而且唔會太咸搶咗鵝肉香味 鵝肉亦唔會鞋口帶有少少煙韌嘅質感墊底嘅豆腐雖然看似平平無奇 但好滑溜而且每一件都係厚切🔹椒鹽鮮魷每件鮮魷炸至金黃色 粉漿超薄而且香脆 即使係炸物都唔會有過多嘅油膩感每件配上海量炸蒜非常惹味可口點埋喼汁 微微嘅酸味又係另一番風味🔸XO醬小炒王呢碟可能係我人生食過最足料嘅小炒王蝦乾 魷魚 帶子 炸白飯魚 腰果 菜莆…坊間嘅都係韭菜花佔多 呢度反而係配料有海鮮嘅加持令小炒王多咗份鮮味非常適合用嚟做佐酒小菜🔹蠔仔粥蠔仔粥有小 中 大 三個size中size大概分到5-6碗新鮮飽滿嘅蠔仔同魷魚令湯底多咗份鮮味配上大量蔥同芫荽 超有風味！🚩紅伶飯店 油麻地砵蘭街10-16號宜發大廈地下D及E號舖…查看更多

放假同家人出街食飯，揀咗响油麻地嘅紅伶飯店。佢嘅店面唔係好光鮮亮麗，因為我知道佢係主打刺激食客嘅味蕾。我冇講得誇張，的而且確佢嘅潮州菜式，係我食過最好嘅，比起我早前提及過另一間潮州打冷更好。我地6大1細，竟然叫咗13道菜式，仲要碟碟清，可想而知有幾咁好食。韮菜豬紅 HK$82一個好耐冇食過嘅菜式，佢做到我要嘅傳統味道，無須添加任可嘢。椒鹽雞軟骨 HK$99未食過咁大粒嘅雞軟骨，仲要粒粒都好爽脆，粉唔厚，亦唔會太咸，送啤酒一流。冰震芥辣墨魚片 HK$119我一响麻麻地墨魚，估唔到佢又可以做到咁爽脆，忍唔住口又想嚟多塊。生醃螄蚶 HK$109呢個味道好豐富，我好欣賞佢呢種醃法，有好香嘅莞茜味混响一齊，比起我食過嘅同類螄蚶更好食。潮州靚鵝片 HK$159呢個稍為有啲失望，味道係好好，但可惜係鵝片比較「鞋」。潮州春菜煲 HK$88呢道菜大家都係抱住唔知係乜嘅心態都點，但真心，好好食，我講唔到點好食法，有種好熟識嘅味道，但又唔知邊道食過，呢個我覺得係必點。XO醬小炒王 HK$119其實我唔鍾意食小炒王，因為曾經响其他地方食過有陰影。今次係再試下，佢呢度嘅小炒王會唔會有唔同。上菜我諗，都係果啲嘢，但食入口，有一種爆發力，夠穫氣，香氣夠，材料足，家人都話，未食過一間小炒王係好食，呢個包括本人，今次真正第一次值得讚嘅小炒王。白灼鵝腸 HK$119連線兩日食鵝腸，加上過住嘅經驗，佢未係好出色，但係正常要做到嘅級數。黃金大蝦球 HK$139呢個係冇得彈嘅菜式，面果層已經夠脆，加埋蝦仁嘅爽脆，完全係衝擊味蕾，呢個都係我覺得必食嘅菜式。椒鹽鱔球 HK$169冇諗過鱔用椒鹽炸出嚟都可以咁好食，一嚟佢冇過咸，二嚟佢個鱔係可以保持爽脆，呢個真係冇得頂。椒鹽九肚魚 HK$119外皮好鬆脆同個粉好薄，加上個魚肉好滑，以我咁唔鍾意食魚嘅人都覺得正，就知道呢個又係必點。馳名煎蠔餅 HK$89一向我食煎蠔餅係會將面層嘅炸粉拆出嚟，淨係食蠔。但紅伶嘅蠔餅，竟然連個外皮脆脆都好好味，就好似食薯片咁，連埋蠔餅一齊食，又係另一種境界。以我食過嘅蠔餅，佢係No. 1。紅燒乳鴿 HK$59最後嘅紅燒乳鴿我冇食到，我對鴿興趣不大。但望落都唔錯咁，有少少後悔點解唔試下。點咗13款菜式，椒鹽雞軟骨、冰震芥辣墨魚片、潮州春菜煲、XO醬小炒王、黃金大蝦球係必點，而且價錢合理，所以6點幾開始已經坐無虛席，真係好誇張。…查看更多

油麻地紅伶飯店食潮州嘢，餐廳非常就腳，雖然無華麗嘅裝修，但食物質素非常高，充滿香港嘅懷舊情懷😘我叫左:⭐️滷水鵝腸（$130）⭐️冰震芥辣墨魚片：呢個必食，墨魚片超級爽脆，我見到好多檯都有嗌呢一個（$119）⭐️韭菜豬紅（$82）⭐️椒鹽九肚魚：媽咪非常讚賞，佢炸得非常香脆，炸漿唔厚（$119）⭐️石鍋馬拉盞通菜（$119）⭐️豉油王炒麵：唔好以為豉油王炒麵易整，自己煮真係煮唔到出面餐廳嗰陣鑊氣味，佢炒到勁香勁乾身，好味（$86）兩個人叫咁多嘢食，結果梗係打包返屋企再慢慢食啦🤣我哋晚餐5點到，但係已經坐咗幾檯客，證明無介紹錯啦🤩📍紅伶飯店 (油麻地)油麻地砵蘭街10-16號宜發大廈地下D及E號舖…查看更多

紅伶飯店紅伶飯店｜油麻地老字號潮州打冷 ｜滷水鵝＋芥辣墨魚＋蠔餅＋牛仔粒人氣潮州菜館｜地道風味＋份量足｜晚市堂食推薦睇過報導，紅伶係油麻地區相當有名潮州打冷老字號, 由家族經營多年.子承父業後從舊舖搬到現址, 擴展成兩層樓更大空間, 也更適合家庭聚餐或晚市打冷馳名滷水鵝 $139 滷水味香濃不死鹹, 鵝肉厚身有油香, 皮滑肉嫩, 滷得入味, 是紅伶的必點菜式之一冰震芥辣墨魚 $119 店員推薦, 墨魚爽彈, 冰鎮後口感更清爽, 芥辣刺激感剛剛好但夠醒胃, 不嗆喉, 作為前菜開胃馳名煎蠔餅 $89外層煎得香脆, 蠔量不算少幾大粒而且唔腥, 油份控制得好不會太膩, 是潮州菜裡經典 comfort food蜜椒薯仔牛仔粒 $139 牛仔粒大粒有咬口, 炒得有鑊氣, 外層微焦香, 蜜椒醬汁包住牛肉與薯仔味道濃郁但不會太 heavy. 薯仔粉, 吸汁後特別好吃, 是不少食客推介的熱門熱炒。📍 紅伶飯店 Hung Ling Restaurant 油麻地彌敦道530號永僑大廈地舖 @hunglingrestaurant …查看更多

係油麻地做完運動好餓，就同朋友去對面街，唔洗1分鐘就到食潮州菜，好彩我哋早少少嚟6:30開始就多人，呢間紅伶飯店好耐以前食過，估唔到依舊好多人嚟食。冰震芥辣墨魚冰鎮住上，點少少Wasabi豉油，入口爽脆到嗦嗦聲，芥辣嗆勁拿捏得幾好，唔會攻鼻到流眼水，反而帶出墨魚鮮甜。跟住係XO醬小炒王，一上枱比佢個份量嚇親好大碟，聞到濃郁蝦醬香好有鑊氣，魷魚、蝦乾、腰果、韭菜花炒得乾身，送飯或者就咁食都唔會過濃。避風塘茄子係我全晚最鍾意食！外皮炸得酥脆，咬落去茄肉依然軟嫩多汁。炸蒜、豆豉、辣椒炒得金黃焦香，辣度溫和，蒜粒炸到脆口好似零食咁，食落好惹味。黃金大蝦球賣相吸引，大蝦佈滿鹹蛋黃醬，蝦肉爽口彈牙，鹹蛋黃炒到起沙，食落鹹香，口感好更豐富。最後道滷水什錦有齊大腸、腎片、豬耳、紅腸等等。滷汁味道醇厚，帶淡淡藥材香，唔係得死鹹，大腸處理得乾淨無異味，炆得夠淋，豬耳肉質好淋，索滿滷汁好入味。不過紅腸就普通啲，如果可以換成鵝片或者墨魚就更正。…查看更多

呢間餐廳環境好坐，開業多年老字號，我地叫左一碟沙拉炸蝦球，呢碟蝦球好好食，即叫即炸，而且外脆內軟，入面既蝦肉好爽口同彈牙。新鮮即炸蠔餅，蠔餅好大塊都好香脆，蠔肉都幾多，食落脆卜卜口感。芥末冰鎮墨魚片係呢度必食推介，呢度既墨魚片好爽口，切好一片片再加芥末少少辣但幾過癮既口感。滷水鵝件上碟大碟，滷水鵝脾位啖啖肉，食落肉質嫩滑滷水鵝入味下面仲有滷水豆腐。紅伶飯店 - 油麻地地址 : 油麻地砵蘭街10-16號宜發大廈地下D及E號舖…查看更多

首先叫咗個蠔仔肉碎粥，個粥底好綿，蠔仔同肉碎都落得足料，每啖都食到鮮味，暖胃又舒服。😌跟住嚟咗碟椒鹽九肚魚，一上枱嘩一聲，好大份呀！ 😱 碟魚炸到金黃香脆，咬落去外皮脆卜卜，裡面啲魚肉滑到不得了，椒鹽味啱啱好，送酒送飯都一流。👍仲有隻紅燒乳鴿，皮脆肉嫩，斬開小小肉汁流出嚟，好入味，用手撕住食特別過癮。😋最後嗰碟西蘭花炒腰果蝦仁真係要大大聲讚👍，碟頭好大碟，目測起碼有十隻蝦仁，隻隻都好爽口、大隻，食落鮮甜彈牙。💯 腰果都落得唔孤寒，又多又脆口，成碟炒得夠鑊氣，清清地但又好足料。✨整體嚟講，呢間份量足、用料實在，價錢又合理…查看更多

帶朋友去佐油麻地這間老字號潮州飯店！全店有兩層,成日都爆場！外面經常有客排隊, 最好打電話訂枱呀！🥢冰鎮芥辣墨魚片店舖推介！冰鎮墨魚片口感爽彈配爽脆潮州鹹菜,, 點少少芥辣豉油一齊食,真係完美配合！親友超鍾意食佢嘅鹹酸菜！🥢潮州滷水鵝滷水鵝片厚薄適中,食落滑嫩帶滷水香,點上自家調配既醋辣椒油更滋味！底下豆腐吸收滷水精華好好味！🥢椒鹽鮮魷脆漿超薄,炸至金黃香脆入面煙韌,椒鹽味又好香,而且唔會油膩~很快就K.O.晒😋🥢蠔餅上枱賣相幾靚,兩大塊蠔餅炸到邊位好脆口！蠔肉大大粒飽滿,,點埋魚露味道更惹味😘…查看更多

紅伶飯店在油麻地屹立多年，口碑一向很好，差不多晚晚都坐滿客人，今日一試，果然名不虛傳。🥢潮州靚鹵水鵝片 $159招牌菜潮州鵝片真係一絕，鵝肉片得薄薄地但又唔會散開，入口嫩滑又帶點煙韌，鵝皮香而不膩，每啖肉都滲出鹹香的滷水味，唔使點醬已經好夠味，看出師傅功力深厚。🥢蠔仔肉碎粥(中) $82蠔仔肉碎粥係暖心之選，粥底煲到綿物軟滑，每啖都食到蠔仔嘅海洋鮮味，蠔仔超大粒，很有口感，粥嘅溫度啱啱好，入口順滑。🥢豉汁蒸白鱔 $169白鱔非常新鮮，用豆豉蒸就最惹味。🥢欖菜肉鬆四季豆 $109清甜爽口的四季豆和欖菜絕對是最佳配搭。…查看更多

今日，我同家人一齊去油麻地紅伶飯店吃晚飯，叫左幾款潮州招牌菜，總體感覺好正。滷水什錦 $139牛肚、雞腎、紅腸等拼得滿盤都是，滷汁入味不鹹，牛肚軟中帶咬勁，最適合配冰凍的可樂，將味道升華，好吸引。冰震芥辣墨魚片 $119墨魚片彈牙爽口，冰鎮後更加鮮甜，點左芥辣醬油，微微嗆辣好開胃，真是好好味，好鮮味。韮菜豬紅 $82豬紅嫩滑到好似豆腐，韮菜新鮮爽脆，湯汁帶淡淡胡椒香，非常暖胃。蠔仔肉碎粥（小） $42有好多大大隻蠔仔，隻隻飽滿無腥味，肉碎增添口感，粥底綿軟鮮甜，真是好食。蒜蓉炒時菜 $89白菜翠綠油亮，蒜香撲鼻，鑊氣好足。紅伶飯店保留住港式小店風味，價格親民，加上熱情的侍應，好有人情味。…查看更多

首先，地方非常嘈吵，基本上講嘢都未必聽到。好多人講嘢好大聲，仲嘈過大牌檔，搞唔掂第二，環境好迫，我覺得唔好坐，d人行黎行去，我覺得酒樓好坐過佢10萬倍，但價錢反而酒樓仲抵食。第三，價錢略貴，完全不值，一碗仔蠔仔粥48蚊，細細碗，一碟拼盤舊幾水，不過唔大碟，我覺得太貴囉。味道係可以既，唔差，鹵水都好食，有鮮味，不過其實打冷都係呢啲味道，唔會好有分別。其實間間差唔多，但如果整體價錢地方服務黎講，無下次…查看更多

去左油麻地的紅伶飯店，叫左黃金蝦球與潮洲鵝片～黃金蝦球，經過精心處理後裹上鹹蛋黃混合的麵衣，炸至金黃色，外層酥脆，內裡卻保留著蝦的鮮嫩。咬開蝦球，瞬間釋放出濃郁的鹹蛋黃香氣，伴隨著蝦肉的鮮味，讓人不禁垂涎欲滴。鹹蛋黃的香味與蝦的甜美完美融合，口感層次分明，餸白飯一流！去潮洲鋪頭又點可以唔食潮洲鵝片。紅伶的潮洲鵝片使用優質的鵝肉，切成薄片，配以特製的滷水，讓人看了就忍不住想品嘗。每片鵝肉均勻入味，滷水在鵝肉上面鋪排，，鵝肉的嫩滑與滷水好夾！…查看更多