紅伶飯店

營業中

休息中

第一次嚟呢間位於油麻地嘅潮州打冷。喺油麻地地鐵站C出口附近。今次試咗好多菜式。大部份都好好味👍。椒鹽九肚魚、炸生蠔、煎蠔餅，全部都好香口好好味。滷水鵝、小炒王都好好味😋同一大班朋友，去食潮州打冷，就最好不過。可以叫好多野食。又可以飲下啤酒傾吓偈。甜品我哋叫咗焦糖反沙芋。反沙芋我就食得多，但係呢一隻焦糖反沙芋我就真係第一次試。好特別！同平時食嗰隻反沙芋一樣咁好味。我個人就好鍾意一大班人去打冷食飯。餸菜好味之餘，又夠經濟實惠。不過地方環境就唔會太舒服。